الحلقة رقم (25)
تفيده بتعمل دايت
صفاء : عارفه ياماما بعد شوية اللبس الشياكه ناقصك أيه
تفيده : ناقصنى أيه
صفاء : ناقص تخسى شويه قيمة عشره خمستاشر كيلو وشوفى اللبس ده
حينطق عليكى أد أيه
نفبده : طب نعمل أيه
صفاء : أخدك بكرة للدكتوره بتاعتى أللى خسستنى حتظبط جسمك فى خلال 15 يوم وترجعى ياتفتف زى زمان وتزغللى عنين عم متولى
تفيده : من بكره خدينى ليها ربنا يسترك
صفاء : خلى بالك ياماما أن الدكتوره دى صعبه قوى ما عندهاش يامه أرحمينى
تفيده : يعنى أحنا مش حندفع لها فلوس ولا هى ببلاش
صفاء : مش قصدى يعنى أللى تلاقيه لا يتبع التعليمات ووزنه ما بيتغيرش بتبهدله وتحذره مرتين وفى المره التالته تطرده بره غير التهزيئ ولسانها أللى متبرى منها ..بس هى شاطره قوى ياماما وكل الناس بتشكر فيها
تفيده : أنتى عارفه أمك لو دكتورتك دى طولت لسانها عليا حمرشها من بطنها أنا ماحبش قلة الأدب ودمى بيفور بسرعه
صفاء : طالما أنتى ياماما ياحبيبتى عندك الرغبه أنك تخسى وماشيه على التعليمات ليها أيه عندك
تفيده : الكلام ده مش مريحنى وعلى كل حال نجربها ونشوف
تدخل تفيده وصفاء لمقابلة الدكتوره (سميه ) فى غرفة الكشف وبعد الوزن وقياس الطول والضغط ورسم القلب تجلس تفيده أمامها لسماع تعليماتها والنظام الغذائى الذى تتبعه فى الأسبوع الأول
الكتوره : قلبك كويس وضغطك كويس وعندك زياده فى وزنك 25 كيلو حنبدأ بتنزيل 15 كيلو فى المرحله الأولى وبعد كده فيه مرحله تانيه ..معظم الدهون
متركزه فى منطقة البطن والظهر نتيجة أكل المحشى كعادة الستات المصريين وقلة الحركه
تفيده : يادكتوره البطن دى شالة عيال والمحشى أنا ما بركز فيه قوى
الدكتوره بعصبيه : حتسمعى الكلام وتنفذى البرنامج أهلا وسهلا بك أما لو أهملتى ووزنك مانزلش فى خلال أسبوعين ..آسفه تقدرى تدورى على حد تانى
يستحملك ..أتفضلى معاكى الروشته والبرنامج وأشوفك زى النهارده الأسبوع الجاى
تخرج تفيده وصفاء من العياده وفى الطريق
تفيده : دكتوره قتمه أنا مش عارفه حبنها على أيه ..دا وشها يقطع الخميره من البيت ..ناشفه ومعصعصه والتكشيره ما بتفرقش وشها ..ياساتر يارب
صفاء : وبعدين ياماما الرجيم عايز قوة أراده ولو أتساهلت مع الناس مش حتنجح علشان كده عيادتها بتشغى ناس زى ما أنت شايفه
تفيده : حاكم يا صفاء أنا شوفت ناس أللهم أحفظنا تخان قوىحمدت ربنا على أنا فيه وياختى فيه ناس رفيعه قوى دول كمان حيعملوا رجيم
صفاء : الرفيعين قوى دول بتعمل ليهم نظام غذائى علشان يطخنوا..أما التخان قوى قوى دول بتحولهم على جوزها أللى فى العياده أللى جنبيها علشان تعملهم
شفط للدهون وتدبيس للمعده وشغالين مع بعض ماشاء الله
تفيده : يا حلاوة يعنى بيباصوا لبعض
صفاء : لأ وكمان أبنهم برضه فاتح فى البدرون جيم وحمامات سونا وبخار وتمرينات رياضيه
تفبدة : كمان دى كملت
تتبع تفيده فى الأسبوع الأول تعليمات الكتوره فى تناول الطعام وتذهب للعياده وتدخل ضمن طابور من عشرة سيدات للوزن أمام الكتوره
الكتوره تنادى أسم أسم للصعود على الميزان: سميحة حسنين ..أطلعى على الميزان..ماشاء الله مفيش فايده فيكى أنتى زى مانتى وكمان زدتى نصف كيلو
سميحه: أنا يادكتوره ماشيه على نظام الأكل أللى كاتباه أعمل أيه ياناس
الدكتوره : طيب أحكيلى أكلت أيه النهارده.
