نوسه فى الجيش
المقدمة
فى دولة فسكونيا العظمى وقفت النائبة المحترمة رئيسة حزب ( المرأة القوية) فى البرلمان وهى تناقش ضرورة أصدار قانون يسمح بتشكيل قوات نظامية من السيدات والبنات بعد أن خسرت الدولة نسبة كبيرة من الشباب والرجال فى حروبها المتتالية مع أعدائها
وبعد مناقشات عديدة بين المعارضة والحكومة تمت الموافقة على فرض التجنيد الأجبارى على الأناث بنفس شروط الرجال ..وأنشاء كليات عسكرية للبنات أسوة بالذكور لأمداد الجيش الجديد بالقيادات النسائية ..وتشكيل وحدات مستقلة مقاتله جميع هياكلها من الأناث فى القوات البريه والبحريه والجويه ..التخلى عن نصف معسكرات الجيش الرجالى للجيش الحريمى الناشئ
وبعد عشر سنوات من تنفيذ هذا القرار تكون جيش من الأناث على أعلى مستوى من التدريب والتسليح وأصبحت الدولة تعتمد عليه فى تنفيذ مخططاتها العسكريه
والدفاع عن أراضيها.. وقد أبلى هذا الجيش الناشئ بلاءا حسنا فى ميادين القتال ومنح العديد من نسائه الأوسمة والنياشين والأنواط العسكرية
ولكن حواء التى خلقها الله لتكون مصدر للحب والحنان قد تحولت لمخلوق مخيف بعد أن أمتلكت مفاتيح القوة وزمام السلطة
معا نستمتع بهذه الحلقات الخيالية من مغامرات نوسه فى الجيش
الحلقة رقم (1)
نوسه فى الكلية العسكرية
ظهرت نتيجة الثانويه العامة وفتح مكتب التنسيق أبوابه والكل يحلم بكلية من كليات القمة ألا نوسه فقد أخذتها من أصيرها وتوجهت إلى مكتب تنسيق الكليات العسكريه وقامت بتقديم أوراقها بكل ثقه ومعها صديقتها نيفين
> أيه يانوسه الزحام ده كله بنات البلد كلها جاية تقدم فى الكليات العسكرية يادى النصيبه دا كل أللى عايزينه 500 بنت بس !!
> عارفه يابت يانيفين حتبقى العمليه مجزره علشان يصفوا الأعداد الكبيرة ..يعنى حنتعصر عصر..أدعى من قلبك أن يارب نقبل ..ياااارب
يتم أجراء الكشف الطبى على الأعداد المتقدمه وتنجح نوسه ونيفين فى الكشوفات
وينتقلوا إلى المراحل التاليه وهى الأختبارات النفسيه والرياضيه وتجتازاها بنجاح ويتبقى كشف الهيئه للقبول النهائى
نوسه : شدى جسمك كده يا نيفين وأقرأى الفاتحة والمعوذتين قبل ما تدخلى
نيفين : بيقولوا أن رئيسة اللجنة اللواء سعدية الدوكش ربنا يستر ..عليها بصة يابت يانوسة تخليكى تلبدى فى جلدك
> المهم ماتلوكيش معاها وخلى عينك باصة لفوق فى السقف وحسك عينك تيجى عينك فى عينها والجواب على قد السؤال فاهمه
> أيوة ياستى أمك مرسياكى على كل حاجة ماهو أنتى بنت المقدم حلوتهم حد قدك
> الوليه دى أللى أسمها سعديه الدوكش ماتعرفش أبوها ربنا يستر
ينادى على أسم نوسه أولا للدخول أمام لجنة كشف الهيئة فتجد نفسها أمام مجموعة من اللواءات بالزى الرسمى وكلهن من السيدات وتتوسطهم اللواء سعدية الدوكش وهى تنظر إليها بتمعن وقد رفعت عينيها خارج أطار النظارة وفاجئتها بصوت أجش كأنه نعيق الضفادع
> أنت نوسه حموده أبو جبل
> أيوه يا فندم ..<أمك تبقى المقدم/ حلوتهم أبو سريع ..>أيوه يافندم
> أنتى مجموعك فى الثانوية العامة يدخلك كليات الطب والصيدله أيه أللى جابك
< علشان بحب الجيش يا فندم > كويس ..تعرفى تكسرى العصايه دى ياشاطرة بسيف يد < أجرب يافندم > مفيش حاجة أسمها أجرب ياننوسه ..يا تقولى أه.. ياتقولى لأ
تتقدم نوسه بثبات وتنزل بعزم مافيها لتكسر العصاية نصفين وتعود لمكانها وهى تنظر فى السقف
> كويس يانوسه حناخدك فى قوات الصاعقة أتفضلى لما نبعت لك تبقى تيجى أللى بعده ..نيفين حسن فتله
> أنت نيفين حسن فتله
< حسن قله يا فندم > قله ولا فتله أرسى على حل
> قله ولا فتله أللى تشوفيه يافندم..< خلاص خلاص خليها قلة مش حيفرق أنتى مقدمه رغبتك للألتحاق بالكليه البحريه ومابتعرفيش تعومى وساقطه فى السباحة وده شرط أساسى للقبول فى البحريه تدخلى القوات البريه > أنا عايز أأقول أنى بعرف أعوم وكانت فيه ظروف منعتنى من تكملة الحمام
> أأقدر أعرف أيه الظروف دى
> الزغوطه
< أيه يا ختى زغوطه > أيوه يا فندم الزغوطه ده أنا بنت عويمه نمره واحد ..أللى حصل أنى ضربت سندوتشين فول قبل ما نزل الحمام وأمى الله يسامحها حطتت فيهم قرن فلفل ملهلب ما تقوليش لعدوك عليه ولع بوئ وشفايفى ومكانش معايا ميه نادوا على أسمى علشان أعوم ما صدقت نطيت فى الحمام وقعدت أقربع فى الميه وأنا بعوم ما حستش بنفسى ألا وهم مطلعنى سطيحه بعد مارجعت كل أللى فى بطنى فسقطونى فى السباحة وأنا مستعده أمتحن تانى دلوقتى لو حبيتى ..أنا لابسه المايوه تحت الهدوم
> ما ينفعش ياشاطره خلاص مافيش أمتحانات تحبى تنضمى للبرى ولا تاخدى ورقك وتروحى
> زى بعضه برى بحرى جوى كله محصل بعضه
> سامعاكى بتقولى حاجه أنت منين ياطالبه
> من شبرا يا فندم العنوان عند حضرتك
> أنت باين عليكى لكيكه وده مطلوب لسلاح الأشارة أتفضلى أنصراف
يتم قبول نوسه ونيفين بالكلية العسكرية وقد غمرتهما السعادة والفرح عند تلقيهم النبأ وأستعدا لتسليم أنفسهما للكلية العسكريه بعد أن ودعتا الأهل والأصدقاء ليبدئا معا حياة جديده داخل أسوارها
الحلقة رقم 2
الشاويش ناديه
تقوم نوسه ونيفين بتسليم أنفسهما فى الكلية العسكرية بعد أن نجحتا فى كشف الهيئه وتتجمع المستجدات فى مدرجات حمام السبا حة لتوزيعهما على السرايا والكتائب وتنتظران للأنضمام للمجموعات تقترب منهما شاويش قد فارقت وجهها الأبتسامه من سنين مضت
الشاويش يوجه كلامه لنوسه : مش أحسن لك ياطالبه تسيبك من المجلة أللى فى أيدك وتركزى علشان تعرفى تسمعى أسمك
نوسه : وأنت مالك أسمع ولا ما أسمعش يعنى أللى حيسمع أسمه حيروح الجنه
وبعدين أنت شاويش مالك أنت ومال اللى حتبقى ضابط ..روحى كده بلاش دوشه
مش ناقصاكى سكتك خضراء ياشابه
الشاويش: علشان تعرفى ياجاهله أنا طالبه فى القسم النهائى وممكن أكون المشرفه بتاعتك ..شيلى المجلة دى أحسن لك
نيفين : شيلى المجلة يانوسه ولمى الدور
نوسه: أيه رأيك بقى أن مش شايلاها وورينى حتعملى أيه ياحضرة الشاويش
الشاويش: مستعجله على رزقك ليه بكرة تعرفى أنا مين ياحلوة
> حتطلعى مين يعنى ..روحى كده لأخبطك شلوت أأقلبك فى الحمام
> ماشى حسابنا بعدين
> أنتى باين عليكى بوء على الفاضى ياله ياشاطره من هنا
ينادى على أسم نوسه ونيفين ويقفا فى الطابور التى تنظمه طالبه بشريطين
وتقودهم جميعا إلى مخازن المهمات لأستلام الزى العسكرى وتحمل كل واحدة منهن مخلة ضخمه بها جميع الملبوسات الصيفى والشتوى
العريفه : قدامى ياطالبه أنتى وهى لعنابر المبيت.. مارش
تدخل بهم العنبر وتوزعهم على السراير وبجوار كل سرير دولاب للملابس
العريف : دلوقتى كل واحده منكم خلال خمس دقايق تطلع الأفرول من المخلة وتقلع هدومها المدنيه وتلبسه وأللى تخلص تجمع هنا قدامى أنصراف
تنصرف البنات وترتدى كل منهن الأفرول والجزمه البياده ويصطففن أمام العريف
تقوم بعدهن وتصرخ : لسه ناقصين أتنين.. نوسه ونيفين فين ؟؟
تهرع الصديقتان وتقفا فى آخر الصفوف ..تنظر إليهما العريف شزرا وتكاد تفتك بهما : أيه أللى أخرك أنت وهى
