عزيزه خرج النجف صوصوصاو ( ضحكه فى جريمه 3 حلقات )

غدار يازمن

غدار يازمن

غدار يازمن لا ليك خلى ولا صاحب

أعز الحبابيب خدتهم ومافضلش ولا صاحب

أنا صاحبت صاحب أتارى صاحبى مصاحب

وصاحب أتنين يازمن  مالوش ولا  صاحب

وأشكيك لمين يا زمن

وأنت ماليك خلى ولا صاحب

صو صو صاو

وكيل النيابه : هات المتهمة عزيزه الشهيره بـ خرج النجف

- أسمك وسنك ومهنتك

- عزيزه وبينادونى بخرج النجف ..

- ومن أيه ده ؟

- من حلاوتى وجمالى ياباشا

- بس أنا ولا شايف جمال وحلاوه أنت ياوليه ما بتبصيش فى المرايه

- حزعل منك كده ياباشا أهو ده نفس الكلام أللى كان بيقوله المرحوم الله يجحمه ماطرح ماراح

- أنت متهمه بالأشتراك فى قتل جوزك سمير الغلبان بتحريض المدعو مصطفى كمبوشه بطخه بفرد خرطوش ليخلو لكم الجو

- شوف ياباشا هو كل شيئ قسمه ونصيب أولا وأخيرا ولولا أن مجدى بيه ضابط المباحث - الله يسامحه - سمع رنة الموبايل كانت حتبقى العمليه نضيفه ميه فى الميه أنما تقول أيه يابيه فى حظى المقندل أللى بيوقعنى فى العالم أومات مخ تخين .. قولت له يا كمبوشه أقتله وأدينى رنه .. ولو ماعرفتش أدينى رنتين .. يقوم أبن الخايبه كل عشر دقايق يرن رنتين ويقفل  فى دخلة المباحث أخد الضابط الموبايل وفتحه لقى 30 ميسد فول برقم واحد وبأرقام تانيه وأنت حضرتك عارف الباقى لحد ماطب زى الجردل وأعترف بكل حاجة وقال على المكان أللى مستخبى فيه .. الله يحرق الموبايلات وأللى عملها

- وقتلتى جوزك ليه يا عزيزه خرج النجف

- راجل ندل ياباشا ورانى النجوم فى عز الظهر .. ضرب وبهدله وتهزيء

قولت أخلص منه ومن قرفه حاكم الراجل لما يستندل مايبقاش له عوزه

- وحرضتى على قتله علشان تتجوزى مصطفى كمبوشه

- أتجوز مين ياباشا ده راجل أهطل ولا يدخل فى زمتى بربع جنيه مخروم

قولت أستغله لينفذ الشغلانه وصدق مين قال ولا تعرف الأهبل ولا تآمنه على سر.. مصيره من أول قلم يخر

- قدامى التحريات بتقول أنك كنتى على علاقة غراميه بمصطفى كمبوشه

- تصدق برضه الكلام ده ياباشا أنا عزيزه على سن ورمح أبص للمدهول ده

- لكن قدامى أقواله بيقول فيها أنك وعدتيه بالجواز

- هو ياباشا كان عايش الدور وانا مش فى دماغى ولا جواز ولا هباب كان همى كله أن أخلص من الندل جوزى .. قولت يابت ما تاخديه على قد عقله

وينفذ العمليه ويبقى يادار مادخلك شر

- يعنى ماكانش فيه غراميات بينكم يا عزيزه

- بقولك ياباشا ده راجل أهطل فضحنى فى كل حته وغرام أيه يابيه فى السن ده أنا كان همى أخلص من المحروق جوزى لأعرف أربى العيال فلجئت للمقندل كمبوشه لينفذ الشغلانه .. غاب كام يوم ورجع يقولى أنه وصى ناس صحابه يخلصوا الشغلانه مقابل خمس تلاف جنيه .. قولت وماله يجيلى خبره وأنا من العين دى قبل العين دى

- وبعدين ياعزيزه

- بعد كام يوم رجع لى تانى وقالى أصحابه خلوا بيه .. قولت له  طب ماتنفذها أنت ياسبع وحلال عليك الخمس تلاف لحلوح قالى طب ماتنفيها أنت وأهو عندك داخل خارج عليكى .. خليه مره بيضربك وتقومى تغزيه فى كرشه قولت له طب مين يا حدق حيربى العيال الراجل وحيموت وأنا حدخل السجن قال لى بلاش دى .. سميه ياستى زى كل الستات مابتعمل وأنا عليا أجيب لك السم .. قولت له تك وكسه البوليس حيشرحه وحيعرف أنه مسموم

