حاجة تجنن
الشيخ سعداوى الأخرس.. وهو صغير كان واد لمض قوى
ولماضته كانت جايباله الكافيه
قعد فى الجامع يتلامض مع الشيخ فوزى ..وهوب قام فاطط على المنبر وهاتك ياسب فى الحكومه..خلص الخطبة من هنا وسحبوه من قفاه على المركز
مبطلش برضه لماضه المأمور حوله على المديريه ..وبرضو مبطلش لمــا ضه ..قاموا بعتينه عدل على مصر مش يكتم ويسكت قعد يتلامض مع البهوات الكبار قالوا له أنت أتجوازت حدودك ياوله وعندنا علاجك
غاب كتير فى مصر قول بتاع سنتين ثلاثة..لقوه جنب الجامع ماطرح ماخدوه..ناس بتقول أن عربيه ميرى جابته فى نص الليل
وهو من ساعتها قاعد جنب الجامع وعايش على حسنات الناس الطيبين وقطع كلام خالص بيقولوا أنه أتخرس وناس بيقولوا أن ربنا هداه وبقى من الأولياء وماحدش عارف له حال بيأكل ويشرب وينام مكانه وفى يوم قام بالليل يصرخ وينادى
- قوموا ياناس ..قوموا يامغفلين ..قوموا ياخلق ..النهايه قربت ..النهايه قربت ..قوموا قبل ماييجى أللى ينيمكم تانى
وفضل على الحال ده ييجى أسبوع وفجأه أختفى لمدة يومين ورجع تانى بنفس العربيه الميرى فى نص الليل وسابوه فى نفس المكان رجع أخرس تانى ما بيتكلمش
ذقنه وشعروا طولوا لحد مطالوا صدره وشكله أتبدل وبقى عامل زى الدراويش
الناس فى بلدنا أستباركت بيه فبنوا له مندرة جنب الجامع مش عارفين مين أللى دفع فلوسها..غير أن عربيه ميرى تجيب المونه وتسيبها (رمل وأسمنت وخشب وكل شيئ لزوم المعمار) فتبرعوا الناس بالبناء لحد ما بقت بالشكل ده زى أضرحة أولياء الله الصالحين
لكن أيه يا وله كان سره باتع ..مفيش عيل من ولاد البلد يعيط ولا يزن ألا لما أمه تاخدوا على الشيخ سعداوى يحط أيده المبروكه على بق العيل ألا ويقطع زن وعياط غير بس دموع بتنزل من عينيه..أنتشرت شهرته فى البلاد حولينا وقى كل يوم تشوف طابور طوله بتاع كيلو وكل واحده شايله عيلها وهو بيصوت تخرج من عند الشيخ والواد قطع خنس ..مفيش ألا دموع بس
زادت شهرته أكتر وأكتر بقى يجى له ناس من جميع أنحاء البلاد
ومن خارج مصر وخصوصا من الدول العربيه
ويوم الجمعة من كل أسبوع تيجى العربيه الميرى وجايبه بهوات وأفنديه وعمم وستات وبنات صوتهم واصل للجو يخرجوا من عنده ساكتين ومؤدبين وتحملهم العربيه فى أمان الله من حيث جاؤا
وفى يوم مرض الشيخ سعداوى ومقدرش يقابل زواره ..فجائت العربيه الميرى وخادته للمستشفى حيث توفاه الله هناك فقاموا بدفنه فى هذا الضريح أللى أنت شايفه
الناس تيطل تيجى.. أبدا كل يوم آلاف من البشر بيزوروا الضريح ليستباركوا به..ورجع صريخ العيال وصويت النساء وصراخ الرجال مرة تانيه ..وزاد أكتر وأكتر
بيقولوا والله أعلم أن الشيخ مماتش وموجود فى القاهره والحكومة مشغلاه لحسابها
حتى الخرس الحكومه مستكتراه علينا
هسسسسسسس
بس خلاص
