دودو حبيبة جدو زيزو

دودو حبيبة جدو براءة تخفى تحتها شقاوة.... زينه والله زينه

2- حركات ندالة

2- حركات ندالة
تحولت منطقة روكسى وشارعها الرئيسى فى الفترة السابقة إلى سوق يشبه إلى حد كبير سوق الموسكى وأغلقت مداخل الشوارع وأفترش الباعة الجائلون جميع الأرصفة ومنعوا السيارات من الأنتظار بعد أن نزلو ببضاعتهم لبحر الشارع وأستولو على أسوار حديقة الميدان وأحالوه لأكبر شماعة نشروا عليه بضاعتهم وأقاموا خيام فى داخل الجنينه للبيات ومخازن لبضاعتهم وغرف بروفات ومكان مفتوح لقضاء حاجتهم البشرية تحت الشجر..القذاره والزباله والروائح الكريهة ملئت كل مكان وأزداد عدد البلطجية والمجرمين وأصحاب الأتاوات وصياح الباعة بأتنين ونص وتعالى بص .. ودلعى جوزك بريال بس ..كل هذا وبوليس مصر مختفى تماما وتحولت هذه المنطقة الراقية إلى موبأ للمجرمين أنشأوا فوق أرصفتها أمبراطوريتهم .. هذا الوضع بدأ منذ أنقلاب 30/6 وأستمر حتى أمس فقط بعد أعلان نتيجة الأنتخابات وعمل الأحتفلات يوم الثلاثاء وفى غروب يوم الأربعاء نزلت حمله بوليسية لمت العاطل والباطل معززه بالجيش وقوات مقاومة الأرهاب وهى تصوب بنادقها الآلية فى صدور البائعين الذين فروا وهم يحملون ماتبقى من بضاعتهم ..ولأول مره أستطيع أن أسير فوق الرصيف الذى سرقه البلطجية منذ سنه فاتت
نقف هنا وقفه تأمليه على هذا المشهد العجيب ونسأل أنفسنا إذا كان البوليس قادر على تصحيح الأمن فى الشارع فى بضعة دقائق لماذا ترك هذا الوضع طوال هذه الفترة ؟؟.. يوجد وراء هذا سبب كبير أفصح عنه أحد الباعة الذى يخفى بضاعته فى مدخل أحدى العمارات وهو يقول لصاحبة .. شوفت الحكومة الوس.... عملت فينا أيه عشمتنا وخلت بينا على رأى المثل : خلصت حاجتى من عند جارتى .. أستنوا علينا لحد ماخلصت الأنتخابات وغدروا بينا .. ده أحنا حنشوف أيام أسود من قرن الخروب..
أذن الأمن المفقود مفتعل وأختفاء البوليس مفتعل .. ومحمد أبراهيم رمى بياضه اليوم لأعادة منطقة روكسى القريبه من الأتحادية كما كانت فى عهد المخلوع مبارك ولأول مره منذ ثلاث سنوات أشاهد عربات الأمن العام والمباحث حول الميدان وأختفاء دولة الباعة الجائلين !!
السؤال الثانى هل ستستمر هذه الحملات فى باقى الأحياء والمحافظات أو أن العملية أقتصرت على محيط قصر مولانا ؟؟