نوسه : البنطلون ضيق والجاكته كبيره على مابدلتهم مع البنات يعنى عايزانى أجيلك ملخبطه
العريف : أمنعى الكلام حسابنا بعدين لما تجيلكم الشاويش ناديه تعرف تروقكم
أحب أعرفكم بنفسى أنا العريف فاطمه فى القسم النهائى ومسؤله عن كافة شؤنكم
وسريرى أول سرير فى العنبر وأحب أعرفكم بأنى لن أتهاون فى أى غلطه
الأمر العسكرى مفهوش نقاش وجميع تحركاتكم بالخطوة السريعة ..تقطع كلامها
أنت ياطالبه ياللى قبل الأخيرة طلعى اللبانه أللى فى بوءك وأطلعى بره عندك طابور ذنب النهارده ..وأحب أعرفكم بأن النفير أللى بتسمعوه فى سماعات العنبر هو نوبات للحصص وفيه نوبه للنوم ونوبه للصحيان ونوبه للأستعداد وأخرى لجمع الطابور وأى تخلف عن النوبه سيوقع عليكم الجزاء مفهوم ..ردوا كلكم بصوت واحد مفهوم يا فندم أما أنتى يا أم لبانه تاخدى الطورئه دى جرى 20 مرة وماتقفيش ألا لما أأقولك أستوب
تدخل الشاويش فتنادى العريف فاطمه على البنات : أنتباه ثم تقوم بتقديم كشف الأسماء لها وهى تشرح لها ماتم من أعمال
تنظر نوسه من خلال الصفوف وتزغد نيفين : شايفه مين الشاويش بتاعنا
نيفين : يانهار أسود مش هى دى أللى أتخانقنا معاها فى حمام السباحة ربنا يستر علينا السنه دى
نوسه: أسكتى خالص يظهر شافتنا وجايه ناحيتنا
الشاويش ناديه : أهلا أهلا بالباعكيك الأتنين أول مرة أدعى وربنا يحقق دعايا
نوسه وشيرين يامرحبا يامرحبا.. أطلعوا بره الصف أحنا لسه ماتعرفناش ببعض
كويس ..عارفين الوزه بتمشى أزاى فرجونى ماشية الوزه
نوسه : بس مابعرفش أمشى ماشية الوزه يا فندم
الشاويش ناديه : عريف فاطمه عرفيهم ماشية الوزه ( تجلس فاطمة القرفصاء وتضع يديها فوق رأسها وتسير وهى فى هذا الوضع الصعب فتضحك نوسه وشيرين على منظرها )
وتصرخ فيهما : أنزلى ياطالبه أنت وهى ..ماشية الوزه مارش
تنزل نيفين وتنفذ وتتباطئ نوسه فتصرخ فيها نادية وفاطمه فتنفذ الأمر وهى تتوجع من آلام الركبه ولكنها تخفى ألامها وتستمر حتى تأمرهما نادية بالتوقف
وهم جلوس القرفصاء وتتركهما الشاويش ناديه للعريف فاطمه وتغادر لتكمل معهما باقى طابور الذنب وفى النهاية تصعبا عليها وتأمرهما بالوقوف أنتباه
فاطمه : أنتم عملتم أيه مع الشاويش ناديه
نوسه : أنا ماكنتش أعرف أنها طالبه فى النهائى أفتكرتها صف ضابط عادى ولبخت معاها وكنت حضربها بالشلوت وعلشان حظنا الأسود نقع فى مجموعتها
فاطمه : بالشلوت يامفتريه.. كنتم حتروحوا منها فين ..أسمعى أنت وهى العينين بقت عليكم فما تحاولوش أنكم تغلطوا وأمشوا جوه الحيط لحد ماتخلص فترة المستجدين مفهوم
> مفهوم يافندم ..أنصراف علشان تجهزوا سرايركم ودواليبكم ..حاضر يافندم
الحلقة رقم 3
يرتفع صوت النفير فى سماعات العنبر فى الخامسة ونصف صباحا فتنتفض البنات من الفراش ويهرعن للحمامات والأستعداد لطابور الصباح ..تفتح نوسه عينها لتجد أمامها الشاويش ناديه وهى ترفع عنها البطانية
ناديه : أصحى يا هانم الفطار جاهز على السفرة
تسحب نوسة البطانيه مرة أخرى وتعود للنوم : سبينى يامامى أنام شويه
> أصحى قومى فزى ياطالبه قامت قيامتك يادلوعة مامى
تنتفض نوسه فتجد أمامها الشاويش ناديه وطابور البنات يرتدون ملابس الرياضة البدنيه وتفتش عليهم العريف فاطمه
>يا خبر أبيض هو أنا راحت عليا نومه ولا أيه
> يا دلوعة بسرعة على الحمام وألبسى هدوم الرياضة وتعاليلى ع المكتب
> نوسة تتثائب وتتمطع وتمشى بتكاسل فى أتجاه الحمام..تسمع صريخ ناديه ورائها فتجرى رعبا لتفذ الأمر
تقف نوسه أمام الشاويش ناديه بعد أن أرتدت ملابس التربية الرياضيه
ناديه : أسمك أيه ياطالبة
> نوسه ... تصرخ ناديه فى وجه نوسه : قولى أسمك زى ماتعلمتى ياتحفه
> طالبه أساسى 6110 نوسه حموده أبو جبل ياااا فندم
> والدك بيشتغل أيه ..مهندس يافندم
> والدتك أسمها ووظيفتها
> المقدم أركان حرب/ حلوتهم أبوسريع فى سلاح المشاه
> أهلا ..أنت بقى بنت المقدم / حلاوتهم أبو سريع ..ده أحنا شوفنا أيام سوده على أديها لما كانت بتدرس لنا فى الكليه..عشان كده لسانك متبرى منك وشايفه نفسك
كوسه بقى وفاكرة أن والدتك حتحميكى ..أنسى ياماما أن ما خليتك تمشى تبصى وراكى وخليتك تلفى حوالين نفسك ما بقاش أنا الشاويش ناديه
> أللى تشوفيه يافندم
> للخلف دورر سريعا مارش. أأقفى هناك عند العقله وأتعلقى فيها على ما جيلك
( تأخذ الشاويش ناديه نوسه إلى ميدان الموانع وتأمرها بعبورها زحفا وجريا وقفزا وهى تصرخ فيها كلما تباطئت وتمر عليها طالبه فى القسم النهائى فتسألها)
> عملت أيه البنت المستجده دى
> أنت ما تعرفيش مين دى ..دى بنت المقدم حلوتهم ابو سريع
> مش معقول ..دى بنت المقدم حلوتهم ..والنبى سبيهالى شويه أفش غلى فيها
> آهى عندك أهه روقيها
> أجمعى هنا ياطالبه بالخطوة السريعة ..أجررى
( تقوم الطالبه النهائية بأعادة التمارين وهى تتلذذ برؤية نوسه وهى تتلاحق أنفاسها ويتصبب منها العرق وقد حل بها التعب تماما فتتوقف عن أداء التمارين)
> أجرى ياطالبه
نوسه : أيه رأيك بقى ..مش جاريه
> أرقدى ..مش راقده ..>أقفزى..< مش قافزه وأللى عندك أعمليه >مزرجنه ياطالبه ..< أيوه مزرجنه ( تشاهد نوسه عن بعد أحدى ضابطات الكليه وهى تمر فتترك الطالبه النهائيه وتجرى فى أتجاهها لتشكو الشاويش ناديه ومن معها للضابطه ) نوسه : أنا الطالبه نوسه حموده أبو جبل ..أنا من الصبح يا فندم الشاويش ناديه والطالبه أللى معاها بيعذبوا فيه ..ليه وليه أن والدتى تبقى المقدم حلوتهم أبو سريع ..وزى ماحضرتك شايف عملوا فيه أيه الضابط : أنت بنت المقدم حلوتهم أبو سريع نوسه : أيوه يا فندم ..يارب ماتكونش أمى تعبتك أنت كمان الضابط : لا لا ما تخفيش والدتك دى أستاذتنا ..(يلتفت إلى ناديه ويأمرها هى ومن معها بالأنتظار أمام مكتبه ) أما أنت يا نوسه أنضمى لفرقتك وسوف أمر عليكى آخر النهار..أنصراف ( تجرى نوسه وهى فرحة وتنظر خلفها وتخرج لسانها لنادية والطالبه النهائيه الواقفتان أنتباه أمام الضابطه وهى توبخهما ) الحلقة رقم ( 4 ) فى طابور تحية العلم فى طابور المساء تمر الشاويش ناديه بين الصفوف وتقف أمام نوسه وهى تتوعدها : أن ماوريتك يانوسه يابنت حلاوتهم ما بقاش أنا ناديه آخد حبس خميس وجمعة من تحت راسك لو شوفتى الشارع تانى تبقى تقابلينى نوسه : أأقابلك فين يافندم نادية : أكتمى خالص مش عايزة أسمع صوتك كان يوم أسود يوم ماشوفناكم يادفعة زباله ..شدى نفسك خدى غرض ثابت وركزى نظرك عليه أوعى عينك تيجى فى عينى ..حسابنا بعد طابور العشا أن ما خليتك تدعى على اليوم أللى أتولدتى فيه ..الليله ليلتك يا عروسه ..أنت بتقولى حاجة نوسة : أنا ماتكلمتش يا فندم نادية : سمعاكى بتدعى عليا فى سرك نوسه : أنا لا والله ناديه : بعد الطابور حتاخدى بعضك وتروحى صالون الحلاقة ..تقصى الشعر الحرير ده وما شوفش الأوصة دى اللى مدلدله على عينك وتيجى المكتب تديني تماما ..سامعة نوسه بصوت عالى يسمعه جميع من فى أرض الطابور : حااااضر يافند م ..