الحلقه رقم 18
طفل الأنابيب
تفيده : بنت أخوك أتصلت النهار ده وعيزاك ضرورى بعد الفطار
متولى : خير ..ربنا يستر أكيد خناقه جديده
تفيده :البنت يتيمه ومالهاش غيرك يامتولى يعنى تروح للغورب يحلوا مشاكلها
روح شوف فيه أيه أهى زى بنتك
متولى : البنت دى غلبانه وحظها قليل والجدع أللى معها مخه زى الجزمه القديمه بيخلينى أطلع عن شعورى ..آخد دواء الضغط معايا علشان أستحمل غباوته وبروده ..اللهم ما أنى صايم ..حتيجى معايا يا تفيده
تفيده : لا يا خويا أنا مرارتى بتفقع من حركات الجدع ده وعمايلة بالسلامه أنت
يا ذوق قضى سهرتك معاهم وسيبنى أريح شويه من الهلك بتاع طول النهار
********
متولى : فيه أيه يا(منى) يابنتى ..هو جوزك فين ؟؟
منى :خرج يصلى العشاء ومارجعش لحد دلوقتى أكيد عدى على أمه زى مابيعمل كل ليله وييجى على السحور بس أنا منبهه عليه أنك جاى ياعمى
متولى : هى دى المشكله
منى : المشكله أكبر من كده ..أنت عارف يا عمى أنى مجوزه من عشر سنين
وربنا ما أردش ليه بالخلفه لحد دلوقتى ما خلتش دكتور مشهور ألا لما رحت له
وكلهم أجمعوا على أنى عندى تكيسات على المبيض وعلاجها بالهرمونات ..ماهيتى كلها رايحه على الحقن الغاليه والمستورده أعمل فى جمعيات وأشترى الدواء غير التحاليل والذى منه وهو ولا هنا وبيشارك بأقل القليل وأنا أللى شايله الهم لوحدى جسمى أتملء ميه وجالى تسمم من كتر الأدويه وهو ولا هنا
وفى الوقت أللى يكون فيه أخصاب ييسافر أو يعمل خناقه مفتعله ..مش عارفه الراجل ده بيعمل كده ليه
متولى : وبعدين
منى : فيه دكتور من أربع سنين قال أعملك عمليه بالمنظار لتنشيط المبايض
عملت العمليه وقال لى لازم جوزك يكون معاكى لفترة الست أشهر القادمين
بسلامته نقل نفسه أنتداب فى خلال هذه الفترة دى وراحت فلوس العمليه على الأرض..آخر واحد من الدكاتره قال لى أسمعى يابنتى قبل ما أقدم لك أى علاج لازم جوزك يحلل
متولى : وحلل على كده
منى : عمل خناقه ورفض هذا الأسلوب من العلاج وقال أيه أنه كويس وأللى محتاج علاج هو أنا مش هوه
أحايل فيه أنه يوافق على التحليل رافض الفكرة أوالحديث فى هذا الموضوع
متولى : الله يكون فى عونك يابنتى وبعدين
منى : آخر دكتور كنت عنده من أسبوع شاف كل التحاليل وصور الأشعة وحكيت له عن تصرفات جوزى وأنه بيرفض فكرة التحليل ..قال مفيش حل غير أنك تعملى طفل أنابيب لأنك داخله على 34سنه والعمليات دى نسبة نجاحهاعاليه للسيدات صغار السن وما تجيش العياده ألا وجوزك معاكى يمكن أقدر أقنعه أوشوفى حد كبير يكلمه( منى وهى تمسح دموعها ) أنا قلت له على طفل الأنابيب ألا وثار وهاج وحلف ستين يمين أنه مش رايح معايا ولوعايزه عيال أحملى وخلفى زى خلق الله ولو أجبرتينى على الحكايه دى أنا مش شايل العيل ده ومش معترف بيه وكل حى يروح لحاله ..وآدينا على الحال ده بقلنا أسبوع أكلمه براحه وأحايل فيه مفيش فايده ..والسن بيجرى بيه ..أنت ياعمى كبير العيله أتصرف معاه أنا ريقى نشف من الجدع ده ومش طايقه أشوفه
متولى : ياه لسه فيه ناس بالعقليه دى ..بس أكيد فيه حاجه منعاه من عمل التحليل
منى : حجته أن أيه ضمنه أن الطفل إللى جاى يكون من صلبه ..مش ممكن يحدث خطأ فى العينه ويعيش يربى فى عيل مش أبنى
