الكمبيوتر الملبوس

الكمبيوتر الملبوس

-       1 -

صحوت قرب الفجر على أصوات تصدر من غرفة مكتبى فمشيت على أطراف أصابعى دون أن أنير المصباح وأنا يخالطنى كثير من الخوف الغريزى الذى جعلنى أتوقع أن يكون بداخل شقتى لصاً أو ربما فأراً أو قطه وسألت نفسى من أين يأتون وجميع نوافذى وأبوابى مغلقة فترددت قبل أن أفتح باب الغرفة فقفلت راجعا إلى المطبخ لأتسلح بسكين أو عصى أو حتى أيد هون لأن الأمر جل خطير لم يسبق أن تعرضت له .. فتحت باب الغرفة بهدوء وأنا أرفع أكبرسكين مطبخ وجدته ( غالبا كانت سكين التورته الغير مسنونه) وبدأت مستعداً للنزال كفارس من فرسان العصور الوسطى الذين أشاهدهم فى التلفاز وضغطت على زر الكهرباء لأبدد ظلام الغرفة فلم أجد غير الكمبيوتر مفتوح وصوت الطابعة يعلن عن أنتهاء طبع أوراق ولايوجد أحد بالغرفة .. لبست نظارتى وظللت أبحث فى الغرفة وبين الكتب والأدراج فلم أجد شيئا فهدأت قليلا وجلست على مكتبى لألتقط أنفاسى وصوت الطابعة لفت نظرى بأن أنطفأ مفتاح تشغيلها والكمبيوتر بدأ فى الأغلاق وعاد الخوف يتملكنى مرة أخرى فمددت يدى وسحبت الأوراق التى بالطابعة لأقرأها ولكن صدرت منى شهقة رعب فهى مكتوبه بلغة غريبه مثل الموجوده بكتب السحر والأحجبه التى يكتبها السحرة والمشعوذين وأللى طلع عليا هو : لالا مش ممكن ..لالا مش ممكن .. أسمع صوت زوجتى الحاجة وهو تنادى عليا من غرفة النوم : فيه أيه يازيزو ؟؟

-        وأرد عليها وأنا أبلع ريقى مفيش مفيش نامى أنا جاااى ..

 أهم بالقيام ولكن الكمبيوتر فتح من جديد ودارت ماكينة الطباعة لتطبع أوراق جديده فأنتظرت حتى أنتهت من الطبع وألتقطت الأوراق فوجدتها مكتوبه بنفس اللغة ولكنها تختلف فى ترتيبها عن سابقتها أى أنها أستكمال لما سبق.. بينى وبينكم  شعر رأسى وقف وطقطق.. فقررت أن أطفئى الكمبيوتر ولكنه لا يستجيب فقمت بسحب فيشة الكهرباء من الحائط بعصبية وفتحت درج الطابعة لأفرغه من الورق .. وخرجت من الغرفة مسرعا وأغلقتها بالمفتاح وأدخل فى الفراش الدافئ وأنا أقرأ آية الكرسى والمعوذتين حتى هدأت وقلت الصباح رباح.. وذهبت فى نوم عميق على غير العاده

-        فتهزنى زوجتى : أصحى ياعم الحاج أول مره تتأخر فى نومك كده.. حاضر حاضر .. بقولك أيه أنت سايب الكمبيوتر بتاعك شغال فى المكتب .. آه لأ .. آه آه فيه أيه

-       أصلى من الصبح سامعه دربكة فى أوضة مكتبك وصوت الكمبيوتر شغال والطابعة دايره حاولت أفتح أشوف أيه لقيت الباب مقفول بالمفتاح.. هو فيه حاجة!! ...

-       مفيش مفيش أنا قايم أهه .. أرمى الغطاء وأقوم مسرعا لأفتح غرفة المكتب فأجد الكمبيوتر شغال ومتصل بالكهرباء والطابعة تعمل ورساله على الشاشة تقول (ضع ورق بالطابعة)

أضع الورق فى الطابعة فتبدأ فى الدوران لتطبع أوراق جديده ولكن فى هذه المره يعلن الكمبيوتر عن أنتهاء عملية الطبع .. أجمع الأوراق بالترتيب وأحاول أن أفهم مافيها ولكن هيهات فقررت أن أقوم بتصوير بعضها بالأسكانر وأعرضها على النت لأترجمه فى جوجل .. وقد كان.. نسختها وأنتظرت نتيجة الترجمه وكانت المفاجأة

جائتنى رساله من جوجل تقول بأن هذه اللغة غير موجوده فى العالم برجاء أفادتنا عن مصدرها فوضعت أيدى على خدى وقلت فى نفسى جيبتك يا عبد المعين تعنّى لقيتك ياعبد المعين تتعان ..لابد أن الكمبيوتر ده فيه حاجة مش مظبوطه وفيه ناس بتشتغلنى وتعمل له ريبوت من بره وأنا مش عارف فقررت أن أتصل بصديقى وجارى المهندس عادل وشرحت له ماحدث فقال لى عشرة دقائق وسأكون عندك .. فتح الكمبيوتر وهاتك يا فحص فى البرامج وجميع التنزيلات وقام بمراجعتها وفتح مصارين الجهاز والطابعة وفى النهاية وضع الورق المطبوع جانباً وهو يائس : الجهاز والطابعة سليمة هارد وير وسوفت وير الكمبيوتر بتاعك ده لابسه عفريت وقام وتركنى وأنا أجرى وراءه : طب والعمل ياباشمهندس