تتنبه قائدة الطابور العقيد / سميره حسبو وهى واقفة بجوار العلم فتنادى فى الميكروفون بحضور الطالبه التى قالت حاضر يافندم فورا أمام قاعدة العلم ناديه : الله يخرب بيتك مش حنخلص من سميرة حسبو ..أتفضلى أجرى روحيلها ربنا يستر تجرى نوسه وتقف أما العقيد / سميرة وتقوم بأداء التحية : تمام يافندم أنا الطالبه رقم 6110 نوسه أبو جبل أللى قولت حاضر يافندم سميرة : أنت مش عارفه أن طابور تحية العلم ..طابور مقدس مفيش فيه مخلوق يتكلم أو يطلع صوته نوسه : أصل يا فندم الشاويش ناديه كانت بتكدرنى ورديت عليها سميرة تنادى فى الميكرفون : الشاويش ناديه تحضر هنا فورا بالخطوة السريعة وأنت ياطالبه نوسه أدخلى الطابور تعود نادية بعد أن وبختها سميرة ووجهها ينطق بالحنق والغضب وتجازيها بحبس الخميس والجمعة التاليين : أأقعد أسبوعين حبس من تحت راسك الله يخرب بيتك واليوم أللى شوفتك فيه فقريه زى أللى خلفتك ..منك لله يابعيدة ..يا أنا يا أنتى فى الكلية دى نوسه : حضرتك بتقولى حاجة يا فندم ناديه وهى تزمجر من الغيظ وتضغط على أسنانها : اممممممه يوووو..ززززز فى المساء ينتشر خبر الجزاءات التى وقعت على الشاويش ناديه من تحت رأس الطالبه المستجده نوسه فتتوافد طالبات القسم النهائى على عنبر نوسه للأنتقام منها ومن دفعتها بالكامل وتبدأ طوابير التكدير للطالبات المستجدات وتتعالى صرخات الأنتقام ولم تنم الكلية فى ذلك اليوم بعد أن شنت جميع الأقسام هجوما شاملا عليهن.. أما نوسه فكانت عروس حفل التكدير حتى وقعت من كثرة التعب والتمرينات الرياضيه مغشيا عليها فحملوها سريعا إلى سريرها وقاموا بأفاقتها ووصل الخبر بسرعة البرق للضابطات المشرفات فقمن بجمع طالبات القسم النهائى فى أرض الطابور فى عز البرد ليقفوا طابور تكدير لمدة ساعة ونصف بعد أن نامت طالبات باقى الأقسام ..وتسببت نوسه فى تكدير الكلية بالكامل وحبس جميع طالباتها خميس وجمعة أشتهرت نوسه وأصبح أسمها يتردد على كل لسان وأصبح الكل يعمل لها ألف حساب خشية أن تتصرف تصرف يؤدى إلى عقابه وأنتهت فترة المستجدين بحلوها ومرها وأستعدت الطالبات المستجدات للنزول أول أجازة بالبدلة العسكرية الجديده التى هى حلم الجميع ..ويتجمع الأهالى على باب الكلية فى أنتظار خروج بناتهن فى أول أجازة الحلقة رقم (5) تخرج نوسه من باب الكليه وهى سعيدة بالبدلة العسكرية الجديدة وتمشى فى خيلاء ويا أرض أتهدى ما عليكى قدى وهى تشعر بأن الدنيا كلها تنظر إليها وتتذكر أمها وتسأل لماذا لم تحضر لأستقابلها أكيد عندها نوبتجيه وتركب تاكسى ليوصلها إلى بيتها السائق: على فين يا كابتن تنجعص على الكرسى الخلفى وبكل آلاطه :شبرا يا أسطى السائق وهو يقود بقرف : شبرا حاخد عشرين جنيه نوسه : ماشى السائق : ألا قوليلى حضرتك أنت دخلتى الكليه العسكريه ليه ؟ نوسه : سوق وخليك فى حالك !! السائق : سؤال أخير ممكن أعرف أيه لزمتها العصاية أللى معاكى دى نوسه وهى تتنهد بقرف : دى عصاية القيادة بيمسكها القادة وبتستخدم فى حاجات تانيه السائق : أقدر أعرف أيه هى الحاجات التانيه ؟؟ تسحب نوسه العصاية وتضرب بها السائق على رأسه : وبنضرب بيها السواقين الغلسه عايز تعرف حاجة تانيه ..سوق وبطل لماضه خلى يومك يعدى أنا روحى فى مناخيرى تصل نوسه إلى منزلها وتخرج أتنين جنيه وتعطيهم للسائق فيأخذهما وينظر إليها وهو ممتعض فتضع يدها على العصى فينطلق السائق وهو يسب ويلعن تصعد نوسه إلى بيتها فتفتح لها أمها الباب وتأخذها بالأحضان والقبلات وتنظر لها نوسه بغضب نوسه: يعنى واخده أجازة ياست ماما طب ما جتيش ليه تاخدينى > أنتى خلاص بقيتى كبيرة وتعتمدى على نفسك وآديك جيتى أدخلى غيرى هدومك وأنا عمله لك أكل من أللى أنتى بتحبيه ..محشى كرنب ..طبعا ماكنتيش بتأكليه فى الكليه
> سيبك من المحشى أنا عايزه أعرف أنتى ماكنتيش بتيجى فى الزيارات الأسبوعيه ليه ..أنا أتبهدلت آخر بهدله
> أكيد الشاويش ناديه قامت بالواجب معاكى
> يانهار أسود يعنى كنتى عارفه بأللى بيحصلى وساكته
> وكمان موصيه يشدوا عليكى حبتين
> ليه كده ياسيادة المقدم أهون عليكى للدرجة دى
> يانوسه يا حبيبتى أنا عيزاكى تكونى أحسن واحده وتظهرى قدامهم أنك قويه ولا تعتمدى على مركزى ورتبتى كان ممكن أوصى عليكى يعاملوكى بحنيه بس فى الأخر حتطلعى ضابط خرع ويقولوا أن المقدم حلوتهم ما عرفتش تربى
> وكمان موصيه عليا أن يعاملونى وحش..بجد حرام ..سبينى ولا كنت وصيتى لا بالطيب ولا بالرضى زى أى بنت فى الكليه بجد أنا مخصماكى
> بكرة تعرفى يانوسه أهمية أللى بعمله معاكى ..أكيد سمعتى عنى فى الكليه
> سمعت يا ختى كل ما أقول أسمك يتلم عليا أمة لا أله ألا الله ويزحفونى فى الأرض ..حرمت أقول أسمك أمام أى مخلوق
> وهو المطلوب أثباته ..الفتاة الجدعة هى أللى تثبت نفسها بدون الحاجة للقرع
والكوسه والواسطه فهمتى ياطالبه أنصراف
> أسيب الكليه ورزالة طلبة نهائى آجى ألاقيها هنا ..كفايه أنت بتنتقمى منى
> عشان تعرفى قيمتى وأزاى أنا وصلت للمركز ده وأنت مش أقل منى.. بطلى
رغيى.. وأقلعى هدومك الأكل على السفرة زمان أبوكى جاى أنصراااف
> تمام يافندم
تبتسم حلوتهم وهى تشاهد نوسه تنفذ الأوامر والتغيرات التى طرأت على سلوكها وقوامها الممشوق وصحتها التى تحسنت كثيرا
الحلقة رقم ( 6 )
سمير عضل
نوسه ونيفين يتفقان على الخروج المغربيه للذهاب إلى المصوراتى لألتقاط صور لهما بالزى العسكرى
تقفان أما م القهوة فى أنتظار تاكسى لتذهبا إلى نصف البلد
سمير عضل والشله يجلسوا على القهوة وبدأوا التنبيط وتلقيح الكلام منه معاكسات ومنه رزالة وتريأه عليهما ..ويتهورسمير عضل ليظهر غلاسته عليهما
ويقترب منهما وهو يقول
> الكباتن نويين على فين يظهر الكليه عملت معاكم شغل جامد قوى وصحتكم جت على أكل الجيش
تنظر له نوسه فى تحدى : أقعد ياض مع السناكيح أللى زيك لعرفك مركزك
سمير وهو يضحك سخرية من كلامها : تكونيش فاكرة أنك أتعلمتى كام حركة جودود على مصارعة حخاف منك ..ده أنا سمير عضل ياننوسه
نوسه :أمشى ياسمير يا عضل أحسن لك وألا حمرمط بيك الأرض
سمير : فرجينى كده ياشاطره ولا عشان لابسه البدله العسكريه حتخوفينى
نوسه : بص وراك شوف الناس أتلمت علينا أزاى
ينظر سمير خلفه.. فتخطف نوسه ذراعه وتطرحه أرضا وتضع ركبتها على صدره وقد رفعت يديها لأعلى لتجهز عليه وهى تصرخ فيه تحرم يا جبان فرجنى على عضلاتك تحب أخليك سميرة مش سمير
يتجمع المارة ورواد القهوة وهم يضحكون على سمير ويصفقون لنوسه ويسحبون سمير بعيدا وهو يهددها بأنه سينتقم
أحد المارة : خلاص يابنى أبعد عنها دى باين عليها جامده قوى وكويس أن هى سبتك كان ممكن تأذيك
سمير : تأذى مين ياعم لولا أن هى أخدتنى على خوانه لكنت وريتها
توسه: أمشى ياض وعلله أشوفك على القهوة دى تانى ..عيال معفنه تخاف ماتختشيش
المارة : تسلم أديكى يا كابتن ..ربنا يحرسك لشبابك أهو كده بنات شبرا وجدعنة بنات شبرا
يوقف لهما المارة تاكسى وتركبان فيه ..
