حُوُءْ الأَشَف
الحلقة رقم ( 1 )
كثير منا يعانى من القَشَف خاصة فى فصل الشتاء فى كعوب القدمين أوالكفين وأحيان فى الوجه وغالبا مايكون سببه جفاف البشرة أو نقص فى بعض الفيتامينات المغذيه للجلد وأخيرا عدم الأهتمام بالنظافه الشخصيه بمعنى أن سبب القشف يرجع لعاملين الأول خارجى والثانى شخصى وتختلف الأصابه بالقشف من فرد لآخر حسب طبيعة جلده ونوعية الغذاء والصحة العامة للبدن
ونطلق كلمة الٌُُِمقٌَشّف على بعض الأشخاص فنقول هذا رجل مقشف وهذه سيده مقشّفه بالرغم أنهم غير مصابين بالقشف كدلاله على سوء ملبسه أوسوء مظهره
أوتصرفه فهل القشف يصيب العقول والأفكار والتصرفات ؟؟
سأقول لكم نعم.. فيوجد المدير المقشف والوزير المقشف والممثل المقشف وبعض من أصحاب الفكر والرأى وكذلك بعض الحكام والحكومات وأحيانا يصيب دوله بأكملها بشعبها وحكوماتها
القشف الشخصى يمكن التغلب عليه بالدهان من حُوء للأشف مكون من كريمات وجليسرين يباع غالبا فى الصيدليات وكان زمان يباع عند العطار وهو لا يختلف كثيرا عن النوع الطبى بل أكثر منه فاعليه وكان من مستلزمات أدوات التجميل فى البيت المصرى ومعه الحجر الأسود الخفاف لدعك الكعوب لتبدو ورديه بعد دهانها من حُوء الأشف ويحتمل أن يكون موجود فى بعض البيوتات ولكنه مُخبئ بواسطة ربة البيت ويستخدم بطريقة خفيه حتى لاتبدو أمام زوجها أو أقاربها بأنها ست مأشفه..عموما هذه الأمور تطورت وأصبح يقوم بها مراكز التجميل مخصصة لأزالة القشف والكلف والصدأ ليعود منها الأنسان مجلى مثل الفضة أو النحاس الأحمر وتطورت هذه العمليات بفضل دراسة خصائص الجلد وأستخدام الليزر والأشعة فوق البنفسجيه وعمليات تقشير البشرة المعروفة ..وفىجميع هذه الأمور لا يتم الأستغناء عن حُوء الأشف فهذا تطور مظهرى ليس ألا
الدكتور/ حامد قتَايه أستاذ الأمراض الجلديه أنفق سنوات عديده من عمره فى البحث العلمى لدراسة ظاهرة القشف وهذا أستلزم منه أن يجرى تجاربه على ناس مقشفين طحن مما كلفه الكثير من المال و سفريات وجولات لبلدان عديده فى المنطقة..
مشهورعنها بالقشف الأصلى المستحكم فسافر شرقا وغربا وتوغل جنوبا فى أفريقيا وجنوب شرق اسيا المهم لف العالم كله ليجرى تجاربه على كافة الأجناس البشريه من البيض والسمر والحمر والصفر وأخيرا كللت جهوده بالنجاح وأخذ برائه لأختراعه العالمى لعلاج الأشف ووصلت سمعته إلى جميع الأفاق فتدفق على عيادته ومستشفاه الخاص آلاف المقشفين من شتى أنحاء العالم وأصبح الحجز عنده لمدة سنه مقدما وقد أطلق على مستشفاه أسم المركز الدولى لعلاج الأشف
وسنخوض سويا فى هذه الحلقات مع الدكتور قتايه وكيف تعامل مع نماذج عديده داخل عيادته من مرضى الأشف المتأصل وكيف عالج بعضها وفشل فى بعض الحلقة رقم ( 2 )
حركات مقشفين
المشهد الأول : الدكتورقتايه يستقبل رجل وزوجته وأولاده ويرحب بهم ويأمرهم بالجلوس لتسجيل البيانات وهو ينظر لهم بأستغراب
الدكتور:أللى حيكشف بس هو أللى يكون موجود لو سمحتم الباقى بره من فضلكم
> أحنا كلنا حنكشف يادكتور العيله كلها مأشفه زى ما أنت شايف ..المدام مقشفه والبنت مأشفه حتى الواد الصغير ده مأشف وأنا كمان زى ما أنت شايف
> كويس ..على كده قطعت كام تذكرة كشف
> تذكرة واحده طبعا
> يعنى عايزنى أكشف عليكم أنتم الأربعة بتذكرة واحده أزاى لازم تقطع تلات تذاكر كمان وبلاش حركات المقشفين دى من فضلك ماتضيعش وقتى
>يعنى ماينفعش أنى أنا أكشف وآخد العلاج لباقى الفامليا
> لا ماينفعش ياحدق ..لأن أشف الستات غير أشف الرجاله وأشف البنات غير أشف المتزوجات وأشف الأطفال غير أشف العواجيز وهلم جرى ..هيه خلصنى أنا مش فاضى العياده مليانه مقشفين غيرك
> خلاص يادكتور ماتخودنا كلنا على بعض شروه ..الكبير فى الصغير وأعملنا تخفيض وينوبك ثواب فى عيله القشف هاريها
> ياعم الحاج ماينفعش الكلام ده.. أحنا مش قاعدين فى سوق الخضار بنبيع قوطه السليمه مع المعطوبه
