العمل حياه

سأله وهو يقول : شوفت المنشور الجديد

-        قصدك على منشور المعاش المبكر .. ايوه .. ايه رأيك أصل أنا عايز أقدم وأطلع وأستريح وأحط القرشين فى البنك ونشوف جنب المعاش سبوبه فى القطاع الخاص

-        اوعى انت صاحبى وبـأ نصحك فكل أللى خرجوا معاش مبكر نصهم ماتوا فجأة والنصف الثانى أتجنن ..بتتكلم جد

-        عمتى وجوزها كانوا بيشتغلوا فى شركة البسكويت المصريه وجوزها ماشاء الله زى البغل فى جسم حضرتك كده .. وعمتى كانت لما تمشى حيطان الشقة والأرضيه تتهز من شدة خطوتها .ويا أرض أتهدى ما عليكى قدى . اتهفوا فى دماغهم هما الأتنين وقدموا على معاش مبكر وخرجوا وحطوا القرشين فى البنك وقعدوا قصاد بعض ناقر ونقير خناق ليل ونهار .. مفيش حاجة شغلاهم وعندهم طاقه جباره .. كنت فى زيارة لهم من قيمه كام سنه لقيت جوز عمتى نازل تكسير فى الدولاب لحد ماخلاه فتافيت وعمتى واقفه بتضحك فى المطبخ وعماله تكسر فى الصينى ولم يهدأ الأتنين ألا بعد أن دمروا الشقه تخيل بعدها بسنتين ماتا فى ظروف غامضه وجدوهم قاعدين على البلاط وفى يد كل منهم كوباية شاى والتليفزيون مفتوح وصوته على أخره وهو الذى جعل جيرانهم يكتشفوا جثتهما عندما طرقوا عليهما الباب

-        أنت خوفتنى بجد بحكاية جوز عمتك

-        ياعم خليك فى شغلك حتى لو متعب فالعمل ألم .. في اليابان الحكومه بتتحايل على الشعب انهم ياخدوا 3 ايام اجازه فى الأسبوع رفضوا وخرجت المظاهرات لجعل يوم واحد فقط اجازه أسبوعيه .. تخيل بقى لو طلبوا منهم الخروج على المعاش فى سن مبكر حيعملوا أيه .. الدوله الفاشله التى لا تعرف أدارة القوى البشريه لديها هى التى تبيع مصانعها وتسرح عمالها وموظفيها بالمعاش المبكر أنها جريمه من جرائم حقوق الأنسان لم يتنبه لها احد .. العمل حياة .. العمل شرف.. العمل قيمه والبطالة خزى وانكسار والطاحونه الدائرة دوما لا تبرد ابدا ولا تصدأ والنحله العاملة ليس لديها وقت للحزن وكما قال الآديب الأنجليزى جورج برناردشو  كلما عملت أكثر ، عشت أكثر .

«الأستروكس

سرنجاوى

 وتتصدر «سرنجة الهواء» قائمة طرق التعاطى المنتشرة فى مصر حاليًا، وهى عبارة عن خليط من البودرة المخدرة مثل الهيروين أو الكوكايين أو أى نوع من الحبوب المخدرة، ويتم طحنها وإضافة مياه لها والقليل من الهواء، وتسحب بسرنجة وتعطى فى الوريد، وأحيانًا فى أماكن حساسة بالجسم، وخطورتها أنها تؤثر على الجهاز العصبى وتؤدى للوفاة

إن تعاطى سرنجة الهواء معروف منذ وقت طويل، ولكن سبب انتشارها فى هذا الوقت بالتحديد، هو الحالة المتأخرة التى يصل إليها العديد من المدمنين بسبب التأخر فى علاجهم، الأمر الذى يجعلهم يحقنون أنفسهم بالمادة المخدرة فى أماكن حساسة بجسدهم، سواء بالقرب من العضو الذكرى أو تحت الإبط للإحساس بالمتعة، وتلك الأماكن بجسم الإنسان عامة غير مهيئة للحقن فيها، وهو ما يسبب لها تليفًا شديدًا، الأمر الذى يؤدى للوفاة.