1- حركات نداله

بعد أستعجال زوجته خرج معها وهو يرغى ويزبد بعد أن نسى المحفظه والساعة لتقابله أول لجنه مرور على الطريق وتطلب الترخيصات ويدور هذا الحديث مع رئيس اللجنه
- نسيت المحفظه فى البيت أعمل أيه وفيها رخصة السواقه ورخصة العربية
- (الضابط بعنف )أنا قولت لك أركن على جنب وهات بطاقتك الشخصية
- (يرد بضيق ) نقول تانى البطاقة والرخصة وجميع الأوراق فى المحفظه وأنا نسيت المحفظه فى البيت أعمل أيه !!
- شكلك كده مش عجبنى بدقنك دى .. بقولك أيه الكلام ده تقوله فى القسم أو عند وكيل النيابه تعالى كده على جنب فى يومكم المنيل ده
- ياباشا أن عندى أقتراح أسيب المدام عندك رهن لحد ما أرجع أجيب الرخص
- ماشى خلى المدام تنزل وخليها تركب عربة الترحيلات
( يعود إلى السياره مره أخرى ويحكى لزوجته ماحدث وأنه سيتركها رهن حتى يحضر المحفظه من البيت)
هى : نعم نعم يا خويا عايز تسبنى رهن عند الضابط روح داهية تخيبك .. أنت تقب تغطس تتصرف معاه أنا ماليش دعوه
هو : مش أنت السبب من أستعجالك خلتينى أنسى المحفظة أعمل أيه أنا بقى أتصرفى أنت .. هى : ماشى تعالى معايا عند الضابط وشوف أنا أعمل أيه
تهمس فى أذن الضابط وهو يهز فى رأسه ويبتسم وفى النهاية يسمح لها بالأنصراف وقيادة السيارة
هو : أنت رايحه فين وسيبانى
هى  وهى منطلقة بالسياره ) حسيبك رهن لحد ما أشترى الطلبات من السوق وأجيب العيال من المدارس وأعدى أشوف ماما علشان وحشانى وأرجع أجيب المحفظه من البيت ما تقلقش يا حياتى كلها ساعتين ثلاثة وآجيلك باااااى
هو يصرخ : لأااااااا

لحمة السيسى وحمدين

دخل أبو محفوظ على أم السعد مهرولا وهو يحمل لفافة كبيره وينادى عليها بأسم الدلع الذى نسيته من زمان: صوصو .. صوصو.. شوفى أنا جايب لك أيه يا وليه أفرحى وزغرطى
- لولولولى.. لحمه يا مانت كريم يارب.. نورت بيتنا ومطبخنا وحلتنا ياغاليه
- ومش أى لحمه دى لحمة السيسى أللى الناس كولتهم بيشكروا فيها ..
- حلوه يا أبو محفوظ يارب دومها نعمة ويكتر فى أنتخابتهم ( تأخذ منه الكيس وتزنه بيدها وتقوم بفتحه وتمصمص بشفتيها ) الراجل ده حيفضل طول عمره أيحه مش حيتنزه أبدا .. بص حاطط لك أيه فى الكيس حتتين دهن على شغته على عضمه على حتة فشه والأسم بيوزع لحمه وحاطط صورته على الكيس ومسبلى فى عينيه عاملى فيها عبد الحليم حافظ ورافع حواجيه لفوق زى شرفنطح ( ينظر محفوظ للحمه وصورة السيسى وهو يتعجب ) - هى دى حتة اللحمة أللى هانت عليك ياسيسى والأسم دابح عجول وخرفان وعامل لى شادر فى وسط البلد صدعتم فيه دماغنا بالكلام الفارغ عن الديمقراطية والحلال والحرام علشان ننتخبكم يا حرامية يا أوباش دوروا بقى على أللى يديكم صوته
- ولا تزعل نفسك يا خويا روح أرمى له اللحمه فى وشه وتعالى أفرجك على لحمة حمدين الغتت .. لحمه شكلها يفرح تتاكل نيه .. هو غتت صحيح لكن أنزه من السيسى بتاعك .. رجالته عدت على بيت بيت فى البلد توزع اللحمه بكل أدب وأحترام
( يقلب محفوظ فى كيس لحمة حمدين الغتت وهو يستغرب ) – بس لون اللحمه دى غريب قوى يا أم السعد ..حمراء قوى أنا عمرى ماشوفت لحمه بالشكل ده
- هو أنت من أمتى بتشوف أو بتاكل أو بتشم اللحمه ياراجل
- ماشى بس أرمى الكيس أللى عليه صورة الجدع الغتت ده بينرفزنى أسم على مسمى صدق من سماك الغتت
الكيس أللى مش عاجيك ده ثمنه 100 جنيه
نسلم لهم الكيس فى لجنة الأنتخابات تتلايم على 100 لحلوح
يسمع صوت ضجة وهيصة فى الشارع فيطل من الشباك لأستطلاع الأمر
- فيه أيه يا واد مجاهد
- بيقولوا أن الحكومة قبضت على حمدين الغتت لأنه بيدبح حمير وبيوزع لحمتها لأجل الأنتخابات
- هههههههههه يا ولاد الحرامية ولا سيسى نافع ولا حمدين نافع