نيفين : يخرب بيتك يانوسه ..أنت يابت ما خفتيش ليكون معاه بشله ولا موس يضربنا بيهم ..بس حتت حركة يابت نسلم أديكى الواد ياروح أمه أتكوم زى شوال البطاطس ..أنما قوليلى كنت حتخليه سميرة أزاى هههههه
نوسه: بس يابت عيب أختشى ..أللى عملته ده كارت أرهاب للى يفكر يبصلنا
سائق التاكسى وهو متابع الحديث فينظر إليهما قى المرآة وهو يهز رأسه عجبا
نوسه توجه كلامها للسائق: ركز يا أسطى فى الطريق وبلاش بحلقة فى المرايه
السائق: أصلى بأستعجب أزاى حضرتك ضربتى الواد أللى زى الثور ده أزاى
والله برافو عليكى أنا نفسى أدخل بناتى الكليه العسكريه
> ماشى ياسطى خد بالك من السكة الله يرضى عنك
بعد أن تتصوران تقترح نيفين على نوسه أن تجلسا فى الكافتيريا لتناول بعض المرطبات فلا تمانع
نوسه: تصدقى يانيفين أن أمى كانت موصيه الشاويش ناديه علشان تقرص عليا
نيفين : يالهوى أمك دى أيه ما عندهاش قلب
نوسه : قال أيه بتعمل كده لمصلحتى علشان ماطلعش خرعة
نيفين : خرعة هههههه بأمارة ما قلبتى الواد ..قولى ليها أطمنى
نوسه : عارفه أنا نفسى أدخل القوات الخاصة الكومندوز عاجبانى قوى
نيفين : بس يابت تدريبهم صعب قوى وبياكلوا ثعابين وفيران يععععع
نوسه : بس بنات كده تحبى تتفرجى عليهم وهم بيتدربوا وبيغنوا نشيد الصاعقة
هو ده حلم حياتى
نيفين أحلمى يا حبيبتى براحتك بعيد عنى
تقف أمامهن سيدة ممشوقة القوام بجديه صارمه
> مسا الخير أنا الرائد حسنيه من هيئة التدريس بالكلية العسكريه لو سمحتم يابنات كل واحده منكم تطلع كارنيهه وتصريحها من سوكات وتقوم تسلم نفسها فى الكليه ..أنتم مش متنبه عليكم بعدم التواجد بالزى العسكرى فى القهاوى والكافتريات لحقتم تنسوا ..الزى العسكرى له أحترامه أتفضلوا أمشوا حالا بس أدفعوا الحساب
تنسحب نوسه ونيفين وتخرجان إلى الطريق فتبكى نيفين فتطيب خاطرها نوسه
وتستعجلها للعودة للمنزل وأخبار الأسرة للعودة للكلية محبوستان
تصرخ نوسه بأعلى صوتها ..بركاتك ياغاليه ..بركاتك ياممه..حلاوتهم روايحها هلت
الحلقة رقم( 7)
تمر الأيام فى الكلية بحلوها ومرها وتبدع نوسه فى دراستها على أمل أن تلتحق بالقوات الخاصة وتهتم بلياقتها البدنيه فتظهر عليها علامات القوة والنشاط
وتأتيها الفرصة على طبق من فضة فيعلن فى الكليه عن دورة رياضية فى المصارعة الحرة بين الكليات العسكرية للبنات على مستوى العالم فتتقدم نوسه لتسجل نفسها فيها
تختبرها النقيب/ شادية المشرفة على فريق المصارعة وتعقد دورة تصفيه لأختيار الفريق الذى يمثل الكليه فتفوز نوسه لتصبح عضوة أساسية فى هذا الفريق وتبدأ التدريب العنيف وتظهر مواهبها واضحة وتضع المشرفة أمل كبير على نوسه بحصولها على ميدالية ذهبية فى وزنها
وتجرى فى الكلية المسابقة العالميه فتحضر الوفود الرياضية المشاركة من جميع أنحاء العالم وتجرى المباريات فى الأستاد الدولى وينقلها التليفزيون على الهواء مباشرة وتبدأ التصفيات وتفاجئ.. نوسه الجميع بتقدمها للدور قبل النهائى بعد مباريات عنيفة حققت فيها أنتصارات مذهلة على أبطال المخضرمين وفى المبارة قبل النهائية تتقابل مع بطلة أستراليا ..بنت مشهور عنها الشراسة والعنف
وصلت لهذا المركز بعد أن حطمت الخصوم التى أمامها ورقدوا جميعا بالمستشفيات للعلاج من الكسور والكدمات والنزيف
وفى يوم المبارة تقف أم نوسه ورائها وتشجعها بحرارة وتشد بأزرها وفى غرفة التسخين تنفرد أم نوسه ببنتها وتسألها
حلوتهم : أنت خايفه يانوسه من البنت الأستراليه
نوسه : أيوه خايفه ياماما
> تبقى حتكسبى يانوسه بس عايزاكى تقفى أمامها بتحدى ولا تظهرى خوفك وأستجمعى شجاعتك فأنت أمل الملايين لترسمى على وجوههم الفرحة والبهجة والفخر بأبنة بلادهم ولا يتطرق لقلبك التخاذل واليأس وأضربيها بكل ما أوتيت من قوة وأهجمى عليها كالأسد ونفذى تعليمات مدربتك وهذا أختبار لتكونى أو لا تكونى والفرصة لا تأتى مرتين .. أدخلى الحلبة وأنت تقرأى ما حفظتيه من قرآن ولنا لقاء بعد أنتصارك بأذن الله قومى يابطله وقولى حسبنا الله ونعم الوكيل
تحتضن أم نوسه أبنتها وتطبع قبلة طويله على خديها تبث فيها لواعج الأمل والخوف عليها
ويحين موعد اللقاء وتصعد نوسه على الحلقة وسط تشجيع المشاهدين وتهتز جنبات الأستاد من حرارة التشجيه فيبعث فى نفسها القوة والطمأنينة وتدور بعينها فى المدرجات فتجد الحماس والتشجيع المتفانى من أبناء بلدها الطيبين
فتزداد حماس هى الأخرى ويدق ناقوس البدايه وتبدأ معركة البقاء والحسم.. وتتقدم الأستراليه بغرور وعنجهية وترفع نوسه فى الهواء وتطرحها أرضا وتتوالى ضربات الأستراليه مع صريخ المشجعين الأوروبيين وبدا واضحا تفوقها
فتصرخ مدربة نوسه بأن تبتعد عنها وتلعب معها على الأقدام وفى أرضية البساط وتفوء نوسه من الصدمه وتهاجم بعنف وضراوة وأستطاعت أن تطرحها أرضا وتضغط على ساقيها بقوة فتصرخ الأستراليه من الألم ويهتز الأستاد بهتاف الجماهير ومع كل هتاف تزيد من قوة قبضتها حتى رفعت يدها مستسلمه وتأتى الجولة الثالثة وتنزل نوسه وهى أشد حماسا بعد أن تعادلتا فى الجولتين السابقتين وهذه الجولة ستحدد من هو الفائز وتبدأ الجوله وتتفوق فيها نوسه على نفسها وتطرح منافستها أرض وتكسب بلمس الأكتاف مع التشجيع الرهيب وهنا يقف حكم الحلبة ليعلن فوز نوسه ويرفع يدها عاليا وتحتضن نوسه منافستها كتقليد متبع وروح رياضيه.. ولكن الأسترالية ترفض العناق وتعض نوسه فى رقبتها
من الغيظ فتصرخ وتقع على الأرض ويدخل رجال الأسعاف لحملها من أرضية الحلبه مع لهفة أمها ومدربتها وزميلاتها فى الكليه عليها بعد حركة الغدر المتعمدة وفى داخل المستشفى العسكرى يتوافد الزائرين للأطمئنان على صحة نوسه وكان فى مقدمة الزائرين اللواء فوزية الدوكش مديرة الكليه
فوزيه : مبروك يانوسه وألف سلامه عليكى شدى حيلك الحمد لله أن أصابتك بسيطه بلاش دلع علشان تيجى تستلمى الميداليه الذهبية وكأس البطوله
> شكرا يافندم بس أزاى ولسه فاضل ماتش
> لعلمك تم طرد البعثة الأستراليه من المسابقه وشطب جميع نتائجها وبالتالى فأنت البطله ..مبروك ..لك تكريم آخر فى الكليه شدى حيلك يابطله
وتحلم نوسه بصعودها على منصة التكريم وهى ترفع كأس البطولة وتعزف الموسيقى السلام الوطنى ويرفرف العلم عاليا فى السماء
وإلى هنا تنتهى حلقات نوسه فى الجيش أرجو أن تنال أعجابكم وإلى لقاء جديد
فى موضوع كوميدى جديد عن أمثالنا الشعبية فى الميزان
تمت
المقدمة
فى دولة فسكونيا العظمى وقفت النائبة المحترمة رئيسة حزب ( المرأة القوية) فى البرلمان وهى تناقش ضرورة أصدار قانون يسمح بتشكيل قوات نظامية من السيدات والبنات بعد أن خسرت الدولة نسبة كبيرة من الشباب والرجال فى حروبها المتتالية مع أعدائها
وبعد مناقشات عديدة بين المعارضة والحكومة تمت الموافقة على فرض التجنيد الأجبارى على الأناث بنفس شروط الرجال ..وأنشاء كليات عسكرية للبنات أسوة بالذكور لأمداد الجيش الجديد بالقيادات النسائية ..وتشكيل وحدات مستقلة مقاتله جميع هياكلها من الأناث فى القوات البريه والبحريه والجويه ..التخلى عن نصف معسكرات الجيش الرجالى للجيش الحريمى الناشئ
وبعد عشر سنوات من تنفيذ هذا القرار تكون جيش من الأناث على أعلى مستوى من التدريب والتسليح وأصبحت الدولة تعتمد عليه فى تنفيذ مخططاتها العسكريه
والدفاع عن أراضيها.. وقد أبلى هذا الجيش الناشئ بلاءا حسنا فى ميادين القتال ومنح العديد من نسائه الأوسمة والنياشين والأنواط العسكرية
ولكن حواء التى خلقها الله لتكون مصدر للحب والحنان قد تحولت لمخلوق مخيف بعد أن أمتلكت مفاتيح القوة وزمام السلطة
معا نستمتع بهذه الحلقات الخيالية من مغامرات نوسه فى الجيش
الحلقة رقم (1)
نوسه فى الكلية العسكرية
ظهرت نتيجة الثانويه العامة وفتح مكتب التنسيق أبوابه والكل يحلم بكلية من كليات القمة ألا نوسه فقد أخذتها من أصيرها وتوجهت إلى مكتب تنسيق الكليات العسكريه وقامت بتقديم أوراقها بكل ثقه ومعها صديقتها نيفين
> أيه يانوسه الزحام ده كله بنات البلد كلها جاية تقدم فى الكليات العسكرية يادى النصيبه دا كل أللى عايزينه 500 بنت بس !!