متولى : دى حجج فاضيه ..الجدع ده فيه حاجه مش مظبوطه يافى خصوبته يا فى مخه
منى : غالبا يا عمى مخه هو أللى تاعبه ..بيشك فى صوابع أيديه
متولى : ما تزعليش يابنتى أتصلى بيه على الموبيل وعرفيه أنى قاعد فى أنتظاره
منى تتصل مره وأتنين وثلاته ويكنسلها وفى النهايه رد عليها ..متولى يأخذ منها الموبيل ويكلمه
متولى : أيه ياسامى أنت فين تعالى يا كابتن عايز أشوفك
سامى : أكيد الست إللى عندك فتحت معاك الموضوع يبقى كده مفيش تفاهم
متولى : حتيجى تقابلنى ولا لأ
سامى : أنا مش فاضى دلوقتى
متولى :طب لما تفضى ياكابتن تبقى تيجى عندى البيت تأخذ مراتك
سامى : ألو ألو ( يغلق متولى السكه )
متولى : قومى يا بنتى حضرى هدومك وتعالى معايا وأنا حعرف أتصرف مع البنى آدم ده
منى :حاضر ياعمى
يتبع
تمر ثلاثة أيام على تواجد( منى) فى بيت عمها وجرس التليفون لم يبطل رنين
فى كل مره يطلب سامى أن يكلم منى وهى تنفذ تعليمات عمها بعدم الرد عليه
وأخيرا يحضر سامى بعد الأفطار لمقابلة عم متولى
متولى : أهلا ياكابتن عاش من شافك خلصت كل مشاغلك
سامى : أنا آسف يا عمى كنت مشغول قوى اليومين أللى فاته ..هى فين منى عايز أشوفها
متولى : قبل ما تشوف منى عايزك فى كلمتين
سامى : أنا تحت أمرك يا عمى
متولى : أيه أللى بتعمله مع البنيه أنت فاكر أن هى علشان يتيمه حتستفرد بيها
لا يابنى البنت دى من عيله وعليتها كبيره قوى وما تكلمتش ألا لما فاض بيها
لأنها متربيه وبنت ناس وخايفه على مشاعرك وشرياك
سامى : شريانى تقوم تسيب البيت وما تردش على التليفون
متولى : أنا أللى أخدتها من البيت وأنا أللى قولت لها ماتردش عليك
سامى : ليه كده ياعمى
متولى : لأنك ما تستحقهاش ..ويابنى زى ما دخلنا بالمعروف نسيب بعض بالمعروف والحياة مش حتقف عندك ..لأ ربنا حيرزقها براجل يصونها ويخاف عليها ويحقق لها أمومتها كفايه أللى عملته فيها
سامى : عملت أيه بس !!
متولى : مش عارف عملت أيه ..حكت لى عن كل تصرفاتك ..بقى ياراجل ماهيتك قد ماهيتها عشر مرات ومستخصر تشترى لها الدواء
سامى : أنا قلت لها مفيش داعى للأدويه وربنا لو أراد أنك تخلفى حتخلفى
متولى : لا ياشيخ ..ربنا هو اللى خلق الطب والدواء وهو الذى يمرضنا ويشفينا وأنه مسبب الأسباب مش نعمل زى المثل أللى بيقول تسيب نفسك للدبان وتقول ده قضى الرحمن عيب ما تقولش كده أنت راجل متعلم
الست الشغاله أللى بتيجى تساعد تفيده أخذت بنتها وعملت لها طفل أنابيب ويعلم الله لمت فلوس العمليه أزاى وهى ست جاهله
سامى : يا عمى المشكله لها بعد تانى
متولى : بعد أيه أنشاء الله
سامى : أنت عارف أن أبويا وأمى ناس من الأرياف بنت خالتى عملت طفل أنابيب والفضيحه أللى شافتها فى البلد مسميينى أبنها أبن الأنبوبه وأنا مش قادر أقنعهم بالموضوع ده لدرجة أنهم عرضوا على أنى أتجوز تانى وتفضل منى على ذمتى وتحمل وتخلف على راحتها لكن أنا رفضت لأنى بحب منى وما أقدرش على بعدها
متولى : الكلام ده مش داخل دماغى أيه أمك وأيه أبوك ما دخلهم فى مواضيع زى دى ..أنت يابنى مش صريح وكل دى حجج فارغه ..ومش حنلتقى أبدا