 فى فترة من الفترات، كان الترامادول هو المتربع على قائمة المواد المخدرة فى مصر، ولكن منذ عام ونصف تقريبًا، سيطرت مواد أخرى وانتشرت بشكل كبير وعلى رأسها «الأستروكس»، وهو عبارة عن نبات البردقوش، مضاف إليه مركبات الهيوسين والهيوسايمين والأتروبين، وهى من أخطر المواد المخدرة التى عرفها الإنسان، حيث تؤدى إلى هلوسة بصرية وسمعية، ودخول عقل المتعاطى فى رحلة ذهنية تؤثر عليه، لتصل به إلى مرحلة الانتحار، أو دخوله فى نوبة هبوط حاد فى الدورة الدموية تؤدى إلى الوفاة فى كثير من الحالات، ويأتى بعد الاستروكس، الترامادول، ثم الحشيش، ثم الهيروين، وتلك أكثر أربعة أنواع مخدرات مسيطرة على سوق الإدمان فى الوقت الحالي.

عدو المرأه

-        اسمك وسنك

-        عبد الحميد عبد السميع الرزل عمرى 40 سنه وأعزب

-        أنت من عيلة الرزل .. ايوه ..بتشتكى من أيه يارزل

-        أنا صحتى زى الفل ورياضى لكن عندى مشكله غريبه شويه عندما أقابل أى بنت أو ست بأتعصب وأتنرفز وأتعامل معها فى منتهى الجليطه وممكن أشتمها او اضربها   

-        هيه وخاصة الجميلات منهن

-        أيوه صح دولت بقى اللى بيجنونى ببقى عايز أقطعهم بسنانى

-        وعندما يظهروا فى أحلامك بتبقى سعيد بيهم قوى

-        أيوه صح أنت كانت عندك الحاله دى يادكتور

-        مالكش دعوه أقلعععع.. ونام على سرير الكشف

-        أيه دخل حالتى فى أنى أقلع

-        بقولك أقلع  كله حتى الجزمه والشراب وبلاش مقاوحه (يشخط فيه ) نام على جنبك اليمين .. على ضهرك على وشك  ..قول آه آه ..(بعد أن ينتهى من فحصه ) .. البس هدومك وخد الروشته دى وأنزل بسرعه  على معمل التحليل يعملوا لك التحاليل دى وتجيبهالى اول ماتخلص

-        التحاليل دى ليها دخل فى حالتى .. أيوه ..

-         بس أنا عايز افهم ..

-        عايز تفهم دلوقتى بعد 40 سنه مروا من عمرك ..ح فهمك لما نشوف التحاليل

فى اليوم التالى يحضر عبد الحميد الرزل ليقابل الدكتور ومعه نتيجة التحاليل .. ينظر فيها ويقوم بعمل دوائر حمرا على بعض عناصر الكشف

-        خير يادكتور

-        وحييجى من أين الخير والدنيا بايظه معاك .. أنت عندك نقص شديد فى هرمونات السعاده لو أستمر معاك من الممكن أن تؤذى نفسك بالأنتحار أو تؤذى غيرك بتصرفك العنيف

-        أنا حكتب لك على كورس مكثف من هرمونات السعاده تستمر عليه لمدة أسبوعين وتيجى نشوفك فى الأستشاره

-        أفهم من كده أن حالتى دى ترجع لخلل عضوى وليس خلل نفسى

-        ايوه خلل عضوى وفى الغالب وراثى ولكن العلم تقدم وسنتغلب على المشكله بسهوله المهم أن تنتظم فى تناول الدواء وتيجى نشوفك بعدها

ويمر اسبوعان ويحضر عبد الحميد لمقابلة الدكتور

-        هيه ايه الاخبار يا عبد الحميد  شايف وشك مورد وحالق شنبك

-        الحمد لله بقيت زى الفل ولكن لى طلب ( يقترب بشده من الدكتور ويجذبه ناحيته بعنف )

-        فيه أيه يا عبد الحميد سيبنى يارزل

-        بوسه واحده بس يادكتور .. اموت وأبوسك ..

-        طيب أهدء وورينى الدواء اللى أنت بتأخذه—ينظر للعلبه ويسقط على كرسيه ويضع يديه فوق رأسه .. صرفت منين الدواء ده .. من أجزخانة الدكتوره سعديه

-        عملتها فيك سعدية صرفت لك هرمون السعاده للنساء

-        علشان كده أصحابى الرجال بيهربوا لما يشوفونى.. والستات فرحانين بى قوى وبيقولولى ممكن أعمل عملية تغيير مسار .. بتكلف كثير العملية  دى يادكتور

-        الله يخرب بيتك ياسعديه بوظتى الرزل   

أبين زين وألزق ع القفا (خيال علمى علمك )

