الواد ده بتاعي اسمه علي دراعي

غناء الطفلتين مريم وشهد فؤاد انتاج ليلى الشبح ( الأم) واخراج واحد مالوش لازمه وحصريا على قناة شعبيات لو ماشوفتش الفيديو انصحك ماتشفوش لأنه انتهاك للطفوله البريئة وانحدار اخلاقى للأم التى استضافها وائل الأبراشى وهى تدافع عن كلام الأغنية فهى تستند فى دفاعها على اغنية بوس الواوا واغنية بابا ابوح واغنية الواد ده حلو سابق سنه وهاتى بوسه يابت ولا تجد عيبا فى كوبليه (بس يا حلوة يا حالولة لاحسن هديكي بالاولة)قالت الأم بأن كلمة الأوله (القلل ) وردت فى اغنيات كثيره ولم يعترض أحد
ومازلت أسأل نفسى ماذا تقصد بالأوله لايوجد حاليا قُلّل فقد انقرضت من زمان فهل تقصد قله اخرىابتسم أو أبكى أو ألطم فنحن فى زمن الهلس الأجتماعى ولا أجد غير هذا البيت أعبر فيه عن المرحلةو إنما الأمم الأخلاق ما بقيت *** فإن هم ذهبت أخلاقهم ذهبوا . وغاروا وولعو بجاز وسخ ....و إذا أصيب القوم في أخلاقهم *** فأقم عليهم مأتما و عويلا .. يالهوتى ياخرابىومع كلمات الأغنيةالواد ده بتاعي اسمه علي دراعي
الواد ده عيوني شطه وكمونيانا عيني منه مركزة ده شاغل القلب باستاذةهو ولا سال فيا مشغول مشغول يا عنيادوبني برمش عينه وقع قلبي ابن الايهخلاني من الحب اتجن ولا عمري هبطل زنبس يا حلوة يا حالولة لاحسن هديكي بالاولةبس ياحلوة يا مهبولة بلالين من الدرجه الاوليوهنجري علي الماذون ونوزع شاي بليمونهو بس اللي حبيبي هيكون قسمتي ونصيبيالواد بتاعي اسمه علي دراعي
ألخ ألخ ألخ

رمضان زمان ودلوقتى

ما اجملك ياشهر الصيام لى معك ذكريات لا تمحى من الذاكرة مهما طال العمر...من 60 سنه لم يظهر التليفزيون فى مصر وكان الراديو هو سيد الموقف ببرامجه الرائعة التى أنطبعت فى الذهن والوجدان وعندما تذاع بالصدفة تشعر يأنك تحلق فى عالم نقى جميل

كنا نستمتع بالراديو لأنه الوسيلة الوحيده وقبل رمضان يزدحم محل الكهربائى لاصلاح الراديوهات والكل على امل ان يستلم جهازه قبل رمضان والراديو ممكن ان يكون عطلان من شهرين ثلاثة ولكن فى رمضان لا غنى عنه.. له مكانته اللائقة فى منزل الأسرة المصرية فيوضع على رف مرتفع وكذلك فى القهوة كان فوق رأس المعلم مباشرة.. والمصريين سعداء بالأذاعة فى رمضان فمن خلالها يفطرون على اذان الشيخ محمد رفعت ومن قبله حديث الصيام للشيخ شلتوت شيخ الجامع الأزهر او الباقورى وكنا سعداء بالمسلسل الواحد والفزوره الواحده التى كان يكتبها بيرم التونسى ثم من بعده صلاح جاهين والتى تقدمها امال فهمى اما حلقات الف ليله وليله تحكيها شهر زاد الأذاعة  الفنانه زوزو نبيل بصوتها الأنثوى الدافئ ومعها عبد الرحيم الزرقانى قمة المتعه والخيال استمرت على مدى 35 سنه بجمالها عندما أذيعت فى التليفزيون فقدت رونقها وحلاوتها ..التليفزيون دخل مصر فى عام 1960