ماضيعش وقتى ووقتك حقولك من الآخر أن قبلت بكلامى كان بها ماقبلتش سيبنا فى حالنا وخلى البنت تشوف مستقبلها.. ياراجل أنت لا بترحم ولا تسيب رحمة ربنا تنزل..حتروح معاها للدكتور وتعمل طفل أنابيب ولو عندك مشكله حيعالجك
وتصرف من فلوسك أللى عمال تحوشها دى وتسيبك من الكلام الفارغ أللى بتقوله كان بها..و أن فضلت متمسك برأيك أنت حر بنتنا عندنا وروح أنت شوف حالك بعيد عننا
سامى : يا عمى أدينى فرصه أفكر وأرد عليك
متولى : براحتك
سامى : ومنى مش حتروح بيتها
متولى : لما توصل لنتيجه أبقى تعالى البيت مش بعيد عليك
سامى يطرق برأسه إلى الأرض وهو يفكر.. ويقوم عم متولى تاركا أياه بعد أن أعطاه ما فيه الكفايه
سامى ينادى على عم متولى
متولى : فيه حاجه تانى عايزنى فيها ؟؟؟
سامى : خلاص ياعم متولى الأسبوع الجاى نروح للدكتور
متولى : خلاص تعالى الأسبوع الجاى خد مراتك وروح للدكتور
سامى : خلاص ياعمى حنروح بكره
متولى ينادى على منى : تعالى يابنتى روحى مع جوزك
تخرج منى وترتمى فى حضن عم متولى وهى تبكى وتقول : ربنا يخليك ليه ياعمى ..ربنا يخليك يارب
يقوم سامى بتقبيل رأس منى ويطيب خاطرها ويعودا سويا لبيتهما ليستأنفا سويا رحلةالعلاج
ش
طفل الأنابيب
تفيده : بنت أخوك أتصلت النهار ده وعيزاك ضرورى بعد الفطار
متولى : خير ..ربنا يستر أكيد خناقه جديده
تفيده :البنت يتيمه ومالهاش غيرك يامتولى يعنى تروح للغورب يحلوا مشاكلها
روح شوف فيه أيه أهى زى بنتك
متولى : البنت دى غلبانه وحظها قليل والجدع أللى معها مخه زى الجزمه القديمه بيخلينى أطلع عن شعورى ..آخد دواء الضغط معايا علشان أستحمل غباوته وبروده ..اللهم ما أنى صايم ..حتيجى معايا يا تفيده
تفيده : لا يا خويا أنا مرارتى بتفقع من حركات الجدع ده وعمايلة بالسلامه أنت
يا ذوق قضى سهرتك معاهم وسيبنى أريح شويه من الهلك بتاع طول النهار
********
متولى : فيه أيه يا(منى) يابنتى ..هو جوزك فين ؟؟
منى :خرج يصلى العشاء ومارجعش لحد دلوقتى أكيد عدى على أمه زى مابيعمل كل ليله وييجى على السحور بس أنا منبهه عليه أنك جاى ياعمى
متولى : هى دى المشكله
منى : المشكله أكبر من كده ..أنت عارف يا عمى أنى مجوزه من عشر سنين
وربنا ما أردش ليه بالخلفه لحد دلوقتى ما خلتش دكتور مشهور ألا لما رحت له
وكلهم أجمعوا على أنى عندى تكيسات على المبيض وعلاجها بالهرمونات ..ماهيتى كلها رايحه على الحقن الغاليه والمستورده أعمل فى جمعيات وأشترى الدواء غير التحاليل والذى منه وهو ولا هنا وبيشارك بأقل القليل وأنا أللى شايله الهم لوحدى جسمى أتملء ميه وجالى تسمم من كتر الأدويه وهو ولا هنا
وفى الوقت أللى يكون فيه أخصاب ييسافر أو يعمل خناقه مفتعله ..مش عارفه الراجل ده بيعمل كده ليه
متولى : وبعدين
منى : فيه دكتور من أربع سنين قال أعملك عمليه بالمنظار لتنشيط المبايض
عملت العمليه وقال لى لازم جوزك يكون معاكى لفترة الست أشهر القادمين
بسلامته نقل نفسه أنتداب فى خلال هذه الفترة دى وراحت فلوس العمليه على الأرض..آخر واحد من الدكاتره قال لى أسمعى يابنتى قبل ما أقدم لك أى علاج لازم جوزك يحلل
متولى : وحلل على كده