> ماله سوق الخضار يا دكتور ..ده أنت لو جيت عندنا هناك حتشوف الأشف على أصوله ..معلمين أيه الأشف ماليهم ومعاهم ملايين ومابيفكروش يشيلوا الأشف ..غير أنى ربنا كرمنى فى الأنتخابات وحدخل مجلس الشعب ماكنت فكرت أشيله
وبعدين أنت قولت أن أسمك قتايه يعنى تبعنا وحتخدمنا ,وأهو كله خضار
> طب أطلع أقطع تذكرتين وناخد الواد الصغير فوق البيعة
> ونعمة الكلام يادكتور أيتها خدمه
> أسمك وسنك يامعلم
> محسوبك المعلم زفتاوى الجَلخّ ..45 سنه
> طب أدخل وراء الستاره وأقلع يامعلم
> أقلع أيه بالظبط < أقلع هدومك وفرجنى على القشف موجود فى أنهى حته من جتتك خلصنى يابه لسه فيه تلات حتت عايز أكشف عليهم غيرك زوجة زفتاوى تشجعه على خلع هدومه : أأقلع يازفتاوى ماتكسفش > أتكسف من أيه ياختى ولا تعايرنى ولا أعيرك ده القشف طايلنى وطايلك
بعد أن يكشف عليه الدكتور يسأله : فيه قشف تانى غير أللى فى رجليك وأديك وقفاك.> لا يادكتور بس ليه طلب < أتفضل > ممكن لونى يفتح شويه
> قصدك نشيل الجلخ ..ممكن دى فى أدينا بس دى عمليه حتكلفك شويه
> مش مهم طالما حبيض وأبقى زى القشطه
> تبيض ده أيه يامعلم كل أللى حنعمله حنرجع لونك الأصلى أللى ربنا خلقك بيه ..من الأخر حنلمعك وحنديك مثبت للون علشان ماتجَّربش تانى بس المهم ماتتعرضش للشمس لمدة شهر لحد مالونك يثبت…موافق نحجزك عندنا لمدة 15 يوم نظبطك فيهم
> موافق وأمرى لله
> أتفضل أنت بقى وخلى المدام وبنتها تتفضل فى قسم التجميل عند الدكتوره هدى هات لى الواد الصغير عشان أشوفه بالمره
> تعال يامنص سلم على الدكتور
الدكتور وهو يتراجع للخلف : خلاص يامنص خليك عندك ..ده يتنقع فى ميه وصابون ومطهر لمدة أسبوع وتنشفوه كويس وييجى تانى عشان اكشف عليه
زفتاوى : ميه وصابون بس يادكتور
> ياريت شوية مسحوق غسيل عادى يكون أحسن بلاش الأوتوماتيك
أتفضل خلص الأجراءات وخد ورق الحجز وأطلع على الخزنه لدفع التأمين
> ربنا يخليك يادكتور قتايه
المشهد الثانى : داخل عيادة الحريم ..الدكتوره هدى تكشف على زوجة المعلم
د. هدى : أسمك وسنك يامدام
> فوزيه فوزى أبو الليف وأسم الشهرة أم منص عندى بتاع 25 سنه
> أيه ياختى مش الشابه أللى واقفه معاكى دى تبقى بنتك
> أيوه ياحبيبتى دى سندس بنتى البكريه ..أكتبى أللى تكتبيه 35 – 40 – 45
> خلاص يا أم منص ..40 سنه كويس ..فين القشف أللى عندك
> أنا يادكتوره القشف بتاعى ما يبانش ألا لما جسمى يتبل بشوية ميه
> اووه.. أشف من النوع الصحراوى هايل ..طب لو سمحتى أغسلى وشك وأيديكى ورجليكى وتعال عشان أشوفك ..الحمام على أيدك اليمين
الحلقة رقم ( 3 )
المعلم زفتاوى الجَلخ
وتعالى أنت ياسندس أكشف عليكى على ما أمك تخلص ..أسمك وسنك
> سندس زفتاوى الجلخ عندى 18 سنه..أنا بقى يادكتوره مخطوبه وفرحى قريب ونفسى كده أبقى ملعلطه فى الفرح أحسن أخوات خطيبى البنات مطلعين عليه أسم وحش قوى..عشان بيغيروا منى لأنهم لسه ماتجوزوش
> بيقولوا عليكى أيه ياسندس
تسكت سندس قليلا وتنظر إلى الأرض بأنكسار : بيقولوا عليا سندس المصديه ..آل بالذمه أنا مصديه يادكتوره
> من ناحية أنك مصديه ..فأنت فعلا مصديه وكمان البارومه ماشيه فيكى ..ماتخافيش بالعلاج حنقدر نشيل البارومه الأول وبعدين نعمل ليكى عملية تجديد ومرمات شامله ..أعدلى رقبتك كده عشان أشوف البارومه سارحه لحد فين
..بااه كويس أنك جاتى فى الوقت ده قبل ماتوصل البارومه للعضم
> يعنى فيه أمل ياست الدكتوره
> ربنا يسهل ونقدر نصلح فيكى شويه
تدخل أم منص بعد أن غسلت وجهها ويديها : خلاص ياست الدكتوره
تتراجع الدكتوره بعيدا عنها وهى مرعوبه : فعلا قشف صحراوى ..أنت كنت عايشه فين يا أم منص
> أنا من مواليد مطروح من عزبة الجبل وبقالى فى مصر بتاع عشرين سنه
> مافكرتيش يا أم منص تروحى حمام بلدى
> ده كان زفتاوى جتلنى ..