قولت له أتشجع وخليك دكر وطخه وهو خارج الصبح من الشغل وأختفى ولا من شاف ولا من درى والنصيبه تبقى بره البيت وأبقى أنا وأنت فى السليم .. قال لى فكره كويسه بس بشرط أنى أتجوزك .. قولت له ماشى ياكمبوشه وأنا فى نيتى أفقعه بومبه ويغور بعد كده فى داهيه ياباشا

- تعالى وقعى هنا .. وهات ياعسكرى مصطفى كمبوشه من بره

الحلقة رقم (2)

وكيل النيابة : أسمك وسنك ومهنتك

- مصطفى شعبان الشهير بكمبوشه عمرى35 سنه وماشى فى الـ 36 وبأشتغل سمسار شقق وأراضى وعقارات

- ماهى أقوالك بخصوص التهمه الموجهة إليك بخصوص قتل المدعو سمير الغلبان زوج عزيزه خرج النجف يوم 16 سبتمبر عام 2010 بطخه بفرد خرطوش وهو خارج من عمله

- مظلوم يابيه .. عزيزه هى السبب .. ضحكت عليا وأغرتنى بحلاوتها وعشمتنى بالجواز لو قتلت جوزها .. وكل مره أقولها مابلاش ياعزيزه أتطلقى منه أو حتى أخلعيه ويخلو لنا الجو وبلاش القتل.. قالت لى جوازك منى كوم وقتل جوزى ده كوم تانى .. أنا ياباشا ما أعرفش أقتل فرخه أنما تقول أيه بقى لكيد الحريم .. فضلت تزن على دماغى لحد ما فى يوم قالت لى : جوزى عرف بعلاقتنا وأنه ناوى يقتلك وأنت بقى يا قاتل يا مقتول

صدقت كلامها ياباشا ونفذت الجريمه وهربت على الصعيد ورنيت عليها زى ماقالت لى وفى كل مره تكنسل المكالمه أتجننت قولت أكيد حصلها حاجة فضلت اطلبها ليل ونهار لحد ماردت تانى يوم وقالت لى تعالى مصر بسرعة عايزاك ضرورى مشتقالك ياسبعى .. ركبت القطار وطيران على مصر لقيت المباحث مستنينى فى المحطه وخدونى من قفايا بعد ما أخدت الطريحة .. أنا أنضربت جامد ياباشا وعايز أتعرض على النيابه

- ما هو أنت قدام النيابه يا حمار

- محدش قاللى  ياباشا أنا ما قتلتش سمير الغلبان وأقوالى أللى قولتها أتاخدت منى غصب عنى من حرقة الضرب

- أكتب .. وأنكر المتهم التهمه وأقواله التى أدلى بها بقسم البوليس ويعرض المذكور على الطبيب الشرعى لمعاينة الأصابات التى يدعى بوجودها ويتم عمل مواجهة بين عزيزه خرج النجف ومصطفى كمبوشه باكر فى سرايا النيابه مع وجود الشهود الوارد أسمائهم بالتحقيق وأغلق المحضر فى ساعته وتاريخه

المواجـــــــــــهة

وكيل النيابه (يوجه كلامه لعزيزه ) : مصطفى كمبوشه بينكر أنه قام بطخ جوزك سمير الغلبان يوم 16/9 وهو خارج من شغله

عزيزه وهى تنظر حولها وتتعجب : مين مصطفى كمبوشه ده ياباشا أنا ما عرفش حد بالأسم ده

النيابه : أنت حتستهبلى ياوليه مش لسه قايله أمبارح فى أقوالك بأن مصطفى كمبوشه هو أللى طخ جوزك بتحريض منك

- ياباشا أنا أمبارح كنت فى حاله غير طبيعية معاون المباحث ورجالته سلطوا عليا النسوان فى الحجز وهرونى ضرب علشان أقول الكلام ده

أنا عايزه المحامى بتاعى

النيابه : وأنت ياكمبوشه مش أتفقت معاك عزيزه علشان تقتل جوزها وتديها رنه

- عزيزه مين ورنة أيه ياباشا أنا أول مره أشوف الست القرده دى أنا كمان بقى عايز المحامى بتاعى

