شحاته وشحتوت وأنتخابات الرئاسة

شحاته وشحتوت وأنتخابات الرئاسة

شوفت أللى حصل يا شحتوت يا خويا .. ترسى فى الأخر على شفيق ومرسى  ويجبروا الشعب المصرى على أختيار واحد منهم طب أزاى والشعب ولا طايق ده ولا..ده

شحتوت :دى بقى أكبرحركة من المجلس العسكرى خلت  الشعب يلف حولين نفسه ونكدت على الناس فى البيوت علشان يحرموا يقولوا يسقط يسقط حكم العسكر وده سر ضحكة طنطاوى لما واحده من المتظاهرات أستقبلته بهذا النداء

-       تفتكر يا شحتوت يا خويا أن الحركة دى مقصوده

-       طبعاااا.. ده شغل تكته وترتيب من سنه فاتت وأترتب له صح الصح ولكن جائت النتيجة بالرغم من هذا بطريقة غير متوقعة .. أزاى بقى

-       أقولك أزاى .. تم تحديث قاعدة بيانات المنتخبين وأضافة 6 مليون ناخب دفعة واحدة  من الداخلية والجيش الذين ليس لهم حق الأنتخاب لم يظهروا فى أنتخابات البرلمان السابقة وبالتالى كان متوقع أن يفوز شفيق من أول جوله ولكن الأخوان أستطاعوا أن يتجمعوا خلف مرسى وده من طبيعة تنظيمات الأخوان ليساعدوا فى نجاحه بالرغم أن المؤشرات الأوليه أكدت بأن مرسى لم ينجح بعد أقصاء خيرت الشاطر وكل الناس أتوقعت كده ..

-       الناس بتقول أن الأنتخابات تم تزويرها لصالح شفيق وأنا لى رأى آخر بأن أللى يقدر يزور الأنتخابات لصالح شفيق مش حيقدر يزورها لصالح مرسى !!

-       طب وحيستفيد من كده أيه

-       أقولك ياسيدى نجاح شفيق سيكون صدمه للناس وأكثر ناس حتعترض هم الأخوان وهم قوة لا يستهان بها.. فتم التزوير لصالح مرسى أيضا ويبقى ضربوا كل عصافير الثورة بحجر واحد .. طيروا حمدين وأبو الفتوح وعمرو موسى وباقى المرشحين ونجّحُوا أتنين لا يرضى عنهم الشعب فيجبرك أن تنتخب أخف الضررين وعندما ينجح شفيق بالتزوير برضه حتقول قدر الله وماشاء فعل ونعيد الأمن ونحل البرلمان ونفرج عن كل المتهمين بالعفو الرئاسى الشفيقى ورجع أخوك عند أبوك وكل سنه وأنت طيب وهذا الحل يرضى أمريكا وأسرائيل والرجعية العربية

-       ياااه أللى خلف ما متش ياجدع فعلا فأبناء مبارك الأوفياء طنطاوى وشفيق وعمر سليمان سيعيدوا أنتاج نظامه من جديد فى مده لا تزيد عن شهرين بالأكثر وسيعود زوار الفجر بكثافة معززين بالتحريات العسكرية والمخابرات العامة للقبض على الأخوان والسلفيين والناشطين السياسيين من مختلف التيارات وأدخالهم المعتقلات ... بيتك بيتك ... بيتك ويتم حكم مصر بالحديد والنار مرة أخرى

-       أنا مش معاك فى دى فالشعب المقهور الذى أستطاع أن يطيح بمبارك الخائن أمتلء جسده ورئتيه بهواء الحرية فأنتفخ وأصبح عملاقا ولن يستطيع أحد أعادته مرة أخرى للمصباح .. ستستمر جولات ومعارك الشعب ضد الفلول من أجل الحرية والكرامة لعدة سنوات قادمه وسنخسر بعض الجولات ولكننا سننتصر فى النهاية

-       الخوف كل الخوف من أن تتحول ثورة أبناء النيل السلمية الطاهرة إلى ثورة دموية تقتص من رموز النظام السابق وتغرق مصر فى حمامات الدم

-       يارب أنقذ مصر وشعب مصر وأضرب الظالمين بالظالمين وأخرجنا من بين أيديهم سالمين

يارب يا خويا يارب