عاشقة البياده

سيده تعشق القهر وتعتبره أمن وأمان وغلاء الأسعار هو أبتلاء وقتل المعارضين فى رابعه والنهضة بقولها يستاهلوا حد قال لهم يقعدوا فى الميدان .. وأعتقال ألاف الشباب قالت أحسن أرتاحنا من المظاهرات..  وبكل فخر هى تعشق البياده حتى لو ضربت بها على أم رأسها .. لا تطيق أن تسمع الرأى الأخر وتتهمه بأنه أخوانى وأرهابى

تجلس بالساعات لتستمع لأحمد موسى ومصطفى بكرى وعمرو أديب ونجمتها المفضله هى لميس الحديدى ماهو حكم الشرع والدين لو كانت مثل هذه المرأة زوجتك 

رد المطلقات فى خلال ساعه

شد أنتباهى أعلان غريب ظهر فى شريط الأعلانات لأحدى الفضائيات اثناء مشاهدة فيلم عربى قديم ..الأعلان مكتوب فيه أيه :

العالم الفلكى الكبير برغوث المغربى المتخصص فى رد المطلقات فى خلال ساعه وفك بوارالعوانس وتزويج الأرامل والقواعد وحل أزمة المربوط والمخلوع وزنقة المشحوط وإزالة النحس وكف البحث عن المفقود والتائه حضر خصيا من بلاد المغاربه بعد طول أنتظار أتصل بالأرقام التى تظهر على الشاشه لتحجز ميعاد قبلها الزيارات المنزليه بالأتفاق مع الأداره العنوان 3 شارع الأدريسى بمصر الجديده

العنوان بالقرب منى وهو مكان فيلا تبعد عن بيتى 150 متر ويمكن أقل..والذى أستفزنى وشد أنتباهى هذه العباره ( رد المطلقات فى خلال ساعة).. ياسلام ده يبقى جامد قوى قلت لابد أن أقوم بزيارة الشيخ برغوث المغربى وأشاهد على الطبيعة زيائنه وأسأل الأداره عن كرامات الشيخ فى رد المطلقات فى خلال ساعة وحل أزمة المربوط والمخلوع وزنقة المشحوط .. فذهلت عندما أقتربت من الفيلا بأعداد مهوله من البشر منتظمين فى طابورين.. طابور للرجال قصير جدا وطابور للحريم أطول من طابور العيش فدخلت فى طابور الرجال لأعيش مع زبائن الشيخ برغوث ولم تكن أبواب العياده فتحت بعد ولم تمضى دقائق حتى دخلنا تحت أشراف رجال من أصحاب الذقون الطويله والطراطير المغربيه وأجلسونا بالترتيب وأعطوا لكل واحد رقم ومن ينادى على رقمه يتقدم ليسجل بياناته ويدفع رسوم الحجز.. تفوح رائحة البخور والدخان فى المكان  فسألت رجل مهموم يجلس بجوارى : بندفع كام للكشف فقال :اللى حتدفعه دى رسوم لجدية الحجز 50 جنيه فقط لأن الشيخ ما بيخدش فلوس ولو حالتك بسيطه بيرد لك اللى دفعته .. ماشاء الله حضرتك بقى مربوط ولا مخلوع ولا مشحوط .. فقلت له ده شكل وسن واحد مربوط الحقيقة أنا ولا ده ولا ده أنا مخنوق

تدخلت أحدى السيدات معنا فى الحديث  : ما هو أحنا كلنا مخنوقين .

أنا : هو حضرتك حتكشفى عند الشيخ : ايوه يا خويا بيقولوا أن الرجل ده سره باتع .. أحكيلى آدى أحنا بنتسلى بدل الخنقه دى

- أيش قولتك .. الستات بيقولوا لو الدلعدى جوزها مش طايقها وبيضربها أو مطلقها بياخد أثر منه فنله داخليه فردة شراب جلابية أى حاجه يكون عرقان فيها بيقرأ عليها ويقول لها قومى جوزك قاعد مستني فى البيت وأن مالقتهوش حيجيلك بالليل زاحف على أيديه ورجليه

أنا : طب لو مجاش بالليل ولا بالنهار .. الشيخ بيديها حجاب تربطه على وسطها لمدة شهر بيقولو أن الشيخ برغوث بيربطه بنفسه