الأذاعة فى حياة الشعب المصرى تمثل الكثير فمن خلالها عرفنا بأنقلاب 23 يوليه 1952 ومن خلالها ايضا تابعنا هزيمة 1967 وسمعنا منها خطاب التنحى لجمال عبد الناصر وأسعدتنا كل خميس بحفله معاده لأم كلثوم وحفلة جديده كل شهر واستمعنا من خلالها لعباقرة الأذاعة مثل حافظ عبد الوهاب وفكرى أباظه وفهمى عمر وصفية المهندس وغيرهم..واستمعنا للصورالغنائية وحفظناها عن ظهر قلب مثل عواد باع ارضه والسلطانية والدندرمه ..فى الأرياف الأغنياء كانوا يضعون الراديو امام منازلهم ليلتف حوله الفقراء ليستمتعوا ببرامجه الرمضانية .. أما فى السحور كان يذاع برنامج احسن القصص عن سيرة الأنبياء والصالحين ثم تستمع للتواشيح الدينية للشيخ الفيومى والبنا والشيخ على محمود وبطانته بأصوات شجية تدمع لها العين ثم يأت المسحراتى بصوت سيد مكاوى وكلمات سمير حداد ليقفل قفلته الشهيرة

رمضااااان كرييييم

رمضان زمان (2)

تستعد الحوارى والأزقة فى المناطق الشعبية لشهر رمضان بتعليق الأعلام والزينات  وكان العلم الأخضر ذو الهلال والثلاثة نجوم هو الغالب على كل الزينات لسنين طويله بالرغم من  تغييرشكله بواسطة العسكرفى عام 1954 وظل العلم الأحمر العثمانلى  ذو الهلال والنجمة مرافقا له وتنشط الجهود لتهيئة المساجد من فرش وتنظيف وترميم ويعرض ياميش رمضان فى المحلات وجميع أصنافه مستورده عدا البلح الأبريمى وكانت اسعاره فى متناول الجميع وتوزع فوترة رمضان ( فوتره تعنى الياميش بلغة ذلك الوقت) على الفقراء واتذكر بأن أحد الأثرياء فى المنطقة الشعبية التى ولدت بها كان يذبح عجل يوميا ويقوم بتوزيعه بنفسه على جميع اهل حتته الغنى منهم والفقير .. الحاره المصرية كانت مشهورة بالفتوات والأشقياء وعندما يأتى رمضان يطلقون اللحى ويحملون المسابح ويرتادون المساجد ولا تحدث اى سرقة طوال الشهر فالحرامية كان عندهم دم ويخافون حرمة هذا الشهر وكان مأذون الحى يغلق باب مكتبه طوال الشهر فلا زواج ولا طلاق فى رمضان تذكرت وانا فى الحج شاهدت رجل  عربى يرمى يمين الطلاق على زوجته وهما بملابس الأحرام فقلت مصر بخير بأزهرها ومسلميها

كان رمضان حلم الأطفال ويستعدون له بالفوانيس ذات الشمعة وليست بالفوانيس الصينى ذات البطارية والزمبلك وبعد ان نمر على البيوت بوحوى ياوحوى ايوحه نبدأ اللعب حتى ميعاد السحور .. اتذكر اول سنه صمت فيها نصف يوم وأنا فى الخامسة من عمرى ثم بدأت الصيام الحقيقى وبدون غش والأكل المستتر تحت السرير كان فى الثامنه .. سمعت أمى وهى تضحك مع جارتها ام عمر .. عمر صايم ولا زى ولادنا نصف يوم فقالت لها هو بيقول انه صايم وبيفطر من ورايا وعامله نفسى مش واخده بالى .. امى : لسه صغيرين لما يكبروا شويه نبقى نشد عليهم .. هكذا كانت امهاتنا رحم الله الجميع

ليلة الرؤية

موكب الرؤية لدي المصريين ايام المماليك وعصر الدوله العثمانية  لم يقتصر علي رؤية الثُقاة للهلال، وإعلان بدء الشهر ووجوب الصيام، بل كان موكبا «ينطلق بعد العصر يوم التاسع والعشرين من شعبان، من موضع ذى دلالة مثل بيت القاضي، أو الساحة المواجهة للمسجد الجامع ويجتاز شوارع المدينة الرئيسية، وأسواقها إلي أن يصل إلي مكان معين، وينتهي عند المغرب بإعلان نتيجة الاستطلاع، فإذا كان غُرّة رمضان تبادل الناس التهاني وسارعوا للاستعداد لاستقباله». واكتسب الموكب عبر العصور طابعا رسميا، وأصبحت له ثلاثة مستويات، «الأول: استعراض عسكرى بالزي الرسمي، وكوكبة من الخيالة تمشي خببا، تليها موسيقات نظامية تعزف المارشات، والمستوي الثاني للطوائف والطرق الصوفية بأعلامها وبيارقها المتمايزة وألوانها الزاهية، مع الذكر والتفقير فى أثناء المسير، والمستوي الثالث لأرباب المهن والحرفيين التقليديين يزاولون مهنهم علي عربات الكارو ويستخدمون أدوات ضخمة لإضفاء الفكاهة علي المشهد، ويبتكرون المشاهد الساخرة، ويلحق بهم المقلدون والمتنكرون لإثارة المرح والدعابة.