منى : عمل خناقه ورفض هذا الأسلوب من العلاج وقال أيه أنه كويس وأللى محتاج علاج هو أنا مش هوه
أحايل فيه أنه يوافق على التحليل رافض الفكرة أوالحديث فى هذا الموضوع
متولى : الله يكون فى عونك يابنتى وبعدين
منى : آخر دكتور كنت عنده من أسبوع شاف كل التحاليل وصور الأشعة وحكيت له عن تصرفات جوزى وأنه بيرفض فكرة التحليل ..قال مفيش حل غير أنك تعملى طفل أنابيب لأنك داخله على 34سنه والعمليات دى نسبة نجاحهاعاليه للسيدات صغار السن وما تجيش العياده ألا وجوزك معاكى يمكن أقدر أقنعه أوشوفى حد كبير يكلمه( منى وهى تمسح دموعها ) أنا قلت له على طفل الأنابيب ألا وثار وهاج وحلف ستين يمين أنه مش رايح معايا ولوعايزه عيال أحملى وخلفى زى خلق الله ولو أجبرتينى على الحكايه دى أنا مش شايل العيل ده ومش معترف بيه وكل حى يروح لحاله ..وآدينا على الحال ده بقلنا أسبوع أكلمه براحه وأحايل فيه مفيش فايده ..والسن بيجرى بيه ..أنت ياعمى كبير العيله أتصرف معاه أنا ريقى نشف من الجدع ده ومش طايقه أشوفه
متولى : ياه لسه فيه ناس بالعقليه دى ..بس أكيد فيه حاجه منعاه من عمل التحليل
منى : حجته أن أيه ضمنه أن الطفل إللى جاى يكون من صلبه ..مش ممكن يحدث خطأ فى العينه ويعيش يربى فى عيل مش أبنى
متولى : دى حجج فاضيه ..الجدع ده فيه حاجه مش مظبوطه يافى خصوبته يا فى مخه
منى : غالبا يا عمى مخه هو أللى تاعبه ..بيشك فى صوابع أيديه
متولى : ما تزعليش يابنتى أتصلى بيه على الموبيل وعرفيه أنى قاعد فى أنتظاره
منى تتصل مره وأتنين وثلاته ويكنسلها وفى النهايه رد عليها ..متولى يأخذ منها الموبيل ويكلمه
متولى : أيه ياسامى أنت فين تعالى يا كابتن عايز أشوفك
سامى : أكيد الست إللى عندك فتحت معاك الموضوع يبقى كده مفيش تفاهم
متولى : حتيجى تقابلنى ولا لأ
سامى : أنا مش فاضى دلوقتى
متولى :طب لما تفضى ياكابتن تبقى تيجى عندى البيت تأخذ مراتك
سامى : ألو ألو ( يغلق متولى السكه )
متولى : قومى يا بنتى حضرى هدومك وتعالى معايا وأنا حعرف أتصرف مع البنى آدم ده
منى :حاضر ياعمى
يتبع
تمر ثلاثة أيام على تواجد( منى) فى بيت عمها وجرس التليفون لم يبطل رنين
فى كل مره يطلب سامى أن يكلم منى وهى تنفذ تعليمات عمها بعدم الرد عليه
وأخيرا يحضر سامى بعد الأفطار لمقابلة عم متولى
متولى : أهلا ياكابتن عاش من شافك خلصت كل مشاغلك
سامى : أنا آسف يا عمى كنت مشغول قوى اليومين أللى فاته ..هى فين منى عايز أشوفها
متولى : قبل ما تشوف منى عايزك فى كلمتين
سامى : أنا تحت أمرك يا عمى
متولى : أيه أللى بتعمله مع البنيه أنت فاكر أن هى علشان يتيمه حتستفرد بيها
لا يابنى البنت دى من عيله وعليتها كبيره قوى وما تكلمتش ألا لما فاض بيها
لأنها متربيه وبنت ناس وخايفه على مشاعرك وشرياك
سامى : شريانى تقوم تسيب البيت وما تردش على التليفون
متولى : أنا أللى أخدتها من البيت وأنا أللى قولت لها ماتردش عليك
سامى : ليه كده ياعمى
متولى : لأنك ما تستحقهاش ..ويابنى زى ما دخلنا بالمعروف نسيب بعض بالمعروف والحياة مش حتقف عندك ..لأ ربنا حيرزقها براجل يصونها ويخاف عليها ويحقق لها أمومتها كفايه أللى عملته فيها
سامى : عملت أيه بس !!