تقوم الدكتوره هدى بكتابة تقرير عن الحالة وتأمر بدخول أم منص وسندس المستشفى لبدأ العلاج
وبعد 15 يوم من العلاج تجتمع أسرة زفتاوى أما م الكتور قتايه للكشف
قتايه : شوفت يامعلم العلاج جاب نتيجه بص لنفسك فى المرايه وشوف أبتديت بشرتك تروق وبترجع لحالتها الأصليه شوف بقية العيلة شكلهم أتغير قوى أيه رأيك > ألله يخليك يادكتور أنا مش عارف نفسى ومش مصدق أن الست دى مراتى والعيال دول عيالى ..ياه يخرب بيت القشف ..الحمد والشكر لك يارب
> المهم أنكم تواظبوا على العلاج والجلسات وتبعدوا عن الشمس وتهتموا بالنظافه وغسيل الوجه وتجفيفه جيدا والدهان المستمر من المراهم والأدويه دى وتيجى كل أسبوع أنت والعيله للمتابعه مسموع ..أتفضل أدفع الفاتوره فى الخزينه
يخرج زفتاوى وعائلته وهم سعداء بعد هذه الفتره العلاجيه المكثفه ليفاجأ بأن الفاتوره بمبلغ 15 ألف جنيه فيرفض دفعها فيقبض عليه الأمن ويدخل به للدكتور قتايه الذى أنفعل عندما علم بتصرف زفتاوى
> مش عايز تدفع يبقى حتتحجز هنا أنت والعيله لحد ماتيجى النيابه والبوليس
> كثير ده يادكتور أنا صارف لحد دلوقتى 25 ألف جنيه على القشف بتاعى وبتاع العيال أجيب لك منين
> أنت كاتب أقرار بالسداد على فواتير وروشتات العلاج يعنى حتدفع حتدفع
> طب أيه رأيك يادكتور أنك ترجعنا مقشفين تانى وترد لينا نص التكاليف
> عايز تقعد هنا مايقلش عن سنتين ثلاثة لحد ماتقشف بس أدفع 100جنيه فى اليو م عن أقامتك يعنى فى السنه 36500جنيه أيه رأيك بقى
> طب ماينفعش نقسط المبلغ الباقى
> ممكن على ثلاث أقساط وأول قسط تدفعه دلوقتى وتاخد عيلتك وماتورناش وشكم تانى
> آه لو كنت أعرف أن القشف يندفع فيه المبلغ ده كله كنت عيشت طول عمرى مقشف
الحلقة رقم ( 4 )
مسعده سيدة مجتمع
المشهد الرابع : يدخل غرفة الكشف رجل كبير السن يبدو عليه أثار الغنى والثراء
ومعه فتاة قرويه يبدو ذلك من ملابسها وطريقة كلامها ويستقبلهم الدكتور قتايه بالترحاب لسابق معرفته بالرجل
قتايه : أهلا وسهلا يامراد بيه العياده نورت أتفضلوا أستريحوا
( يجلس مراد بيه وتظل الفتاه واقفه وهى متردده فيشير لها بالجلوس )
قتايه : خير ياباشا
مراد : أنا عايزك يا دكتور تشوف لى البنت دى وتعالجها عايزهه ما تقلش عن أى ست من سيدات المجتمع
قتايه : ده موضوعها يهمك ياباشا لأنك جيى بنفسك كان كفايه تدينى تليفون وكنت عملت اللازم
> موضوعها يهمنى بصفة شخصيه يادكتور لأنى بالعربى كده حتجوزها
(قتايه يجيل نظره بينهما وهو يرفع حاجبيه ولا يرد من المفاجأة )
> أمرك يامراد بيه حنعمل اللازم وأكتر ..قومى يابنتى أدخلى وراء الستاره عشان أكشف عليكى
مراد وهو يشيرلها : قومى يامسعده علشان الدكتور يكشف عليكى
مسعده : بس أنا مش عيانه يابيه وما بشتكيش من حاجه
مراد : أنتى فعلا مش عيانه بس الدكتور حيشوف القشف أللى عندك ويشيلهولك
مسعده : ومين قال لحضرتك أنى عايزه أشيله
مراد : مش أنتى قولتى لى أنك عايزه تبقى زى ستات البندر
مسعده : أيوه جولت ..بس ألبس زيهم وأتولت زيهم وأحط عطر وآكل أللى نفسى فيه وأتفسح وأشوف الحتت أللى ماشوفتهاش
مراد يشخط فيها : قومى بقولك وماتتكلميش كتير أنا عارف مصلحتك كويس أتفضل يادكتور أكشف عليها
قتايه : قومى يابنتى تعال معايا ..ده أنتى بعد ما تتعالجى مش حتبطلى تيجى العياده ووشك حيحلو وشعرك حينظف وحنظبطك آخر تظبيط كل ده عشان خاطر مراد بيه ..مش أنتى عايزه تبقى زى ستات البندر ..هى دى أول خطوة من غيرها مهما لبستى أو أتوليتى مش حيبان عليكى سيبيلى نفسك
مسعده : أسيب لك نفسى أزاى يعنى
> يعنى تسمعى الكلام وتنفذى أللى حقولك عليه
تدخل مسعده خلف الستارة ويكشف عليها الدكتور قتايه ثم يقوم بغسل يده ويأمرها بأرتداء ملابسها
قتايه : عايزه شغل جامد قوى يا مراد بيه يعنى ما تآخنيش مالقتش ألا البنت دى
مراد: القلب ومايريد وبعدين دى بنت غلبانه أهى أتجوزها تخدمنى بعد وفاة المرحومه وأنت عارف العيله والولاد مش حيقبلوا أنى أتجوز واحده بحالتها دى
عشان كده أنا قررت أنى أمدنها وأنظفها وألبسها وأعلمها الكلام والأتيكيت علشان أقدر أقدمها للناس
قتايه : عموما هى البنت لسه صغيرة وصحتها كويسه والعلاج حيجيب معاها نتيجه أتفرج عليها بعد عشر أيام حنعمل فيها أيه ..حنضطر نحجزها فى قسم التجميل والعناية بالبشرة بعد العلاج مكثف
مراد : مش حوصيك يا قتايه ياخويا عايزك تروقها آخر ترويق علشان تقدر تلبس الفساتين والجزم وأهتم قوى بشعرها مش عايز أشم ريحة الجاز
قتايه : مش عايز وصايه أطمئن حنعمل كل أللى طالبه وأكثر
تحضر مسعدة بعد أرتداء ملابسها : خلاص يامراد بيه حنروح
مراد : أنت حتقعدى هنا كام يوم للعلاج ..وحسك عينك أنك تكسرى كلام الدكاتره