وأطرف وصف للموكب كتبه رحالة تركي زار مصر أواخر القرن السابع عشر وذكر أنهم أطلقوا علي موكب الرؤية «عيد النسوان» لأن النساء كن يعتبرنه ليلتهن، فلابد أن يتفرجن علي الموكب، حتي أن بعضهن اشترطن في وثيقة الزواج الخروج للاحتفاء بليلة الرؤية، وكن يقمن قبل أسبوع باستئجار الحوانيت في الأسواق السلطانية، أو يذهبن إلي بيوت معارفهن المطلة علي مسار الموكب .

ظلت هذه الأحتفالات تتناقص شيئا فشيئا بعد أن اصبح التقويم الفلكى يأخذ به فى كثير من الدول العربية بدلا من الرؤية الشرعية بالنظر وكان جمال عبد الناصر على خلاف مع السعودية فى الستينات من القرن الماضى  نتيجة حرب اليمن فكان يأمر بالصيام لو السعودية أفطرت ونفطر لو السعودية صامت وكان يطلق على ملوك العرب بالرجعية العربية وجائت علينا سنه من السنين كنا صائمين فى مصر وسائر الدول العربية تحتفل بعيد الفطر

شاهدت ليلة الرؤية وأنا صبى يافع وحملت علم مع مشايخ الصوفية وسرت فى زفة بالدفوف والطبول من جامع طولون حتى جامع السيده ومنها إلى حارتنا حيث تناولنا اول سحور لرمضان فى بيت المعلم مرسى فتوة الحارة الذى كان يتقدم الموكب وهو يركب حصان ابيض عليه حلة خضراء ويحمل نبوته بيد ويسند طفل صغير يركب أمامه باليد الأخرى وهو فى الغالب أصغر ابنائه من فواكه عروسته الجديده ذات الجمال المصرى الصميم وبنت أكبر عربجى فى قلعة الكبش .. هكذا كانت احتفالات المصريين بليلة الركوبه أو ليلة الرؤيه أو عيد النسوان .. وياجمالك يامصر

29- ماتيجى نعمل دماغ ياعبده

جدو عبده وتيته نونا اشترطا على ابنهما سامح ان يقيم معهما فى شقتهم الكبيرة بمدينة نصر ولم تمانع العروس وخاصة بأن الشقة كبيره ويقدر سعرها بالملايين وسيرثها زوجها ان آجلا وتمنت أن تكون أن عاجلا ومكثا العروسان معهما اسبوعان وقررا ان يقوما برحلة شهر العسل وفى خلال الأسبوعين كان جدو عبده وتيته نونا محددة اقامتهما مابين الحمام والمطبخ والبلكون حتى لا يشعر العروسان بالضيق او الحرج .. ولكن شباب اليوم ماتفرقش معاه حضور او غياب الأهل وبالرغم من هذا كانت اصواتهما تأتى لمسامعهما واضحة جلية كأنهما معا فى غرفة واحده

جدو عبده وهو يضحك ويدق على صدره : الواد سامح ده ولد خطير هذا الشبل من ذاك الأسد

تيته :  فرحان قوى ياخويا حيفضل يتنطط ويهلك فى صحته ده الواد نزل النص ياعبده

-      وماله يانونا خليه يفرح ويتهنى

-      دى خامس ولا سادس مره يدخل الحمام .. انتى قاعده بتعدى يمكن عنده اسهال  يانونا ههههه

-      ماتستعبطش ياعبده..انا قولت له براحه ياسامح يابنى على نفسك مش بتحفر قناة السويس الجديده يرد عليا ويقول يا أمى ماتخافيش فيه حاجات حديثة دلوقتى مش زى ايامكم ..تقدر تقولى ايه هى الحاجات الحديثة ياعبده.. علمى علمك يانونا