وكيل النيابه (يخرج عن شعوره ) : آه ياولاد الكلب أنت بتستهبلوا مش دى أقوالك أنت وهى وماضيين وباصمين عليها .. الأنكار مش حيفيدكم التهمه لبساكم لبساكم وأن شاء الله حتشرفوا عند عشماوى قريب

عزيزه : أحلف لك بأيه ياباشا أنا عمرى ماشوفت البغل ده ولا أعرفه

كمبوشه : لو على الحلفان أنا مستعد أحلف لك بأنى عمرى ما قابلت الست

المجنونه دى قبل كده

الوكيل : قالوا للحرامى أحلف قال جالك الفرج .. يعاد كل من عزيزه خرج النجف ومصطفى كمبوشه إلى محبسهما ويعاد عرضهما على النيابه بعد ورود تقرير الطبيب الشرعى مع وجود محامى لكل منهما وأغلق المحضر فى ساعته وتاريخه

يتــبع

الحلقة الثالثة

فى قاعة المحكمة وبعد أن تم أحضار الشهود والمتهمين 

يتقدم محامى مصطفى كمبوشه إلى المنصة ويقوم بتقديم شهادة للقاضى 

القاضى : أيه دى يا أستاذ محفوظ

محفوظ : دى شهاده من الدكتور أبو العزايم بأن المذكور حجز بالمستشفى لأصابته بفصام عقلى منذ عشر سنوات ويعامل معاملة الأطفال .. وبالتالى هو غير مسؤل عن تصرفلته أو الأقوال التى أدلى بها فى محاضر الشرطه والنيابه وأن المتهمه أستغلته فى تنفيذ جريمتها وأطلب برائته من التهم المنسوبه إليه

- طب أتفضل يا أستاذ – بوجه كلامه لمصطفى – أنت كنت بتتعالج فى مستشفى الدكتور أبو العزايم

- أيوه ياباشا .. – أنت متجوز يامصطفى ..- أيوه ياباشا والمودام قاعده هناك أهه هى والعيال

يسمع صوت حريمى من داخل القاعة : أنا مراته ياباشا وعايزه أقول حاجة لعدالة المحكمه

القاضى : تعالى هنا ياست أنت أحلفى وقولى والله العظيم أقول الحق .. أسمك وسنك

- والله العظيم أقول الحق أنا أسمى أنشراح عبدالله مرات الراجل أللى واقف هناك فى القفص مصطفى كمبوشه عمرى 27 سنه أتجوزت الراجل ده من سبع سنين ومعايا ولد وبنت منه.. ياباشا الراجل ده مريض ودماغه لاسعه

ومايتخدش على كلامه .. أهو قدامك أهو زى الحيطه ولكنه عيل ياباشا

وبيتصرف تصرفات مش طبيعية وكل الناس فى الحته عارفينه ويامه أنضحك عليه مايغركش منظره ده من بره هل هلله هاللله ومن جوه يعلم الله والست دى ضحكت عليه .. ده عيل برياله ياباشا .. حتحكم على عيل

- طب أقعدى مكانك يا أنشراح

نادى على المتهمه رقم 2 : عزيزه أمين الشهيره بخرج النجف

المحامى : سيد أبو جبه حاضر مع المتهمه

- أتفضل يا أستاذ قول دفاعك

- سيادة الرئيس السادة المستشارين نحن أمام قضيه عجيبه المتهم الأول طلع فيها عيل ومريض نفسيا وغير مسؤل عن تصرفاته وموكلتى المتهمه على التحريض كما جاء بوثيقة الأتهام.. وأثبتنا أمام حضراتكم فى الجلسات السابقة بأن موكلتى لم تعرف هذا الرجل أو تقابله من قبل من واقع أقواله

ولكن أطلب من ممثل الأدعاء أن يحضر ولو شاهد واحد رأى السيده عزيزه

بصحبة هذا الرجل .. القضيه ملفقه ياسيادة القاضى ومازال القاتل حر طليق

لم تتوصل له يد العدالة ولذا أطلب من سيادتكم البرائة لموكلتى مع الأحتفاظ بحقنا فى مقاضة من قاموا بتلويث سمعتها الطاهرة والتعدى عليها بالضرب والأهانة

القاضى : تؤجل القضيه لجلسة 1/10 ويتم حضور الدكتور أبو العزايم للأدلاء بشهادته ويحول المتهم مصطفى كمبوشه لمصحة الطب النفسى للحكم على تصرفاته ومدى تحمله للمسؤلية الجنائية وتكلف المباحث بأستكمال تحرياتها عن المتهمه عزيزه أمين .. رفعت الجلسه .. محكمه

