الحلقة رقم (23)
عيش ملدن
تفيده : تعال معايا السوق يامتولى الثلاجه فضيت وما عدش فيها حاجه نقدر نفطربيها النهارده
متولى :على ما أصلى الجمعة تكونى لابسه وجاهزه
(يصطحب متولى تفيده إلى السوق ويركن عربيته القديمه بالقرب من السوق المزدحم على غير العاده فى يوم الجمعة)
تفيده : أنا حدخل السوق أشترى الخضار ومستلزمات البيت وخليك قريب منى علشان تساعدنى فى شيل الحاجه
متولى : حاضر ياتفيده وماتكتريش فى الشراء علشان نعرف نطلع السلم ..خلى بالك الأساسنسير عطلان ومش عايزين بهدله وأحنا صايمين
تفيده : أنت كده تعمل من الحبه قبه
(تغيب تفيده داخل السوق وينتظرها متولى فى الخارج لعدم قدرته على تحمل الروائح الكريهه المشهوره بها السويقات فى القاهره )
تفيده : أمسك عنى يامتولى دراعى أتخلع ووديهم العربيه على ماجيب الباقى
(يستمر متولى فى تحويل الطلبات حتى أمتلئت شنطة العربه عن آخرها )
متولى : كفايه بقى ياتفيده ما عدش فيه مكان جوه وبره العربيه وخلصينى أحسن الشمس أكلت دماغى
تفيده : خلاص يامتولى فرصه نلم كل حاجتنا بدل أستغلال الخضريه والفكهانيه والسوبرماركت أللى بيبيعوا الحاجه بالغلا والكوى
متولى : شاطره ياتفيده فيه حاجه تانى قبل مانطلع
تفيده: أبن حلال يامتولى ..حنزل أشترى عيش ملدن من الراجل أللى واقف هناك ده وعليه لمه
متولى : أوعى تخشى فى الزحمه ياتفيده ..بلاش فى عرضك نشوف واحد رايق شويه
تفيده : أسكت يامتولى سيبنى أنا نفسى فى العيش الملدن من زمان علشان أعملكم فته بالخل والتوم
متولى : أنا مش عايز فته ياستى أنا دماغى ساحت من الشمس فى عرضك
وتترك تفيده عم متولى لتنطلق فى زحام بتاع العيش لشراء العيش الملدن الذى يتخاطفه الخلق ..ويسمع متولى صويت تفيده وهى تصرخ ..أتسرقت ياعالم أتسرقت ياناس الشنطه قطعوها وسرقوا كيس الفلوس ..يجرى عم متولى ليسحب تفيده من الزحام ..
متولى : خلاص ياتفيده فداكى ما تعمليش فى نفسك كده
تفبده : هما أتنين ستات لآبسين عبايات سوداء زنقونى لحد ما أتكعبلت وسرقونى أنا حافظه شكلهم
شاب من الحضور : هى الست دى يامدام أنا شايفها هى وأللى معها وهم بيسرقوكى
تطبق تفيده بكلتا يديها على السيده: أيوه هى دى
تحاول السيده أن تتخلص من تفيده ولكن يديها قد ماتت على رقبتها
وهى تقول أنا بريئه ياناس الست دى مجنونه خلصونى منها
وتفيده لاتريد تركها ألا فى قسم البوليس القريب من مكان السوق
ويتحرك الركب وخلفهم أعداد كبيره من البشر والمرأة تحاول أن تتخلص من تفيده لتهرب ولكن الناس تساعد تفيده بالمسك بها حتى وصلوا إلى القسم ففرق العسكر الجمع وقبضوا على المتهمه وأقتديت إلى معاون المباحث
معاون المباحث : ينظر إلى المتهمه وهو يبتسم..أنتى تانى يافهيمه
فهيمه : بريئه والله ياباشا أنا ما عرفش حاجه عن فلوس الست دى..بتتبلى عليا وحياة مقامك ياباشا
معاون المباحث يامر أحد العساكر : شوفوا أى ست تييجى تفتشها
يغيب العسكرى ويحضر يعد قليل : مفيش ستات فى القسم دلوقتى ياباشا
فهيمه : خلى الست دى تفتشنى بنفسها علشان تتأكد
تدخل تفيده ومعها فهيمه فى غرفة مجاوره وتغيب مده طويله ثم يعود الأثنان
تفيده : مالقتش معاها حاجه ياحضرة الضابط
المعاون : طب أفتح لك محضر ونأخذ أقوالك.. وتعالى شوفى صور المشبوهين يمكن تتعرفى على أللى سرقك
تفبده : خلاص يا حضرة الضابط عوضى على الله ..ده مبلغ صغير ..أعتبره من زكاة رمضان
متولى ينظر إلى تفيده وهو فاتح فمه بأستغراب
تفيده : ياله يامتولى علشان نلحق نروح نجهز الفطار ..متشكرين ياحضرة الضابط نقدر نمشى
المعاون ينظر إلى تفيده وهو يبتسم : ماشى ياست تفيده رمضان كريم أتفضلى
أنتى أما أنتى يافهيمه حتقعدى معانا شويه تفطرى هنا وممكن كمان تعيدى
فهيمه : أنا بريئه ياباشا والحرامى بشيلته
المعاون : خدها يا عسكرى الحجز
يقود متولى السيارة وهو فى الطربق لايفتح فمه ولا يريد النظر إلى تفيده
تفيده : مالك يامتولى ؟؟