> عارفه يابت يانيفين حتبقى العمليه مجزره علشان يصفوا الأعداد الكبيرة ..يعنى حنتعصر عصر..أدعى من قلبك أن يارب نقبل ..ياااارب
يتم أجراء الكشف الطبى على الأعداد المتقدمه وتنجح نوسه ونيفين فى الكشوفات
وينتقلوا إلى المراحل التاليه وهى الأختبارات النفسيه والرياضيه وتجتازاها بنجاح ويتبقى كشف الهيئه للقبول النهائى
نوسه : شدى جسمك كده يا نيفين وأقرأى الفاتحة والمعوذتين قبل ما تدخلى
نيفين : بيقولوا أن رئيسة اللجنة اللواء سعدية الدوكش ربنا يستر ..عليها بصة يابت يانوسة تخليكى تلبدى فى جلدك
> المهم ماتلوكيش معاها وخلى عينك باصة لفوق فى السقف وحسك عينك تيجى عينك فى عينها والجواب على قد السؤال فاهمه
> أيوة ياستى أمك مرسياكى على كل حاجة ماهو أنتى بنت المقدم حلوتهم حد قدك
> الوليه دى أللى أسمها سعديه الدوكش ماتعرفش أبوها ربنا يستر
ينادى على أسم نوسه أولا للدخول أمام لجنة كشف الهيئة فتجد نفسها أمام مجموعة من اللواءات بالزى الرسمى وكلهن من السيدات وتتوسطهم اللواء سعدية الدوكش وهى تنظر إليها بتمعن وقد رفعت عينيها خارج أطار النظارة وفاجئتها بصوت أجش كأنه نعيق الضفادع
> أنت نوسه حموده أبو جبل
> أيوه يا فندم ..<أمك تبقى المقدم/ حلوتهم أبو سريع ..>أيوه يافندم
> أنتى مجموعك فى الثانوية العامة يدخلك كليات الطب والصيدله أيه أللى جابك
< علشان بحب الجيش يا فندم > كويس ..تعرفى تكسرى العصايه دى ياشاطرة بسيف يد < أجرب يافندم > مفيش حاجة أسمها أجرب ياننوسه ..يا تقولى أه.. ياتقولى لأ
تتقدم نوسه بثبات وتنزل بعزم مافيها لتكسر العصاية نصفين وتعود لمكانها وهى تنظر فى السقف
> كويس يانوسه حناخدك فى قوات الصاعقة أتفضلى لما نبعت لك تبقى تيجى أللى بعده ..نيفين حسن فتله
> أنت نيفين حسن فتله
< حسن قله يا فندم > قله ولا فتله أرسى على حل
> قله ولا فتله أللى تشوفيه يافندم..< خلاص خلاص خليها قلة مش حيفرق أنتى مقدمه رغبتك للألتحاق بالكليه البحريه ومابتعرفيش تعومى وساقطه فى السباحة وده شرط أساسى للقبول فى البحريه تدخلى القوات البريه > أنا عايز أأقول أنى بعرف أعوم وكانت فيه ظروف منعتنى من تكملة الحمام
> أأقدر أعرف أيه الظروف دى
> الزغوطه
< أيه يا ختى زغوطه > أيوه يا فندم الزغوطه ده أنا بنت عويمه نمره واحد ..أللى حصل أنى ضربت سندوتشين فول قبل ما نزل الحمام وأمى الله يسامحها حطتت فيهم قرن فلفل ملهلب ما تقوليش لعدوك عليه ولع بوئ وشفايفى ومكانش معايا ميه نادوا على أسمى علشان أعوم ما صدقت نطيت فى الحمام وقعدت أقربع فى الميه وأنا بعوم ما حستش بنفسى ألا وهم مطلعنى سطيحه بعد مارجعت كل أللى فى بطنى فسقطونى فى السباحة وأنا مستعده أمتحن تانى دلوقتى لو حبيتى ..أنا لابسه المايوه تحت الهدوم
> ما ينفعش ياشاطره خلاص مافيش أمتحانات تحبى تنضمى للبرى ولا تاخدى ورقك وتروحى
> زى بعضه برى بحرى جوى كله محصل بعضه
> سامعاكى بتقولى حاجه أنت منين ياطالبه
> من شبرا يا فندم العنوان عند حضرتك
> أنت باين عليكى لكيكه وده مطلوب لسلاح الأشارة أتفضلى أنصراف
يتم قبول نوسه ونيفين بالكلية العسكرية وقد غمرتهما السعادة والفرح عند تلقيهم النبأ وأستعدا لتسليم أنفسهما للكلية العسكريه بعد أن ودعتا الأهل والأصدقاء ليبدئا معا حياة جديده داخل أسوارها
الحلقة رقم 2
الشاويش ناديه
تقوم نوسه ونيفين بتسليم أنفسهما فى الكلية العسكرية بعد أن نجحتا فى كشف الهيئه وتتجمع المستجدات فى مدرجات حمام السبا حة لتوزيعهما على السرايا والكتائب وتنتظران للأنضمام للمجموعات تقترب منهما شاويش قد فارقت وجهها الأبتسامه من سنين مضت
الشاويش يوجه كلامه لنوسه : مش أحسن لك ياطالبه تسيبك من المجلة أللى فى أيدك وتركزى علشان تعرفى تسمعى أسمك
نوسه : وأنت مالك أسمع ولا ما أسمعش يعنى أللى حيسمع أسمه حيروح الجنه
وبعدين أنت شاويش مالك أنت ومال اللى حتبقى ضابط ..روحى كده بلاش دوشه
مش ناقصاكى سكتك خضراء ياشابه
الشاويش: علشان تعرفى ياجاهله أنا طالبه فى القسم النهائى وممكن أكون المشرفه بتاعتك ..شيلى المجلة دى أحسن لك
نيفين : شيلى المجلة يانوسه ولمى الدور
نوسه: أيه رأيك بقى أن مش شايلاها وورينى حتعملى أيه ياحضرة الشاويش
الشاويش: مستعجله على رزقك ليه بكرة تعرفى أنا مين ياحلوة
> حتطلعى مين يعنى ..روحى كده لأخبطك شلوت أأقلبك فى الحمام
> ماشى حسابنا بعدين
> أنتى باين عليكى بوء على الفاضى ياله ياشاطره من هنا
ينادى على أسم نوسه ونيفين ويقفا فى الطابور التى تنظمه طالبه بشريطين
وتقودهم جميعا إلى مخازن المهمات لأستلام الزى العسكرى وتحمل كل واحدة منهن مخلة ضخمه بها جميع الملبوسات الصيفى والشتوى
العريفه : قدامى ياطالبه أنتى وهى لعنابر المبيت.. مارش
تدخل بهم العنبر وتوزعهم على السراير وبجوار كل سرير دولاب للملابس
العريف : دلوقتى كل واحده منكم خلال خمس دقايق تطلع الأفرول من المخلة وتقلع هدومها المدنيه وتلبسه وأللى تخلص تجمع هنا قدامى أنصراف
تنصرف البنات وترتدى كل منهن الأفرول والجزمه البياده ويصطففن أمام العريف
تقوم بعدهن وتصرخ : لسه ناقصين أتنين.. نوسه ونيفين فين ؟؟
تهرع الصديقتان وتقفا فى آخر الصفوف ..تنظر إليهما العريف شزرا وتكاد تفتك بهما : أيه أللى أخرك أنت وهى
نوسه : البنطلون ضيق والجاكته كبيره على مابدلتهم مع البنات يعنى عايزانى أجيلك ملخبطه
العريف : أمنعى الكلام حسابنا بعدين لما تجيلكم الشاويش ناديه تعرف تروقكم
أحب أعرفكم بنفسى أنا العريف فاطمه فى القسم النهائى ومسؤله عن كافة شؤنكم
وسريرى أول سرير فى العنبر وأحب أعرفكم بأنى لن أتهاون فى أى غلطه
الأمر العسكرى مفهوش نقاش وجميع تحركاتكم بالخطوة السريعة ..تقطع كلامها
أنت ياطالبه ياللى قبل الأخيرة طلعى اللبانه أللى فى بوءك وأطلعى بره عندك طابور ذنب النهارده ..وأحب أعرفكم بأن النفير أللى بتسمعوه فى سماعات العنبر هو نوبات للحصص وفيه نوبه للنوم ونوبه للصحيان ونوبه للأستعداد وأخرى لجمع الطابور وأى تخلف عن النوبه سيوقع عليكم الجزاء مفهوم ..ردوا كلكم بصوت واحد مفهوم يا فندم أما أنتى يا أم لبانه تاخدى الطورئه دى جرى 20 مرة وماتقفيش ألا لما أأقولك أستوب
تدخل الشاويش فتنادى العريف فاطمه على البنات : أنتباه ثم تقوم بتقديم كشف الأسماء لها وهى تشرح لها ماتم من أعمال
تنظر نوسه من خلال الصفوف وتزغد نيفين : شايفه مين الشاويش بتاعنا
