سلطانية الطرشى

العجل المشترك

سعيد أفندى فى العام الماضى ربنا فتح عليه واشترى عجل للأضحية اشترك فيه أخوه وأخته وحماته وعمته وجوز خالته .. وفى صباحية عيد الأضحى تم الذبح وتقسيم الأنصبه على المشتركين وتبقت مخلفات الذبح جعلته فى حيره كيف سيتصرف فيها بعد أن سمع مناشدات الهيئات والجمعيات فى هذا الشأن
• الهيئة العامة للمياه والصرف الصحى تناشد المواطنين بعدم القاء مخلفات الذبح فى شبكة الصرف الصحى.. ماشى بلاش الصرف الصحى كفايه اللى فيه مكفيه
• الهيئة العامة للنظافة تناشد السادة المواطنين بعدم القاء مخلفات الذبح بصناديق القمامه
ماشى وأين هى صناديق القمامه أصلا ؟؟
• الهيئة العامه للسياحة والحفاظ على البيئة تناشد الساده المواطنين بعدم الذبح فى الشوارع .. أين سيكون الذبح هل سيكون فى المدبح أو فى الصحراء
• الهيئة العامه للأوقاف تناشد المواطنين بشراء صكوك الأضحية ( اشتروا الصك لمنع الريبه والشك ) بعد فضيحة 57357 فقدنا الثقة فى جميع الجمعيات الخيرية والأوقاف
• فخرج من بيته وهو يبحث عن طريقة آمنه يتخلص بها من هذه المخلفات فزكمت أنفه رائحة قذره تنبعث من صناديق القمامة الموجوده بالشوارع الرئيسية والميادين والبلوعات المسدوده وبقايا الذبائح والدماء عليها جيوش من الذباب على الأرصفه.. ولم تنفع المناشدات فى الراديو والتليفزيون فقرر ان يقوم بدفن هذه المخلفات فى الجنينه الموجوده فى منتصف الشارع الرئيسى ويبقى كده تخلص منها ويقوم فى نفس الوقت بزيادة خصوبة التربة.. لم تمضى على فعلته هذه سوى دقائق ألا وجد فوق رأسه فرقة مكافحة الأرهاب وهم طرحينه أرضا ويحملونه معصوب العينين إلى سيارة مصفحة أنطلقت به إلى المجهول وقام سعيد أفندى بقضاء عيد الأضحى فى جهة غير معلومه تم الأفراج عنه قبل العيد الحالى بيومين وجائت أخته وحماته وأقاربه لتهنئته بمناسبة الأفراج عنه فهمس فى أذنه أبن عمه برغبته أن يشترك معهم فى عجل كأضحيه فقال : لو شوفت اللى شوفته ماكنتش قولت اللى قولته ماااااء مااااااء مااااااء خلاص ياسعيد خلاص خلاص وظل سعيد يمئ ماااء حتى أدركت شهر زاد الصباح فسكتت عن النباح المباح كل عام وأنتم بخير

نار ياحبيبى نار

-       فيه ايه ياوليه اللى حصل.. بتخبطى كده ليه على باب الحمام

-       أطلع يامرسى حريقه فى العماره اللى جنبينا

-       حريقه وفى العماره اللى جنبينا حاضر حاضر أستر نفسى وأطلع

-       بقولك أيه أنا لبست العيال ونازله تبقى تحصلنى عايزه أشوف الحريقه لايف من اولها

-       يا نهار أبوكى أسود بعتينى يا جبانه

-       العمر مش بعزقه ..بقالك ساعتين تحت الدش وعمال تغنى نار يا حبيبى نار مش شامم ريحة الشياط ..ده الدخان مالى الحمام

-       بقولك أيه ناولينى البوكسر الأحمر المنقط  بتاع المناسبات

-       وقته أنا نازله عايزه أحضر الحريقه من أولها وعيش مع بوكسراتك لحد ما تتشوى جوه الحمام ياله ياولاد

-       جماااالات استنى ياجبانه .. طراااخ ( أغلقت الباب بعنف ونزلت بسرعه لتشاهد الحريقه لايف )

خرج مرسى من الحمام وهو يتلفت يمينا ويسارا ويرتدى ملابسه ويرش نفسه بالبرفان ويسمع خبط شديد على باب الشقه فيفتح فيجد جارته الست زوزو  ( الراقصة الأستعراضية ) وهى ترتدى الروب اأحمر الشفاف وهى تستعجله ياله يامرسى أحسن الحريقه ممكن توصل لحد هنا.. ماهى وصلت ياست زوزو .. أتفضلى أشربى عناب.. جمالات نزلت ومعاها العيال تتفرج على الحريقه فرصه يارب الشارع كله يولع علشان اشوفك كل يوم

