وقفت طوابير طويله أما ديوان عام المظالم فى المحافظه وفى يد كل واحد منهم مظلمته وهم
يتزاحمون للوصول للشباك ويعلن المذيع عن طريق مكبر الصوت عن توزيع المظاليم على
الشبابيك كل حسب مظلمته : شباك رقم 1 للأسكان و لمن انهارت منازلهم شباك رقم2
لطلبات الوظائف شباك رقم 3 للعلاج على نفقة الدوله شباك رقم 4 لطالبى المعاش
الأجتماعى شباك رقم 5 للشكوى من سوء الخدمات أو التقديم لأدخالها (كهرباء –
ماء-غاز..ألخ ) شباك رقم 6 متفرقات لمن كان له أكثر من شكوى شباك رقم 7 للفنانين
المعتمدين بنقابة الموسيقيين والتمثيل والسينما والفنون التشكيليه والسيرك
والأوبرا والراقصات ..شباك رقم 8 مخصص للحيوانات فقط .. انتظمت الطوابير امام كل
شباك فى انتظار دورها فوقف رجل وزوجته وأولاده امام شبك رقم 8 المخصص للحيوانات
فيصرخ فيهم الموظف المختص : أنتم حيوانات يا حيوانات
الرجل وأسرته فى صوت واحد : أيوه أحنا حيوانات ويبدأون
فى النهيق هاء هاء
الموظف : الصبر من عندك يارب أيه اللى يثبت أنكم حيوانات
الرجل : الحيوانات مش بتاكل – آه بتاكل – مش بتشرب – آه
بتشرب مش بتتجوز وتخلف
-آه بتتقندل أخلص عايز تقول أيه
- حتسمع حكايتى .. قول أحنا ورانا حاجه مفيش حيوانات
حضرت النهارده
- صلى ع النبى ..أنا موظف فى جنينة الحيوانات وأتجوزت
الست دى من 30 سنه وخلفت منها 4 عيال شوحطه اهم قدامك.. بنتين وولدين وعلمتهم
الأربعه كنا بناكل طقه وبنجوع طقتين لحد
ما أتخرجوا من الجامعه.. والمرتب زى ماهو والأسعارعمال بتزيد لحد مالقيناش حاجه
نأكلها بعد يوم 5 فى الشهر .. وفى يوم رجعت من الشغل مالقيتش ولا المدام ولا
العيال فى البيت وظهروا آخر النهار وجايبين معاهم شنطه كبيره تفتكر فى الشنطه أيه
الموظف : وأنا أيش عرفنى.. أكيد أكل
- ده انت مش معانا .. بنقولك البيت مفهوش ولا مليم من
يوم 5 أنت عارف أكلة الفول والطعميه والعيش والطرشى لـ 6 أتفار تتكلف كام
- غلب حمارى قول أنت الشنطه كان فيها أيه يامواطن؟؟
- كان فيها نجيله من بتاعة الجناين .. الست غسلت لى حزمة
نجيله وحطتها على السفرة وقالت لى قوم يا أبو منال مزمز فى شوية النجيله دولت
حتاكل صوابعك وراهم
الموظف : هيه وأكلت النجيله يا مواطن
- فى الأول تعبتنى شويه ومع الوقت اتعودت عليها وأدمنتها
الجوع كافر يا أستاذ
- ياسلاااام ادمنت اكل النجيله وعلى كده طعمها كويس
- زى العسل ..ورضينا بأكل النجيله والعيال صحتها أتحسنت
والمدام اللى قدامك دى كان وزنها 60 كيلو دلوقتى ماشاء الله داخله على الـ 140
كيلو
- هو أنتم بقى عيلة الحشيش .. خليك دقيق فيه فرق بين
الحشيش والنجيله وياريتنا كنا عيلة الحشيش ماكنش يبقى ده حالنا
- المهم طلباتك أيه .. أنا بأطلب أولا تعويض من أتحاد
الأذاعة والتليفزيون بسبب الدعاية والبرامج التى أذاعتها عن أسرتى والتى أدت إلى
أختفاء الحشيش قصدى النجيله من الجناين بعد أن هجمت الجماهير عليه وأصبح يباع فى
السوق السوده وأكلوا كل ماهو أخضر ويابس
- غيره هل لديك طلبات أخرى
- ايوه أنا عايز آخد تصريح من المحافظه بمحجر زلط
- حتعمل بيه أيه ده كمان
-لأننا ناويين ناكل الزلط ههههههههههه
ليست هناك تعليقات:
إرسال تعليق