ألا وأنتى عارفه حرجعك تانى البلد تزرعى وتقلعى وتحلبى الجاموسه وتعيشى عيشة القرف أللى كنتى عايشاها..أتفقنا
مسعده : حاضر يامراد بيه ما تشلش هم ..حعمل كل أللى يقولوا عليه
ينادى الدكتور على الممرضه لتصحب مسعده لغرفة الحجز ..فتسير معها ولكنها تعود مرة أخرى لتسأل الدكتور : هو الأشف ده لازم يتشال بالكهرباء ..أنا فى البلد كنت بدعكه بتراب الفرن
مراد : أمشى يامسعدة وماتتكلميش كتير أنتى لحقتى تنسى الكلام أللى قولته
قتايه : خليها براحتها ياباشا ..أحنا علينا التجميل والتظبيط والباقى وهو الأهم عليك أنت.. أنك تغير من طبيعتها الريفيه لتكون سيدة مجتمع ..أنت بتحلم يامراد باشا حتتعب قوى على ماتحقق أللى فى بالك
مراد : بكره تتفرج وتعرف أنى حعمل منها حاجة وتراهن على كده
قتايه : أهى حاجة تتسلى بيها أنما زوجه ..أنت غلطان
> وغدا لناظره قريب بس أنت شوف شغلك وروقها ..سلام
الحلقة رقم ( 5)
أشف مراد بك
تواظب مسعدة على الحضور لمركز الدكتور قتايه الطبى وتظهر عليها النتيجة بسرعة مذهلة بعد الكورس المكثف الذى أجراه عليها الدكتور قتايه وجهازه المعاون فأستردت صحتها وأحمرت وجنتيها وأزدادت يياضا وأصبح شعرها كالحرير وأصبحت غادة هيفاء يتمناها الرجال
وأحضر لها مراد بيه من يعلمها الأتيكيت والمشى والكلام وتغيرت تغير شامل وكل من يراها يعتقد بأنها من أرقى العائلات وأستمر هذا الحال لمدة سنه بعدها أستطاع أن يقدمها للمجتمع الراقى كزوجة مودرن تنطق بعض الكلمات الفرنسيه والأنجيلزيه وصار الكل يحسده على زواجه من هذه العروسه الشابه الراقيه ولا يعلم أحد بسرها غير الدكتور قتايه
وعرفت مسعده الطريق إلى النوادى والحفلات والمجتمعات بعد أن غيرت أسمها لتكون مدام سوسو زوجة الوجيه الأمثل مراد بيه الدرمللى
وتمر سنوات على زواج مراد بمسعده وتنطلق إلى عالم الشهرة والرقى وتقضى السهرات بمفردها مع سيدات المجتمع وتنضم لأحدى الجمعيات الخيريه التى تضم نخبة من سيدات المجتمع ونجومها اللامعة وأصبح مراد يعيش على هامش حياتها ولا تضعه فى حساباتها بعد أن كتب لها ثروته بالكامل فأنطلقت وأستمتعت بالحياة وملذاتها بعد البؤس والحرمان
وفى جلسة من جلسات سيدات المجتمع وثرثرة النساء يحدث هذا الموقف بين مدام سوسو ومدام ميمى
ميمى : عارفه ياسوسو يا حبيبتى أنا أخدت عبد الفتاح جوزى وعرضته على الدكتور قتايه ..الراجل الحقيقة تسلم أيديه عمل معاه اللازم شاله الكرش وزرع له شعر وأزال كل التجاعيد اللى فى وشه تشوفيه دلوقتى ماتعرفوش
سوسو بخبث : مين الدكتور قتايه ده ممكن عنوانه عشان أخد مراد يصلحه
ميمى : أن جيتى للحق جوزك عايز يتصلح كتير أللى يشوفكم يقول أنك بنته مش مراته
> والله غلبت فيه ياشيرى ..أقوله تعال يامراد نسافر لبنان وتدخل مركز صحى يروقك شويه ويجدد شبابك وينظف بشرتك من الأشف ..بيرفض وبيقول أنه مش فاضى بس المره دى مش حسكت لازم أخده أوديه للكتور قتايه هاتى رقم تليفونه
> خدى أدى الكارت بتاعه أهه ..تحبى أوصيه عليكى
> لالا مش محتاجه أحنا نعرف نوصل له أزاى مراد مش حيغلب
بعد هذا الحديث تصمم مسعده أن ترسل مراد لمركز الدكتور قتايه لتعديل منظره ليتناسب مع الرونق والشباب الذى تتحلى به
وأخيرا يوافق مراد للذهاب مع مسعده للدكتور قتايه الذى يستقبلهما بحفاوة بالغه وهو لايعرف بأنها مسعده التى أجرى لها عمليات التجميل وأزالة الأشف من سنوات فقد أبهره منظرها ورقتها وشيكاتها
قتايه : أهلا وسهلا يامراد بيه ..أهلا يامدام ..سوسو.. أهلا وسهلا
خير ياباشا ..قبل من خش فى الشغل أحب أبارك لك على العروسه الجديده
مراد : عروسة جديدة مين ؟ قصدك المدام ..دى مسعده ياراجل سلامة الشوف
تنظر مسعدة بحدة لمراد : مراد أحفظ مركزك خلينا نشوف الدكتور حيعمل معاك أيه ..ينظر قتايه ويدقق فى مسعده وهو ينفجر فى الضحك : كده أنت كسبت الرهان يامراد ..حقيقى ما عرفتهاش ..أنا آسف يامدام
مسعده : شوف يادكتور قتايه عايزاك تلمعه وتشيل عنه أشف السنين وتشيل كرشه وتزرع له شعر أصفر عايزه أستلمه منك 100 % أحسن بقى شكله بلدى قوى ومايسرش وفاضحنى فى وسط صحباتى بمنظره ده ..ما ضيعش وقت خده وراء الستاره وأكشف عليه
قتايه : قوم ياسى مراد أقلع ورا الستاره على ماجيلك ..جه يومك ياسى مراد
يتكاسل مراد فى القيام فتشخط فيه مسعده فيهب واقفا ويذهب خلف الستارة
قتايه وهو يهمس لمسعده : أنا من رأيى يامدام مسعده .
> مدام سوسو من فضلك
> أنا من رأى يامدام سوسو بلاش نعمله عمليات تجميل وكفايه كورس غذائى
مسعده : أقدر أعرف ليه
قتايه : لو عملنا له عمليات تجميل حيستحلى نفسه وقليل ما تجوز عليكى
مسعده : كلام معقول ..طب يادكتور شيل له الأشف وصنفره كفايه لأنى مش طايقاه بأشفه ده
قتايه يهمس بين نفسه : الله يرحم ماأشبه اليوم بالبارحة نسيتى أشفك يابنت الـ...