-       مرسى.. دى حريقه يامرسى مش لعب عيال خلص ياراجل

-       أستنى ياست زوزو ماتنزليش لوحدك انا جاى معاكى الأمر مايسلمش تتكعبلى كده ولا كده تلاقى حد تتسندى عليه

-       طب ياله بسرعه أحسن ريحة الدخان خنقتنى أفففف

-       ******************

-       واد يا حماده مش أبوك اللى متسند على كتف زوزو الرقاصه

-       ايوه هو بس باين عليه تعبان قوى ياماما

-       خلى بالك  ياواد من الكرسى بتاعى لحد ما أجيلك

-       مرسى مرسى  مرررسى .. سيبهولى ياست زوزو

-       برضه يكون أحسن ده خلع كتفى خدى ياختى بلا هم رجاله مخلعه

-       تعالى على كتفى أنا ياسبع البورمبه

-       خلاص أنا بقيت كويس متشكرين يازوزو.. يوجه كلامه لجمالات .. تصدقى ياجوجو الست زوزو دى جدعه بشكل ماسبتنيش وأنا مخنوق وخدتنى فى حضنها قصدى على كتفها لحد ماخرجت من العماره .. أحكى لى أيه اللى حصل علشان أتابع معاكم الحريقه ..  

جمالات وهى تجز على أسنانها  : قدامى .. أنا حجزالك كرسى هناك على الرصيف

-       ياااه القعده دى بتفكرنى بالقعدات اللى كنا بنروح نتفرج فيها على القنابل بدائية الصنع.. الكراسى دى تبع مين .. دى تبع الواد (عفونه) البواب .. لحق يجيب الكراسى دى امتى .. هى الحريقه بقالها قد أيه .. من ساعتين والمطافى لسه ماجتش ..عندك اهو اللواء فؤاد أبو االسلالم بيهزء فيهم روح شوف ايه الحكاية دى الحريقه بتزيد

مرسى : نهارك سعيد ياسادة اللواء

-       حتيجى منين السعاده يامرسى افندى والمطافى نايمه لحد دلوقتى

يتدخل قائد المطافى : لو سمحت ياحضرة ما تتريقش على المطافى

-       انت ماتعرفش انا مين .. مين يعنى .. انا اللواء فؤاد سليم مدير مطافى العاصمة الأسبق والشهير بأبو السلالم

-       أهلا وسهلا يافندم ما يعرفك الا مايجهلك .. والله العظيم ياباشا غصب عننا جميع الطرق مقفوله لأن الزعيم رايح مجلس الشعب ليحلف اليمين.. الأمن قفل البلد ومفيش مخلوق فى الشوارع حتى منعوا العصافير تطير فى الجو  وأطلقوا عليها النار .. حظكم كده نعمل أيه

-       ياسيادة العقيد  اشهلوا شويه ..قولتى أسمك أيه

-       العقيد شراره ابو لهب يافندم قائد مطافى العتبه ..  10 دقائق ونطفيها ياباشا

مرسى وهو يحتج : على مهلك يا سيادة العقيد أحنا ملحقناش نتفرج ده فيه ناس دافعه فلوس ولسه ناس تانيه حتيجى من الشوارع اللى حولينا

-       شكلك مش غريب عليا ياجدع انت  .. شوفتك فين قبل كده .. أفتكرت انت كنت بتحضر قعدات القنابل صح

-       ماشاء الله على ذاكرتك ياباشا الا معدش فيه قنابل دلوقتى ليه

-       كلمه فى سرك العيال بتوع القنابل نقلوا نشاطهم فى سيناء احسن أرتاحنا من قرفهم .. ايه اللمه اللى تحت العماره اللى بتتحرق

-       لا ماتخدش فى بالك دى الست منيره (تعيش انت) النار فى الشقه اللى تحتيها وبتسأل الناس ريحة الشياط والدخان جايه منين

( أولادها وأحفادها واقفين فى الشارع وبينادوا عليها )

-       يا تيته يا تيته أنزلى ياتيته .. أنزل ليه .. فيه حريقه فى الشقه اللى تحتيكى .. طب وأحنا مالنا كل واحد حر فى شقته

