اللى يخاف من العفريت يعمل عبيط

لو افترضنا جدلا انك وقعت فى أيد عفريت أبن كلب واطى وظهر لك بالليل وأنت قاعد لوحدك فى البيت ويقوم بأطفاء النور ثم يشغله عدة مرات ويهز النجفه او اللمبه بشده فى السقف  أو يخرج لك دخان أزرق من الحنفية أو أبريق الشاى أو فى شكل قط أسود يجرى حولك أو ينادى عليك بصوت أنثوى من خلف الستاره أو يظهر فى شكل أمرأة فائقة الجمال ملطخ فمها بالدماء أو تشعر بيد ثقيله تلطعك على قفاك  كل 5 دقائق أو تعبث فى ملابسك الداخليه ..والكراسى والكوبايات تطير فى الهواء ويفتح  عليك الشبابيك والأبواب وتسمع صوت صريخ الهواء المصاحب له .. فهذا العفريت بيشتغلك وبيتسلى عليك هو وأصحابه.. أنا أعلم بأنك لو تعرضت لواحده من هذه المواقف سيقف شعرك ويقشعر جلدك  ولن تستطيع أن تتحكم فى نفسك وستغرق الأرضيه أو الفراش بالماء

عزيزى المرعوب أو المرعوبه  من سيرة العفاريت أنصحك نصيحه خالصه  لوجه الله أنك تعمل فيها عبيط حتى يمل العفريت وينصرف عنك              

 وكما يقال فى المثل بأن القط بيحب خناقه فالعفريت يكره العبيط             

وهى قاعده عامه لمواجهة الأشياء التى تخاف منها بأسلوب الأستعباط ستعبرها بدون أدنى خسائر جرب كده وحتدعيلى .. ..

 عبيط عبيط بس تعيش هههههه