-      ماتسأله ياعبده يمكن الحاجات دى فيها ضرر على صحته.. بلاش احراج يانونا

-      العيال دى مسافرين بكره نبقى ندور فى أوضتهم يمكن نلاقى حاجه تدلنا.. مايصحش يانونا

-      انا مش حيهنالى بال لما اعرف ايه هى الحاجات الحديثة اللى بيستعملها المحروس ابنك

-      *************************

-      ايه اللى جايباه ده يانونا مايصحش كده..

-      دى الحاجات الحديثة اللى لقيتها فى اوضة ابنك علب ادويه آشى احمر وآشى أزرق وسجاير شكلها غريب وكريمات لكن فيه علبه ذهبى مكتوب عليها مخصص للأناث فقط وحاجة كده لونها بنى بس ريحتها غريبه شم كده ياعبده

-      رجعى الحاجة مكانها يانونا مش عايزين مشاكل لأ مش مرجعاها الا لما تعرف لى الحاجة دى بتاعة ايه وتقرأ نشرتها الداخلية   

-      اللى فى ايدك ده وعماله تشمى فيه يبقى حشيش والسجائر دى بانجو والأدويه والعلبه الدهبى دى بتاعة الـ ..هاتى ودنك وسوسوسو..عيب ياعبده.. معقول  الكلام ده بدرى عليهم الحاجات دى ..الا قولى ياعوبد العلبة اللى مكتوب عليها للأناث فقط يحصل حاجه لما ناس من سننا يعنى ياخدوا منها -- حيحصلك فوران فى جتتك يانونا وانتى عندك ضغط وسكر وكليسترول وهشاشة عظام وممكن تروحى فيها يا نلحقك يا منلحقكيش

- تصدق بقى انك بتهول وبتكسر معنوياتى انا لعلمك اخدت حباية وماحصليش حاجة بل بالعكس مخليانى تمام التمام ومبسوطه آخر أنبساط

- ابعدى شويه يانونا ماتكبسيش عليا كده اللى بتعمليه ده أسمه تحرش ياحاجه

- قوم أضرب لك حاجة من بتوع ابنك ونستعيد الذى مضى ...خخخخخخخخخخخ

*********

أبنك جاى بكره من السفر والحاجات الحديثه بتاعته خلصنا عليها حنقول أيه للجدع  

- انزل أشترى بدلا منها من الأجزخانه

- ماشى و ماعرفش بيشتروهم منين  الحشيش والبانجو ..العمل يافالحة

- قوله ان امك وهى بتنضف لقت الحاجات دى ورميناها خوفا على صحتك .. تفتكرى حيصدق .. اومال حيقول امى وأبويا شربوها وعملوا بيها دماغ

وبعد يومين ينادى عبده على ابنه : تعال ياسامح انا عايزك فى كلمتين ..فيه حاجات أمك لقيتها وهى بتنضف أوضتك ولما عرفنا أنهم بانجو وحشيش رميناهم فى الزباله خوفا على صحتك

- ولا يهمك يابابا الحجات دى وعلب الدواء والكريمات دى كلها نقوط من أصحابى وأنا اصلا مابستعملش الحاجات دى أصلا وأنا حرميها فى الزباله

جدو عبده منزعجا : زباله ايه هاتهم أنت ياحبيبى وأنا أرميهم بنفسى

حترميهم صحيح ولا زى الحشيش والبانجو.. مش مصدقنى حتى أسأل أمك .. ياعم عبدو مش على ابنك حبيبك  ربنا يهنيك ياراجل ياعجوز هههههههههههه 