مسعده : انت بتكلم نفسك يادكتور فيه حاجة
> لا مافيش حاجة ..مراد فعلا محتاج يشيل الأشف أللى فى دماغه قبل أللى فى جتته
تمت
الحلقة رقم ( 1 )
كثير منا يعانى من القَشَف خاصة فى فصل الشتاء فى كعوب القدمين أوالكفين وأحيان فى الوجه وغالبا مايكون سببه جفاف البشرة أو نقص فى بعض الفيتامينات المغذيه للجلد وأخيرا عدم الأهتمام بالنظافه الشخصيه بمعنى أن سبب القشف يرجع لعاملين الأول خارجى والثانى شخصى وتختلف الأصابه بالقشف من فرد لآخر حسب طبيعة جلده ونوعية الغذاء والصحة العامة للبدن
ونطلق كلمة الٌُُِمقٌَشّف على بعض الأشخاص فنقول هذا رجل مقشف وهذه سيده مقشّفه بالرغم أنهم غير مصابين بالقشف كدلاله على سوء ملبسه أوسوء مظهره
أوتصرفه فهل القشف يصيب العقول والأفكار والتصرفات ؟؟
سأقول لكم نعم.. فيوجد المدير المقشف والوزير المقشف والممثل المقشف وبعض من أصحاب الفكر والرأى وكذلك بعض الحكام والحكومات وأحيانا يصيب دوله بأكملها بشعبها وحكوماتها
القشف الشخصى يمكن التغلب عليه بالدهان من حُوء للأشف مكون من كريمات وجليسرين يباع غالبا فى الصيدليات وكان زمان يباع عند العطار وهو لا يختلف كثيرا عن النوع الطبى بل أكثر منه فاعليه وكان من مستلزمات أدوات التجميل فى البيت المصرى ومعه الحجر الأسود الخفاف لدعك الكعوب لتبدو ورديه بعد دهانها من حُوء الأشف ويحتمل أن يكون موجود فى بعض البيوتات ولكنه مُخبئ بواسطة ربة البيت ويستخدم بطريقة خفيه حتى لاتبدو أمام زوجها أو أقاربها بأنها ست مأشفه..عموما هذه الأمور تطورت وأصبح يقوم بها مراكز التجميل مخصصة لأزالة القشف والكلف والصدأ ليعود منها الأنسان مجلى مثل الفضة أو النحاس الأحمر وتطورت هذه العمليات بفضل دراسة خصائص الجلد وأستخدام الليزر والأشعة فوق البنفسجيه وعمليات تقشير البشرة المعروفة ..وفىجميع هذه الأمور لا يتم الأستغناء عن حُوء الأشف فهذا تطور مظهرى ليس ألا
الدكتور/ حامد قتَايه أستاذ الأمراض الجلديه أنفق سنوات عديده من عمره فى البحث العلمى لدراسة ظاهرة القشف وهذا أستلزم منه أن يجرى تجاربه على ناس مقشفين طحن مما كلفه الكثير من المال و سفريات وجولات لبلدان عديده فى المنطقة..
مشهورعنها بالقشف الأصلى المستحكم فسافر شرقا وغربا وتوغل جنوبا فى أفريقيا وجنوب شرق اسيا المهم لف العالم كله ليجرى تجاربه على كافة الأجناس البشريه من البيض والسمر والحمر والصفر وأخيرا كللت جهوده بالنجاح وأخذ برائه لأختراعه العالمى لعلاج الأشف ووصلت سمعته إلى جميع الأفاق فتدفق على عيادته ومستشفاه الخاص آلاف المقشفين من شتى أنحاء العالم وأصبح الحجز عنده لمدة سنه مقدما وقد أطلق على مستشفاه أسم المركز الدولى لعلاج الأشف
وسنخوض سويا فى هذه الحلقات مع الدكتور قتايه وكيف تعامل مع نماذج عديده داخل عيادته من مرضى الأشف المتأصل وكيف عالج بعضها وفشل فى بعض الحلقة رقم ( 2 )
حركات مقشفين
المشهد الأول : الدكتورقتايه يستقبل رجل وزوجته وأولاده ويرحب بهم ويأمرهم بالجلوس لتسجيل البيانات وهو ينظر لهم بأستغراب
الدكتور:أللى حيكشف بس هو أللى يكون موجود لو سمحتم الباقى بره من فضلكم
> أحنا كلنا حنكشف يادكتور العيله كلها مأشفه زى ما أنت شايف ..المدام مقشفه والبنت مأشفه حتى الواد الصغير ده مأشف وأنا كمان زى ما أنت شايف
> كويس ..على كده قطعت كام تذكرة كشف
> تذكرة واحده طبعا
> يعنى عايزنى أكشف عليكم أنتم الأربعة بتذكرة واحده أزاى لازم تقطع تلات تذاكر كمان وبلاش حركات المقشفين دى من فضلك ماتضيعش وقتى
>يعنى ماينفعش أنى أنا أكشف وآخد العلاج لباقى الفامليا
> لا ماينفعش ياحدق ..لأن أشف الستات غير أشف الرجاله وأشف البنات غير أشف المتزوجات وأشف الأطفال غير أشف العواجيز وهلم جرى ..هيه خلصنى أنا مش فاضى العياده مليانه مقشفين غيرك
> خلاص يادكتور ماتخودنا كلنا على بعض شروه ..الكبير فى الصغير وأعملنا تخفيض وينوبك ثواب فى عيله القشف هاريها
