مجموعة حكايات من الزمن اللى جاى

الحلقة رقم ...1تائهين فى الفضاء

فى الطريق إلى كوكب المريخ تعطلت مركبة الفضاء التى تقلهما بعد أن ضلت طريقها ونفذ الوقود منها لتنفصل الكبسوله وتفتح المظله عند أقترابها من كوكب مجهول لا يظهر فى خرائطهم الفضائية سوزى : أحنا فين ياكابتن ميزو

- المكان ده غير موجود على الكمبيوتر الفضائى والأحداثيات لا تظهر أى كواكب أو نجوم فى هذا المكان

- يعنى أيه ضعنا فى الفضاء يافالح.. وأنا عمال أقولك وأحنا فى الأرض روح مون الصاروخ تقولى البنزين  فى مصر أصبح اللتر يـ70 جنيه حنمون فى السكه أرخص لحد ماتهنا وأنفجر الصاروخ ولا توجد وسيلة أتصال بالأرض.. ياميلة بختك ياسوزى مالقتيش غير الكابتن ميزوتركبى معاه من قلة الكباتن المحترمين .. (الكابتن ميزو يشير لها أن تصمت وهو يضع أذنه على الأرض )

ميزو : بس أخرسى كلمه واحده كمان حكهربك خلينى أسمع فيه أصوات جايه ناحيتنا ..سوزى : يانهار أسود الكوكب ده فيه كائنات حيه – يظهر كده (ولم تمر دقائق ألا تم أحاطتهم بأعداد كبيره من الجنود) سوزى : ألحق ياميزو دولت ناس زينا وبيتكلموا عربى كمان يا حلاوه      

ميزو : معقول يكون رجعنا الأرض تانى مش ممكن البوصله والكمبيوتر بيقولوا غير كده

سوزى : بلا كمبيوتر بلا بوصله  بقى ده أنت طلعت كفته قعدت تلف فى مدار الأرض لحد ما رجعت لها تانى قوم تتك وكسه  ( يقترب منهما قائد المجموعة ومعه لفيف من الرجال والسيدات يرتدين البلاطى البيضاء ويبدو من مناظرهم أطباء أو علماء باحثين وبأشاره من كبيرهم يقوم الجنود بطرحهما أرضا وهم يصوبون أسلحتهم نحوهم فرفعا أيديهما مستسلمين فيدخل كبيرهم ويبدأ بالكشف عليهما فيصرخ بأعلى صوته : بشر بشر

سوزى : أيوه بشر فيها أيه دى.. أنتم فاكرينا حيوانات أيه الجده الأهبل ده

الدكتور : أنتم بشر من فصيله نادره .. أحضروهم إلى المعمل فورا بحذر وألبسوا الكمامات حتى لا تنتقل إليكم أمراض البشر ..وبسرعه تم تغليفهما ووضع كل منهما فى انبوب وتم تحميلهما فى سيارة مدرعه أقلتهما إلى المعامل ..تفيق سوزى وميزو فيجدوا أنفسهم معلقين من أكتافهما ومجردين من ملابسهما مثل الذبائح فى محلات الجزاره حولهما مجموعه من العلماء والكاميرات تقوم بتصوريهما.. وكبير العلماء يمسك مؤشر ويشرح للباقين على أجسامهم .. فتصرخ سوزى : يا فضحيتك ياسوزى يابنت شريهان فى الفضاء .. أسترنى ياعم ربنا ما يعرى لك وليه عندك كابتن بوزو أشرح عليه زى ما أنت عايز انشالله تشرحه

العالم : وهو يبتسم ويعود للشرح غير آبه لما تقوله سوزى : زى ما أنتم شايفين هذا النوع من البشر خجول جداً له لوزتين ولحميه وأنياب ولسان طويل ومصران أعور وفتحات أخراج عضليه وشعر ينبت  فوق الأماكن الحساسه وعظام ناتئه فى نهاية الجزء السفلى من العمود الفقرى تثبت أنه ينحدر من سلالة أقدم كانت لها زيل وتعيش فوق الأشجار وتأكل البرسيم والأعشاب

يصرخ ميزو : شيل أيدك من تحت بلاش قلة أدب هذه ليست طريقة شرح ده تحرش ياباشا ..يطبطب العالم على ظهره : خلاص قربنا نخلص ثم يكمل وكما تشاهدون هذا البشرى له أعضاء تناسلية واضحة وتختلف عن الأنثى المعلقة أمامكم ولهما طريقة فى التناسل تتميز بالوحشية والعنف تختلف عن طريقتنا تماما  

ميزو : يادكتور ..يادكتور.. نزلنى..أو أبعد الناس دى بعيد لأنى عايز أعمل ببى

الدكتور : اعمل يا ميزو ياحبيبى براحتك مايهمكش دولت حيفرحوا بيك قوى

ميزو : متأكد أنهم حيفرحوا..حيفرحوا.. طب هه تششششش.. تشششش بس خلاص

تصفيق وتهليل وفلاشات تصوير .. ينظر ميزو لسوزى مش عايزه تفرحى الناس دى زى ما فرحتهم وتتصورى

سوزى : أخرس يا فاضحنا ربنا يخدك ونرتاح منك

ميزو : أسكتى يا هبله ده أحنا حنشتغلهم وناكل عليهم عيش بس أستنى

الدكتور : أحنا خلاص أنتهينا من الشرح العام  قبل أن ننقلهم للمعامل الرئيسية ويمكنكم الأن أخذ صور سلفى مع البشريين وأرجوا عدم لمس أجسامهما لمنع أثارتهما..سوزى : روح الله يخرب بيتك وتتفضح فضيحة المطاهر يوم المولد .