الحلقة الرابعة

النطق بالحكم

الحاجب :محكمه

القاضى : بسم الله الرحمن الرحيم

بعد الأطلاع على القانون وسير الأجراءات وسماع الشهود

بأسم الشعب

حكمت المحكمه حضوريا بأيداع المدعو مصطفى شعبان أحدى المصحات العقليه حيث ثبت لدى المحكمه بأنه غير مسؤل عن تصرفاته

ثانيا : براءة السيده / عزيزه أمين الشهيره بخرج النجف من التهم المنسوبه إليها

وتكليف النيابه المختصة بأستكمال البحث عن الجانى

رفعت الجلسه

لولولولو لى

يحيا العدل

المكان الآمن الوحيد ( مقال )

المكان الآمن الوحيد

عندما يقول الأنبا بيشوى سكرتير المجمع المقدس بأن وفاء قسطنطين وكاميليا زاخر فى مكان آمن ذلك وعلى الملء وفى الصحف والفضائيات  .. فقد عداه العيب وأسكت الألسنه النى أتهمت الكنيسه بأختطافهما واخفائهما فى أحد الأديره ..تجبرت وتعملقت يارجل وكأنك رئيس وزراء أحد الدول الكبرى وتعلنها صريحة بأن لا شأن لأحد فيما يخص رعاياك من الشعب المسيحى الذى تترأسه ضاربا عرض الحائط بسيادة الدوله المصريه وسيادة القانون الذى يخضع له جميع المصريين .. يا قداسة الأنبا من أعطاك هذا الحق فى أن تحتجز أى أنسان سواء مسلم أو مسيحى فى مكان آمن أو غير آمن

أين النائب العام ؟؟ أين السلطات القضائية وأجهزة وزارة الداخليه ؟؟

أين مباحث أمن الدوله من هذا الهراء والتبجح

ومنذ متى كانت الكنيسة والأديرة معتقل للخارجين عن الدين المسيحى .. الكل سواء أمام القانون سواء كان من أصحاب القداسة أو من أصحاب الفضيله أو هى دوله داخل دوله

أنتبهوا ياساده وأفيقوا قبل أن تشتعل الفتنه فكل مطر بدأه مطير ومعظم النار من مستصغر الشرر ورأس الفتنه ظهر وأعلنها صريحة ولا نستغرب ان تقيم الكنيسه لنفسها محاكم تفتيش خاصة لتعيد كل من أسلم إلى ديانته الأولى وجيش من خدام المعبد  وحكومه ووزراء وتعلن الأنفصال عن كيان الدوله المصريه

كيف ياساده ياكرام أن تقوم أقليه لا تتعدى نسبتها 6% من مجموع الشعب المصرى المسلم بهذه المهازل من غير تأييد وأمداد من الغرب الذى أعلن الحرب على الأسلام .. منذ متى كنا نشاهد هذا الهراء وهذا التبجح وكان لسان حالنا من قرون بعيده ومنذ الفتح الأسلامى الذى سطع بنوره على أرض الكنانه كان يقول فمن شاء فليئمن ومن شاء فليكفر منذ متى والكنيسه تقوم بأعتقال الخارجين عليها وحبسهم فى الأديرة هل هذه من تعليمات الكنيسه وسر من أسرارها السبعة يا قداسة الأنبا بيشوى

.. دعوكم من هذا الهراء وسيحاسبكم الله على ماتفعلون يوم يكون الحساب .. لا أجبار فى الدين ولا أجبار على تغيير العقيده .. لا لغسيل الأمخاخ ..لا للعمل السرى .. لا للتبجح وأحتقار القانون ..لا لسلطة الكنيسه التى أنتهت منذ القرون الوسطى

ياقداسة الأنبا من أنار الأسلام قلبه وشرح قلبه للأيمان لن يعود بالضرب والتعذيب  وحقن التخدير والتنويم المغناطيسى والحبس فى أقبية الأديره .