> ياعم الحاج ماينفعش الكلام ده.. أحنا مش قاعدين فى سوق الخضار بنبيع قوطه السليمه مع المعطوبه
> ماله سوق الخضار يا دكتور ..ده أنت لو جيت عندنا هناك حتشوف الأشف على أصوله ..معلمين أيه الأشف ماليهم ومعاهم ملايين ومابيفكروش يشيلوا الأشف ..غير أنى ربنا كرمنى فى الأنتخابات وحدخل مجلس الشعب ماكنت فكرت أشيله
وبعدين أنت قولت أن أسمك قتايه يعنى تبعنا وحتخدمنا ,وأهو كله خضار
> طب أطلع أقطع تذكرتين وناخد الواد الصغير فوق البيعة
> ونعمة الكلام يادكتور أيتها خدمه
> أسمك وسنك يامعلم
> محسوبك المعلم زفتاوى الجَلخّ ..45 سنه
> طب أدخل وراء الستاره وأقلع يامعلم
> أقلع أيه بالظبط < أقلع هدومك وفرجنى على القشف موجود فى أنهى حته من جتتك خلصنى يابه لسه فيه تلات حتت عايز أكشف عليهم غيرك زوجة زفتاوى تشجعه على خلع هدومه : أأقلع يازفتاوى ماتكسفش > أتكسف من أيه ياختى ولا تعايرنى ولا أعيرك ده القشف طايلنى وطايلك
بعد أن يكشف عليه الدكتور يسأله : فيه قشف تانى غير أللى فى رجليك وأديك وقفاك.> لا يادكتور بس ليه طلب < أتفضل > ممكن لونى يفتح شويه
> قصدك نشيل الجلخ ..ممكن دى فى أدينا بس دى عمليه حتكلفك شويه
> مش مهم طالما حبيض وأبقى زى القشطه
> تبيض ده أيه يامعلم كل أللى حنعمله حنرجع لونك الأصلى أللى ربنا خلقك بيه ..من الأخر حنلمعك وحنديك مثبت للون علشان ماتجَّربش تانى بس المهم ماتتعرضش للشمس لمدة شهر لحد مالونك يثبت…موافق نحجزك عندنا لمدة 15 يوم نظبطك فيهم
> موافق وأمرى لله
> أتفضل أنت بقى وخلى المدام وبنتها تتفضل فى قسم التجميل عند الدكتوره هدى هات لى الواد الصغير عشان أشوفه بالمره
> تعال يامنص سلم على الدكتور
الدكتور وهو يتراجع للخلف : خلاص يامنص خليك عندك ..ده يتنقع فى ميه وصابون ومطهر لمدة أسبوع وتنشفوه كويس وييجى تانى عشان اكشف عليه
زفتاوى : ميه وصابون بس يادكتور
> ياريت شوية مسحوق غسيل عادى يكون أحسن بلاش الأوتوماتيك
أتفضل خلص الأجراءات وخد ورق الحجز وأطلع على الخزنه لدفع التأمين
> ربنا يخليك يادكتور قتايه
المشهد الثانى : داخل عيادة الحريم ..الدكتوره هدى تكشف على زوجة المعلم
د. هدى : أسمك وسنك يامدام
> فوزيه فوزى أبو الليف وأسم الشهرة أم منص عندى بتاع 25 سنه
> أيه ياختى مش الشابه أللى واقفه معاكى دى تبقى بنتك
> أيوه ياحبيبتى دى سندس بنتى البكريه ..أكتبى أللى تكتبيه 35 – 40 – 45
> خلاص يا أم منص ..40 سنه كويس ..فين القشف أللى عندك
> أنا يادكتوره القشف بتاعى ما يبانش ألا لما جسمى يتبل بشوية ميه
> اووه.. أشف من النوع الصحراوى هايل ..طب لو سمحتى أغسلى وشك وأيديكى ورجليكى وتعال عشان أشوفك ..الحمام على أيدك اليمين
الحلقة رقم ( 3 )
المعلم زفتاوى الجَلخ
وتعالى أنت ياسندس أكشف عليكى على ما أمك تخلص ..أسمك وسنك
> سندس زفتاوى الجلخ عندى 18 سنه..أنا بقى يادكتوره مخطوبه وفرحى قريب ونفسى كده أبقى ملعلطه فى الفرح أحسن أخوات خطيبى البنات مطلعين عليه أسم وحش قوى..عشان بيغيروا منى لأنهم لسه ماتجوزوش
> بيقولوا عليكى أيه ياسندس
تسكت سندس قليلا وتنظر إلى الأرض بأنكسار : بيقولوا عليا سندس المصديه ..آل بالذمه أنا مصديه يادكتوره
> من ناحية أنك مصديه ..فأنت فعلا مصديه وكمان البارومه ماشيه فيكى ..ماتخافيش بالعلاج حنقدر نشيل البارومه الأول وبعدين نعمل ليكى عملية تجديد ومرمات شامله ..أعدلى رقبتك كده عشان أشوف البارومه سارحه لحد فين
..بااه كويس أنك جاتى فى الوقت ده قبل ماتوصل البارومه للعضم
> يعنى فيه أمل ياست الدكتوره
> ربنا يسهل ونقدر نصلح فيكى شويه
تدخل أم منص بعد أن غسلت وجهها ويديها : خلاص ياست الدكتوره
تتراجع الدكتوره بعيدا عنها وهى مرعوبه : فعلا قشف صحراوى ..أنت كنت عايشه فين يا أم منص
> أنا من مواليد مطروح من عزبة الجبل وبقالى فى مصر بتاع عشرين سنه
> مافكرتيش يا أم منص تروحى حمام بلدى
> ده كان زفتاوى جتلنى ..