قال وهو يبدو عليه علامات الأشفاق : الكمبيوتر ده قديم وعفى عليه الزمن مش عارف متمسك به ليه .. ياعم زيزو بيعه وكمان مش حتلاقى حد يشتريه .. أقولك على حاجه أتبرع به لجمعية رسالة على الأقل تكسب ثوب ..هززت رأسى وأنا قلبى يقطر دماً على هذا الكمبيوتر الأصيل وعلى ماوصل إليه وفى أول وعكة أتخلى عنه ولكننى لن أخذله أو أبيعه قبلما أعرف ما أصابه وسر هذه الرسائل المكتوبه بهذا الخط الغريب

 طب والعمل مفيش غير الشيخ مختار بتاع السحر والزار الذى يطلق عليه شيخ مجازاً رغم أنى لم أشاهده يركعها منذ أن عرفته فطلبته على الموبايل وشرحت له ماحدث فحدد لى ميعاد فى المساء فحملت أوراقى إليه فى غرفته التى يقطنها فى أسطح أحد العمارات المجاوره حيث خلوته ووكر تحضير أعماله السفلية والعلويه.. نظر الشيخ مختار فى الورق وهو يهز رأسه وهو يقول : معقول الجن الأمريكى يعمل كده

-       هو الجن دلوقتى جنسيات ياعم مختار

-       اومال الجن ده شعوب وقبائل يا زيزو ياخويا فيهم المتقدم والمتخلف وفيهم المؤمن والكافر وألعنهم الجن الصهيونى لعنة الله عليه

-       طب الورق ده فيه أيه

-       الورق ده تسيبه وتيجى بكره وتجيب معاك الورق أللى حينطبع

-       أيه هو لسه فيه ورق حينطبع تانى ..- أيون أنت فاكر العمليه سهله ولا أيه

-       أشمعنى يعنى الجن مالاقاش ألا الكمبيوتر بتاعى.يرسل عليه الرسائل بتاعته

-       ده من حظك يازيزو يظهر فيه منهم معجبين بك أبسط ياعم..

-       بقولك أيه يا عم مختار ماتاخد الكمبيوتر ده تطلع منه العفاريت بمعرفتك

-       ما أقدرش يا حبيبى ده ممكن يؤذونى وأيش ضمنك أنى لو أخدت منك الكمبيوتر يظهروا لك فى الثلاجة أو التكييف أو الكيتشن ماشين

-       يانهار أزرق  ألا الكيتشن ماشين بتاع الحاجه هما واخدين توكيل الأجهزة الكهربائية

-       العفاريت أطورت ومابقتش زى زمان تلبس البنى آدين لأن البشر دلوقتى ألعن من الشياطين فتلبس فى كمبيوتر أو سياره أو قطار أو باخره أى جهاز بيستخدمه بنى البشر

-       معقول .. وأكثر من كده حقولك على آخر نشره  طلعت من الهيئة العامة للعفاريت بتقول ممنوع منعاً باتاً أى عفريت أو جن أن يلبس أى بنى آدم وخاصة الستات وبنات اليومين دولت .. -- أشمعنى بقى .. لأنهم مش محتاجين عفريت يلبسهم حقولك على حاجه غريبه مش حتصدقها فيه بنت رقاصه عينيها زرقاء طالعه اليومين دولت مش فاكر أسمها بدل ما العفريت يلبسها هى أللى لبسته وأهله العفريت ياحرام  دايخين بيه على المشايخ .. ياسلاااام .. أنت مش مصدق ولا أيه .. العفاريت دلوقتى مش فاضيه تلبس البنى آدمين دول  بيخافوا يقربوا منهم  ويستعيذوا بالله منهم وأى واحد أو واحده يقولك أن لابسه عفريت ماتصدقوش ده بيستهبل أو مخه ضارب أضربه بالجزمه على دماغه وهو يفوء

-       اومال أيه الناس أللى رايحه جايه عليك دى والزار أللى أنت بتعمله كل يوم والتانى ده - يازيزو ياخويا رزق الهبل على المجانين     

-       ما علينا خلينا فى الكمبيوتر بتاعك ده تصدق أنى بفكر بجد أفتح ورشة لعلاج الأجهزة الملبوسه بدل من النصب على خلق الله  والمشاكل مع الأوباش ما تيجى تدخل معايا شركة .. أفكر ياعم مختار.. فوتك بعافية

-        ماتنساش تجيب الورق الجديد

-        حاضر سلام  

الجزء الثانى

أمر على الشيخ مختار فى اليوم التالى ومعى مجموعة جديدة من الأوراق وجدتها فى الصباح على مكتبى فنظر إليها وأبتسم ضاحكا ليظهر فمه المهجور من الأسنان : مبروك ياعم زيزو الجماعة بيبعتولك كثير السلام وبيشكروك على توصيلك للرسائل