نيفين : يانهار أسود مش هى دى أللى أتخانقنا معاها فى حمام السباحة ربنا يستر علينا السنه دى
نوسه: أسكتى خالص يظهر شافتنا وجايه ناحيتنا
الشاويش ناديه : أهلا أهلا بالباعكيك الأتنين أول مرة أدعى وربنا يحقق دعايا
نوسه وشيرين يامرحبا يامرحبا.. أطلعوا بره الصف أحنا لسه ماتعرفناش ببعض
كويس ..عارفين الوزه بتمشى أزاى فرجونى ماشية الوزه
نوسه : بس مابعرفش أمشى ماشية الوزه يا فندم
الشاويش ناديه : عريف فاطمه عرفيهم ماشية الوزه ( تجلس فاطمة القرفصاء وتضع يديها فوق رأسها وتسير وهى فى هذا الوضع الصعب فتضحك نوسه وشيرين على منظرها )
وتصرخ فيهما : أنزلى ياطالبه أنت وهى ..ماشية الوزه مارش
تنزل نيفين وتنفذ وتتباطئ نوسه فتصرخ فيها نادية وفاطمه فتنفذ الأمر وهى تتوجع من آلام الركبه ولكنها تخفى ألامها وتستمر حتى تأمرهما نادية بالتوقف
وهم جلوس القرفصاء وتتركهما الشاويش ناديه للعريف فاطمه وتغادر لتكمل معهما باقى طابور الذنب وفى النهاية تصعبا عليها وتأمرهما بالوقوف أنتباه
فاطمه : أنتم عملتم أيه مع الشاويش ناديه
نوسه : أنا ماكنتش أعرف أنها طالبه فى النهائى أفتكرتها صف ضابط عادى ولبخت معاها وكنت حضربها بالشلوت وعلشان حظنا الأسود نقع فى مجموعتها
فاطمه : بالشلوت يامفتريه.. كنتم حتروحوا منها فين ..أسمعى أنت وهى العينين بقت عليكم فما تحاولوش أنكم تغلطوا وأمشوا جوه الحيط لحد ماتخلص فترة المستجدين مفهوم
> مفهوم يافندم ..أنصراف علشان تجهزوا سرايركم ودواليبكم ..حاضر يافندم
الحلقة رقم 3
يرتفع صوت النفير فى سماعات العنبر فى الخامسة ونصف صباحا فتنتفض البنات من الفراش ويهرعن للحمامات والأستعداد لطابور الصباح ..تفتح نوسه عينها لتجد أمامها الشاويش ناديه وهى ترفع عنها البطانية
ناديه : أصحى يا هانم الفطار جاهز على السفرة
تسحب نوسة البطانيه مرة أخرى وتعود للنوم : سبينى يامامى أنام شويه
> أصحى قومى فزى ياطالبه قامت قيامتك يادلوعة مامى
تنتفض نوسه فتجد أمامها الشاويش ناديه وطابور البنات يرتدون ملابس الرياضة البدنيه وتفتش عليهم العريف فاطمه
>يا خبر أبيض هو أنا راحت عليا نومه ولا أيه
> يا دلوعة بسرعة على الحمام وألبسى هدوم الرياضة وتعاليلى ع المكتب
> نوسة تتثائب وتتمطع وتمشى بتكاسل فى أتجاه الحمام..تسمع صريخ ناديه ورائها فتجرى رعبا لتفذ الأمر
تقف نوسه أمام الشاويش ناديه بعد أن أرتدت ملابس التربية الرياضيه
ناديه : أسمك أيه ياطالبة
> نوسه ... تصرخ ناديه فى وجه نوسه : قولى أسمك زى ماتعلمتى ياتحفه
> طالبه أساسى 6110 نوسه حموده أبو جبل ياااا فندم
> والدك بيشتغل أيه ..مهندس يافندم
> والدتك أسمها ووظيفتها
> المقدم أركان حرب/ حلوتهم أبوسريع فى سلاح المشاه
> أهلا ..أنت بقى بنت المقدم / حلاوتهم أبو سريع ..ده أحنا شوفنا أيام سوده على أديها لما كانت بتدرس لنا فى الكليه..عشان كده لسانك متبرى منك وشايفه نفسك
كوسه بقى وفاكرة أن والدتك حتحميكى ..أنسى ياماما أن ما خليتك تمشى تبصى وراكى وخليتك تلفى حوالين نفسك ما بقاش أنا الشاويش ناديه
> أللى تشوفيه يافندم
> للخلف دورر سريعا مارش. أأقفى هناك عند العقله وأتعلقى فيها على ما جيلك
( تأخذ الشاويش ناديه نوسه إلى ميدان الموانع وتأمرها بعبورها زحفا وجريا وقفزا وهى تصرخ فيها كلما تباطئت وتمر عليها طالبه فى القسم النهائى فتسألها)
> عملت أيه البنت المستجده دى
> أنت ما تعرفيش مين دى ..دى بنت المقدم حلوتهم ابو سريع
> مش معقول ..دى بنت المقدم حلوتهم ..والنبى سبيهالى شويه أفش غلى فيها
> آهى عندك أهه روقيها
> أجمعى هنا ياطالبه بالخطوة السريعة ..أجررى
( تقوم الطالبه النهائية بأعادة التمارين وهى تتلذذ برؤية نوسه وهى تتلاحق أنفاسها ويتصبب منها العرق وقد حل بها التعب تماما فتتوقف عن أداء التمارين)
> أجرى ياطالبه
نوسه : أيه رأيك بقى ..مش جاريه
> أرقدى ..مش راقده ..>أقفزى..< مش قافزه وأللى عندك أعمليه >مزرجنه ياطالبه ..< أيوه مزرجنه ( تشاهد نوسه عن بعد أحدى ضابطات الكليه وهى تمر فتترك الطالبه النهائيه وتجرى فى أتجاهها لتشكو الشاويش ناديه ومن معها للضابطه ) نوسه : أنا الطالبه نوسه حموده أبو جبل ..أنا من الصبح يا فندم الشاويش ناديه والطالبه أللى معاها بيعذبوا فيه ..ليه وليه أن والدتى تبقى المقدم حلوتهم أبو سريع ..وزى ماحضرتك شايف عملوا فيه أيه الضابط : أنت بنت المقدم حلوتهم أبو سريع نوسه : أيوه يا فندم ..يارب ماتكونش أمى تعبتك أنت كمان الضابط : لا لا ما تخفيش والدتك دى أستاذتنا ..(يلتفت إلى ناديه ويأمرها هى ومن معها بالأنتظار أمام مكتبه ) أما أنت يا نوسه أنضمى لفرقتك وسوف أمر عليكى آخر النهار..أنصراف ( تجرى نوسه وهى فرحة وتنظر خلفها وتخرج لسانها لنادية والطالبه النهائيه الواقفتان أنتباه أمام الضابطه وهى توبخهما ) الحلقة رقم ( 4 ) فى طابور تحية العلم فى طابور المساء تمر الشاويش ناديه بين الصفوف وتقف أمام نوسه وهى تتوعدها : أن ماوريتك يانوسه يابنت حلاوتهم ما بقاش أنا ناديه آخد حبس خميس وجمعة من تحت راسك لو شوفتى الشارع تانى تبقى تقابلينى نوسه : أأقابلك فين يافندم نادية : أكتمى خالص مش عايزة أسمع صوتك كان يوم أسود يوم ماشوفناكم يادفعة زباله ..شدى نفسك خدى غرض ثابت وركزى نظرك عليه أوعى عينك تيجى فى عينى ..حسابنا بعد طابور العشا أن ما خليتك تدعى على اليوم أللى أتولدتى فيه ..الليله ليلتك يا عروسه ..أنت بتقولى حاجة نوسة : أنا ماتكلمتش يا فندم نادية : سمعاكى بتدعى عليا فى سرك نوسه : أنا لا والله ناديه : بعد الطابور حتاخدى بعضك وتروحى صالون الحلاقة ..تقصى الشعر الحرير ده وما شوفش الأوصة دى اللى مدلدله على عينك وتيجى المكتب تديني تماما ..سامعة نوسه بصوت عالى يسمعه جميع من فى أرض الطابور : حااااضر يافند م ..تتنبه قائدة الطابور العقيد / سميره حسبو وهى واقفة بجوار العلم فتنادى فى الميكروفون بحضور الطالبه التى قالت حاضر يافندم فورا أمام قاعدة العلم ناديه : الله يخرب بيتك مش حنخلص من سميرة حسبو ..أتفضلى أجرى روحيلها ربنا يستر تجرى نوسه وتقف أما العقيد / سميرة وتقوم بأداء التحية : تمام يافندم أنا الطالبه رقم 6110 نوسه أبو جبل أللى قولت حاضر يافندم سميرة : أنت مش عارفه أن طابور تحية العلم ..