تقوم الدكتوره هدى بكتابة تقرير عن الحالة وتأمر بدخول أم منص وسندس المستشفى لبدأ العلاج
وبعد 15 يوم من العلاج تجتمع أسرة زفتاوى أما م الكتور قتايه للكشف
قتايه : شوفت يامعلم العلاج جاب نتيجه بص لنفسك فى المرايه وشوف أبتديت بشرتك تروق وبترجع لحالتها الأصليه شوف بقية العيلة شكلهم أتغير قوى أيه رأيك > ألله يخليك يادكتور أنا مش عارف نفسى ومش مصدق أن الست دى مراتى والعيال دول عيالى ..ياه يخرب بيت القشف ..الحمد والشكر لك يارب
> المهم أنكم تواظبوا على العلاج والجلسات وتبعدوا عن الشمس وتهتموا بالنظافه وغسيل الوجه وتجفيفه جيدا والدهان المستمر من المراهم والأدويه دى وتيجى كل أسبوع أنت والعيله للمتابعه مسموع ..أتفضل أدفع الفاتوره فى الخزينه
يخرج زفتاوى وعائلته وهم سعداء بعد هذه الفتره العلاجيه المكثفه ليفاجأ بأن الفاتوره بمبلغ 15 ألف جنيه فيرفض دفعها فيقبض عليه الأمن ويدخل به للدكتور قتايه الذى أنفعل عندما علم بتصرف زفتاوى
> مش عايز تدفع يبقى حتتحجز هنا أنت والعيله لحد ماتيجى النيابه والبوليس
> كثير ده يادكتور أنا صارف لحد دلوقتى 25 ألف جنيه على القشف بتاعى وبتاع العيال أجيب لك منين
> أنت كاتب أقرار بالسداد على فواتير وروشتات العلاج يعنى حتدفع حتدفع
> طب أيه رأيك يادكتور أنك ترجعنا مقشفين تانى وترد لينا نص التكاليف
> عايز تقعد هنا مايقلش عن سنتين ثلاثة لحد ماتقشف بس أدفع 100جنيه فى اليو م عن أقامتك يعنى فى السنه 36500جنيه أيه رأيك بقى
> طب ماينفعش نقسط المبلغ الباقى
> ممكن على ثلاث أقساط وأول قسط تدفعه دلوقتى وتاخد عيلتك وماتورناش وشكم تانى
> آه لو كنت أعرف أن القشف يندفع فيه المبلغ ده كله كنت عيشت طول عمرى مقشف
الحلقة رقم ( 4 )
مسعده سيدة مجتمع
المشهد الرابع : يدخل غرفة الكشف رجل كبير السن يبدو عليه أثار الغنى والثراء
ومعه فتاة قرويه يبدو ذلك من ملابسها وطريقة كلامها ويستقبلهم الدكتور قتايه بالترحاب لسابق معرفته بالرجل
قتايه : أهلا وسهلا يامراد بيه العياده نورت أتفضلوا أستريحوا
( يجلس مراد بيه وتظل الفتاه واقفه وهى متردده فيشير لها بالجلوس )
قتايه : خير ياباشا
مراد : أنا عايزك يا دكتور تشوف لى البنت دى وتعالجها عايزهه ما تقلش عن أى ست من سيدات المجتمع
قتايه : ده موضوعها يهمك ياباشا لأنك جيى بنفسك كان كفايه تدينى تليفون وكنت عملت اللازم
> موضوعها يهمنى بصفة شخصيه يادكتور لأنى بالعربى كده حتجوزها
(قتايه يجيل نظره بينهما وهو يرفع حاجبيه ولا يرد من المفاجأة )
> أمرك يامراد بيه حنعمل اللازم وأكتر ..قومى يابنتى أدخلى وراء الستاره عشان أكشف عليكى
مراد وهو يشيرلها : قومى يامسعده علشان الدكتور يكشف عليكى
مسعده : بس أنا مش عيانه يابيه وما بشتكيش من حاجه
مراد : أنتى فعلا مش عيانه بس الدكتور حيشوف القشف أللى عندك ويشيلهولك
مسعده : ومين قال لحضرتك أنى عايزه أشيله
مراد : مش أنتى قولتى لى أنك عايزه تبقى زى ستات البندر
مسعده : أيوه جولت ..بس ألبس زيهم وأتولت زيهم وأحط عطر وآكل أللى نفسى فيه وأتفسح وأشوف الحتت أللى ماشوفتهاش
مراد يشخط فيها : قومى بقولك وماتتكلميش كتير أنا عارف مصلحتك كويس أتفضل يادكتور أكشف عليها
قتايه : قومى يابنتى تعال معايا ..ده أنتى بعد ما تتعالجى مش حتبطلى تيجى العياده ووشك حيحلو وشعرك حينظف وحنظبطك آخر تظبيط كل ده عشان خاطر مراد بيه ..مش أنتى عايزه تبقى زى ستات البندر ..هى دى أول خطوة من غيرها مهما لبستى أو أتوليتى مش حيبان عليكى سيبيلى نفسك
مسعده : أسيب لك نفسى أزاى يعنى
> يعنى تسمعى الكلام وتنفذى أللى حقولك عليه
تدخل مسعده خلف الستارة ويكشف عليها الدكتور قتايه ثم يقوم بغسل يده ويأمرها بأرتداء ملابسها
قتايه : عايزه شغل جامد قوى يا مراد بيه يعنى ما تآخنيش مالقتش ألا البنت دى
مراد: القلب ومايريد وبعدين دى بنت غلبانه أهى أتجوزها تخدمنى بعد وفاة المرحومه وأنت عارف العيله والولاد مش حيقبلوا أنى أتجوز واحده بحالتها دى
عشان كده أنا قررت أنى أمدنها وأنظفها وألبسها وأعلمها الكلام والأتيكيت علشان أقدر أقدمها للناس
قتايه : عموما هى البنت لسه صغيرة وصحتها كويسه والعلاج حيجيب معاها نتيجه أتفرج عليها بعد عشر أيام حنعمل فيها أيه ..حنضطر نحجزها فى قسم التجميل والعناية بالبشرة بعد العلاج مكثف
مراد : مش حوصيك يا قتايه ياخويا عايزك تروقها آخر ترويق علشان تقدر تلبس الفساتين والجزم وأهتم قوى بشعرها مش عايز أشم ريحة الجاز
قتايه : مش عايز وصايه أطمئن حنعمل كل أللى طالبه وأكثر
تحضر مسعدة بعد أرتداء ملابسها : خلاص يامراد بيه حنروح
مراد : أنت حتقعدى هنا كام يوم للعلاج ..وحسك عينك أنك تكسرى كلام الدكاتره
ألا وأنتى عارفه حرجعك تانى البلد تزرعى وتقلعى وتحلبى الجاموسه وتعيشى عيشة القرف أللى كنتى عايشاها..أتفقنا