-       جماعة مين .. حبايبك العفاريت .. أنا لى حبايب من العفاريت .. أيوه ياسيدى يا بختك ياعم ..أرزقنا يارب .. يرزقك بنصيبه يابعيد .. وبعدين أيه لزمته الغلط ده .. حتخليهم يزعلوا منك وزعلهم وحش حيخلوك تلف حولين نفسك ( أشعر بالقلق وأحاول أن أظهر تماسكى أمام هذا الدجال )

-       قوللى عرفت أيه أللى مكتوب فى الورق ده ؟؟

-       عرفت ومش حقولك إلا لما تمضى هنا بدمك

-       لما أعرف الأول حمضى على أيه

-       أمضى وبعدين تعرف .. – لأ مش حمضى ألا لما أعرف

-       ماتخافش شكه بسيطه بالدبوس وتبصم بالدم هنا

-       تتك شكه .. أنت أتهبلت ياراجل أنا الحق عليا أنى لجأت لواحد نصاب زيك .. أنا ماشى وطز فى عفاريتك أنا مروح أرمى الكمبيوتر ده بره

-       توء توء توء.. ماشى ياعم زيزو براحتك مصيرك حتجيلى تانى وحتندم على أللى قولته   

العايط فى الفايت نقصان عقل

العايط فى الفايت نقصان عقل

-       أيه رأيك فى حكم البراءة لمبارك وأولاده والعادلى وقياداته السته ؟؟

هو : عادى المقدمات تدل على النتائج فجاء الحكم نتيجة منطقية جداً وأللى يقول غير كده يبقى أهبل وعبيط وبذيل

-       معنى كده بتأيد الحكم وبتعتبره حكم عادل

هو : أنا ماقولتش كده .. أنا بأتكلم على قضية منطقية ولكننا للأسف لا نستخدم عقولنا لتحليل هذه القضية بالرغم من وجود عشرات الشواهد التى تقود للبراءة المخططه والمتفبركه هذه ودليل على كده أن مبارك وأسرته لم يهربوا خارج مصر

-       وهل رضوا بالحبس والعرض على شاشات التلفاز وحضور الجلسات ليعرضوا  أنفسهم لحكم الأعدام غير الفضيحة العالمية ؟

-       أولا لم يحبسوا بل كانوا مطلقين السراح .. ثانيا لم تمس أموالهم التى نهبوها من الشعب .. ثالثا كل عملاء مبارك ظلوا فى مراكزهم القيادية بما فيهم قيادات الشرطة والجيش والقضاء.. رابعا أُسُتخدِم المال المنهوب فى أفساد القضية.. ولهذا لم  يهرب أو يسافر خارج البلاد بل قالها واضحة بأنه قاعد على قلبكم  وسيموت على أرض مصر.. كلام الواثق من نفسه ومن رجالته الموجودين فى الجيش والشرطة والأعلام والقضاء

-       لماذا لم يتم محاكمته فى زمن مرسى ؟

هو : لم تكن خطة مبارك وأعوانه أن يصل مرسى والأخوان للحكم بل كان التخطيط وصول أحمد شفيق أخلص رجال مبارك وتلميذه النجيب ولو أصبح رئيسا لما أستغرقت هذه القضية كل هذا الوقت .. ولولا خوف طنطاوى من وقوع البلاد فى دوامة الأرهاب والحرب الأهلية لقام بتزوير الأنتخابات لصالح شفيق أى أنه وضع وجه الشعب المصرى فى الحيطه  وتركه يختار بين أسوء الوحشين .. وبما أن الشعب كاره لنظام مبارك ورافض للتوريث فقد أنتخب مرسى على أمل أن نخرج من مستنقع مبارك والفلول

-       السيسى يقول أنه لا يتدخل فى أحكام القضاء هل هذا صحيح ؟؟

هو : للأسف هذا كلام لا يصدقه ألا السفهاء .. فالقضاء بعد الأنقلاب مُسٍيَسّ وأقرب مثال أحكام البراءات على الفسده والقتله والمجرمين فى مقابل أحكام بالسجن والأعدامات بالجمله للثوار والمعارضين

-       يقال أن نظام مبارك سيعاود الظهور وسيصطدم بنظام السيسى وتدور بينهم معارك تكسير العظام

هو: هذا مايريد أعلام السيسى أن يوصله لرجل الشارع ..النظامين ينبعان من بوتقة واحده والطينه من الطينه واللته من العجينه والكلب لا يعض فى ذيل أخيه ومن يقول غير ذلك فهو واهم وبلع الطُعم.. فالسيسى رجل مبارك ومبارك رئيس السيسى ولو خان الجميع فلن يخون بابا ..ففى عز أزمه مصر الأقتصادية حكم لهم بالبراءة وهو يعلم بأن هذا الحكم سيحرمه من مليارات مبارك وحسين سالم المهربة فى بنوك الخارج التى تنتظر حكم الأدانه