وسأذكرك بحقيقة تاريخيه بأن 90% من الشعب المصرى هو أصلا من الأقباط

الذين أسلموا منذ ألف سنه أويزيد فأقباط مصر هم أهلنا وأخوة وأبناء لنا بحكم الدم والنسب ونحن نحبهم وهم يحبوننا ونعيش سويا فى بيت وشارع واحد وأن ماتفعلوه هو جريمه كبرى يعاقب عليها أى قانون فى الدنيا

والذى أتعجب له هو حبس السيدتين فى مكان آمن لم تقل لنا لماذا ؟ ؟

هل هوخوف قداستكم من المسلمين الذين رحبوا بهما فى دينهم أو من النصارى الذين فارقتهم ..أو  خائف عليهما من أزواجهن وأهليهم أو هو تعذيبا وتنكيلا لهما حتى تكونا عبره لمن يفكر أن يسلم ..يا سيدى أنت كمن يحرث فى البحر .. ياسيدى هاتين المرأتين لن يزيدوا المسلمين أو يقللوا من المسيحيين وحسابهما عند ربهم وليس فى معتقل قداستك الذى تطلق عليه بكل لباقة مكان آمن .. وسأدلك يا أخى على المكان الآمن الوحيد على سطح الأرض..آلا وهو بيت الله الحرام والذى يدخله كان آمنا تتنزل عليه ملائكة الرحمه ويعمه السلام والأمن ..وسأدعوا الله ألا تزوره.. وليعلم الذين ظلموا أى منقلب ينقلبون

والسلام على من أتبع الهدى

من فينا الضيف ومن صاحب الدار

فى تصريح جديد للأنبا بيشوى .. قال فيه بأن المسلمين فى مصر هم ضيوف على أصحاب الدار الأقباط .. وهذه فرية جديده يروج لها هذا الرجل المفتون

كنوع من الأستهبال والأستنطاع ليشعل نار الفتنه أكثر

ياعم الأنبا يامتعلم والمتخصص فى علم اللاهوت والقارئ لتاريخ الكنيسه وتاريخ الأسلام فى مصر تريد ان يكون لك مكان فى وسط العمالقة لتسحب حق المواطنه من مسلمى مصر

ماشى ياعم المصرى الصميم سليل آل فرعون وهامان .. أريد أن أسألك سؤال بسيط لماذا تتحدث بالعربية لماذا لم تحتفظ بلغتك ولسانك القديم ؟ لتكون بحق أنت المضيف الكريم لشعب مصر المسلم لو أجبت على هذا السؤال بصدق ستعرف من فينا الضيف ومن فينا المضيف

يا أنبا بيشوى الشعب المصرى المسلم هو من أقباط مصر ولولا سماحة الأسلام

لقاموا بطردكم خارجها بحكم أنكم أبناء عاقين لم تسلموا كمعظم أفراد العائلة المصريه وربما يكون والله أعلم هو نوع من المكابره أو الغباوة أو الأحتفاظ بمصالح دنيويه.. لا تغالط ولا تكابر فهذا ماقام به أجدادك من قبل

نحن مصريين أقباط مسلمين وما يدعيه هذا الأنبا هو جهل وغباء لأنه يعرف الحقيقة ولكن هذه الأيام يستأسد تحت مظلة الأمريكان .. تبقى تخلى الأمريكان ينفعوك.. كانوا نفعوا الأقليات الأخرى فى العالم

وحسبنا الله ونعم الوكيل فيكى ياحكومه بتركك هذا الرجل المستفذ بنشر الفتنه ويتحدى مشاعر المسلمين .. الله يرحم ؟؟   

العضو الخشبى الحاصل على وسام الديدبان بمنتديات أبو قردان

العضو الخشبى

الحاصل على وسام الديدبان

بمنتديات أبو قردان

زيزو :أنا زعلان قوى يا تكاوى يا خويا

تيكاوى  :  زعلان ليه كفانا الشر  ..

-  لأنى لم أكرم من أصدقائى وحبايبى فى التكية

تيكاوى : قووول لهم الكلام ده وأيه أللى حايشك

- الحقيقة مش عارف اقول لهم أيه.. ما هو أللى مايشفش من الغربال يبقى أعمى ياجدع .. تتوزع الألقاب والأوسمه على الحبايب والخلان وأنا كأنى لم أكن فهذا عضو ذهبى وآخر فضى وثالت برونزى ورابع حديدى وخامس صفيحى .. وأنا ياولداه لم أنل شيئا من هذه المعادن لتقترن بعضويتى طب أن شالله أكون عضو خشبى أو كرتونى المهم يبقى فيه حاجة الواحد يفتخر بيها بدل العضوية الحاف القرعة دى

-        أزاى الكلام ده يحصل

-        أهو حصل يا عم الحاج .. وأللى حازز فى نفسى قوى أن الألقاب والأوسمه أتوزعت والمخزن فضى ما عدش فيه ولا سنتوفة لقب أو وسام

