الحلقه رقم (22)
طبيخ شيكو
تفيده هواياتها المفضله طوال شهر رمضان متابعة المحطات الفضائيه التى تعرض أعمال المطبخ والطبيخ وخاصة القناة التى يقدم فيها المذيع الشهير (شيكو ) أطباق اليوم..وتضع بجوارها التليفون لتتصل وتعلق على الأكلات
وتطلب طريقة عمل البعض منها وأصبحت صديقة دائمه للبرنامج..وكانت المحطة تستضيف أحد الشيفات المتخصصين فى الأكل الهندى وعرض طريقة عمل الفراخ المصوصوه بالصلصة الهندى فأعجبت بها وقررت أن تقدمها كطبق رئيسى على مائدة الأفطار مما أضطرها للذهاب إلى العطار وشراء التوابل والبهارات التى تلزم لها وهى تشمل أسماء غريبه لم تسمع عنها من قبل
المهم تفيده عكفت فى المطبخ من بعد الظهر وهى تعد هذا الطبق الغريب وقدمته لعا ئلتها بالهنا والشفاء وكانت النتيجه ..متولى ومحمود وأولاد بنتها يصحون على ميعاد السحور وقد أنتفخت وجوههم وتدلت شفاههم ويهرشون فى أجسامهم وقد أصيب الجميع بحساسيه وبقع حمراء على الجلد
متولى وهو يهرش وقد أنتفخ وجهه وضاعت معالمه : الله يخرب بيت شيكو وسنينه..ماله الأكل المصرى ..أنت حطيتى أيه فى الأكل ده
تفيده وهى تضحك على مناظرهم : أبدا أنا عملت الوصفه الهندى بالضبط ولا زودت ولا نقصت أنتم مش واخدين على الأكل الهندى أصلكم
متولى يجرى ليحضر دواء الحساسيه من الأجزخانه ويرقد الجميع فى حالة يرثى لها ولم يذهب كل من متولى ومحمود لأعمالهم وتوجهوا إلى الطبيب فى الصباح
يعود متولى ومحمود من الخارج وهم يحملون الدواء الذى وصفه الطبيب فيجدوا تفيده تجلس أمام التليفزيون تتابع (شيكو) وهو يتراقص على الموسيقى الهندى والشيف الهندى يشرح طريقه جديده لعمل السمك السالمون بصلصة المهراجا الزرقاء وهى تمسك فىيدها ورقه وقلم وتسجل الطريقه والمقادير
متولى : حرام عليكى ياتفيده أرحمينا من العك التليفزيونى أنت مش شايفه أللى جرى لنا ..مش حتبطلى ألا لما تسممينا
تفيده : ماتكبرش الموضوع قوى كده شوية حساسيه وحيروحوا لحالهم أنتم مش واخدين على الأكل الدولى
متولى : والله أنا خايف تفضل شفايفنا مدلدله كده على طول منك للله أنت والأراجوز اللى عمال يتنطط على الشاشه.. النصيبه أن كل أللى بيكلموه ستات
دماغهم طقه زى حضرتك
تفيده : أسكت شويه يامتولى خلينى أعرف أتفرج ..أدخل نام أحسن
متولى : لأ مش حنام قبل ما كلم شيكو أطلبيه وشوفى أنا حعمل فيه أيه هو والشيف الهندى بتاعه
تفيده وهى سعيده : صحيح يامتولى عايز تكلم (شيكو ) والشيف (كوماره) ده حيفرح قوى لأنه كان بيقول من قيمة شويه نفسه يتصل بيه راجل يقول رأيه فى البرنامج
متولى : أتصلى بيه عايز أكلمه
تفيده بعد عدة محاولات تستطيع أن تحقق الأتصال بشيكو
تفيده : ألو يا أستاذ شيكو ..أزيك منور الشاشه والله ..أنا باستنى ميعادك على أحر من الجمر ومعايا جوزى الأستاذ متولى نفسه موت يكلمك
متولى يجز على أسنانه ويشد فى شعره
تفيده أتفضل كلمه وحسك عينك تبهدله أو تجيب سيرة بأللى حصل أوعى تفضحنا أنا عارفاك
متولى يأخذ السماعة من تفيده وهو ينفخ
شيكو : ألو أهلا بيك يا أستاذ متولى ..أيه أخبارك زرعت شجره قدام بيتكم
متولى : لأ
شيكو : لعبت رياضه الصبح
متولى : لأ
شيكو : أكلت سلطه خضراء فى الفطار
متولى : لأ
شيكو وهويضحك : أمال متصل ليه يا أستاذ متولى