-       أنا دماغى لفت ومش قادر أتخيل مايفعله هؤلاء الملاعين فى شعب مصر

هو : يستاهل المصريين ماحدث وما سيحدث لهم لأنهم رضوا بالفتنة وتأثروا بحملات الكراهية الأعلامية ولم يفيقوا ألا بعد هذه الكارثة.. خُلاصة القول إن مبارك قد أعيانا عندما كان رئيساً مستبداً، وأعيانا عندما صار رئيساً مخلوعاً، وأعيانا عندما أصبح متهماً، وأعيانا أيضاً عندما أصبح بريئاً

ويتبقى سؤال أخير: من الذى سيدفع فاتورة براءة مبارك التى تكلفت المليارات من علاج وأنتقالات ومكافئات وتعويضات ومعاشات يدفعها الشعب من قوت يومه للشهداء والمصابين ؟؟

هو : أنسى فلن يحصل الشعب على مليم من أموال مبارك ورموز نظامه المهربه للخارج ولن تدفع دول الخليج فلساً مرة أخرى ...وأنسى وخد البنسه

وتسلم الأيادى .. تسلم يا جيش بلادى

الهروب

الهروب

فى النادى العريق عادت الزوجه من الحمام بعد أن قامت بتصليح مكياجها لتجد سيده شابه على قدر معقول من الجمال وهى تقبل زوجها وتحتضنه وتبكى بعد كل حضن فوقفت بينهما وكأن على رأسها الطير كما يقولون وزوجها يفتح فمه فى أزبهلال وتعجب عندما رآها ولكنه يترك نفسه ولا يعرف كيف يتصرف

-       تصرخ زوجته بأعلى صوتها: مين دى يا حمدى.. وتقف حائل بينها وبين زوجها لتوقف هذا السيل المنهمر من القبلات النسائية الملتاعة

-       أنتى مين ياست أنتى

هى : أنتى أللى مين وعايزه أيه

-       أنا مراته وهو جوزى ..

هى :تستديرلا تأبه بها وتتحول للزوج وتشده من ربطة عنقه حتى تكاد أن تخنقه وتقول : وكمان متجوز عليا يا ندل يا جبان بعد السنين دى كلها

الزوج ينطق بصعوبه : ياستى أنا ما أعرفكيش سيبينى يابنت المجنونه

هى : بتستهبل يارفعت عامل نفسك ماتعرفنيش .. ليك حق ما هو أنت خايف من القرشانه أللى أنت متجوزها

هو : ياستى أنا مش أسمى رفعت أنا أسمى حمدى .. أيه البلاوى أللى بتتحدف علينا على المساء دى وآدى البطاقه  علشان تصدقى (يستنجد بزوجته ) ماتقولى حاجة ياسعاد .. سعاد : آدينى بأتفرج عايز أشوف الحكاية حترسى على أيه أنت جوزها ولا مش جوزها

هى : تنظر فى البطاقة وتقذفها فى وجهه .. البطاقة دى مزوره .. أنت رفعت بلحمه وشحمه  ما أقدرش أصدقك وأكدب عينيا

تزداد المناقشه سخونه فيتجمع الناس حولهما وهى تقول أنت رفعت وهو يرد عليها لأ مش رفعت أنا حمدى حتى يتدخل رجال أمن النادى بينهما بعد أن هرعوا إليهم

رجل الأمن : كفايه كده يا مدام وأنت يا أستاذ أتفضلوا معايا لأوضة المدير بدل من البهدله واللمه دى

( فى غرفة المدير )

المدير يوجه كلامه للسيده المدعية :  يا مدام نانا عندك ما يثبت أن الأستاذ حمدى هو نفسه جوزك رفعت

هى : أيوه حضرتك ( تخرج من شنطتها مجموعه من الصور الفوتغرافية ) شوف حضرتك الصور دى وأحكم بنفسك أنت

( المدير يأخذ منها الصور ويقلب فيها وهو مصاب بالذهول وينقل نظره بين ثلاثتهم وهو يقول توء توء توء  مش معقول واضح أن حضرتك فنانه عظيمه )

سعاد زوجة حمدى تخطف الصور من يد المدير وتقلب فيها وعند كل صوره تشهق وهى تخبط على صدرها من الصدمة وهى تولول : يالهوى يالهوى يالهوى كل ده يطلع منك ياحمدى روح منك لله .. تخدعنى طول السنين دى وتطلع متجوز رقاصة

حمدى بلهفه : وكمان رقاصة ورينى كده .. توء توء توء .. معقول أكون متجوز الصاروخ ده لأ لأ لأ الصور دى فوتوشوب

نانا : فوتوشوب أيه يادلعادى وولادك سماح وشربات ..سوسو وتوتو.. حتنكرهم دول كمان يا نصاب ياضلالى

حمدى يلطم على وشه : وكمان مخلف منك سوسو وتوتو .. ياسيادة المدير الست دى نصابه أطلب لنا البوليس

نانا : أيوااه أطلب لنا البوليس ولا أقولك نطلع على النيابه علشان نعرف مين فينا أللى نصاب

سعاد تنتحى بحمدى جانبا وهى تستعطفه أن يقول لها الحقيقة بدلا من البهدله وقلة القيمه والذهاب للأقسام : أيه رأيك نقعد أحنا الثلاثة نتفاهم بالراحة ونشوف حل للموضوع ده بالذوق  