-        طب والعمل يا عم زيزو

-        العمل عمل ربنا .. أنا جائت لى فكره كويسه أهو الواحد يقلب عيشه برضه ويطلع بحق الدخان .. حتعمل أيه ؟؟

-        حفتح مركز لتوزيع الأوسمه والألقاب فى التكية .. وأللى حيرمى بياضه ياخد اللقب والوسام أللى يعجبه صوت وصوره

-        يعنى بقت العمليه بيع وشراء

-        وماله يا خويا مش زمان كان الأغنياء بيشتروا البهاويه

-        آه دى البهاوية مش لقب أو وسام فى منتديات النت

-        عندك يا أخ ..وهى البهاوية تفرق أيه عن وسام الأنتماء أو وسام البتنجان أو وسام البكلويز أهى كلها ألقاب وفشخره فاضيه بس كفايه لما تدخل على ناس وتقول لهم أنا العضو الخشبى الحاصل على وسام الديدبان بمنتديات أبو قردان  .. حاجة تفرح كده وتملء العين .. مش أقرع كده بدون ألقاب أو حتى غطاء كوكا كولا صاروخ يتعلق على صدرك

-        يا عم زيزو أنت يهمك الألقاب والحاجات دى ده أنت ياما شبعت ألقاب وشهادات شكر وتقدير

-        أهو القر.. ده أللى جايبنا ورا .. أهم حاجة التقدير يامواطن  وألا نفضها سيرة من التقديرات والأوسمه والألقاب ويبقى الكل سواسيه عضو حاف بدون غموس أو طبل أو زمر أو زينه  أقرع يعنى علشان ماحدش يزعل وكلنا ولاد تسعة أو سبعة ماتفرقش

-        يعنى أنت بتطالب بألغاء الألقاب

-        عليك نور .. أشمعنى الثورة قامت بألغاء الألقاب وماعدش فيه باشا اوبيه

-        أو دولة الهانم

-        بس الألقاب رجعت تانى يازيزو

-        هى رجعت فى حتت .. وحتت لأ .. رجعت فى البوليس ومجلس الوزراء

ورجال الأعمال ويستخدمها العامة فى المغازلة الحريمى .. ياباشا ياباشا

-        طب تحب نكلملك حد من اللجنة العليا

-        عايز أسئلك سؤال هم ليه سموها لجنة عليا

-        مش عارف واللهى يازيزو ..

-        بس أسمها فخم وعليه القيمه يعطيك أحساس بأن اللجنة دى قاعدة فى المغارة أللى فوق الجبل واعضائها كلهم يلبسون النظارات السوداء والرجال منهم يدخنون السيجار الكوبى والسيدات من النوع الحديدى الذى يبتسم فى توقيتات محدده

-        بلاش ياعم اللجنه العليا وحياة أبوك .. أحنا مش حمل لجان .. أحنا أتهرينا لجان .. بقولك أيه يا تكاوى ياخويا طالما بنتكلم بقى فى سياسة عليا تقدر تقولى الواحد يبقى عضو أزاى فى اللجنه العليا أو أى لجنه سفلى حتى أو متوسطه

-        ما أعرفش واللهى يا عم زيزو .. أفتكر كده والله أعلم أن اللجنه دى عبارة عن شركة  وهى أللى مأجره المنتدى بالبوفيه وصالة الأفراح أللى فى السطوح ووخداه قانون جديد وكل واحد فيها بيساهم فى الأيجار

-        أممممه عشان كده سموها اللجنه العليا .. أكيد مقرها فوق السطوح للسيطرة على صالة الفراح.. أتفهمت كده .. وعرفت  مخزن الألقاب والأوسمه مين أللى فضاه .. أنا عرفته  ومش حقول أسمه .. حسيبكم تعرفوه بنفسيكم ومن يقول الأسم الصح سأقوم بمنحه وسام أبو جلمبو نايم على جانبو للرجال وأم الخلول بتاكل فول للآنسات والسيدات

-        أنت رجعت فى كلامك ولا أيه يا عم زيزو مش عايز اكلمهم يشوفوا لك لقب  أو وسام أستعمال طبيب

-        لا ياعم الطيب احسن ولكننى أحب أن أنكش الأدارة كل فترة كنوع من الدعابة والغزل والحوار المتبادل

كل سنه وأنتم طيبين

يا اعضاء التكية الكرام

رمضان كريم