سميحه:.أكلت زبادى وحتة لحمه مشويه وكوسايه وطبق سلاطه
الكتوره : وحليتى بأيه
سميحه : سندوتش حلاوة بالقشطه
الكتوره تقذف بملف سميحه وهى تصرخ : ألبسى هدومك وأطلعى بره وما شوفش وشك هنا تانى ..ده أنتم كويس أنكم عايشين ..حرام عليكم أللى بتعملوه فى نفسيكم أنا خلاص قرفت من المناظر دى ..شوفوا بقى أللى ماتعرفش تتحكم فى نفسها ما تجيش العياده دى تانى وألا مش حيحصلها طيب ..أللى بعده
( كل السيدات أصبن بأحباط وخوف من تقريع وتوبيخ الدكتوره )
مديحه فتح الباب ..مديحه فتح الباب ..أيه مش سمعانى أتفضلى على الميزان
الله الله أيه ده ياست مديحه تنزلى خمسه كيلو فى أول عشر أيام وبعدين تزيدى سبعة كيلو مره واحده تقذف ملف مديحه فى وجهها ..أتفضلى حصلى سميحه ماشوفش وشك هنا تانى ..حرام عليكم أرحمونى أعمل فيكم أيه أخيط بوؤكم
بطلوا البلاوى أللى بتكلوها ..حاجه تقرف
( تفيده ترتعد مفاصلها وهى تشاهد ما يحدث وتقول فى نفسها لو حصللى زى اللى حصل قدامى يبقى شكلى أيه ده مش رجيم ده تهزييء بس يستهلوا كل واحه منهم توزن طورناته ومش عارفين يهتموا بروحهم ..يستهلوا)
تفيده عبد الرحمن ..تفيده أطلعى على الميزان ..كويس ياست تفيده بس فيه أحسن من كده خدى النظام التالى وأشوفك الأسبوع الجاى
الأسبوع الثانى توفق تفيده فى تخسيس ثلاثه كيلو آخرين ولكنها فى الأسبوع الثالث تلخبط فى تناول النظام ولاتذهب إلى العيادة خوفا من لسان الدكتوره السليط وفى الأسبوع الرابع تغامر للذهاب إلى العياده وأللى يحصل يحصل
الدكتوره : تفيده عبد الرحمن ..أطلعى على الميزان ماجتيش ليه الأسبوع أللى فات أكيد عامله نصيبه..ماشاء الله وزنك زاد أكتر من يوم ماجيتى أنت بتستعبطى ولآ بتستهبلى أنزلى من على الميزان وهمت بقذف أوراق تفيده فى وجهها ألا أنها فوجئت بتفيده تهجم عليها كالأسد الجاسور وتلف شعر الدكتوره على يدها وفين يوجعك تجرى الدكتوره خارج غرفة الكشف وورائها تفيده بالشبشب ولولا تدخل المنتظرين من السيدات والممرضات لفتكت بها ..يغمى على الدكتوره ويتم أستدعاء بوليس النجده لتشرف تفيده فى قسم البوليس
متولى يحضر ومعه محامى للأفراج عنها..يتم التوصل للصلح وتخرج تفيده إلى بيتها
متولى : فيه حد يعمل كده ياتفيده..تضربى الدكتوره وتجرجريها من شعرها فى أرضية العياده
تفيده : دكتورة قليلة الأدب أستنى لما تشتمنى وتهزئنى ..قلت ما بدهاش أتغدى بيها قبل ما تتعشى بيه
متولى : دا أنتى أتغديتى وأتعشيتى ومصمصتى الوليه
تفيده : بقولك يامتولى قليلة الأدب وأنت عارفنى ما بستحملش الأشكال دى
متولى : يقطع الرجيم وسنين الرجيم هو أنتى حتدخلى مسابقة ملكات الجمال
ياستى أنتى عجبانى كده ..حد قالك أننى متضايق
تفيده تبتسم : صحيح يامتولى ...أيوه صحيح ياتفيده
بس لما أشوف صفاء وحسابها على شورتها المهببه ووخدانى عند الدكتوره المجنونه دى
متولى : يا تفيده أمشى على قول رسولنا الكريم : ثلث لطعامك وثلث لشرابك وثلث لنفسك ..وحسب أبن آدم لقيمات يقمن أوده
قللى من السمنه البلدى والمسبك والمحبك وحتبقى كويسه وماتدبهاش للآخر
تفيده : أنت بتعد عليا اللقمه أللى بأكلها..ماكنش العشم يا متولى
متولى : كلى زى مانتى عايزه ياتفيده المهم أنك عجبانى كده وما تسبيش العيال يلعبوا فى دماغك
تفيده : ربنا يخليك ليه يا متولى