ينصرف ثلاثتهم من مكتب المدير ويجلسوا على ترابيزه بعيده فى اطراف النادى وتجلس نانا عن يمينه وسعاد عن يساره

حمدى يبدأ الكلام : أحلف لك بأيه ياسعاد أنى عمرى ماشوفت الست نانا ولا قابلتها قبل كده

نانا تنفعل : قالوا للحرامى أحلف قال جالك الفرج

حمدى : حرامى أيه وزفت أيه ومين فرج ده .. أنتى ياست خلتينى أشك فى نفسى

نانا :تحب أفكرك ولا بلاش أحسن مراتك الجديده تزعل

سعاد : لأ يا حبيبتى ما بزعلش المهم نوصل للحقيقه ونشوف هو جوز مين فينا

نانا : رفعت جوزى وجوزك يا مدام سعاد والراجل النصاب ده أتجوزنا أحنا الأتنين وضحك عليكى وماقلكيش أنه متجوز .. الراجل ده أتعرفت عليه من عشر سنين كان بيجى الصالة أللى كنت بأشتغل فيها مثل عليا دور المحب الولهان وأنه تاجر كبير وبيلعب بالفلوس لعب أتجوزته وقعدت من الشغل بعد ما خلفت سوسو وتوتو .. القرشين أللى كنت محوشاهم من الشغل خلصوا فأضطريت أنزل الشغل تانى البوليس أبتدى يسأل عليه وعرفت منهم أنه محرر شيكات بدون رصيد وعليه أكثر من أربعين قضيه .. أختفى مره واحده .. دورت عليه فى كل حته ومابقتش عارفه هو عايش ولا ميت ووقف حالى ولا عارفه أتجوز ولا عارفه أتطلق لحد ماشوفته النهارده بعد خمس سنين وقاعد قدامى أهه وبينكر أنه رفعت وبينكر أنه جوزى

سعاد : طب والعمل يا مدام نانا

نانا : مفيش حل غير أننا نعيش مع بعض أنتى مراته وأنا مراته وهو جوزى زى ماهو جوزك .. ولو مش عاجبك الحل ده نبلغ البوليس يقبض عليه ونسجنه ونطلق أنا وأنت وكل واحد يروح لحاله

سعاد : أنتى بتقولى أنه رفعت مش حمدى طيب حيطلقك أزاى وبطاقته بأسم حمدى

نانا : ومين قالك يا حبيبتى أنى أنا عايزه أتطلق .. ( تلتصق به وهى تنظر فى عينيه بهيام )طب ما يطلقك أنتى وورقه سليم بأسم حمدى ويرجع ليه أنا مراته وأم عياله وتبقى عملت خير وما تفرقش معايا يكون حمدى ولا رفعت ولا زفت أو قطران

سعاد : ( تجذبه ناحيتها )وأنا كمان مش عايزه أتطلق هو أنا لحقت أتجوز علشان أطلق ده أحنا متجوزين من 6 أشهر بس ومستنيه ولى العهد يشرف كمان 3 شهور وماينفعش يطلقنى وأنا حامل ( توجه كلامها لحمدى ) عايز تطلقنى ياحوحو

يضحك حمدى وهو يضرب كف بكف وهو يقول : الحل أللى بتقول عليه مدام نانا أنا موافق عليه

سعاد تنفعل : يعنى أيه حنعيش مع بعض فى شقتى ولا فى شقة مدام نانا

نانا : للأسف أنا ماعنديش شقه أنا عايشه أنا والعيال فى شقة أمى ومع أخواتى ومفيش غير شقتكم تلمنا كلنا أنا وأنتى والعيال  وولى العهد المنتظر هيه قولتى أيه

يسود بينهم الصمت والكل ينتظر ماسوف تقرره سعاد :مش عارفه أنا حاسه أنى فى كابوس ومش قادره أقرر حاجه دلوقتى سبونى أفكر لحد بكره وأرد عليكم

نانا : طب قوموا يلا بينا نروح .. وقف لنا تاكسى يارفعت

سعاد : مش أسمه رفعت أسمه حمدى .. لأ رفعت لأ حمدى لأ رفعت لأ حمدى

حمدى يصرخ فيهما : باااس .. تاكسى .. أطلع بينا يا أسطى على الدقى

( يجلس حمدى بجوار السائق وتركب سعاد فى الخلف وتدخل بجانبها نانا فتنظر لها سعاد بأستغراب وهى تقول : أيه ده هو أنتى جايه معنا ولا ايه .. وقف يا أسطى

نانا : أيوه طبعا ..سعاد : بس أنا لسه ماقررتش .. نانا : أبقى قررى على مهلك يا حبيبتى .. أطلع يا أسطى  وافقتى يبقى خير وبركه .. ماوافقتيش يادار مادخلك شر ونسلم الراجل ده للبوليس  بكره الصبح ونخلص

حمدى ينظر لهما وعيناه يطق منها الشرر : هسسس مش عايز أسمع صوت واحده منكم لما ننزل نبقى نشوف حنعمل أيه

