لو ماوراكش حاجة
لو ماوراكش حاجة أدخل النت وغلس على أللى تعرفه وأللى
ماتعرفوش فى الفيس بوك وأشتم مرسى والأخوان والسلفيين وأعمل بلوك للى يعارضك
لو ماوراكش حاجة أنزل مظاهرة وأهتف الشعب يريد أسقاط النظام
وأقذف طوبتين على زجاجتين مولتوف على الأمن المركزى وألعب معهم لعبة القط والفأر
حتى مطلع الفجر.. وهذا أجدع من 100 فيلم أكشن
لو ماوراكش حاجة أنزل أعتصم فى التحرير او الأتحادية فستجد
من يحضر لك الأكل والشرب ويعطيك بطانية وخيمة وصحبة حلوة ومزاج عالى مع حبيتين
ترامادول
لو ماوراكش حاجة ألبس أسود فى أسود وغطى وشك بقناع وأعمل
فيها (زورو) وأنسب نفسك لجماعة البلاك بلوك الوهمية فستجد آلاف الوجوه ونظرات
المعجبات وهى تلاحقك
لو ماوراكش حاجة أنزل السيده زينب وأقعد على قهوة بعرة
وأسأل عن النمس فألف مين يدلك عليه فهو الراعى الرسمى لبلطجية المظاهرات بعد حبس
نخنوخ يمكن يديلك دور فى المسيرات والمظاهرات اليومية وأهى فرصة نفع وأستنفع واليد
البطاله نجسة
أما لو كنت مطحون فى شغلك وبترجع بيتك بتجر رجليك
ويادوبك تأكل اللقمة وتدخل تتخمد تنام ما أفتكرش أنك حتفتح النت وتغلس على خلق
الله أو تفكر تعتصم بالشهر والأتنين فى التحرير أو الأتحادية أو تبحث عن قهوة بعره
أو تنضم لجماعة العار من الهباب بلوك
بس خلاص
ليست هناك تعليقات:
إرسال تعليق