هل هو مرض نفسى

الكثير منا تعجب من قيام استاذة الجامعة (منى البرنس ) بنشر فيديوهات وهى ترقص  ولكنى لم أتعجب بعد أن عايشت وشاهدت قصة الهام شكرى التى لا تستطيع أن تتحكم فى نفسها عند سماعها صوت الطبله .. تعالوا نقرأ الحكاية 
 جلست أمام الطبيب وهى تبكى بحرقه وهو لا يعطيها أى أهتمام فقد أعتاد على هذه المواقف بعيادته النفسيه وبعد أن هدأت قليلا سألها ليسجل بياناتها : أسمك وسنك ؟؟ - أنا أسمى ألهام شكرى عمرى 44 سنه متزوجه وعندى أربعة أولاد ولدين وبنتين وجوزى ناظر مدرسه ثانوى وهو منتظر بره- بتشتكى من أيه ياست ألهام
- بصراحة  بصراحة أنا بأحب الرقص- تحبى يعنى تتفرجى على الراقصات وهن بيرقصوا مافيهاش حاجة دى ياست ألهام- لأ مش زى ماحضرتك فاهم .. أنا بحب أرقص
وماله ياستى ماترقصى هو حد بيكره الفرفشه ده الرقص أحد وسائل العلاج النفسى
 - برضه مش فاهمنى يادكتور أنا بالعربى ما أقدرش أمسك نفسى لما أسمع الموسيقى وخاصة دقة الطبله فألاقى نفسى سيبت كل حاجة وهاتك يارقص فى أى وقت وأى مكان سواء كنت فى البيت أو بره البيت وممكن يكون فى الشارع لو عديت من أمام محل عصير قصب أو محل بيبيع شرايط الكاسيت أو من الراديو أو التليفزيون ولا يفوتنى فرح دون أن أرقص فيه سواء دعونى أو لا ولما أرقص يعتقد البعض بأنى أجامل العروسه أو العريس أو أقاربهما ومش عارفين بأن دى هوايتى المفضله
 الدكتور وهو مندهش : ترقصى فى الشارع يا مدام ألهام- مش بقولك غصب عنى ..المهم بعد أن أرقص وأتمايل أشعر براحة غريبه فتهدأ أعصابى ويعتدل مزاجى وأبقى مش عايزه أكلم حد وأرجع البيت لأنام بعمق وأصحى وأنا آخر فوقان .. أما بقى لو مارقصتش أكون فى منتهى العكننه والعصبيه عاديك على أللى بيحصل أكسر أى حاجه قدامى وينصب غضبى على زوجى وأولادى ..بأموت فى الزار والرقص السودانى قالت لى كودية الزار أنى عليا عفريت تركى أمه سودانيه ماخدتش فى بالى ..المهم عندى أن أرقص لحد ما أتعب وأتهد وبعدها أرتااااح أقربها أمبارح كنت واقفه فى البلكونه بأنشر الغسيل وعيال الشارع شافونى وهاتك ياطبل .. طوحت الغسيل فى الشارع ونزلت رقص لدرجة أن الشارع أتقفل من كتر الزحمه- الله يكون فى عون جوزك وأولادك - أهو عندك بره أسأله .. طب اتفضلى أنتى فى الأوضه أللى جنبى ينادى على التمرجى خد المدام وشغلها موسيقى رقص بلدى وخلي جوزها يتفضل 
 الأستاذ / محفوظ عبد الكريم ناظر المدرسه رجل يبدو عليه الوقار والأحتشام ويقدم نفسه للدكتور عدلى ويدردشان سويا- المدام قالت لى على كل حاجة لكنى أفضل أن أسمع منك مايحدث بالفعل لعلى أجد حل لمشكلتها- يادكتور هل قالت لك عما تسببه لنا من أحراج مع الأهل والجيران- الحقيقة قالت ونصف العلاج هو رغبة المريض فى العلاج- قالت لحضرتك عن عدد بدل الرقص أللى أشترتها وبتلبسها لما بتجلها الحاله