يفتح حمدى باب الشقة ويشاور لهم بالدخول فتجلس سعاد على كنبة الأنتريه وأمامها نانا التى تدير نظرها فى محتويات الشقه وهى مندهشه وتوجه كلامها لحمدى : يظهر أن العمليه ماشيه معاك قوى اليومين دولت

سعاد وهى ترفع كفها فى وجه نانا : الله أكبر النهارده الخميس أحنا من أولها حنقر جرى أيه ياست أنتى مش كفايه أن أحنا جبناكى معانا يظهر مش حتطولى هنا

نانا : أنا ما بحسدش ياماما .. الأفندى أللى واقف قدامك ده كان معيشنى فى فيلا ممكن تقولى قصر شقتك دى ماتجيش واحد على ميه من اللى كان عندى لولا الخيبه اللى حطيت عليه خلته باع كل حاجه ورهنها للبنك

سعاد : ماهو من قرك وعينك أللى تقصف الحجر ..  ماهو النسوان أقدام ..هو قاللى أنه كان متجوز قبل كده ومراته ماتت وما كنتش أتخيل أنك تكونى بالفظاعه دى وطولة لسانك

حمدى يقف حائراً بين المرأتين اللتان علا صوتهما ووقفا قصد بعض وأستعدت كل منهما للعراك فيقف بينهما ليمنع تطور المعركة النسائية

حمدى: بقول أيه بطلوا خناق بقى أنتم مش جعانين

نانا : أيوه جعانين

سعاد : ياساتر يارب كنا ناقصينك .. بقولك يا حمدى الثلاجة فاضيه وماعندناش عشاء ياريت ننام خفاف أحسن

حمدى : معقول يا حبيبتى ده أنا واقع من الجوع .. عشر دقائق أنزل اجيب عشا وآجى عن أذنكم أنا راجع على طول

يخرج حمدى مسرعاً ويغلق الباب خلفه فتخرج ورائه سعاد وهو يقفز فوق درجات السلم .. سعاد : أوعى تتأخر ياحمدى ماتسبنيش مع الست المتوحشه دى

حمدى : ماتقلقيش يا سعاد مسافة السكه

تدخل سعاد شقتها فتجد نانا قد خلعت ملابسها وأرتد قميص نوم سعاد وجلست أمام التليفزيون وهى تقلب المحطات وهى تقول مفيش حاجه حلوه النهارده خشى ياسعاد غيرى هدومك .. تصرخ سعاد من الغيظ وتكاد تمد يدها لتشدها من شعرها ومنعها قوة نانا البدنية بطولها وعرضها فمن الممكن تفتك بها

يمر الوقت بطيئا مملاً وكل فتره تقوم سعاد لتفتح الشباك لتترقب وصول حمدى وتمر 3 ساعات ولم يحضر وأنتاب القلق نانا هى الأخرى

