السمك العروص
بائع السمك يحمل مقطف فوق رأسه وهو ينادى : السمك العاروص ياسمااااك
فتنادى عليه سيده من البلكونه
- أستنى يا بتاع السمك لما أنزلك
يضع السله بين يديها .. السمك ده عامل كده ليه وفين ختم النسر وأيه الدائرة الزرقاء اللى عليه دى
-ختم الشعار موجود على كل سمكه دققى كويس ده أحسن سمك عروص فى مصر
- وبعد ين ما أسموش العروص أسمه القاروص
- لأ بقى أسمه العروص (القاروص سابقا) أنتى حتعرفى أكثر من الحكومه
- بتبيع سمك بختم مضروب ومغير اسمه أنا حبلغ عنك والكيلو بكام على كده
- الكيلو بـ 100 جنيه علشان خاطرك ..وحياتك الحكومه بتبيعه بـ 200 جنيه غير ضريبة المبيعات
- بـ 200 جنيه بس سمك مضمون وبختم أصلى مش مزور ..حاخده بخمسين قولت أيه
- يفتح الله ..السمك العاروص الأصلى ياسماااااك ..اللى بيلعب
ليست هناك تعليقات:
إرسال تعليق