تفيده بتعمل دايت
صفاء : عارفه ياماما بعد شوية اللبس الشياكه ناقصك أيه
تفيده : ناقصنى أيه
صفاء : ناقص تخسى شويه قيمة عشره خمستاشر كيلو وشوفى اللبس ده
حينطق عليكى أد أيه
نفبده : طب نعمل أيه
صفاء : أخدك بكرة للدكتوره بتاعتى أللى خسستنى حتظبط جسمك فى خلال 15 يوم وترجعى ياتفتف زى زمان وتزغللى عنين عم متولى
تفيده : من بكره خدينى ليها ربنا يسترك
صفاء : خلى بالك ياماما أن الدكتوره دى صعبه قوى ما عندهاش يامه أرحمينى
تفيده : يعنى أحنا مش حندفع لها فلوس ولا هى ببلاش
صفاء : مش قصدى يعنى أللى تلاقيه لا يتبع التعليمات ووزنه ما بيتغيرش بتبهدله وتحذره مرتين وفى المره التالته تطرده بره غير التهزيئ ولسانها أللى متبرى منها ..بس هى شاطره قوى ياماما وكل الناس بتشكر فيها
تفيده : أنتى عارفه أمك لو دكتورتك دى طولت لسانها عليا حمرشها من بطنها أنا ماحبش قلة الأدب ودمى بيفور بسرعه
صفاء : طالما أنتى ياماما ياحبيبتى عندك الرغبه أنك تخسى وماشيه على التعليمات ليها أيه عندك
تفيده : الكلام ده مش مريحنى وعلى كل حال نجربها ونشوف
تدخل تفيده وصفاء لمقابلة الدكتوره (سميه ) فى غرفة الكشف وبعد الوزن وقياس الطول والضغط ورسم القلب تجلس تفيده أمامها لسماع تعليماتها والنظام الغذائى الذى تتبعه فى الأسبوع الأول
الكتوره : قلبك كويس وضغطك كويس وعندك زياده فى وزنك 25 كيلو حنبدأ بتنزيل 15 كيلو فى المرحله الأولى وبعد كده فيه مرحله تانيه ..معظم الدهون
متركزه فى منطقة البطن والظهر نتيجة أكل المحشى كعادة الستات المصريين وقلة الحركه
تفيده : يادكتوره البطن دى شالة عيال والمحشى أنا ما بركز فيه قوى
الدكتوره بعصبيه : حتسمعى الكلام وتنفذى البرنامج أهلا وسهلا بك أما لو أهملتى ووزنك مانزلش فى خلال أسبوعين ..آسفه تقدرى تدورى على حد تانى
يستحملك ..أتفضلى معاكى الروشته والبرنامج وأشوفك زى النهارده الأسبوع الجاى
تخرج تفيده وصفاء من العياده وفى الطريق
تفيده : دكتوره قتمه أنا مش عارفه حبنها على أيه ..دا وشها يقطع الخميره من البيت ..ناشفه ومعصعصه والتكشيره ما بتفرقش وشها ..ياساتر يارب
صفاء : وبعدين ياماما الرجيم عايز قوة أراده ولو أتساهلت مع الناس مش حتنجح علشان كده عيادتها بتشغى ناس زى ما أنت شايفه
تفيده : حاكم يا صفاء أنا شوفت ناس أللهم أحفظنا تخان قوىحمدت ربنا على أنا فيه وياختى فيه ناس رفيعه قوى دول كمان حيعملوا رجيم
صفاء : الرفيعين قوى دول بتعمل ليهم نظام غذائى علشان يطخنوا..أما التخان قوى قوى دول بتحولهم على جوزها أللى فى العياده أللى جنبيها علشان تعملهم
شفط للدهون وتدبيس للمعده وشغالين مع بعض ماشاء الله
تفيده : يا حلاوة يعنى بيباصوا لبعض
صفاء : لأ وكمان أبنهم برضه فاتح فى البدرون جيم وحمامات سونا وبخار وتمرينات رياضيه
تفبدة : كمان دى كملت
تتبع تفيده فى الأسبوع الأول تعليمات الكتوره فى تناول الطعام وتذهب للعياده وتدخل ضمن طابور من عشرة سيدات للوزن أمام الكتوره
الكتوره تنادى أسم أسم للصعود على الميزان: سميحة حسنين ..أطلعى على الميزان..ماشاء الله مفيش فايده فيكى أنتى زى مانتى وكمان زدتى نصف كيلو
سميحه: أنا يادكتوره ماشيه على نظام الأكل أللى كاتباه أعمل أيه ياناس
الدكتوره : طيب أحكيلى أكلت أيه النهارده.