متولى : عايز أقولك أن المدام عملت أمبارح الفراخ المصوصه بالصلصه الهندى
شيكو : برافو أكيد عجبتك... كل أصدقاء البرنامج بيشكروا فيها قوى
متولى : لأ
شيكو : هو كل حاجه لأ لأ ..ظريف قوى الأستاذ متولى
متولى : أسمع ياشيكو يا بنى أنا لسه جاى من عند الدكتور
شيكو : ألف سلامه يا أستاذ متولى
متولى : الله يسلمك يعنى ما سألتنيش كنت عند الدكتور ليه
شيكو : لازم تقلت شويه فى الفطار وكمان ما بتكلش سلطه وما بتلعبش رياضه
متولى : لأ
شيكو : برضه لأ ..فيه أيه ياأستاذ متولى
متولى : كل الحكايه أننا أكلنا الفراخ المصوصوه بالصلصه الهندى وجالنا حساسيه وورمنا وبناخد علاج
شيكو ينزعج : ألف سلامه يا أستاذ متولى أكيد فيه حاجه غلط عند التحضير فى المقادير وخليك معانا علشان حنسأل الشيف الهندى عن الحكايه دى
شيكو يتحدث بالأنجليزيه مع كوماره ويشرح له ما حدث ويرد عليه بانه نبه فى أول حديثه بأن الناس التى تعانى من الحساسيه من التوابل مفيش داعى لتناولهم هذه الوجبه الحرشه
شيكو : ياأستاذ متولى أحنا قلنا أللى عنده حساسيه من التوابل الهندى مايأكلش هذه الوجبه
تفيده :( تخطف السماعه من متولى وتكلم شيكو وهى تصرخ ) ماحصلش ياشيكو الشيف ده كداب
شيكو : أنت تعرفى أنجليزى يا مدام تفيده
تفيده : لأ...زرعتى شجره قدام بيتكم ...لأ ....كلتى سلطه خضراء النهارده ....لأ
شيكو:ههههههههههههه
ينقطع الأتصال ويرقص شيكو على الموسيقى الهندى
تفيده وهى مخنوقه بالبكاء : أخص عليه ..أخص عليه..لك حق يامتولى يستاهل أللى يسمع كلام الأراجوز وقامت بتقطيع ورقة المقادير للسمك السالمون أبو صلصه زرقاء
طبيخ شيكو
تفيده هواياتها المفضله طوال شهر رمضان متابعة المحطات الفضائيه التى تعرض أعمال المطبخ والطبيخ وخاصة القناة التى يقدم فيها المذيع الشهير (شيكو ) أطباق اليوم..وتضع بجوارها التليفون لتتصل وتعلق على الأكلات
وتطلب طريقة عمل البعض منها وأصبحت صديقة دائمه للبرنامج..وكانت المحطة تستضيف أحد الشيفات المتخصصين فى الأكل الهندى وعرض طريقة عمل الفراخ المصوصوه بالصلصة الهندى فأعجبت بها وقررت أن تقدمها كطبق رئيسى على مائدة الأفطار مما أضطرها للذهاب إلى العطار وشراء التوابل والبهارات التى تلزم لها وهى تشمل أسماء غريبه لم تسمع عنها من قبل
المهم تفيده عكفت فى المطبخ من بعد الظهر وهى تعد هذا الطبق الغريب وقدمته لعا ئلتها بالهنا والشفاء وكانت النتيجه ..متولى ومحمود وأولاد بنتها يصحون على ميعاد السحور وقد أنتفخت وجوههم وتدلت شفاههم ويهرشون فى أجسامهم وقد أصيب الجميع بحساسيه وبقع حمراء على الجلد
متولى وهو يهرش وقد أنتفخ وجهه وضاعت معالمه : الله يخرب بيت شيكو وسنينه..ماله الأكل المصرى ..أنت حطيتى أيه فى الأكل ده
تفيده وهى تضحك على مناظرهم : أبدا أنا عملت الوصفه الهندى بالضبط ولا زودت ولا نقصت أنتم مش واخدين على الأكل الهندى أصلكم
متولى يجرى ليحضر دواء الحساسيه من الأجزخانه ويرقد الجميع فى حالة يرثى لها ولم يذهب كل من متولى ومحمود لأعمالهم وتوجهوا إلى الطبيب فى الصباح
يعود متولى ومحمود من الخارج وهم يحملون الدواء الذى وصفه الطبيب فيجدوا تفيده تجلس أمام التليفزيون تتابع (شيكو) وهو يتراقص على الموسيقى الهندى والشيف الهندى يشرح طريقه جديده لعمل السمك السالمون بصلصة المهراجا الزرقاء وهى تمسك فىيدها ورقه وقلم وتسجل الطريقه والمقادير