نانا : طب والعمل ياسعاد حنعمل أيه يظهر الراجل ده هرب

سعاد : هرب تفى من بقوكك .. قولى ربنا يرجعه بالسلامه

نانا : بقولك هرب يابنت العبيطه أفهمى .. قومى نبلغ عنه البوليس

تمت

كيف تجعل الخيال واقع

كيف تجعل الخيال واقع
قرأ كتاب عن (كيف تجعل الخيال واقع ) للكاتب الأمريكى - جون ديموس - فأعجبه فنصح زوجته بقراءته هى الأخرى وبعد أن فرغت منه جلسا يتناقشان فيه وقررا أن يقوما بتنفيذ أول تجربة نصح بها الكاتب فتخيلا سويا بأنهما سافرا إلى أحدى القرى السياحية الفاخرة فى شرم الشيخ وجلسا فى شرفة منزلهما التى تطل على الخرابة على كراسى وشمسية البحر التى كانا يصطحباها فى الأيام الخوالى عند السفر إلى رأس البر .. وتنفيذا لتعليمات الكتاب قام بخلع ملابسه وأرتدى المايوه ونظارة الشمس والكابالأبيض ولبست زوجته المايوه الشرعى وشبشب زنوبه بعد أن أحضرت صنيه بها كافة المشروبات الساخنة والبارده وأكياس اللب والسودانى لتبدأ أول جلسات التخيل فأغمضا أعينهما وتخيلا أنفسهما وهما يغطسان فى البحر ليستمتعا برؤية السمك الملون ويركبان لنش يخترق صفحة الماء الفيروزى الرائع ثم يسيران سويا على الشاطئ الذهبى الذى أمتلء عن آخره بالحسناوات اللاتى يرتدين المايوهات القطعتين وفى الغالب قطعة واحدة أو مفيش فيقف صاحبنا يتأمل فى جمال أجسادهن ويتخيل نفسه ينعم بكل هذا الجمال .. تقوم زوجته بسحبه من يده وهو يرفض أن يتحرك فتضربه على رأسه بحجر حتى يفيق فيصرخ فيفتح عينيه ليجدها أمامه فيحاول أن يغمض عينيه مرة أخرى ليعيد التخيل ولكنها تعاجله بخبطة أخرى فيصرخ فيها وهو يطبق على زمارة رقبتها : أيه فيه أيه ؟؟
هى : سيب رقبتى .. أقوم أفتح الباب بيخبط
يفتح الباب فيجد أبنته التى تسكن فى نفس العماره أمامه وهى فى قمة الأندهاش
أبنته : أنت عامل كده ليه يابابا
هو : فيه أيه كنت فى شرم الشيخ .. قصدى كنت متخيل أنى فى شرم فيها حاجة دى .. أدخلى أمك حتفهمك كل حاجة
- تشهق وتضرب صدرها بيدها عندما تشاهد أمها وهى ترتدى المايوه الشرعى وتجلس فى البلكونه وهى مغمضه عينيها ولا تشعر بوجود أبنتها ألا بعدهزتها بعنف : مامى فوقى .. أيه أللى بيحصل ده .. ليها حق أم سوكه جارتى لما أتصلت بيا وقالت لى ألحقى أمك وأبوكى أتجننوا وقاعدين فى البلكونه بالمايوهات
- أم سوكه ..أم سوكه.. الله يلعن أم سوكه من الصبح عماله تنادى عليا لما زهقتنى وبوظت لى جلسة التخيل .. جيران بيئة وجهله
- عايزه أفهم أيه اللى بيحصل ده
- عايزه تفهمى خدى الكتاب ده أقرأيه حتفهمى كل حاجه... تأخذ منها الكتاب وتعود لها بعد يومين بصحبة زوجها وأولادها الثلاثة وهم يرتدون القمصان المشجرة والبرانيط المكسيكى
الأم وهى مندهشه : أيه أللى أنتى عاملاه ده يا حبيبتى
الأبنه : مش تقوليلى حمد لله ع السلامه .. ولا سألتى بقالى 10 أيام فى المكسيك ولا تليفون ولا مسيج ولا شرم الشيخ أخدتك مننا تصدقى يامامى أنك أخدتى اللون البرنزى ياياى
الأم وهى تخبط كف بكف .. لا حول ولا قوة ألا بالله ..عليه العوض ومنه العوض البنت أللى حيلتى أتجننت .. الله يخرب بيتك يا جون ديموس البنت ضاعت والراجل ضاع .. هى : صحيح هو فين بابى علشان أسلم عليه
- سيبى أبوكى مش فاضى دلوقتى .. متخيل نفسه وزير الكهرباء وشغال عمال بيقطع ويوصل النور
ههههههههههههههههه

أمانى الخياط

أمانى الخياط
كان رأيى فيها من زمان بأنها أغبى مذيعه ظهرت فى الفضائيات وكانت لا تعرف أن تقول كلمتين على بعض وجميع تعليقاتها هبله وعبيطه وتدل على هيافتها وغبائها الذى يطل من نظرة عينيها.. وعندما أخذ الأعلام الضوء الأخضر بالهجوم على الأسلاميين ظهرت هذه الأمانى فى وصلات ردح يومية حتى أصبحت ماده كوميدية شبه دائمه فى حلقات باسم يوسف .. وهى على مايبدو مثلها مثل باقى الأعلاميين المشبوهين المعروفين للشارع المصرى .. ونسيت نفسها وتغلب عليها غبائها وأسائت إلى الأشقاء المغاربه وملكها المحترم أبلغ أساءة لا تصدر ألامن أنسانه جاهله وغبيه وحماره .. ونقول للحكومة الحالية والسيسى ألا يسمن كلبه حتى لا يعقره .. مما دفع الحكومه ورئيس الجمهورية وصاحب المحطة ومديرها أن يعتذروا رسميا ولكن بعد أيه ؟؟ بعد ما أتشتم الشعب المصرى كله من تحت رأس هذه الكلبه .. لا يكفى طردها من محطة ساويرس ولكن لا بد من محاكمتها جنائيا
ونصيحة ..لمى ثعابينك ياحكومه المنتشرين فى الأعلام من أمثال أبراهيم عيسى وعكاشه ولميس وعماد أديب .. الناس دى سفالتها زادت والبلد مش ناقصة قلة أدب

الفرافره كمان وكمان

سنستعرض سويا معلومات جغرافية وتاريخية وسياحية عن واحة الفرافرة التى كانت مسرحاً لحدث دامى راح فيه 23 من جنود وضباط حرس الحدود .. بتخيلك للمكان يجعلك تتعايش مع الحدث

الفرافرة هى واحة صغيرة تقع على مسافة 170 كم جنوب الواحات البحرية وعلى مسافة 627 كم من القاهرة وهى موقع سياحى من الدرجة الأولى يتمتع بشمس مشرقة طوال فصل الشتاء ومناظرها الفريدة من التماثيل البيضاء التى نحتت بيد الطبيعة وأثارها الفرعونية ومياهها الكبريتية

تعتبر واحة الفرافرة قرية واحدة، وهى الأكثر عزلة من واحات الوادي الجديد، وتشتهر واحة الفرافرة بتقاليدها وعاداتها القوية، يقع الجزء الأقدم للقرية على سفح تل بجانب بساتين نخيل محاطة بالنخيل، وتوجد على مسافة قريبة منها ينابيع الكبريت الحارة وبحيرة المفيد، كما يحيط بالواحة عدد من العيون الطبيعية وكثير من أشجار النخيل والزيتون.