- وأنتى توافقى أنه يربط لك الحجاب ..ياسيدى بس مقصوف الرقبه يرجع

- هذا يعتبر تحرش وهتك عرض .. أزاى يعنى .. الشيخ برغوت بيلبس الست الحجاب فوق هدومها .. لأ .. تحت هدومها يعنى بتتعرى وتنكشف على شخص غريب

- أيه اللى بتقوله ده يا أستاذ .. الشيخ برغوث يفرق أيه عن الدكتور اللى بيولد الستات

- طبعا فيه فرق ده دجال وده دكتور

- وفى جميع الأحوال هم رجاله ده بيعالج ودة بيشف ويداوى

- أنتى ركبتى حجاب قبل كده

- حوالين وسطى فيه خمسه فى عين العدو

- له حق مقصوف الرقبه مايرجعش

- أمت بتقول حاجه .. لأ ياستى أصل أنا مخنوق ومشحوط ومعلول كمان     

المستغطى بك عريان يا وطن

وجد نفسه فى الشارع المزدحم بالماره بدون ملابسه الداخليه حافى القدمين والناس تمشى من حوله ولا تعيره أدنى أهتمام فأعترض طريق رجل مسن يمشى الهوينا فقال له : احنا فين ياعم قال : نحن فى مصر أم الدنيا وبالتحديد فى القاهرة ذات الألف مأذنه سؤال وبدون أحراج : الناس ماشيين ومش مهتمين بأنى بدون ملابسى الداخلية وحافى القدمين ليه ؟

فقال : أنا أيضا بدون ملابس داخليه وحافى القدمين !!

فقلت : لكنى أراك مرتدياً ملابسك كاملة وتنتعل حذاءك

وقال : وأنا كذلك أشاهدك بكامل ملابسك وتنتعل حذاءك

قلت : ماهو سبب شعورنا بأننا عراه حفاه

قال : الحاله دى أصابت الناس فى مصر منذ خمسة سنوات .. ألست من مصر ؟؟

قلت : انا مصرى أعيش فى أوروبا منذ عشرات السنوات حضرت لأزور أهلى أمس وصلت المطار وركبت تاكسى وأعطيته العنوان وأثناء الطريق شعرت ببرد شديد وأن ملابسى رفعت عنى وأصبحت عارى تماما فقلت لسائق التاكسى  : لو سمحت أغلق النوافذ فقال النوافذ مغلقة فقلت أغلق التكييف فقال الدنيا حر قوى فسوف نضطر أن نفتح الزجاج فسألته :هل أنا عريان فقال لأ انت لست عريان فقلت له أنا عريان .. لأ مش عريان .. صرخت فيه فشتمنى وأنزلنى هنا فى وسط الشارع

هذه هى المشكله ياولدى هو شعورك بالعرى فى هذه البلد وهذا يحدث فى البلاد التى تحكمها الدوله البوليسيه فكل شيئ فيك مكشوف بالكاميرات ووسائل التجسس الصناعية والبشرية من الجيران والأقارب والمخبرين الكل يعرونك بدون أن تخلع ملابسك .. لقد تم أغتيال خصوصية المواطن منذ سنوات عديده وأصبح عارى تماما لا شيئ محجوب عن أعينهم ليظل يخجل من نفسه أولا والناس ثانيا

فسر ياولدى فى طريقك ولا تلقى للناس بالا فنحن كلنا عرايا أمام النظام البوليسى وستر الله هو الباقى

البلوتوث

خدعوك فقالوا أن ويندوز 8 / 8.1/ 10 الموجودين على أى لاب توب لا يدعمون خاصية البلو توث .. وهذه كذبه نشرها جاهل على اليوتيوب كان المقصود منها الترويج لبرامج البلوتوث للكثير من الشركات فيقوم الكثير منا بتحميلها على جهازه وهى برامج ليست مجانية وكعادتنا كمصريين سنظل نبحث لهذه البرامج عن كيجن أو باتش أو سريال نمبر لنفتح الطريق أما برامج التجسس والفيروسات الخبيثه لقد وقعت فريسه لهذه المعلومه الجاهلة ودخت دوخة ينى لتشغيل البلوتوث على لابى التوب الذى يعمل بويندوز 8 ولكنى لم أيأس وظللت لمدة أسبوع أحاول محاولات مميته لجعل اللاب توب يعمل بلوتوث ولكن هيهات حتى وجدت الحل فى موقع أجنبى ( أمريكى فى الغالب ) حل المشكله فى 3 خطوات مفيش غيرهم وبدون برامج ليكشف جهلنا بأن الويندوز مهما كانت نسخته يدعم البلوتوث على أى جهاز لاب أو غيره وقبل أن أشرح الطريقة أحب أن أقول لأبنائى وبناتى ألا يثقوا فى المواقع العربية والمصرية عموما فهم جهله ولاد ستين جزمه