مسعده : حاضر يامراد بيه ما تشلش هم ..حعمل كل أللى يقولوا عليه
ينادى الدكتور على الممرضه لتصحب مسعده لغرفة الحجز ..فتسير معها ولكنها تعود مرة أخرى لتسأل الدكتور : هو الأشف ده لازم يتشال بالكهرباء ..أنا فى البلد كنت بدعكه بتراب الفرن
مراد : أمشى يامسعدة وماتتكلميش كتير أنتى لحقتى تنسى الكلام أللى قولته
قتايه : خليها براحتها ياباشا ..أحنا علينا التجميل والتظبيط والباقى وهو الأهم عليك أنت.. أنك تغير من طبيعتها الريفيه لتكون سيدة مجتمع ..أنت بتحلم يامراد باشا حتتعب قوى على ماتحقق أللى فى بالك
مراد : بكره تتفرج وتعرف أنى حعمل منها حاجة وتراهن على كده
قتايه : أهى حاجة تتسلى بيها أنما زوجه ..أنت غلطان
> وغدا لناظره قريب بس أنت شوف شغلك وروقها ..سلام
الحلقة رقم ( 5)
أشف مراد بك
تواظب مسعدة على الحضور لمركز الدكتور قتايه الطبى وتظهر عليها النتيجة بسرعة مذهلة بعد الكورس المكثف الذى أجراه عليها الدكتور قتايه وجهازه المعاون فأستردت صحتها وأحمرت وجنتيها وأزدادت يياضا وأصبح شعرها كالحرير وأصبحت غادة هيفاء يتمناها الرجال
وأحضر لها مراد بيه من يعلمها الأتيكيت والمشى والكلام وتغيرت تغير شامل وكل من يراها يعتقد بأنها من أرقى العائلات وأستمر هذا الحال لمدة سنه بعدها أستطاع أن يقدمها للمجتمع الراقى كزوجة مودرن تنطق بعض الكلمات الفرنسيه والأنجيلزيه وصار الكل يحسده على زواجه من هذه العروسه الشابه الراقيه ولا يعلم أحد بسرها غير الدكتور قتايه
وعرفت مسعده الطريق إلى النوادى والحفلات والمجتمعات بعد أن غيرت أسمها لتكون مدام سوسو زوجة الوجيه الأمثل مراد بيه الدرمللى
وتمر سنوات على زواج مراد بمسعده وتنطلق إلى عالم الشهرة والرقى وتقضى السهرات بمفردها مع سيدات المجتمع وتنضم لأحدى الجمعيات الخيريه التى تضم نخبة من سيدات المجتمع ونجومها اللامعة وأصبح مراد يعيش على هامش حياتها ولا تضعه فى حساباتها بعد أن كتب لها ثروته بالكامل فأنطلقت وأستمتعت بالحياة وملذاتها بعد البؤس والحرمان
وفى جلسة من جلسات سيدات المجتمع وثرثرة النساء يحدث هذا الموقف بين مدام سوسو ومدام ميمى
ميمى : عارفه ياسوسو يا حبيبتى أنا أخدت عبد الفتاح جوزى وعرضته على الدكتور قتايه ..الراجل الحقيقة تسلم أيديه عمل معاه اللازم شاله الكرش وزرع له شعر وأزال كل التجاعيد اللى فى وشه تشوفيه دلوقتى ماتعرفوش
سوسو بخبث : مين الدكتور قتايه ده ممكن عنوانه عشان أخد مراد يصلحه
ميمى : أن جيتى للحق جوزك عايز يتصلح كتير أللى يشوفكم يقول أنك بنته مش مراته
> والله غلبت فيه ياشيرى ..أقوله تعال يامراد نسافر لبنان وتدخل مركز صحى يروقك شويه ويجدد شبابك وينظف بشرتك من الأشف ..بيرفض وبيقول أنه مش فاضى بس المره دى مش حسكت لازم أخده أوديه للكتور قتايه هاتى رقم تليفونه
> خدى أدى الكارت بتاعه أهه ..تحبى أوصيه عليكى
> لالا مش محتاجه أحنا نعرف نوصل له أزاى مراد مش حيغلب
بعد هذا الحديث تصمم مسعده أن ترسل مراد لمركز الدكتور قتايه لتعديل منظره ليتناسب مع الرونق والشباب الذى تتحلى به
وأخيرا يوافق مراد للذهاب مع مسعده للدكتور قتايه الذى يستقبلهما بحفاوة بالغه وهو لايعرف بأنها مسعده التى أجرى لها عمليات التجميل وأزالة الأشف من سنوات فقد أبهره منظرها ورقتها وشيكاتها
قتايه : أهلا وسهلا يامراد بيه ..أهلا يامدام ..سوسو.. أهلا وسهلا
خير ياباشا ..قبل من خش فى الشغل أحب أبارك لك على العروسه الجديده
مراد : عروسة جديدة مين ؟ قصدك المدام ..دى مسعده ياراجل سلامة الشوف
تنظر مسعدة بحدة لمراد : مراد أحفظ مركزك خلينا نشوف الدكتور حيعمل معاك أيه ..ينظر قتايه ويدقق فى مسعده وهو ينفجر فى الضحك : كده أنت كسبت الرهان يامراد ..حقيقى ما عرفتهاش ..أنا آسف يامدام
مسعده : شوف يادكتور قتايه عايزاك تلمعه وتشيل عنه أشف السنين وتشيل كرشه وتزرع له شعر أصفر عايزه أستلمه منك 100 % أحسن بقى شكله بلدى قوى ومايسرش وفاضحنى فى وسط صحباتى بمنظره ده ..ما ضيعش وقت خده وراء الستاره وأكشف عليه
قتايه : قوم ياسى مراد أقلع ورا الستاره على ماجيلك ..جه يومك ياسى مراد
يتكاسل مراد فى القيام فتشخط فيه مسعده فيهب واقفا ويذهب خلف الستارة
قتايه وهو يهمس لمسعده : أنا من رأيى يامدام مسعده .
> مدام سوسو من فضلك
> أنا من رأى يامدام سوسو بلاش نعمله عمليات تجميل وكفايه كورس غذائى
مسعده : أقدر أعرف ليه
قتايه : لو عملنا له عمليات تجميل حيستحلى نفسه وقليل ما تجوز عليكى
مسعده : كلام معقول ..طب يادكتور شيل له الأشف وصنفره كفايه لأنى مش طايقاه بأشفه ده
قتايه يهمس بين نفسه : الله يرحم ماأشبه اليوم بالبارحة نسيتى أشفك يابنت الـ...
مسعده : انت بتكلم نفسك يادكتور فيه حاجة
> لا مافيش حاجة ..مراد فعلا محتاج يشيل الأشف أللى فى دماغه قبل أللى فى جتته
تمت
ليست هناك تعليقات:
إرسال تعليق