-        ياتيته النار حتوصل عندك .. استنوا ياولاد لما ألبس الشبشب أحسن بلاط الشقه سخن قوى

-       اى حد يطلع ينزلها انتم مش معاكم سلالم علشان تنزلوها

-       للأسف العربية محجوزه لحين عبور الساده الوزراء

( مرسى يشاهدالست زوزو وهى تجرى فى الشارع بالروب الأحمر الشفاف وتصفيق حاد من الجالسين على الرصيف وتعليقاتهم.. قشطه يازوزو ياجامد .. الماظيه .. مهلبيه .. وهى ترد عليهم التحية)

-       فيه ايه يازوزو بتجرى ليه

-       عايز اشوف البت شكيره صاحبتى واخده شقة مفروشه فى العماره اللى فيها الحريقة ياعينى عليكى ياشكيره يا حبيبتى

بين ماذا ولماذا

بين ماذا ولماذا

لماذا أتركك تعيش وفى أمكانى قتلك ...منطق أمنى أسرائيلى

ولماذا تقول أنقلاب وفى أمكانك أن تقول ثوره... منطق أعلامى لم يتحقق

ولماذا تنزل المسيرات وأنت تعلم بأنه سيتم قنصك أو أعتقالك... منطق أخوانى مجنون

لماذا تدفع أكثر برغم بأمكانك أن تدفع أقل... الأوكازيون الوهمى الفسيخ قبل العيد

ولماذا تقول بأنك مصرى ..؟؟وبأمكانك شراء جنسيه أو أكتسابها بالزواج بأوروبيه أو أمريكيه

ما الذى يجبرك أن تستمع لأنسان بارد ولزج ورخم .. وبأمكانك الحفاظ على ضغطك بأغلاق التليفزيون

لماذا فقدت الثقه فى انجازات المسؤلين .. هل لأكتشافك لحجم الوعود الكاذبة أو لغلاء الأسعار ..أو كلا الأمرين معاً

لماذا أنت تعيس وقلق وعصبى ويلهج لسانك دائما بالدعاء .." بحسبى الله ونعمه الوكيل "؟؟؟؟

فى مسألة الميراث

فى مسألة الميراث

المرأة عندما يموت عنها زوجها وليس لها معاش فمن المسؤل عن الصرف عليها .. لو اِشتكت للمحكمه الشرعية أو المدنيه سيكون الأب أولا ثم الأخ ثانيا ثم العم ثالثا .. أذن للذكر مثل حظ الأنثيين شرع سماوى عادل يريد الأغبياء أن أن يهدموه وجاء من قال بأنه من أصول تجديد الخطاب الدينى أن يتم تعطيل أيات المواريث فى القرآن ومنع آيات الجهاد فى المدارس والطلاق المكتوب هو الذى يؤخذ به حتى لو قام الرجل بتطليق زوجته مائة طلقه وان يعيش معها فى الحرام طالما لم يسجل الطلاق فى السجل المدنى بالأمس تراجع محمد الباز عن كلامه وفشل بالونة الأختبار لشعب مصر المسلم بتعطيل آيات المواريث فنال ماناله من شتيمه وتهزيء مما دفعه ليعلن أعتذاره على الشاشه واليوم يخرج علينا أبو حامد الأزهرى النصرانى بمنطق غريب يقول بأن المرأه فى صدر الأسلام ليست هى المرأة اليوم فظروفها تختلف وقال أن المرأة تعمل وتكسب وتصرف على أسرتها ونسى هذا الغبى بأن السيده خديجة زوجة رسول الله عليه وسلم كانت تعمل فى التجارة وغيرها كثير من السيدات فى ذلك الوقت فهو كذاب أشر يريد أن يفرغ الدين الأسلامى من أحكامه ليصبح كدين النصارى بدون تشريع ليتك تعرض على البابا تاودرس وأنت قاعد فى مكانك المفضل فى الكنيسه أن يغير من أحكام الطلاق فى المسيحية شوف حيحصلك أيه ياااا أبن التيييت

بشرة خير

- ألو .. أنت الأستاذ صابر عبد الصبور الغلبان

- أيوه أنا - أنت حاصل على بكالوريوس تجاره فى عام 2015 - أيوه أنا - أنت مقدم طلب على عرض حال دمغه لوظيفه فى وزارة الماليه + شهادة الجامعة + شهادة ميلاد + شهاده صحيه أنك خالى من الأمراض- أيوه أيوه .. قبلت فى الوظيفه قول فرحنى - الورق بتاعك كنت حطه فى دوسيه بلاستيك أحمر - أيوه صح - أنت ساكن فى حارة أبو جاموس - أيوه فى حارة أبو جاموس نمره 7 - طيب ياسيدى أحنا هيئة النظافه لقينا ورقك فى صندوق الزباله ياريتك تيجى تاخده ومتنساش الحلاوه