الشيخ سعداوى الأخرس.. وهو صغير كان واد لمض قوى
ولماضته كانت جايباله الكافيه
قعد فى الجامع يتلامض مع الشيخ فوزى ..وهوب قام فاطط على المنبر وهاتك ياسب فى الحكومه..خلص الخطبة من هنا وسحبوه من قفاه على المركز
مبطلش برضه لماضه المأمور حوله على المديريه ..وبرضو مبطلش لمــا ضه ..قاموا بعتينه عدل على مصر مش يكتم ويسكت قعد يتلامض مع البهوات الكبار قالوا له أنت أتجوازت حدودك ياوله وعندنا علاجك
غاب كتير فى مصر قول بتاع سنتين ثلاثة..لقوه جنب الجامع ماطرح ماخدوه..ناس بتقول أن عربيه ميرى جابته فى نص الليل
وهو من ساعتها قاعد جنب الجامع وعايش على حسنات الناس الطيبين وقطع كلام خالص بيقولوا أنه أتخرس وناس بيقولوا أن ربنا هداه وبقى من الأولياء وماحدش عارف له حال بيأكل ويشرب وينام مكانه وفى يوم قام بالليل يصرخ وينادى
- قوموا ياناس ..قوموا يامغفلين ..قوموا ياخلق ..النهايه قربت ..النهايه قربت ..قوموا قبل ماييجى أللى ينيمكم تانى
وفضل على الحال ده ييجى أسبوع وفجأه أختفى لمدة يومين ورجع تانى بنفس العربيه الميرى فى نص الليل وسابوه فى نفس المكان رجع أخرس تانى ما بيتكلمش
ذقنه وشعروا طولوا لحد مطالوا صدره وشكله أتبدل وبقى عامل زى الدراويش
الناس فى بلدنا أستباركت بيه فبنوا له مندرة جنب الجامع مش عارفين مين أللى دفع فلوسها..غير أن عربيه ميرى تجيب المونه وتسيبها (رمل وأسمنت وخشب وكل شيئ لزوم المعمار) فتبرعوا الناس بالبناء لحد ما بقت بالشكل ده زى أضرحة أولياء الله الصالحين
لكن أيه يا وله كان سره باتع ..مفيش عيل من ولاد البلد يعيط ولا يزن ألا لما أمه تاخدوا على الشيخ سعداوى يحط أيده المبروكه على بق العيل ألا ويقطع زن وعياط غير بس دموع بتنزل من عينيه..أنتشرت شهرته فى البلاد حولينا وقى كل يوم تشوف طابور طوله بتاع كيلو وكل واحده شايله عيلها وهو بيصوت تخرج من عند الشيخ والواد قطع خنس ..مفيش ألا دموع بس
زادت شهرته أكتر وأكتر بقى يجى له ناس من جميع أنحاء البلاد
ومن خارج مصر وخصوصا من الدول العربيه
ويوم الجمعة من كل أسبوع تيجى العربيه الميرى وجايبه بهوات وأفنديه وعمم وستات وبنات صوتهم واصل للجو يخرجوا من عنده ساكتين ومؤدبين وتحملهم العربيه فى أمان الله من حيث جاؤا
وفى يوم مرض الشيخ سعداوى ومقدرش يقابل زواره ..فجائت العربيه الميرى وخادته للمستشفى حيث توفاه الله هناك فقاموا بدفنه فى هذا الضريح أللى أنت شايفه
الناس تيطل تيجى.. أبدا كل يوم آلاف من البشر بيزوروا الضريح ليستباركوا به..ورجع صريخ العيال وصويت النساء وصراخ الرجال مرة تانيه ..وزاد أكتر وأكتر
بيقولوا والله أعلم أن الشيخ مماتش وموجود فى القاهره والحكومة مشغلاه لحسابها
حتى الخرس الحكومه مستكتراه علينا
هسسسسسسس
بس خلاص
ليست هناك تعليقات:
إرسال تعليق