قول ياباسط !!
معقول أللى بيحصل ده .. بلد فى حجم مصر يجرى لها ماجرى .. بلد عندها كل مقومات الدولة العظمى تنحدر هذا الأنحدار .. طبعا حتستغرب يامواطن بأننى أقول دوله عظمى وحتقولى ياعم أقول ياباسط أنت مش دريان بالملايين أللى تحت خط الفقر ولا الأزمات أللى عايشين فيها من بطاله وفقر وتراجع فى مختلف المجالات
حقول لك أيه ماهو سيادتك مغيب ومش دريان بأمكانيات بلدك والعمليه مش فقر ياسيد دى قلة رأى .. أقولك أنا بقى ورزقى ورزقك على الله
- فيه بلد فى الدنيا بتطل على بحرين من أنشط بحار الدنيا (الأحمر والأبيض ) ولديها تسع بحيرات من ضمنهم أكبر بحيرة صناعية فى العالم وتشتكى من أزمة الأسماك
- فيه بلد فى الدنيا لديها أكبرحقول للغاز الطبيعى وتقوم بتصديره وتشتكى من أزمة البوتاجاز وأرتفاع أسعار البنزين والسولار
- فيه بلد فى الدنيا لديها خمس أثار العالم وتتمتع بجمال طقسها صيفا وشتاءً وترتيبها فى عدد السياح الخامس والعشرون
- فيه بلد فى الدنيا عندها نهر مثل نهر النيل وكميات هائلة من المياه الجوفية تحت صحاريها وتشتكى من أزمة المياه وتعلن حظر على زراعة الأرز وترفع سعر المياه النقية النى يشربها شعبها
- فيه بلد فى الدنيا 70% من شعبها فى سن الشباب القادر على العمل وبالرغم من هذا مازلنا نرزح تحت كابوس البطاله وهجرة الكفاءات خارجها
- فيه بلد فى الدنيا علمت الدنيا كلها منذ فجر التاريخ أصول الزراعة وكانت سلة الغلال التى أطعمت العالم أثناء المجاعات تستورد 80% من الغذاء من الخارج
فكل عوامل نشأة الدوله العظمى متوفره لدينا أرض شاسعة تصلح للزراعة وماء نيل ومياه جوفيه وأمطار على ساحلها الشمالى وبترول وغاز وموقع أستراتيحى وقناة السويس ومعادن فى أراضيها وسياحة ولا ينافسنا فى ذلك سوى الولايات المتحده الأمريكيه مع الفرق ..شوف مساحة مصر ومساحة أمريكا التى تحتل 70% من قارة أمريكا الشماليه
ونتعجب بان دول أخرى لا تملك ربع ماتملكه مصر من أمكانيات وتقف فى مصاف الدول الكبرى والمتقدمه ولكنها تملك ما لا تملكه مصر وهو الأدارة والقياده المخلصة والحرية والديمقراطيه ولو توفرت هذه العوامل الأربعة لمصر لأصبحت قطب من أقطاب العالم الحديث كما كانت عندما حكمها الفراعنه العظام
يا خساره ومليون خساره عليكى يامصر .. الفساد دمرك وعشش فى كل شبر فيكى والدكتاتوريه قضت على كل رأى حر شريف .. وركب اللصوص والمرتشين والمستغلين فوق أكتافك وسقطت البقره الحلوب تحت خناجر الطامعين
- والعمل ياحاج زيزو
- لابد يابنى من التغيير والتخلص من القيادات العفنه أولا وقبل كل شيئ.. وطول يابنى الناس دى كاتمه على نفس البلد مش حنشوف يوم عدل وربنا قال فى كتابه العزيز
( لا يغير الله مابقوم ألا أن يغيروا ما بأنفسهم ) .. ثانى هام الرجوع لأصلنا ونهتم بالزراعة ونزيد من مساحة الأرض المنزرعة وتمليكها بالمجان للشباب وشوف بعد كده أيه أللى حيحصل ونهتم بالتعليم ونرفع كفائة الموجودين من العمال والموظفين
وألغاء كل القوانين المشبوهه وفتح الأبواب والشبابيك لتدخل شمس الحرية لنقضى على طيور الظلام التى عششت فى ربوع مصرنا الحبيبه
- تفتكر أن ده سهل
- سهل طبعا لو تخلصنا من غيلان السلطه ومن يدور فى أفلاكها
- قول ياباسط
- قوم تك قرش يلهفك .. مش عايز تفوء ولا عايز تفهم
الفك المفترس ظهر فى النيل
ياخبر أبياااض
فى سابقة لم تحدث فى تاريخ مصر الطويل ظهر الفك المفترس فى نهر النيل وتكتمت الحكومه الخبر وكفت عليه المجور كعادتها ومنعت النشر لحين التأكد من صحته ومحاولة معرفة وسيلة للقضاء عليه وأستقدام الخبراء المتخصصين .. وبعد جولات ورحلات فى مجرى النيل من رشيد ودمياط حتى أسوان تأكد بما لا يدع مجال للشك بأن الفك المفترس أنتشر بطول مجرى النيل من أقصاه إلى أقصاه منذ عشر سنوات
قامت لجنة الخبراء بتقديم تقريرها لمجلس الوزراء الذى أجتمع بصفة عاجلة لبحث هذا الموضوع الخطير وقام أعضاء المجلس بتوجيه بضعة أسئله لرئيس لجنة البحث
- ماهو العدد التقريبى الذى تم أكتشافه فى مجرى النهر ؟
- حوالى مليون ونصف ولكن أخطرهم وأشدهم شراسه 420 فك فئات على عمال موزعين على كافة المحافظات
- هل توجد علاقة بين الفك المفترس الذى ظهر فى شرم الشيخ والموجود حاليا فى النيل
- النوع الذى ظهر فى شرم الشيخ هو من النوع الملكى الذى يتغذى على اللحوم البيضاء الوارده من أوروبا وأمريكا أما النوع الموجود فى النيل يتغذى على اللحوم المحليه نوع درمى يأكل مال النبى وأى شيئ يقف أمامه أو يعترض طريقه
سؤال لسيادة الخبير : ماذا يحدث لو لم يجد القرش النيلى ضحايا أو غذاء فى النيل
الخبير بكل ثقة : سيأكل بعضه بعضا
عضو مهم : دى تبقى كارثة
أنتهى الخبر .. كان محدثكم سيد أبو التفانين مراسلنا أمام لجنة الأنتخابات بالقناطر الخيرية ** والحدق يفهم
لقد أسمعت إذ ناديت حيّا********ولكن لاحياة لمن تنادى
تموت الأسد فى الغابات جوعا ** ولحم الضأن تأكله الكلاب
نعيب زماننا والعيب فينا****** **ومالزماننا عيب سوانا
وليس الذئب يأكل لحم ذئب******ويأكل بعضنا بعضا عيانا
وماالقرش ألا طغيان قوما ***سلطه رب الكون على من آذانا
وعجبى
هههههههههههه
ليست هناك تعليقات:
إرسال تعليق