لأ ماقلتش- قالت لحضرتك بأنها تقوم بعمل حركات بأصابعها ووسطها زى عوالم محمد على ..لأ ماقلتش- قالت لحضرتك بأنها تجبرنا بأن نقوم برمى الفلوس عليها وهى بترقص- لأ ماقلتش .. قالت لحضرتك بأنها أخدت مصروف البيت وفكته جنيهات وعملته أعقاد تلبسها وهى بترقص ..لأ ماقلتش- قالت لحضرتك أن هى أشترت طبله ورق وعلمت عليهم العيال عشان ترقص على واحده ونص .. لأ ماقلتش
 الحقيقة يادكتور أنا متفهم لحالتها وأعتبرتها مريضه وعرضتها على دكاتره وأعطوها بعض المهدآت فلم تغير من الأمر شيئا فأشارت علينا حماتى انى اخدها للمشايخ .. فمنهم أللى عملها رقيه شرعيه وأللى عملها حجاب وأللى قعد يضحك ويطبلها وقام يرقص ويزغرط وأللى قال أن عليها عفريت سفلى وأللى قال معمول لها عمل على وسط رقاصة فى المكسيك ..الدكتور وهو متأثر : فعلا هى حالتها تقارب مرض الفصام العقلى وهذا المرض درجات يتفاقم لو تم أهماله ليصل لدرجة يصعب فيها العلاج .. سأقوم بعمل تحليل نفسى لها مع جلسات تنويم وجلسات كهرباء خفيفه وحنشوف أيه النتيجه أحضرها باكر المستشفى وسأحجزها لحد ماتشفى - الجلسات دى حتطول- على حسب النتيجه ممكن 6 أشهر أو سنه بالكتير- سنه يادكتور مش كتير !! مش ممكن قبل كده- أنت مستعجل ليه يامحفوظ بيه
أصل الحقيقة أحنا قبضنا عرابين أفراح ومرتبطين بمواعيد وعقود مع بعض المحلات وأنت عارف الصيف طالع وموسم كل سنه وأنت طيب والدنيا غاليه نار والعيال محتاجه مصاريف ينظر الدكتور عدلى لمحفوظ وهو يفتح فمه ويسلك أذنيه ليتأكد من سماع هذا الكلام ثم يمسك فى رقبة محفوظ وهو يصرخ : حتجننونى ياولاد المجنونه .. أطلع بره وخد الوليه أللى جوه دى معاك- مش حترضى تمشى يادكتور
ليه بقى ياخويا- لازم تدفع أجرتها أو تدخل تنقطها
 يضحك الدكتور عدلى بهستريا ويقتحم غرفة الكشف التى ترقص فيها ألهام وهى مندمجة فى الرقص ويغلق الكاسيت : ياله ياحجه شطبنا مش عايزين النهارده
 ألهام تتوقف عن الرقص ويبدو عليها الغضب وتزووم بصوت مرتفع كالوحش المفترس وتتجه للدكتور عدلى وتقبض على رقبته
أنت أزاى تقفل الكاسيت قبل ما أخلص الوصله بتاعتى ياض أنت قد الحركة دى
سيبى رقبتى بقولك .. قولنا خلاص شطبنا وحنقفل المحل
طب أيدك ياحدق على الأبيج ..مش ألهام أللى يتاكل عرقها ده أنا أشرحك برقبة أزازه- يانهار أسود مجنونه ومجرمه كمان- طلع أللى فى جيبك وألا حخلص عليك
خدى كل أللى معايا وأيراد العياده بس سيبى فلوس أركب بيها المواصلات
 تترك ألهام رقبة الدكتور عدلى بعد أن أخذت مامعه وترمى له ربع جنيه وتتأبط زراع محفوظ وهى تخرج من باب العياده فيصرخ الدكتور وهو يقول : يامجنونه يابنت المجانين .. أنت ناظر أنت راجل هزوء.. يضحك محفوظ وهو يتأبط زراع ألهام وهو يقول : أكلها المغفل ...ههههههههه

