ليلة البابى دول

بعد اسبوع من شهر العسل دخل عليها وهو يحمل شنطة بلاستيك بها ملابس قام بشرائها قال لها : بتعرفى ترقصى  ..لا طبعا ..وليه طبعا

-        لأننى  بنت ناس ومن عيله وثقافتى وتعليمى وتربيتى لا تسمح بهذا الأبتزال ..هذا لا يمنع ان ترقصى لزوجك

-        لو انت غاوى رقص وراقصات فهذه المسخره لا تليق بالبيوت المحترمه وهذه لها مكان آخر أنت عارفه

-        خلاص خلاص بلاها رقص .. تعرفى تغنى

-        هى طالبه معاك رقص وغناء وقلة قيمه انت عايز ايه بالظبط  

-        عايزك تقومى تقيسى قميص النوم ده

تفتح الشنطة وتصدر عنها صرخة مع شهقة مكتومه مع رفع الحاجب الأيسر ونظره تكشف عن نيته الخبيثة   وتعيد قميص النوم للشنطه وتخبأه خلف ظهرها بحركه عصبيه وهى تقول : بلاش قلة أدب كل ده يطلع منك ياعم الشيخ عيب عيب تحشم يارجل ..ايه هو اللى عيب .. مضى على جوازنا 7 أيام ولم أشاهدك ألا بجلابيتك الكستور أم كم طويل .. قولت يمكن تكونى مكسوفه تلبسى قميص نوم من بتوع العرايس  لقيت مافيش فايده عدى اسبوع وانت بنفس الجلابيه فتحت دولابك وقلبت فى هدومك انى الاقى حاجة تفتح النفس ابدا .. قلت اشتريلك انا حاجه شوفتاشى تفرحى بها وأفرح بك ..عايزنى أنا ألبس المسخره دى ...وماله فيها أيه مش عروسه ولا مش عروسه

-        بس ده كاشف كل حاجه .. ماهو حلاوته وجماله أنه شفاف قومى غيرى وفرجينى وشوفى لو ماعجبكيش نرجعه ويادار مادخلك شر

-        لو سمحت اطلع بره علشان حقلع ولما أخلص حنادى عليك

جلس فى البلكونه فى أنتظار الأذن بالدخول عدت قيمة نصف ساعه ولا حس ولا خبر قام بطرق الباب عليها ..قالت له خليك عندك أوعى تدخل ألا لما أقولك بعد قليل فتح الباب ودخل فوجد الاوضه مظلمه

هى : أوعى تفتح النور ...أنت فين يابنتى  ...انا تحت اللحاف

-        ياحبيبتى ده بيتلبس فوق اللحاف مش تحت اللحاف

وبعد أن أضاؤا الآنوار ولبست الجلابية الكستور

-        انا حكيت لماما على قميص النوم قعدت تضحك وقالت لى ده اسمه البابى دول يا هبله ده جوزك طلع ابن حظ وانا اللى كنت فكراه قفل زيك

ويمر العام وتصبح حامل  فى الشهر السابع ولكن كان هناك حلم غريب  يؤرقها بأستمرار فتحكى لزوجها ماتراه

-        خير اللهم أجعله خير ..آل أيه أنى لابسه البابى دول وبطنى قدامى متر وبأستقبل به أهلى وأهلك فى الصالون وبقدم لهم شاى وكيك وأصحى من النوم وأنا نازله ضرب فيهم

-        الضرب أنا اللى أخدته فى وجهى وبطنى  خلتينى تركت السرير ونمت ع الكنبه وعلى كلن نشوف كتاب تفسير الاحلام بيقول أيه

-        بيقول فى باب قمصان النوم والبابى دول أن قميص النوم الأبيض في منام المرأة الحامل يدل على الولادة السليمة أو الآمنة و قميص النوم الأحمر يدل على قرب موعد الولادة و قميص النوم الأزرق أو الأسود و البني قد يدل على المولود سيكون ذكر والبمبى والبنفسجى سيكون انثى .. كان لون قميص النوم ايه اللى كنت لابساه فى الحلم ياحبيبتى – الحقيقه مش فاكره كان كل يوم البس لون  وموديل شكل

-        يادى النصيبه  الكتاب بيقول انك حتخلفى أربعه فى بطن واحده

-        البركة فى قميص النوم بتاعك الشوفتاشى أهو جه على دماغك

-        ماكنتى كويسه بالجلابية الكستورانا اللى جبت ده كله لنفسى انا اللى جبت ده كله لنفسى