أكتشفنا موهبة (حوده ) صاحب العشر سنوات بالصدفه عندما

تحدى خاله فى أنه يعرف الذى سرق محله منذ أسبوع مضى فقال له لو قلت لى على السارق سأشترى لك بسكليته فقال له : هات قفاك ياخالو وأنا أقولك .. فقال له مادخل القفا فى معرفة السارق ياحوده

فقال له : هذه موهبة من عند الله فأنا معروف فى المدرسة

وفى الشارع ولا يوجد تلميذ أو مدرس واقع فى مشكلة ألا وأعطانى قفاه فألزقه بيدى صفعة واحده ألا والمستخبى يبان

الخال : يعنى ما ينفعش تعرف من غير ما تضربنى على قفايا

حوده : ماينفعش ياخالو

عارف  لو ماطلعش كلامك صح عارف حعمل فيك أيه يا أبن مديحه حنفخك .. وحخلى قفاك يورم من كثر الضرب ..على كلن تعالى معايا فى الأوضه علشان ماحدش يشوفنا

هات قفاك ياخالو .. طررراخ .. آى آى .. اللى

سرقك الواد عطيه اللى شغال عندك وشايل البضاعه فوق سطوح بيتهم فى أول أوضه على أيدك اليمين

يعود الخال بعد ساعة ويحتضن حوده وهو يكبر :

الله أكبر ألله أكبر أبنك ولى  من أولياء الله يامديحه الواد مكشوف عنه الحجاب

أيدك على الحلاوه ياخالو .. البسكليته حتكون

عندك الليله دى

أنتشرت شهرة حوده فى المنطقه والمناطق المحيطه بقدرته العجيبه على كشف الأسرار وحل المشاكل عن طريق ضرب القفا فحضر له وزراء وعلماء ومشاهير الدوله من أعلام وفن وسياسة ولكن الكل لا يعترف بأنه ذهب لحوده الصغير ليلطعه على قفاه خشية التشهير به فالكل يفعل وينكر ولا يعترف حتى وصلت أخباره لرئيس الدوله عن طريق المخابرات اللتى أرفقت مع التقرير كشوف بأسماء الذين تم ضربهم على قفاهم من الحكومه وأجهزة الأمن والسفراء والفنانين وظل ينظر فى الكشف بتمعن ولكنه كان يبحث عن اسماء معينه فقال له مدير المخابرات : ياباشا ماتتعبش نفسك كلنا انضربنا على قفانا ألا أنت معاليك وحاشا وماشا أن يقترب أحد منقفا سموك ..يضع الرئيس التقرير جانبا وينظر للسقف كعادته : ياااه الواد الصغير ده يضرب وزراء ومحافظين وجنرالات على قفاهم

تحب جنابك نخلص عليه او نخفيه أو نعتقله

أوعى حد يقرب منه ده نجده من السما ..عايزك

تجيب الواد ده من غير ما مخلوق يعرف أنه حضر عندى سامع يابيسو عارف الناس لو عرفت أن الواد حضر هنا حيقولوا أيه ووصلت المعلومه دى لأهل الشر شوف بقى الفضيحة .. عارف ياريس حيكون عند سعادتك فى التو واللحظه .. أنصراف

بعد نصف الساعة يدخل مدير المخابرات وفى يده

عيل يحمل شنطة المدرسة

أتفضل معاليك .. أدخل يا حوده

أتركنا لوحدنا يابيسو .. أوامر معاليك

تعالى هنا جنبى ياحوده .. يقال أن عندك موهبه

لمعرفة المستخبى وبتقرأ الطالع وتحل المشاكل العويصه صحيح الكلام ده صحيح ياريس

تقدر تعرف اللى حيحصل فى البلد فى الفتره القادمه

أيوه أعرف لو وافقت أنك تدينى قفاك

سأعطيك قفايا بس بشرط أن لا يعرف أحد

ياريس أنا بمجرد ما أخرج من هنا بأنسى كل اللى شوفته

كويس ياحوده ممكن تقولى مين اللى ضربنى على

قفايا طوال فترة حكمى

حوده طررراخ .. أى أى.. من العرب فلان وفلان

وفلان ومن الأجانب كثير قوى قول ياحوده ماتخافش ..طررراخ  أى آى.. فلان وفلان وفلان وفلانه