تأملات باكية

·     عندما يمسك الفساد بميزان العدل فسوف تختل القيم الأخلاقية وتسقط العدالة الأجتماعية لسابع أرض

·     من الممكن ان ننسى هزيمتنا فى 67 ودكتاتورية عبد الناصر وانفتاح السادات وننسى بلاوى حكم مبارك طوال 30 سنه ولكن من رابع المستحيلات أن ننسى قضية تيران وصنافير فكل مايمس الأرض والعرض لا ينساه الشعب

·     مرت شعوب كثيرة قبلنا بأزمات قاتله مع حكامها ولكنها لم تمت بل ذهب الطغاة إلى مزبلة التاريخ وعاشت وتقدمت تلك الشعوب ..

·     الأجسام المضاده للظلم والطغيان تنشأ فى جسد الأمة لتطعيم أرادة الشعب الذى يمر بأزمات قاتلة ...مثل عربي يقول الضربة التي لا تصيبني تقويني

·     المائة جنية اصبحت = 750 جرام لحمة مشكوك فى نوعيتها او = كيلو جبنه رومى او =5 سندوتشات بطاطس صوابع سلطه وطحينه + 3 شوارمه + 3 كانز  او = بنطلون جينز لحماده او = 5 كيلو خضار متنوع + 3 كيلو فاكهة

·     المائة جنيه لا تمكث فى الجيب اكثر 9 ساعات الشهر به 24× 30 = 720 ساعة ÷9=80×100 = 8000 جنيه مطلوبين فى الشهر للأكل والشرب والمواصلات ولم نحسب الأيجار ولا الكهرباء ولا الماء ولا الدروس الخصوصية ولا العلاج ووداعا لأى رفاهية او عزومه

·     تقلص عدد الشواطئ المجانية بالأسكندرية من 20 إلى 5 فقط خلال 5 سنوات

حددت الإدارة المركزية للسياحة والمصايف بالإسكندرية 5 شواطئ مجانية للمواطنين وزوار المدينة تديرها المحافظة، من ضمن 44 شاطئ بالمحافظة شملت شواطئ" جليم، وشهر العسل، والهانوفيل العام، والمكس، وبرج العرب"،.

لو لاحظت بأن فى داخل أسكندرية نفسها شاطئ واحد للغلابه فقط مجانى هو جليم وياريته ينفع فى القاعده او نزول البحر للأستحمام  واللى مش عاجبه يلم خلجاته ويطلع بره فى الهوو حيث العجمى والمكس وبرج العرب ولسان حال مدير الأدارة المركزية للسياحة بالأسكندرية يقول للفقراء تتكم الهم مليتوا البلد .. فقير وعايز تصيف مش كفايه أنك فقير يععععععع

28- قـفـشـات من السينما

                                       

طلعوا عليا قطاع طريق ضربوا عليا نار            
‏وعملت ايه انت ؟
‏هعمل ايه ضربت عليهم نار
‏كانوا عايزين منك ايه ؟
‏قالولي هات الرخص
 ‏دي حكومه يا دزمه حكووومه

************************

‏انتوا كلتوا؟
‏لا جعانين يا تتح..
‏طب انت معاك نمرة مصطفي الكبابجي؟
‏اه معايا
‏طب كلمه خليه يجيب من المحل اللي جنبه 8 بتنجان و 12 طعميه

**************************************

اذا فانتي تنششي بشاش الحب وتحلسي.. بكل ما كان الفؤاد كمنتسي

وكنتي فوق الجبل تستحمي بنار الهوا فكنتي كما كان السؤات كمن توى و اما انت ففى الزبالة كنتما 

**************************************************

أحنا في عصر تفتيح المخ 
ولما انت عارف كده بتقفله ليه بالهباب ده 
بالعكس ..ده انا بدهبزه وادهرزه عشان يبرعش ويحنكش ويبقي اخر طعطعه

**********************************************************

هو مين الاكس لنص ده ياخليل؟ 
- ده اللي قبل الدبل اكس اكس لانص

*******************

أنا عبد القوي شديد ابن المرحوم شديد عبد القوي الحديدي يابيه 
- وده يطلع مين ده
عم المنجدين  هو اللي دق وعزء قطن جهاز بنت مأمور قسم الشرابيه سنه 60 يابيه

****************************** 

نشر رجل سطر فى اعلانات مبوبه:مطلوب زوجه وتانى يوم جاله ميت جواب فيهم نفس الرد:تاخد بتاعتى؟

***********************************************

ﻟﺤﺪ ﺩﻟﻮﻗﺘﻲ ﻣﺸﻔﺘﺶ ﻋﻼﻗﺔ ﺑﻴﻦ ﺍﺗﻨﻴﻦ ﺑﺘﻜﻤﻞ ! ﻏﻴﺮ
ﺑﺲ 4 ﻋﻼﻗﺎﺕ - ﺟﺒﻨـﻪ ﻭ ﺑﻄﻴـﺦ - ﻛﺎﺗﺸـﺐ ﻭ ﺑﻄﺎﻃـﺲ ، ﻓـﻮﻝ ﻭ ﻃﻌﻤﻴـﻪ , ﺭﺯ ﻭ ﻣﻠﻮﺧﻴـﻪ
**********************************
اثنين مسيحيين واحد اسمه جورج والثاني اسمه ميشيل تاهوا فى الصحرا وذبحهم الجوع والعطش فجأه لقوا جامع. قال ميشيل لجورج: انا بقول لهم ان اسمي محمد عشان يعطوني أكل وماي ويكرموني! جورج قال: لا يا عم . انا بقول اسمي جورج واللي يصير يصير! شافهم شيخ المسجد وسألهم عن اساميهم. قال ميشيل انا اسمي محمد. وجورج قال اسمي جورج. فقال الشيخ احضروا الطعام لجورج وانت يا محمد عارف بأننا في شهر رمضان !!!