نيجى لشرح الموضوع بمنتهى البساطة

1- نفتح my computer وندخل على الـ C

2- ندخل على windows

3- ومن ويندوز ندخل على system 32

4- نضغط على system32 وفى أعلى الصفحة ستجد مربع search أكتب فيه الكلمه دى fsquirt ثم أضغط search ستظهر لك هذه الصفحة

قم بالضغط على البلوتوث كليم يمين وأختار send to desiktop criate

shortcut

وعيش ياريس ومبروك عليك البلوتوث الموجود أصلا فى جهازك دون أن تدرى وعلشان تتجنب مواقع الأفك والجهل العربية

نهاية طاغية

﴿حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ )
قام  فزعا من النوم وجلس على حرف السرير وهو يضع رأسه بين كفيه وهو يبكى وينتحب فأستيقظت زوجته على بكائه ونحيبه
- ما بك ياحبيبى هل رأيت نفس الحلم
- نعم هو نفس الحلم ..لآ أعرف ما العمل
- نام وأتغطى جيدا ولا تكثر من أكل اللحم فى العشاء والصباح رباح نرسل فى طلب السحره والعرافين لتفسير هذا الكابوس
فى الصباح يدخل على الملك كبير العرافين
- خير اللهم أجعله خير أحكى لى عظمتك الحلم الذى يفزعك كل ليله
- أشاهد كل ليله بأنى أسبح فى بحر من الدماء وأناس كثيرين لا أعرفهم يطاردوننى ويتخاطفون لحمى ويلكوه وهم سعداء وأصحو من نومى وهم يقطعون لسانى
- أنها أرواح القتلى من معارضيك يامولاى ستظل تطاردك حتى ترد المظالم وتفرج عن الأبرياء فى السجون
- الأفراج عن الأبرياء أمر سهل ولكن كيف أرضى أرواح القتلى والضحايا
- بالأستغفار والأعتذار يامولاى وتدفع لأهليهم الدية الشرعية عنهم
- هذا نفس كلام المعارضين الهاربين ( يصرخ بأعلى صوته ) يا سياف أقطع رقبة هذا العراف
وفى اليوم التالى يصحو الملك على نفس الحلم ولكنه لايستطيع الوقوف على قدميه
فتقول له زوجته وهى باكية : هذا ذنب العراف الذى قطعت رقبته بالأمس
( يصرخ الملك بأعلى صوته ) يا سياف اٌقطع رقبة هذه المرأة
وفى اليوم التالى يصحو الملك على نفس الحلم ولكنه لايستطيع أن يحرك ذراعيه ويدخل عليه أبنه الوحيد وولى عهده وهو يبكى على حال أبيه ويهمس له هذا ذنب أمى والعراف
( يصرخ الملك بأعلى صوته ) يا سياف اٌقطع رقبة هذا الولد الزنديق
يعلم العامه والغوغاء وأهالى القتلى والضحايا ماوصلت إليه حالة الملك الصحية فيهجمون على القصر للفتك به .. فقال لهم قبل أن تقتلونى أجلسونى فى شرفة قصرى التى تطل على الساحة الكبرى لأعتذر لشعبى عما صدر منى وأرد المظالم وأفرج عن المحبوسين
قال له زعيمهم لقد جاء الأمر الفصل فلا جدوى من أعتذارك  ﴿حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ (*) لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ )

أنتحار جمبوش الرابع

فى تمام الثانية عشره ظهرا يقطع التليفزيون والأذاعة الأرسال المعتاد تبث المرشات العسكرية ثم تلاوة من الذكر الحكيم ثم تسود الشاشه ويظهر بعدها المذيع وهو يبكى ويرتدى كرافته سوداء وهو يقول أيها المواطنون سيذاع عليكم بعد قليل بيان هام يلقيه عليكم السيد المستشار الدكتور رئيس المحكمه الدستوريه العليا من القصر الرئاسى .. مارشات عسكريه ثم قرآن كريم

(أم فتحى) تدخل مسرعه لتيقظ أبو فتحى من النوم : قوم ياراجل شوف التليفزيون فيه أيه .. من الصبح قرآن وموسيقى عسكرية وبيقولوا رئيس المحكمه الدستوريه حيزيع بيان من القصر الجمهورى

يقفز أبو فتحى من السرير ويقف أمام التليفزيون وهو سعيد وعلى وجهه أبتسامه عريضه

- أنا شايفاك مبسوط قوى فيه أيه ياراجل أكيد فيه نصيبه ياساتر أستر يارب النهارده الخميس بتاع النصايب

- أكيد مات أكيد مات .. هو مين ياراجل أللى مات .. جمبوش الرابع ياوليه ماااات

أم فتحى ترقع بالصوت الحيانى يالهوتى.. يالهووووتى ..ياخراشى

أبو فتحى يضحك بهستريا وهو يلف حولها وهو يرقص ويقول : مات مات مات

المذيع : ننتقل بكم الأن إلى القصر الرئاسى لننقل لكم البيان الرسمى لرئيس المحكمه الدستورية فإلى هناك

المستشار يلقى البيان : بسم الله الرحمن الرحيم وكل نفس ذائقة الموت .. ياشعبنا الكريم مات زعيمكم المفدى رجل المواقف الصعبه الذى أنتشلكم من الضياع رجل من أشجع الرجال مات فوق مكتبه وهو يباشر عمله فى خدمة أمته ..مات موتة الأبطال وترك رساله أوصى بأن ألقيها عليكم ( يفتح الرساله ويبدأ بالقرأة)

شعبى العظيم الكريم المطاوع لقد حاولت بشتى الطرق أن أعبر بكم خط الفقر وأحقق كل أمنياتكم ولكنى فشلت فى جميع المجالات أقتصاديا وأجتماعيا وسياسيا وأنا أوصيكم أنت تنتخبوا رئيسكم بأراده حرة ولن تتحقق هذه الأرادة ألا بمحاكمة كل المستشارين والوزراء والأعلاميين وقادة الشرطه والجيش وعزلهم من مناصبهم فهم أسوء منى وهم السبب وراء الفشل العام وأنى أغادر دنياكم لعل وعسى أن يغفر لى ربى والسلام عليكم ورحمة الله

أم فتحى تفتح الشباك وهى تصوت ويخرج جيرانها يشاركونها الصويت والعويل ويتجمعون فى الحارة للقيام بمسيرة للمشاركة فى تشييع جثمان الزعيم

تعود أم فتحى بعد أن شاركت فى الجنازه فتجد أبو فتحى يقوم بتوزيع الشربات على الجيران

- هات يا أبو فتحى كوبايه أبل ريقى وأسلك صوتى بلا هم

- أنت جائتى أشربى أشربى يا مجنونه يا بنت المجانين .. الزعيم بتاعك الفاشل أنتحر مامتش

- أنا زعلانه ومش عارفه حنعمل أيه من بعده حرمنا من حنيته وضحكته وقفشاته

- مش عايز أسمع الجمله دى.. البلد مابتقفش على واحد.. وده من نتائج غسل المخ لشعبنا .. نسيتى يا أم فتحى أللى عملتيه على جمبوش الأول وعملتى حداد وذكرى الأربعين على روحه وجاء بعده جمبوش الثانى وعندما قتل منعتى الزاد والزواده لمده أسبوع وكنتى حتروحى فيها أما جنبوش التالت لما أتعزل خرجتى فى مظاهرة أحنا آسفين يا جمبوش نسيتى ده كله بكره ييجى جمبوش خامس وسادس لحد ماربنا يحلها من عنده

- أعمل أيه يا أبو فتحى أنا بحب أى جمبوش يحكم بلدى .. دى عادتنا وسلو بلدنا

- أدخلى نامى هو اللى جايب البلد دى وراه غير الستات والجنابيش