مين فى حكومتى اللى ضربنى على قفايا وأنا ما

أعرفش

هات قفاك  طررراخ .. أى أى.. فلان وفلان وبيسو

بتقول بيسو ده صاحبى وحبيبى ... هات قفاك طررراخ

.. أى أى

قولى ياحوده مين تانى ناوى يضربنى على قفايا

هات قفاك طررراخ .. أى أى .. ماحدش حيضربك على قفاك لكن حيضربوك بحاجة تانيه .. قول ياحوده ماتخافش .. هات قفاك طررراخ .. أى أى

كفايه كده النهارده أنا أيدى وجعتنى ياريس وعايز أروح

وأنا كمان قفايا وجعنى .. منتظرك بكره ياحوده ..سلام  

نار ياحبيبى نار

 فاصل كوميدى)
- فيه ايه ياوليه اللى حصل.. بتخبطى كده ليه على باب الحمام
- أطلع يامرسى حريقه فى العماره اللى جنبينا 
- حريقه وفى العماره اللى جنبينا حاضر حاضر أستر نفسى وأطلع 
- بقولك أيه أنا لبست العيال ونازله تبقى تحصلنى عايزه أشوف الحريقه لايف من اولها 
- يا نهار أبوكى أسود بعتينى يا جبانه 
- العمر مش بعزقه ..بقالك ساعتين تحت الدش وعمال تغنى نار يا حبيبى نار مش شامم ريحة الشياط ..ده الدخان مالى الحمام 
- بقولك أيه ناولينى البوكسر الأحمر المنقط بتاع المناسبات
- وقته أنا نازله عايزه أحضر الحريقه من أولها وعيش مع بوكسراتك لحد ما تتشوى جوه الحمام ياله ياولاد 
- جماااالات استنى ياجبانه .. طراااخ ( أغلقت الباب بعنف ونزلت بسرعه لتشاهد الحريقه لايف )
خرج مرسى من الحمام وهو يتلفت يمينا ويسارا ويرتدى ملابسه ويرش نفسه بالبرفان ويسمع خبط شديد على باب الشقه فيفتح فيجد جارته الست زوزو ( الراقصة الأستعراضية ) وهى ترتدى الروب اأحمر الشفاف وهى تستعجله ياله يامرسى أحسن الحريقه ممكن توصل لحد هنا.. ماهى وصلت ياست زوزو .. أتفضلى أشربى عناب.. جمالات نزلت ومعاها العيال تتفرج على الحريقه فرصه يارب الشارع كله يولع علشان اشوفك كل يوم
- مرسى.. دى حريقه يامرسى مش لعب عيال خلص ياراجل 
- أستنى ياست زوزو ماتنزليش لوحدك انا جاى معاكى الأمر مايسلمش تتكعبلى كده ولا كده تلاقى حد تتسندى عليه 
- طب ياله بسرعه أحسن ريحة الدخان خنقتنى أفففف
- ******************
- واد يا حماده مش أبوك اللى متسند على كتف زوزو الرقاصه 
- ايوه هو بس باين عليه تعبان قوى ياماما 
- خلى بالك ياواد من الكرسى بتاعى لحد ما أجيلك 
- مرسى مرسى مرررسى .. سيبهولى ياست زوزو 
- برضه يكون أحسن ده خلع كتفى خدى ياختى بلا هم رجاله مخلعه
- تعالى على كتفى أنا ياسبع البورمبه
- خلاص أنا بقيت كويس متشكرين يازوزو.. يوجه كلامه لجمالات .. تصدقى ياجوجو الست زوزو دى جدعه بشكل ماسبتنيش وأنا مخنوق وخدتنى فى حضنها قصدى على كتفها لحد ماخرجت من العماره .. أحكى لى أيه اللى حصل علشان أتابع معاكم الحريقه .. 
جمالات وهى تجز على أسنانها : قدامى .. أنا حجزالك كرسى هناك على الرصيف 
- ياااه القعده دى بتفكرنى بالقعدات اللى كنا بنروح نتفرج فيها على القنابل بدائية الصنع.. الكراسى دى تبع مين .. دى تبع الواد (عفونه) البواب .. لحق يجيب الكراسى دى امتى .. هى الحريقه بقالها قد أيه .. من ساعتين والمطافى لسه ماجتش ..عندك اهو اللواء فؤاد أبو االسلالم بيهزء فيهم روح شوف ايه الحكاية دى الحريقه بتزيد 
مرسى : نهارك سعيد ياسادة اللواء 
- حتيجى منين السعاده يامرسى افندى والمطافى نايمه لحد دلوقتى 
يتدخل قائد المطافى : لو سمحت ياحضرة ما تتريقش على المطافى 
- انت ماتعرفش انا مين .. مين يعنى .. انا اللواء فؤاد سليم مدير مطافى العاصمة الأسبق والشهير بأبو السلالم 
- أهلا وسهلا يافندم ما يعرفك الا مايجهلك .. والله العظيم ياباشا غصب عننا جميع الطرق مقفوله لأن الزعيم رايح مجلس الشعب ليحلف اليمين.. الأمن قفل البلد ومفيش مخلوق فى الشوارع حتى منعوا العصافير تطير فى الجو وأطلقوا عليها النار .. حظكم كده نعمل أيه 
- ياسيادة العقيد اشهلوا شويه ..قولتى أسمك أيه 
- العقيد شراره ابو لهب يافندم قائد مطافى العتبه .. 10 دقائق ونطفيها ياباشا 
مرسى وهو يحتج : على مهلك يا سيادة العقيد أحنا ملحقناش نتفرج ده فيه ناس دافعه فلوس ولسه ناس تانيه حتيجى من الشوارع اللى حولينا 
- شكلك مش غريب عليا ياجدع انت .. شوفتك فين قبل كده .. أفتكرت انت كنت بتحضر قعدات القنابل صح 
- ماشاء الله على ذاكرتك ياباشا الا معدش فيه قنابل دلوقتى ليه 
- كلمه فى سرك العيال بتوع القنابل نقلوا نشاطهم فى سيناء احسن أرتاحنا من قرفهم .. ايه اللمه اللى تحت العماره اللى بتتحرق 
- لا ماتخدش فى بالك دى الست منيره (تعيش انت) النار فى الشقه اللى تحتيها وبتسأل الناس ريحة الشياط والدخان جايه منين 
( أولادها وأحفادها واقفين فى الشارع وبينادوا عليها ) 
- يا تيته يا تيته أنزلى ياتيته .. أنزل ليه .. فيه حريقه فى الشقه اللى تحتيكى .. طب وأحنا مالنا كل واحد حر فى شقته
- ياتيته النار حتوصل عندك .. استنوا ياولاد لما ألبس الشبشب أحسن بلاط الشقه سخن قوى 
- اى حد يطلع ينزلها انتم مش معاكم سلالم علشان تنزلوها 
- للأسف العربية محجوزه لحين عبور الساده الوزراء 
( مرسى يشاهدالست زوزو وهى تجرى فى الشارع بالروب الأحمر الشفاف وتصفيق حاد من الجالسين على الرصيف وتعليقاتهم.. قشطه يازوزو ياجامد .. الماظيه .. مهلبيه .. وهى ترد عليهم التحية)
- فيه ايه يازوزو بتجرى ليه 
- عايز اشوف البت شكيره صاحبتى واخده شقة مفروشه فى العماره اللى فيها الحريقة ياعينى عليكى ياشكيره يا حبيبتى