كما يوجد بالواحة بئر تسمى "بئر ستة" وتوجد على بعد ستة كيلومترات إلى الغرب من مدينة الفرافرة وتبلغ درجة حرارة مائها 24 مئوية على مدار العام، وتوجد بها الصحراء البيضاء ذات الشهرة العالمية التي يقصدها السائحون من جميع أنحاء العالم، والتي أصبحت محمية طبيعية في العام 2002م تبلغ مساحتها 3010 كم

يرجع تاريخ واحة الفرافرة إلى العصر الفرعوني فقد ورد ذكرها في عدد من الوثائق المصرية القديمة خاصة منذ الأسرة العاشرة في القرن الحادي والعشرين قبل الميلاد وكانت تسمى "تا أحت" أي أرض البقرة وأطلق عليها المصريين القدماء هذا اللقب لكثرة المراعي والابقار بها‏.

في العصور الرومانية كانت الفرافرة والواحات الداخلة والواحات البحرية هي أرض الحبوب للإمبراطورية الرومانيةوسميت أرض الغلال، وتوجد في وسط الفرافرة بقايا قصر يسمى قصر الفرافرة مشيد بالطوب اللبن وقصر أبو منقار وهى آثار بقايا أبنية ترجع إلى العصر الروماني كما يوجد بضع مقابر أخرى صخرية خالية من النقوش وبقايا معبد روماني عند منطقة تدعى "عين بس

في العصر المسيحي الأول كانت الفرافرة ملاذا للمصريين المسيحيين الذين اضطهدهم الرومان وفر كثير من المسيحيين إلي الفرافرة وتركوا بصماتهم واضحة في مناطق القس أبوسعيد وعين أبشواي ووادي حنس وكلها أسماء مسيحية مصرية‏.‏ خلال فترات كثيرة من التاريخ القديم بعد دخول الفتح الإسلامي مصر ازدهرت تجارة البلح والزيتون بين الفرافرة ووادي النيل فكانت قوافل الجمال تحمل منتجات الواحة إلي ديروط علي النيل وترجع بالأقمشة والشاي وكل ما تنتجه أرض وادي النيل والفرافرة‏.‏

خبت الفرافرة بعض الوقت لتظهر أهميتها العلمية والتي دفعت الخديوي إسماعيل والي مصر إلي تحويل رحلة العالم الألماني الشهير جيرهارد رولف عام ‏1874م لمعرفة ما إذا كان هناك حقيقة نهر بلا ماء في المنطقة أم لا‏،‏ وحاول رولف اختراق بحر 

1 - حرس الحدود

1-  حرس الحدود

تحية تقدير وأعزاز لقوات حرس الحدود الجندى المجهول لقواتنا المسلحة التى تزود عنها فى السلم والحرب فهى الدرع الواقى والعين الساهرة بحق على حماية الوطن ففى الحرب تقوم بدور الأنذار والأستطلاع على خطوط القتال ومقاومة تسلل العدوعبر الحدود البرية والساحلية وفى زمن السلم لا تختلف المهام كثيرا عن زمن الحرب ويزيد عليها مقاومة عصابات التهريب والبحث والأنقاذ

وحادث الفرافره واحد من مئات الحوادث التى يتعرض لها رجال الحدود الشجعان وليس بجديد عليها فقد تعرضت وحداتها ونقطها المنعزلة للقصف والتدمير مئات المرات أثناء حرب الأستنزاف وحرب أكتوبر 1973 وما بعدها

حدود مصر نصفها صحراوية والنصف الأخر بحرى تتعدى الـ 6 آلاف كيلومتر فى أشد المناطق وعوره وطقس صحراوى قاتل يحتاج لعشرات الجيوش والمعدات للتأمين الكامل

رجل حرس الحدود ( سواء كان جندى أو ضابط) ليس رجل عادى مثل أى عسكرى فى القوات المسلحة فهو يعيش فى نقاط منعزله بعيدا عن العمران وفى قلب الصحراء وفى الجزر القريبه ولا يوجد له أى دعم مسلح   سوى شجاعته وخبرة رجالها الأفذاذ

ماتعرض له رجال الحدود فى الفرافره هو أصطدام عصابة من عصابات تهريب السلاح من ليبيا ضلت طريقها فوجدت نفسها وجها لوجه أمام كمين الحدود الذى تعامل معها بشجاعة وأقدام أستخدم المجرمون فيها القنابل الحارقة والأر بى جيه .. وحده صغيرة أستشهد معظم رجالها بما فيهم قادتها بنيران الغدر ولم يفروا أو يهربوا بل صمدوا وأستشهدوا وأبوا أن يعبر المجرمين إلا على جثثهم الطاهرة

عصابات التهريب سواء سلاح أو مخدرات أشد ضراوه من المجموعات الأرهابية

 عصابات التهريب الدولية لا تعرف غير المكسب ولا دخل لها بالسياسة فهى تعمل لدى من يدفع أكثر سواء كان فرد أو دوله

وللحديث بقية