طابور مقدس مفيش فيه مخلوق يتكلم أو يطلع صوته نوسه : أصل يا فندم الشاويش ناديه كانت بتكدرنى ورديت عليها سميرة تنادى فى الميكرفون : الشاويش ناديه تحضر هنا فورا بالخطوة السريعة وأنت ياطالبه نوسه أدخلى الطابور تعود نادية بعد أن وبختها سميرة ووجهها ينطق بالحنق والغضب وتجازيها بحبس الخميس والجمعة التاليين : أأقعد أسبوعين حبس من تحت راسك الله يخرب بيتك واليوم أللى شوفتك فيه فقريه زى أللى خلفتك ..منك لله يابعيدة ..يا أنا يا أنتى فى الكلية دى نوسه : حضرتك بتقولى حاجة يا فندم ناديه وهى تزمجر من الغيظ وتضغط على أسنانها : اممممممه يوووو..ززززز فى المساء ينتشر خبر الجزاءات التى وقعت على الشاويش ناديه من تحت رأس الطالبه المستجده نوسه فتتوافد طالبات القسم النهائى على عنبر نوسه للأنتقام منها ومن دفعتها بالكامل وتبدأ طوابير التكدير للطالبات المستجدات وتتعالى صرخات الأنتقام ولم تنم الكلية فى ذلك اليوم بعد أن شنت جميع الأقسام هجوما شاملا عليهن.. أما نوسه فكانت عروس حفل التكدير حتى وقعت من كثرة التعب والتمرينات الرياضيه مغشيا عليها فحملوها سريعا إلى سريرها وقاموا بأفاقتها ووصل الخبر بسرعة البرق للضابطات المشرفات فقمن بجمع طالبات القسم النهائى فى أرض الطابور فى عز البرد ليقفوا طابور تكدير لمدة ساعة ونصف بعد أن نامت طالبات باقى الأقسام ..وتسببت نوسه فى تكدير الكلية بالكامل وحبس جميع طالباتها خميس وجمعة أشتهرت نوسه وأصبح أسمها يتردد على كل لسان وأصبح الكل يعمل لها ألف حساب خشية أن تتصرف تصرف يؤدى إلى عقابه وأنتهت فترة المستجدين بحلوها ومرها وأستعدت الطالبات المستجدات للنزول أول أجازة بالبدلة العسكرية الجديده التى هى حلم الجميع ..ويتجمع الأهالى على باب الكلية فى أنتظار خروج بناتهن فى أول أجازة الحلقة رقم (5) تخرج نوسه من باب الكليه وهى سعيدة بالبدلة العسكرية الجديدة وتمشى فى خيلاء ويا أرض أتهدى ما عليكى قدى وهى تشعر بأن الدنيا كلها تنظر إليها وتتذكر أمها وتسأل لماذا لم تحضر لأستقابلها أكيد عندها نوبتجيه وتركب تاكسى ليوصلها إلى بيتها السائق: على فين يا كابتن تنجعص على الكرسى الخلفى وبكل آلاطه :شبرا يا أسطى السائق وهو يقود بقرف : شبرا حاخد عشرين جنيه نوسه : ماشى السائق : ألا قوليلى حضرتك أنت دخلتى الكليه العسكريه ليه ؟ نوسه : سوق وخليك فى حالك !! السائق : سؤال أخير ممكن أعرف أيه لزمتها العصاية أللى معاكى دى نوسه وهى تتنهد بقرف : دى عصاية القيادة بيمسكها القادة وبتستخدم فى حاجات تانيه السائق : أقدر أعرف أيه هى الحاجات التانيه ؟؟ تسحب نوسه العصاية وتضرب بها السائق على رأسه : وبنضرب بيها السواقين الغلسه عايز تعرف حاجة تانيه ..سوق وبطل لماضه خلى يومك يعدى أنا روحى فى مناخيرى تصل نوسه إلى منزلها وتخرج أتنين جنيه وتعطيهم للسائق فيأخذهما وينظر إليها وهو ممتعض فتضع يدها على العصى فينطلق السائق وهو يسب ويلعن تصعد نوسه إلى بيتها فتفتح لها أمها الباب وتأخذها بالأحضان والقبلات وتنظر لها نوسه بغضب نوسه: يعنى واخده أجازة ياست ماما طب ما جتيش ليه تاخدينى > أنتى خلاص بقيتى كبيرة وتعتمدى على نفسك وآديك جيتى أدخلى غيرى هدومك وأنا عمله لك أكل من أللى أنتى بتحبيه ..محشى كرنب ..طبعا ماكنتيش بتأكليه فى الكليه
> سيبك من المحشى أنا عايزه أعرف أنتى ماكنتيش بتيجى فى الزيارات الأسبوعيه ليه ..أنا أتبهدلت آخر بهدله
> أكيد الشاويش ناديه قامت بالواجب معاكى
> يانهار أسود يعنى كنتى عارفه بأللى بيحصلى وساكته
> وكمان موصيه يشدوا عليكى حبتين
> ليه كده ياسيادة المقدم أهون عليكى للدرجة دى
> يانوسه يا حبيبتى أنا عيزاكى تكونى أحسن واحده وتظهرى قدامهم أنك قويه ولا تعتمدى على مركزى ورتبتى كان ممكن أوصى عليكى يعاملوكى بحنيه بس فى الأخر حتطلعى ضابط خرع ويقولوا أن المقدم حلوتهم ما عرفتش تربى
> وكمان موصيه عليا أن يعاملونى وحش..بجد حرام ..سبينى ولا كنت وصيتى لا بالطيب ولا بالرضى زى أى بنت فى الكليه بجد أنا مخصماكى
> بكرة تعرفى يانوسه أهمية أللى بعمله معاكى ..أكيد سمعتى عنى فى الكليه
> سمعت يا ختى كل ما أقول أسمك يتلم عليا أمة لا أله ألا الله ويزحفونى فى الأرض ..حرمت أقول أسمك أمام أى مخلوق
> وهو المطلوب أثباته ..الفتاة الجدعة هى أللى تثبت نفسها بدون الحاجة للقرع
والكوسه والواسطه فهمتى ياطالبه أنصراف
> أسيب الكليه ورزالة طلبة نهائى آجى ألاقيها هنا ..كفايه أنت بتنتقمى منى
> عشان تعرفى قيمتى وأزاى أنا وصلت للمركز ده وأنت مش أقل منى.. بطلى
رغيى.. وأقلعى هدومك الأكل على السفرة زمان أبوكى جاى أنصراااف
> تمام يافندم
تبتسم حلوتهم وهى تشاهد نوسه تنفذ الأوامر والتغيرات التى طرأت على سلوكها وقوامها الممشوق وصحتها التى تحسنت كثيرا
الحلقة رقم ( 6 )
سمير عضل
نوسه ونيفين يتفقان على الخروج المغربيه للذهاب إلى المصوراتى لألتقاط صور لهما بالزى العسكرى
تقفان أما م القهوة فى أنتظار تاكسى لتذهبا إلى نصف البلد
سمير عضل والشله يجلسوا على القهوة وبدأوا التنبيط وتلقيح الكلام منه معاكسات ومنه رزالة وتريأه عليهما ..ويتهورسمير عضل ليظهر غلاسته عليهما
ويقترب منهما وهو يقول
> الكباتن نويين على فين يظهر الكليه عملت معاكم شغل جامد قوى وصحتكم جت على أكل الجيش
تنظر له نوسه فى تحدى : أقعد ياض مع السناكيح أللى زيك لعرفك مركزك
سمير وهو يضحك سخرية من كلامها : تكونيش فاكرة أنك أتعلمتى كام حركة جودود على مصارعة حخاف منك ..ده أنا سمير عضل ياننوسه
نوسه :أمشى ياسمير يا عضل أحسن لك وألا حمرمط بيك الأرض
سمير : فرجينى كده ياشاطره ولا عشان لابسه البدله العسكريه حتخوفينى
نوسه : بص وراك شوف الناس أتلمت علينا أزاى
ينظر سمير خلفه.. فتخطف نوسه ذراعه وتطرحه أرضا وتضع ركبتها على صدره وقد رفعت يديها لأعلى لتجهز عليه وهى تصرخ فيه تحرم يا جبان فرجنى على عضلاتك تحب أخليك سميرة مش سمير
يتجمع المارة ورواد القهوة وهم يضحكون على سمير ويصفقون لنوسه ويسحبون سمير بعيدا وهو يهددها بأنه سينتقم
أحد المارة : خلاص يابنى أبعد عنها دى باين عليها جامده قوى وكويس أن هى سبتك كان ممكن تأذيك
سمير : تأذى مين ياعم لولا أن هى أخدتنى على خوانه لكنت وريتها
توسه: أمشى ياض وعلله أشوفك على القهوة دى تانى ..عيال معفنه تخاف ماتختشيش
المارة : تسلم أديكى يا كابتن ..ربنا يحرسك لشبابك أهو كده بنات شبرا وجدعنة بنات شبرا
يوقف لهما المارة تاكسى وتركبان فيه ..