متولى : مش عارف عملت أيه ..حكت لى عن كل تصرفاتك ..بقى ياراجل ماهيتك قد ماهيتها عشر مرات ومستخصر تشترى لها الدواء
سامى : أنا قلت لها مفيش داعى للأدويه وربنا لو أراد أنك تخلفى حتخلفى
متولى : لا ياشيخ ..ربنا هو اللى خلق الطب والدواء وهو الذى يمرضنا ويشفينا وأنه مسبب الأسباب مش نعمل زى المثل أللى بيقول تسيب نفسك للدبان وتقول ده قضى الرحمن عيب ما تقولش كده أنت راجل متعلم
الست الشغاله أللى بتيجى تساعد تفيده أخذت بنتها وعملت لها طفل أنابيب ويعلم الله لمت فلوس العمليه أزاى وهى ست جاهله
سامى : يا عمى المشكله لها بعد تانى
متولى : بعد أيه أنشاء الله
سامى : أنت عارف أن أبويا وأمى ناس من الأرياف بنت خالتى عملت طفل أنابيب والفضيحه أللى شافتها فى البلد مسميينى أبنها أبن الأنبوبه وأنا مش قادر أقنعهم بالموضوع ده لدرجة أنهم عرضوا على أنى أتجوز تانى وتفضل منى على ذمتى وتحمل وتخلف على راحتها لكن أنا رفضت لأنى بحب منى وما أقدرش على بعدها
متولى : الكلام ده مش داخل دماغى أيه أمك وأيه أبوك ما دخلهم فى مواضيع زى دى ..أنت يابنى مش صريح وكل دى حجج فارغه ..ومش حنلتقى أبدا
ماضيعش وقتى ووقتك حقولك من الآخر أن قبلت بكلامى كان بها ماقبلتش سيبنا فى حالنا وخلى البنت تشوف مستقبلها.. ياراجل أنت لا بترحم ولا تسيب رحمة ربنا تنزل..حتروح معاها للدكتور وتعمل طفل أنابيب ولو عندك مشكله حيعالجك
وتصرف من فلوسك أللى عمال تحوشها دى وتسيبك من الكلام الفارغ أللى بتقوله كان بها..و أن فضلت متمسك برأيك أنت حر بنتنا عندنا وروح أنت شوف حالك بعيد عننا
سامى : يا عمى أدينى فرصه أفكر وأرد عليك
متولى : براحتك
سامى : ومنى مش حتروح بيتها
متولى : لما توصل لنتيجه أبقى تعالى البيت مش بعيد عليك
سامى يطرق برأسه إلى الأرض وهو يفكر.. ويقوم عم متولى تاركا أياه بعد أن أعطاه ما فيه الكفايه
سامى ينادى على عم متولى
متولى : فيه حاجه تانى عايزنى فيها ؟؟؟
سامى : خلاص ياعم متولى الأسبوع الجاى نروح للدكتور
متولى : خلاص تعالى الأسبوع الجاى خد مراتك وروح للدكتور
سامى : خلاص ياعمى حنروح بكره
متولى ينادى على منى : تعالى يابنتى روحى مع جوزك
تخرج منى وترتمى فى حضن عم متولى وهى تبكى وتقول : ربنا يخليك ليه ياعمى ..ربنا يخليك يارب
يقوم سامى بتقبيل رأس منى ويطيب خاطرها ويعودا سويا لبيتهما ليستأنفا سويا رحلةالعلاج
ش
ليست هناك تعليقات:
إرسال تعليق