انشراح تتحدى ملك الرعب ستيفن كينج

لا يخلو حديث فى قاعده اسرية أو شللية فى عمل أو رحلة تكون فيها أنشراح الا وكان حديثها يدور عن الموتى وحساب القبر مع وصف دقيق لجريمة قتل بشعه أو حادث سير وقد تصادف أن حضرت أحد أحاديثها فى رحلة للعين السخنة وهى تصف مشرحة زينهم والدماء التى تتساقط من الثلاجات والجثث الموضوعه على الآرض و القطط تسعى بينها وعامل المشرحة الذى يشبه رياض القصبجى ونظراته المرعبه كل هذا والمستمعين يجلسون وعلى رؤوسهم الطير وهم يتخيلون المنظر المرعب الذى تقوم بوصفه ونظرت لعين انشراح وهى تحكى فوجدتها تلمع فى سعاده غامره من تعذيب المستمعين حتى هبت فجأة أحدى الجالسات وصرخت فى وجهها

-        بس كفياكى بقالك ساعة ماعندكيش سيره غير الدم والميتين أرحمينا ربنا ياخدك كرهتينا فى عشيتنا 

-        وهل هذه عيشه اللتى بنعيشها بصى حواليكى وشوفى قدامك اهه شباب زى الورد بينتحروا ولا الأطفال  اللى بتقع فى البلاعات المفتوحه فى الشوارع  ولا عيله بالكامل تتسمم من أكلة كشرى او عروسه ليلة دخلتها تنط من الدور التاسع ولا الراجل اللى قتل عيلته بالكامل وانتحر فيهم بنت زى القمر فيها شبه منك  ..ياحبيبتى الموت علينا حق واللى ينكره يعتبر كافر أو مجنون أو أهطل يظهر انك لا تقرأى جرائد