كلام موزون

كلام موزون 
لوسمحت الحكومه المصرية بتعديل قانون المخدرات كطلب رئيس رابطة بائعى السجائر وعملت بكلامه أللى زى العسل الذى صرح به لوسائل الأعلام (إن نصف سكان مصر يدخنون الحشيش أى مايقارب ٤٥ مليون مواطن ومواطنه) ستحل جميع مشاكلنا الأقتصادية والعائلية والسياسية ولن نسمع عن أى خناقات زوجية أو طلاق أو خلع لأن الجميع سيصبح فى البلاله ومية فل وعشره وستتحول مواقع التواصل الأجتماعى إلى قعدة مزاج وأنس وفرح وسرور ولن يزعجوا الحكومه بأى مواضيع بعدها مطلقا و ستكون الأعتصامات لها النصيب الأكبر حول قعدات الكيف والمزاج العالى ولن نسمع بعدها عن الشرعية لأننا سنسبح جميعا فى حلة الملوخية 
أمريكا فى المركز الاول فى تعاطى الحشيش ومفيش مشاكل أى واللهى وافغانستان فى المركز الاول لانتاجه والجنيه الأفغانى فى العلالى والمغرب تانى منتج ومورد على مستوى العالم بحجم تجارة يتجاوز ال 12 مليار دولار اى ضعف دخلها من السياحة ومفيش أنظف وأشيك من الحشيش المغربى بجد بجد حاجة تفرح وتسطل فى نفس الوقت وتفوق عربى محصلش 
اعلى نسب تدخين الحشيش فى الوطن العربى فى لبنان مهلبية بالذبيب ثم يليها مصر أشطه يامعلم والغريب ان هولندا اللى الحشيش مسموح فيها تماماً هى اقل الدول اوروبيا تعاطياً
للحشيش 
فى ولاية متشيجان الامريكية القت الشرطة القبض على احد راكبى الدراجات لتجاوزة السرعة المقررة فى احد المناطق وهى 90كم بينما كان يقود دراجته بسرعة تتجاوز 130 كم وتوقيع كشف تعاطى المخدرات عليه وجد ان جسمة يحتوى على اثار من مخدر الحشيش (القنب) او الماريجوانا بنسبة 10 نانوجرام وفقاً لمعيار HTC الا ان قاضى المحكمة برأه على اعتبار ان النسبه المسموح بها تصل حتى 50 نانوجرام وان القيادة مشروعة تحت تاثير المخدر مالم تتجاوز هذه الحد 
واعتبر هذه الحكم هاماً جداً للكثير من الناس فى ولاية متشيجان يتعاطون مادة القنب لاغراض علاجية او دوائية او ما يطلق عليه ماريجوانا طبية medical marijuana
طبعاً عندنا سواقين الميكروباص والتكاتك كل واحد فيهم لو مشربش عشرتاشر سجارة حشيش على بانجو وضرب شريطين برشام على الصبح ميقدرش ينزل يسوق ويقلب التوكتوك خمس ست مرات
أحنا في مصر مش محتاجين ترخيص لتعاطي المخدرات بعد 25 يناير و 30 سونيا
الناس بتشرب مخدرات عيني عينك دلوقتي فى أى مكان وكثير منا مسطول بالأيحاء وبالتالى لا يحتاج أن يشترى مخدرات فيكفى أن يجلس أمام التليفزيون بعد العشاء ليغرق فى عالم من الهلوسات والخزعبلات تغنيه عن أوقية حشيش مغربى مفتخر ... أيام سووووده 
ســـــــــــــرررررررررر خيــــــــــــررررررررر

ضريبة الكلب والقطه

ضريبة الكلب والقطه

أن تكون أنسان نزيه وعندك كلب أو قطه شيرازى أو عصافير كناريا فهذا شيئ جميل أن تكون شيك وترتدى آخر خطوط الموضه من البنطلونات الجينز المقطعه من عند الركبه أومن الخلف لتظهر جزء ولو قليل من المؤخره فهذا شيئ راقى وفانتستيك ..أن تكون صاحب مزاج عالى وتدخن السيجار الكوبى وأفخر أنواع السجائر وتشرب من المنكرات أنقاها وأغلاها فأنت برنس فى زمن الفقر