*********************

27- حياتنا أفلام

تحتوى حياتنا على كم هائل من الافلام ..منها الكوميدى والتراجيدى والمأساوى مثل مانشاهده فى السينما ونكون نحن ابطاله ومخرجيه ومشاهديه و ما الدنيــــا الا مســــرح كبيــــر !! كما قال عبقرى الزمن الجميل " يوسف بك وهبى " لكن اساس هذه الجملة جائت فى رواية لشكسبير اسمها " كمــــا  تُحــب"

ونبدأنا يومنا بفيلم وتنتهى حياتنا بفيلم وخذ عبره من افلام السينما

عندما تصحو من النوم وتجد زوجتك  فى وشك مثل (عفريت عم عبده ) وأتقاءً لشرها يجب أن تنحنى وتقول ( صباح الخير يازوجتى العزيزه) وإذا بدأت خناقة الصباح فتشاغل عنها بالموبايل فهو ( حبيبى دائما) اما لو طلبت منك مصروف للبيت فأعمل ( غبى منه فيه)

واحفظ جيدا حركات ( زهايمر) فسيفيدك فى بيتك ومع الدائنين
الحكومه فى جميع قرارتها الأقتصادية تعتبر المواطن هو ( المنسى ) وأصبحت الأسعار

( امرأة بلا قيد) والمواطن يتقمص دور ( الأخرس )ولو تظاهر أو أحتج سيذهب

 ( وراء الشمس ) ولو كنت من جماعة (الأرهاب والكباب )سينفذ فيك (أعدام ميت ) وإذا كتبت لك النجاة فهذه ( حلاوة روح ) وتخرج مرفوع الرأس وتعمل فيها ( سالم أبو أخته)

لو كنت يا أبنى فاكر نفسك (المانى ) وعايز تعمل ( المصلحة) لازم تشوف ( الباشا) اولا ولا تستهبل وتعمل فيها( واحد صعيدى ) وتعيش فيه دور ( الحرامى والعبيط ) ومن غير ( لف ودوران) أدفع بدل ماتقضى (ليله بكى فيها القمر)

لما تكون حماتك عزماك على محشى كرنب (بخلطة فوزية ) خد فى أيدك هدية وأنت داخل  عليها وماتعملش فيها ( لامؤاخذه ) ( كلب بلدى )

يوم الخميس قبل ما ترجع البيت عدى على (الباطنية ) ولا تتحجج ( بظرف صحى ) فأن هذا من ( غش الزوجيه ) والست (بوبوس ) لن ترحمك وستسمع كلمة ( اللى أختشوا ماتوا) لأنها أصبحت ( أمرأه آيلة للسقوط ) وقليل ما رمتك من البلكونه لتصبح ( دماء على الأسفلت )

الست اللى بتلبس جيبه سوداء وجاكيت اورنج فهى تشبه ( تاكسى أسكندرية) وخاصة لو كانت (اكس لارج )ولازم تاخد منها ( موقف) ولو لبست فستان ازرق  ستنافس  (الفيل الأزرق )

ولا تكن مثل الرجل ( الخلبوص )وتضيع عمرك فى ( كباريه ) و تصبح (سفير جهنم)  فى  (شارع الهرم) وخليك محترم( فلست شيطانا ولا ملاكاً) خد بالك من( جدو حبيبى) و(تيته رهيبه) واطلب منهما الدعاء

(نحن لا نزرع الشوك ) بل نزرع (زهرة الصبار) ولا تصرخ من الظلم فلن يسمع أحد ( صرخة نمله) والحياة ماهى ألا ( شروق وغروب) ولا تبكى على ( الأطلال)  وتجرى وراء (السراب ) ولن تكون حياتك (عسل أبيض) أو( عسل أسود) على الدوام بل ستذوق طعم (العنب المر)

                                        *******************************