-        الرسول عليه الصلاة والسلام قال بشروا ولا تنفروا وأنتى من الصبح ماعندكيش سيره غير الموت .. حرام عليكى ياشيخه فيه حد يقعد يحكى للناس عن المشرحه

-        أسم حضرتك أيه .. سلوى ..أنسه ولا مدام ..وانتى مالك

-        جاوبينى بصراحة ياسلوى عمرك دخلتى المشرحه

-        ههههمممممممممم  (تزوم ثم تصرخ ) ربنا يهدك يابعيده مفيش فايده فيكى

أنشراح تنفعل ويعلو صوته : انا قلت فى أول كلامى اللى قلبه خفيف يخلع من سوكات ويقعد فى أخر الباص وانتى عماله تسمعى من الصبح وعند احلى حته فى الحكاية تنفجرى زى الباروده بلاوى  ...(أحد الجالسين يؤيد أنشراح )

-        أكملى يا أنشراح سيبك منها

-        احنا وقفنا لحد فين ياجماعه

-        لحد ما عمال المشرحة لموا مصارين الرجل وحطوها فى شنطه سوداء جوه الثلاجة

سلوى : اوعى تنطقى بأى كلمه .. وتوبه انى اطلع معاكم رحله تانى

أنشراح : لعلمك يا حبيبتى أنا طالعه الرحله دى بناء على طلب الزملاء ..خدمه ليس الا

( اصوات من آخر الآتوبيس وهى تنادى على أنشراح لتحكى لهم حكاية سوكه المحروقه )

هتاف : سوكه سوكه سوكه

أنشراح : سأ حكى حكاية سوكه المحروقه بس بشرط ماحدش يقاطعنى واللى قلبه خفيف يقعد فى آخر الباص وينام وبعد ما الأسطى يركن فى الآستراحة وتدخلوا الـ    W.C  

الأستحمام ..(الحومايه الكبيرة)
زمان فى الأرياف البنت كانت لما تهم وتكبر وتفرع وتظهر عليها علامات الأنوثه  وغالبا ما يكون فى سن العاشرة أو بعدها بقليل فبنات الريف زرع بدرى .. تحرم الأم على البنت الأستحمام أو التزين لأن هذا يعد في نظرهم عهرا وفسوقا ومسخره وقلة أدب وتظل بعبلها وبجلتها وقذارتها حتى تطلب للزواج خلى بالكم ده كان زمان فى الارياف دلوقتى بنات الريف سبقوا بنات البندر بمراحل اوعى وشك نرجع مرجوعنا للبنت الغلبانه المقشفه التى حرمها المجتمع الريفى المتحفظ وتطلب البنت للزواج ويأتى ميعاد الحمام والحناء إلا وقد تراكمت عليها الأوساخ وأصبحت مثل الكلب البلدى الجربان الذى يعشق مرمطة البرك  ولذلك يتم تننظيفها في ليلة الحنه بالحجر الخفاف أو الشقافة، أو ليف النخيل  ويستعان على ذلك بالماء الساخن، والمكوث فيه مدة طويلة وتظل البلانه وأم العروس وأقاربها والجيران يدعكون فى جلد االمسكينه طوال النهار لتزيل عنها وسخ السنين حتى تدمى وتنجلى  وصوت صريخها يغطى على الزغاريط وكلما زادت وساختها ساعد هذا على جليها لتظهر طبقة الجلد المختفية لسنوات مضت ولترطيب الجلد بعد جلسة الجلى يدهن جسم العروس بالسمن والقشطه البلدى ولا ترتدى ملابس الزفاف ألا بعد أن تجف تماما وتظل صحباتها تنش الذباب الذى يهاجمها بضراوه  فالقشف وعدم الأستحمام يساعدان على الأحتفاظ بجلد لامع مثل النحاس ثم يأتى دور الماشطه ومعها أمشاط من العظم ومن الحديد وزيت الخروع وتظل تسلك فى شعرها مايقرب من ساعتين بما فيهم قتل الحشرات الزاحفه والطائرة الموجوده فى شعرها غير الأمور الأخرى التى تجعلها مثل الحرير وهى تصرخ ولا من مجيب سوى زغاريط أم العروس وتخرج العروس بعدها وهى تقفز وتتحنجل حتى ترتمى على السرير وتنتظر الجوله الثانيه من التزيين فى صباح اليوم التالى.. واللهى بنات حواء غلابه