نيفين : يخرب بيتك يانوسه ..أنت يابت ما خفتيش ليكون معاه بشله ولا موس يضربنا بيهم ..بس حتت حركة يابت نسلم أديكى الواد ياروح أمه أتكوم زى شوال البطاطس ..أنما قوليلى كنت حتخليه سميرة أزاى هههههه
نوسه: بس يابت عيب أختشى ..أللى عملته ده كارت أرهاب للى يفكر يبصلنا
سائق التاكسى وهو متابع الحديث فينظر إليهما قى المرآة وهو يهز رأسه عجبا
نوسه توجه كلامها للسائق: ركز يا أسطى فى الطريق وبلاش بحلقة فى المرايه
السائق: أصلى بأستعجب أزاى حضرتك ضربتى الواد أللى زى الثور ده أزاى
والله برافو عليكى أنا نفسى أدخل بناتى الكليه العسكريه
> ماشى ياسطى خد بالك من السكة الله يرضى عنك
بعد أن تتصوران تقترح نيفين على نوسه أن تجلسا فى الكافتيريا لتناول بعض المرطبات فلا تمانع
نوسه: تصدقى يانيفين أن أمى كانت موصيه الشاويش ناديه علشان تقرص عليا
نيفين : يالهوى أمك دى أيه ما عندهاش قلب
نوسه : قال أيه بتعمل كده لمصلحتى علشان ماطلعش خرعة
نيفين : خرعة هههههه بأمارة ما قلبتى الواد ..قولى ليها أطمنى
نوسه : عارفه أنا نفسى أدخل القوات الخاصة الكومندوز عاجبانى قوى
نيفين : بس يابت تدريبهم صعب قوى وبياكلوا ثعابين وفيران يععععع
نوسه : بس بنات كده تحبى تتفرجى عليهم وهم بيتدربوا وبيغنوا نشيد الصاعقة
هو ده حلم حياتى
نيفين أحلمى يا حبيبتى براحتك بعيد عنى
تقف أمامهن سيدة ممشوقة القوام بجديه صارمه
> مسا الخير أنا الرائد حسنيه من هيئة التدريس بالكلية العسكريه لو سمحتم يابنات كل واحده منكم تطلع كارنيهه وتصريحها من سوكات وتقوم تسلم نفسها فى الكليه ..أنتم مش متنبه عليكم بعدم التواجد بالزى العسكرى فى القهاوى والكافتريات لحقتم تنسوا ..الزى العسكرى له أحترامه أتفضلوا أمشوا حالا بس أدفعوا الحساب
تنسحب نوسه ونيفين وتخرجان إلى الطريق فتبكى نيفين فتطيب خاطرها نوسه
وتستعجلها للعودة للمنزل وأخبار الأسرة للعودة للكلية محبوستان
تصرخ نوسه بأعلى صوتها ..بركاتك ياغاليه ..بركاتك ياممه..حلاوتهم روايحها هلت
الحلقة رقم( 7)
تمر الأيام فى الكلية بحلوها ومرها وتبدع نوسه فى دراستها على أمل أن تلتحق بالقوات الخاصة وتهتم بلياقتها البدنيه فتظهر عليها علامات القوة والنشاط
وتأتيها الفرصة على طبق من فضة فيعلن فى الكليه عن دورة رياضية فى المصارعة الحرة بين الكليات العسكرية للبنات على مستوى العالم فتتقدم نوسه لتسجل نفسها فيها
تختبرها النقيب/ شادية المشرفة على فريق المصارعة وتعقد دورة تصفيه لأختيار الفريق الذى يمثل الكليه فتفوز نوسه لتصبح عضوة أساسية فى هذا الفريق وتبدأ التدريب العنيف وتظهر مواهبها واضحة وتضع المشرفة أمل كبير على نوسه بحصولها على ميدالية ذهبية فى وزنها
وتجرى فى الكلية المسابقة العالميه فتحضر الوفود الرياضية المشاركة من جميع أنحاء العالم وتجرى المباريات فى الأستاد الدولى وينقلها التليفزيون على الهواء مباشرة وتبدأ التصفيات وتفاجئ.. نوسه الجميع بتقدمها للدور قبل النهائى بعد مباريات عنيفة حققت فيها أنتصارات مذهلة على أبطال المخضرمين وفى المبارة قبل النهائية تتقابل مع بطلة أستراليا ..بنت مشهور عنها الشراسة والعنف
وصلت لهذا المركز بعد أن حطمت الخصوم التى أمامها ورقدوا جميعا بالمستشفيات للعلاج من الكسور والكدمات والنزيف
وفى يوم المبارة تقف أم نوسه ورائها وتشجعها بحرارة وتشد بأزرها وفى غرفة التسخين تنفرد أم نوسه ببنتها وتسألها
حلوتهم : أنت خايفه يانوسه من البنت الأستراليه
نوسه : أيوه خايفه ياماما
> تبقى حتكسبى يانوسه بس عايزاكى تقفى أمامها بتحدى ولا تظهرى خوفك وأستجمعى شجاعتك فأنت أمل الملايين لترسمى على وجوههم الفرحة والبهجة والفخر بأبنة بلادهم ولا يتطرق لقلبك التخاذل واليأس وأضربيها بكل ما أوتيت من قوة وأهجمى عليها كالأسد ونفذى تعليمات مدربتك وهذا أختبار لتكونى أو لا تكونى والفرصة لا تأتى مرتين .. أدخلى الحلبة وأنت تقرأى ما حفظتيه من قرآن ولنا لقاء بعد أنتصارك بأذن الله قومى يابطله وقولى حسبنا الله ونعم الوكيل
تحتضن أم نوسه أبنتها وتطبع قبلة طويله على خديها تبث فيها لواعج الأمل والخوف عليها
ويحين موعد اللقاء وتصعد نوسه على الحلقة وسط تشجيع المشاهدين وتهتز جنبات الأستاد من حرارة التشجيه فيبعث فى نفسها القوة والطمأنينة وتدور بعينها فى المدرجات فتجد الحماس والتشجيع المتفانى من أبناء بلدها الطيبين
فتزداد حماس هى الأخرى ويدق ناقوس البدايه وتبدأ معركة البقاء والحسم.. وتتقدم الأستراليه بغرور وعنجهية وترفع نوسه فى الهواء وتطرحها أرضا وتتوالى ضربات الأستراليه مع صريخ المشجعين الأوروبيين وبدا واضحا تفوقها
فتصرخ مدربة نوسه بأن تبتعد عنها وتلعب معها على الأقدام وفى أرضية البساط وتفوء نوسه من الصدمه وتهاجم بعنف وضراوة وأستطاعت أن تطرحها أرضا وتضغط على ساقيها بقوة فتصرخ الأستراليه من الألم ويهتز الأستاد بهتاف الجماهير ومع كل هتاف تزيد من قوة قبضتها حتى رفعت يدها مستسلمه وتأتى الجولة الثالثة وتنزل نوسه وهى أشد حماسا بعد أن تعادلتا فى الجولتين السابقتين وهذه الجولة ستحدد من هو الفائز وتبدأ الجوله وتتفوق فيها نوسه على نفسها وتطرح منافستها أرض وتكسب بلمس الأكتاف مع التشجيع الرهيب وهنا يقف حكم الحلبة ليعلن فوز نوسه ويرفع يدها عاليا وتحتضن نوسه منافستها كتقليد متبع وروح رياضيه.. ولكن الأسترالية ترفض العناق وتعض نوسه فى رقبتها
من الغيظ فتصرخ وتقع على الأرض ويدخل رجال الأسعاف لحملها من أرضية الحلبه مع لهفة أمها ومدربتها وزميلاتها فى الكليه عليها بعد حركة الغدر المتعمدة وفى داخل المستشفى العسكرى يتوافد الزائرين للأطمئنان على صحة نوسه وكان فى مقدمة الزائرين اللواء فوزية الدوكش مديرة الكليه
فوزيه : مبروك يانوسه وألف سلامه عليكى شدى حيلك الحمد لله أن أصابتك بسيطه بلاش دلع علشان تيجى تستلمى الميداليه الذهبية وكأس البطوله
> شكرا يافندم بس أزاى ولسه فاضل ماتش
> لعلمك تم طرد البعثة الأستراليه من المسابقه وشطب جميع نتائجها وبالتالى فأنت البطله ..مبروك ..لك تكريم آخر فى الكليه شدى حيلك يابطله
وتحلم نوسه بصعودها على منصة التكريم وهى ترفع كأس البطولة وتعزف الموسيقى السلام الوطنى ويرفرف العلم عاليا فى السماء
وإلى هنا تنتهى حلقات نوسه فى الجيش أرجو أن تنال أعجابكم وإلى لقاء جديد
فى موضوع كوميدى جديد عن أمثالنا الشعبية فى الميزان
تمت