وفى جلسه سريعة وسريه أقر مجلس الشعب ضريبه على الكلاب والقطط التى تربى فى المنازل تعادل 400% من ثمنها .. وأنطلق مأمورى الضرائب يطرقون الأبواب لتحصيل ضريبة الكلب والقطه وأختفت جميع الحيوانات بما فيهم الحمير من الشوارع بعد أن قام أصحابها بأخفائها عن الأعين وظهر أعلان فى بنر التليفزيون به رقم مصلحة الضرائب للأبلاغ بواسطة المواطنين الشرفاء عن الكلاب والقطط المنزلية التى لم تدفع عنها ضريبه

- صباح الخير يا تنت معلش سامحينى أنا صحيتك بدرى خدى عندك (كوكى) اليومين دولت لحد ماتعدى الأزمه دى على خير

- لكن يابنتى (شيكو ومونى ) موجودين عندى من يومين ومش عارفه أنام منهم شغالين مع بعض ناقر ونقير

- معلش ياتنت دى كوكى هاديه وطيبه وآدى أكلها والبامبرز بتاعها

- وكمان البمبرز حلبسه ليها أزاى ده

- دى عمليه سهله خالص ..بس وحياتك ياتنت أكليها فى الميعاد ومتخلهاش تنزل الجنينه أحسن الجماعه أياهم بيلفوا فى المنطقه ..سلام بقى أحسن أتأخرت على الشغل

- سلام ياختى كانت نقصاكى ياست كوكى خشى علشان يكمل المورستان

بعد عشرة دقائق تشتبك كوكى مع مونى وشيكو وتقع أصابات خطيره فى جميع الأطراف ولا تستطيع أن تفض الأشتباك بينهم وعندما يأست أمسكت بسماعة التليفون لتطلب مصلحة الضرائب

- ألووو .. مصلحة الضرائب أنا عندى قرد وقطه وكلبه بتوع ولادى لم يدفعوا ولن يدفعوا ضرائبهم أرجوكم تعالوا صادروهم

- شكرا يافندم على تعاونكم برجاء التكرم بترك الأسم والعنوان ورقم الهاتف عند سماع الصفاره لتحضر لكم سيارة المصادرات فى خلال ساعه تووت

تضع السماعة جانبا تصرخ الأم عاليا وهى تهتف.. تحيا مصر ..تحيا مسر ..تحيا مصر.. تحيا مسررر

Happy Birthday

Happy Birthday

سألنى أحفادى أمس فى الذكرى السنويه لعيد مولدى المجيد.. أنت أصبح عندك كام سنه دلوقتى ياجدو 
فقمت بالعد على صوابعى فقلت لهم : عشره فى عين العدو 
فمنهم من ضحك ومنهم من أستنكر وأصغرهم تعجب 
وقال أعقلهم : ألست مُبالغ شويه فى فى تقدير سنك 
فقلت لهم : عشره دى كتير ولا شويه عايزين أبقى كام 30 ماشى 40 ماشى 
155 ماشى.. فضحكوا كثيراً
( فقلت لهم الجمله الخالده لشريهان
: أصل أنا عمرى All Size يسمح لجميع الأعمار
مع العيال تجدنى عيل قوى.. ومع الشباب تجدنى شاب طحن
ومع متوسطى العمر ماقولكش ...أما مع الخناشير فأجد نفسى فيهم ولا أقبل أن أعيش حياتهم
فقررت أن أضع عشرة شمعات فقط فى تورتة عيد الميلاد 5 + 5 فى عين العدو
كل سنه وأنتم طيبين يا حبايبى أقولها لكل من هنأنى وكل من علم وطنش أو أكتفى بتورته من جوجل .. فأنا لا أقبل الهدايا الأفتراضيه بل أعشق الهدايا الحقيقية حتى لو كانت بوسه على الجبين أو أى مكان يختاره المهنئ
بعيد ميلادى السابع والثلاثون .. هل من معترض !! آه 37 ههههههه