سميحه:.أكلت زبادى وحتة لحمه مشويه وكوسايه وطبق سلاطه
الكتوره : وحليتى بأيه
سميحه : سندوتش حلاوة بالقشطه
الكتوره تقذف بملف سميحه وهى تصرخ : ألبسى هدومك وأطلعى بره وما شوفش وشك هنا تانى ..ده أنتم كويس أنكم عايشين ..حرام عليكم أللى بتعملوه فى نفسيكم أنا خلاص قرفت من المناظر دى ..شوفوا بقى أللى ماتعرفش تتحكم فى نفسها ما تجيش العياده دى تانى وألا مش حيحصلها طيب ..أللى بعده
( كل السيدات أصبن بأحباط وخوف من تقريع وتوبيخ الدكتوره )
مديحه فتح الباب ..مديحه فتح الباب ..أيه مش سمعانى أتفضلى على الميزان
الله الله أيه ده ياست مديحه تنزلى خمسه كيلو فى أول عشر أيام وبعدين تزيدى سبعة كيلو مره واحده تقذف ملف مديحه فى وجهها ..أتفضلى حصلى سميحه ماشوفش وشك هنا تانى ..حرام عليكم أرحمونى أعمل فيكم أيه أخيط بوؤكم
بطلوا البلاوى أللى بتكلوها ..حاجه تقرف
( تفيده ترتعد مفاصلها وهى تشاهد ما يحدث وتقول فى نفسها لو حصللى زى اللى حصل قدامى يبقى شكلى أيه ده مش رجيم ده تهزييء بس يستهلوا كل واحه منهم توزن طورناته ومش عارفين يهتموا بروحهم ..يستهلوا)
تفيده عبد الرحمن ..تفيده أطلعى على الميزان ..كويس ياست تفيده بس فيه أحسن من كده خدى النظام التالى وأشوفك الأسبوع الجاى
الأسبوع الثانى توفق تفيده فى تخسيس ثلاثه كيلو آخرين ولكنها فى الأسبوع الثالث تلخبط فى تناول النظام ولاتذهب إلى العيادة خوفا من لسان الدكتوره السليط وفى الأسبوع الرابع تغامر للذهاب إلى العياده وأللى يحصل يحصل
الدكتوره : تفيده عبد الرحمن ..أطلعى على الميزان ماجتيش ليه الأسبوع أللى فات أكيد عامله نصيبه..ماشاء الله وزنك زاد أكتر من يوم ماجيتى أنت بتستعبطى ولآ بتستهبلى أنزلى من على الميزان وهمت بقذف أوراق تفيده فى وجهها ألا أنها فوجئت بتفيده تهجم عليها كالأسد الجاسور وتلف شعر الدكتوره على يدها وفين يوجعك تجرى الدكتوره خارج غرفة الكشف وورائها تفيده بالشبشب ولولا تدخل المنتظرين من السيدات والممرضات لفتكت بها ..يغمى على الدكتوره ويتم أستدعاء بوليس النجده لتشرف تفيده فى قسم البوليس
متولى يحضر ومعه محامى للأفراج عنها..يتم التوصل للصلح وتخرج تفيده إلى بيتها
متولى : فيه حد يعمل كده ياتفيده..تضربى الدكتوره وتجرجريها من شعرها فى أرضية العياده
تفيده : دكتورة قليلة الأدب أستنى لما تشتمنى وتهزئنى ..قلت ما بدهاش أتغدى بيها قبل ما تتعشى بيه
متولى : دا أنتى أتغديتى وأتعشيتى ومصمصتى الوليه
تفيده : بقولك يامتولى قليلة الأدب وأنت عارفنى ما بستحملش الأشكال دى
متولى : يقطع الرجيم وسنين الرجيم هو أنتى حتدخلى مسابقة ملكات الجمال
ياستى أنتى عجبانى كده ..حد قالك أننى متضايق
تفيده تبتسم : صحيح يامتولى ...أيوه صحيح ياتفيده
بس لما أشوف صفاء وحسابها على شورتها المهببه ووخدانى عند الدكتوره المجنونه دى
متولى : يا تفيده أمشى على قول رسولنا الكريم : ثلث لطعامك وثلث لشرابك وثلث لنفسك ..وحسب أبن آدم لقيمات يقمن أوده
قللى من السمنه البلدى والمسبك والمحبك وحتبقى كويسه وماتدبهاش للآخر
تفيده : أنت بتعد عليا اللقمه أللى بأكلها..ماكنش العشم يا متولى
متولى : كلى زى مانتى عايزه ياتفيده المهم أنك عجبانى كده وما تسبيش العيال يلعبوا فى دماغك
تفيده : ربنا يخليك ليه يا متولى
ليست هناك تعليقات:
إرسال تعليق