متولى : حرام عليكى ياتفيده أرحمينا من العك التليفزيونى أنت مش شايفه أللى جرى لنا ..مش حتبطلى ألا لما تسممينا
تفيده : ماتكبرش الموضوع قوى كده شوية حساسيه وحيروحوا لحالهم أنتم مش واخدين على الأكل الدولى
متولى : والله أنا خايف تفضل شفايفنا مدلدله كده على طول منك للله أنت والأراجوز اللى عمال يتنطط على الشاشه.. النصيبه أن كل أللى بيكلموه ستات
دماغهم طقه زى حضرتك
تفيده : أسكت شويه يامتولى خلينى أعرف أتفرج ..أدخل نام أحسن
متولى : لأ مش حنام قبل ما كلم شيكو أطلبيه وشوفى أنا حعمل فيه أيه هو والشيف الهندى بتاعه
تفيده وهى سعيده : صحيح يامتولى عايز تكلم (شيكو ) والشيف (كوماره) ده حيفرح قوى لأنه كان بيقول من قيمة شويه نفسه يتصل بيه راجل يقول رأيه فى البرنامج
متولى : أتصلى بيه عايز أكلمه
تفيده بعد عدة محاولات تستطيع أن تحقق الأتصال بشيكو
تفيده : ألو يا أستاذ شيكو ..أزيك منور الشاشه والله ..أنا باستنى ميعادك على أحر من الجمر ومعايا جوزى الأستاذ متولى نفسه موت يكلمك
متولى يجز على أسنانه ويشد فى شعره
تفيده أتفضل كلمه وحسك عينك تبهدله أو تجيب سيرة بأللى حصل أوعى تفضحنا أنا عارفاك
متولى يأخذ السماعة من تفيده وهو ينفخ
شيكو : ألو أهلا بيك يا أستاذ متولى ..أيه أخبارك زرعت شجره قدام بيتكم
متولى : لأ
شيكو : لعبت رياضه الصبح
متولى : لأ
شيكو : أكلت سلطه خضراء فى الفطار
متولى : لأ
شيكو وهويضحك : أمال متصل ليه يا أستاذ متولى
متولى : عايز أقولك أن المدام عملت أمبارح الفراخ المصوصه بالصلصه الهندى
شيكو : برافو أكيد عجبتك... كل أصدقاء البرنامج بيشكروا فيها قوى
متولى : لأ
شيكو : هو كل حاجه لأ لأ ..ظريف قوى الأستاذ متولى
متولى : أسمع ياشيكو يا بنى أنا لسه جاى من عند الدكتور
شيكو : ألف سلامه يا أستاذ متولى
متولى : الله يسلمك يعنى ما سألتنيش كنت عند الدكتور ليه
شيكو : لازم تقلت شويه فى الفطار وكمان ما بتكلش سلطه وما بتلعبش رياضه
متولى : لأ
شيكو : برضه لأ ..فيه أيه ياأستاذ متولى
متولى : كل الحكايه أننا أكلنا الفراخ المصوصوه بالصلصه الهندى وجالنا حساسيه وورمنا وبناخد علاج
شيكو ينزعج : ألف سلامه يا أستاذ متولى أكيد فيه حاجه غلط عند التحضير فى المقادير وخليك معانا علشان حنسأل الشيف الهندى عن الحكايه دى
شيكو يتحدث بالأنجليزيه مع كوماره ويشرح له ما حدث ويرد عليه بانه نبه فى أول حديثه بأن الناس التى تعانى من الحساسيه من التوابل مفيش داعى لتناولهم هذه الوجبه الحرشه
شيكو : ياأستاذ متولى أحنا قلنا أللى عنده حساسيه من التوابل الهندى مايأكلش هذه الوجبه
تفيده :( تخطف السماعه من متولى وتكلم شيكو وهى تصرخ ) ماحصلش ياشيكو الشيف ده كداب
شيكو : أنت تعرفى أنجليزى يا مدام تفيده
تفيده : لأ...زرعتى شجره قدام بيتكم ...لأ ....كلتى سلطه خضراء النهارده ....لأ
شيكو:ههههههههههههه
ينقطع الأتصال ويرقص شيكو على الموسيقى الهندى
تفيده وهى مخنوقه بالبكاء : أخص عليه ..أخص عليه..لك حق يامتولى يستاهل أللى يسمع كلام الأراجوز وقامت بتقطيع ورقة المقادير للسمك السالمون أبو صلصه زرقاء
ليست هناك تعليقات:
إرسال تعليق