مصحة تكبير الأمخاخ

جهاز الكفته أرحم 
مصحة تكبير الأمخاخ
وبعد الفتح العلمى المشرف لعلاج فيروس سى والأيدز دفعة واحده وتحويلهم لكفته وبسطرمه ولنشون.. جائت القنبله الثانية فى أفتتاح مصحات لتكبير الأمخاخ للشعب المصرى وبالمجان ...قرأ عاشور أعلان فى الجريده الرسميه عن أفتتاح الفرع العاشر لمصحة تكبير الأمخاخ بحضور كل من رئيس الوزراء والداخية ووزراء الصحة والشؤن الأجتماعية ولفيف من أساتذة الجامعات وأهل الفكر والفن ( هم نفس البرتيته التى هللت لأختراع الكفته ) ويذكر الأعلان بأن هذا العلاج فريد فى نوعه فى مصر فقط وجميع أطباء المصحة تلقوا دراستهم على مستوى عالى فى الخارج مع الأستعانة بأحدث الأجهزة العالميه فى توسيع وتضييق الأمخاخ وتغيير السلوك البشرى المنحرف بما يتلائم مع معطيات العصر طبقا لتكنولوجيا تطوير الجنس البشرى الجديده وبعد ثورات الربيع العربى
ضرب كفا بكف وهو يقول لصاحبه : شوفت الأعلان ده ياحامدعجبت لك يازمن جه الوقت أللى يخلى البنى آدم يكبر مخه فى المستشفى بدل مايكبره فى البيت مع ام العيال حاجه غريبه واللهى ياجدع
حامد : علشان أنت متخلف ياعاشور ودقه قديمه ومش دريان بالدنيا لأن مخك لسه على الزيرو أنا شخصيا عامل عملية تكبير مخ من 25 يناير 2011تقريبا والأعلان ده قديم .. الواد أبن أختى ومراته عملوا عملية توسيع للمخ بعد أنقلاب 3 يوليه وما شاء الله بقوا زى الفل مابيشتكوش من أى حاجة كهرباء تقطع أو ماتقطعش أو أرتفاع أسعار أيكش تولع أو أوشاعات حكوميه متفبركه أو غيرها كل ده مايهزش فيهم شعره... عاشور مستغربا : طيب أنت وعارفينك أنك مكبر مخك من زمان قوى أنما شباب زى أبن أختك ومراته عملوها ليه لا مؤاخذه
حامد : كل الحكاية أن الأتنين بيتخانقوا وينكدوا على بعض لأتفه الأسباب قال أيه هو بيناصر الأخوان وهى سيساويه للنخاع ولما يتناقشوا العملية تتطور ويضربوا بعض بأى حاجه قدامهم ..آخرها الواد أبن أختى دماغه أتفتحت وأخد فيها عشر غرز بعد ماضربته مراته بالفازه على نافوخه وكل ده علشان ضربها بوكس كسر لها مراخيرها لأنها نزلت رقصت أما لجان الأنتخابات ومنعا للفضايح والبهدله أقنعتهم أنه لزماً ولابد من عمل عملية توسيع للمخ
عاشور : ياساتر .. ضرب وتكسير مناخير ورقص ومسخره دولت حاجه صعبه خالص مايتطلقوا وكل واحد يروح لحاله
حامد : ماينفعش معاهم عيال وقال أيه بيحبوا بعض ياسيدى
- حب أيه المقندل ده
- تعال شوفهم دلوقتى بعد ماعملوا العمليه عايشين فى هدوء تام لا شتيمه ولا ضرب ولا تكسير بس فيه حاجه كده مش مبسوط منها..يظهر الدكاتره وسعوا مخهم على الطريقة الأوروبيه
عاشور : أيه هى بقى
حامد : حالة الطناش والبرود عندهم زايده حبتين.. أزاى يعنى وضح كلامك
- يعنى ممكن يدخل عليها ومعاه واحده صاحبته .. فتقوم مراته بتجهيز الغداء وتتركهم براحتهم وتسيب لهما البيت وتخرج تقضى مشاورها ولا يسألها رايحه فين أو جايه منين أنشالله تبيت بره
- يانهار أسود هو ده تكبير المخ .. ده قلة أدب ياجدع
- مش قلة أدب ولا حاجه طالما بتيجى هى وصاحبها بيقعدوا عندى .. يوه فكرتنى لما أقوم أشوفهم
- ياعم خليك قاعد ..أنت سيابهم بقالك قد أيه
- سيابهم من مده بسيطه من أول أمباح بس
عاشور يشد فى شعره وهو يسب ويلعن فى حامد : مش عايز حد يقوللى كبرر مخك .. مش عايز حد يقوللى كبرر مخك : مش عايز حد يقوللى كبرر مخاااك
جهازالكفته أرحم