متولى : مالى راح وأتسوحنا بقية الشهر علشان تشبعى من العيش الملدن ياختى ..ما قولت لك بلاش ..عامله شملوله قوى أدى الخمسمائه جنيه طاروا
شوفى لنا حد يسلفناعلشان نكمل بقية الشهر
تفيده تضحك ..بتضحكى بعد ما ضيعتينا
تفيده : فلوسنا حلال يامتولى وأهيه مش ناقصه مليم
متولى : أمال أتهمتى الست بالباطل والفلوس معاكى..حرام عليكى
تفيده : لأ ..الست حراميه فعلا يامتولى وهى أللى سرقتنى ولما دخلت معاها الأوضه علشان أفتشها قعدت تعيط لما قطعت قلبى وحكيت لى عن ظروفها المنيله وانها بتسرق علشان تأكل ولادها الصغيرين وفضلت تبوس فى أيدى ورجلى أن أسامحها وطلعت ليا الفلوس من مخبأ فى جسمها ماكنتش أقدر أوصل له لو كنت عملت أيه وقالت لى أحنا ولايه زى بعض أسترى عليا بحق شهر الصوم
متولى : أخدتى فلوسك
تفيده : سبت ليها عشرين جنيه علشان تجيب أكل لعيالها ..كده أبقى غلطانه
متولى : غلطانه ومش غلطانه يا تفيده..غلطانه أنك تركتى الست دى علشان حتسرق تانى وتالت ورابع ..ومش غلطانه علشان الشهر الكريم
تفيده : كل سنه وأنت طيب يامتولى أهى فى الأخر غلبانه
متولى : وأنتى طيبه يا أم الغلابه والحراميه
عيش ملدن
تفيده : تعال معايا السوق يامتولى الثلاجه فضيت وما عدش فيها حاجه نقدر نفطربيها النهارده
متولى :على ما أصلى الجمعة تكونى لابسه وجاهزه
(يصطحب متولى تفيده إلى السوق ويركن عربيته القديمه بالقرب من السوق المزدحم على غير العاده فى يوم الجمعة)
تفيده : أنا حدخل السوق أشترى الخضار ومستلزمات البيت وخليك قريب منى علشان تساعدنى فى شيل الحاجه
متولى : حاضر ياتفيده وماتكتريش فى الشراء علشان نعرف نطلع السلم ..خلى بالك الأساسنسير عطلان ومش عايزين بهدله وأحنا صايمين
تفيده : أنت كده تعمل من الحبه قبه
(تغيب تفيده داخل السوق وينتظرها متولى فى الخارج لعدم قدرته على تحمل الروائح الكريهه المشهوره بها السويقات فى القاهره )
تفيده : أمسك عنى يامتولى دراعى أتخلع ووديهم العربيه على ماجيب الباقى
(يستمر متولى فى تحويل الطلبات حتى أمتلئت شنطة العربه عن آخرها )
متولى : كفايه بقى ياتفيده ما عدش فيه مكان جوه وبره العربيه وخلصينى أحسن الشمس أكلت دماغى
تفيده : خلاص يامتولى فرصه نلم كل حاجتنا بدل أستغلال الخضريه والفكهانيه والسوبرماركت أللى بيبيعوا الحاجه بالغلا والكوى
متولى : شاطره ياتفيده فيه حاجه تانى قبل مانطلع
تفيده: أبن حلال يامتولى ..حنزل أشترى عيش ملدن من الراجل أللى واقف هناك ده وعليه لمه
متولى : أوعى تخشى فى الزحمه ياتفيده ..بلاش فى عرضك نشوف واحد رايق شويه
تفيده : أسكت يامتولى سيبنى أنا نفسى فى العيش الملدن من زمان علشان أعملكم فته بالخل والتوم
متولى : أنا مش عايز فته ياستى أنا دماغى ساحت من الشمس فى عرضك
وتترك تفيده عم متولى لتنطلق فى زحام بتاع العيش لشراء العيش الملدن الذى يتخاطفه الخلق ..ويسمع متولى صويت تفيده وهى تصرخ ..أتسرقت ياعالم أتسرقت ياناس الشنطه قطعوها وسرقوا كيس الفلوس ..يجرى عم متولى ليسحب تفيده من الزحام ..
متولى : خلاص ياتفيده فداكى ما تعمليش فى نفسك كده
تفبده : هما أتنين ستات لآبسين عبايات سوداء زنقونى لحد ما أتكعبلت وسرقونى أنا حافظه شكلهم
شاب من الحضور : هى الست دى يامدام أنا شايفها هى وأللى معها وهم بيسرقوكى
تطبق تفيده بكلتا يديها على السيده: أيوه هى دى
تحاول السيده أن تتخلص من تفيده ولكن يديها قد ماتت على رقبتها
وهى تقول أنا بريئه ياناس الست دى مجنونه خلصونى منها
وتفيده لاتريد تركها ألا فى قسم البوليس القريب من مكان السوق
ويتحرك الركب وخلفهم أعداد كبيره من البشر والمرأة تحاول أن تتخلص من تفيده لتهرب ولكن الناس تساعد تفيده بالمسك بها حتى وصلوا إلى القسم ففرق العسكر الجمع وقبضوا على المتهمه وأقتديت إلى معاون المباحث
معاون المباحث : ينظر إلى المتهمه وهو يبتسم..أنتى تانى يافهيمه
فهيمه : بريئه والله ياباشا أنا ما عرفش حاجه عن فلوس الست دى..بتتبلى عليا وحياة مقامك ياباشا
معاون المباحث يامر أحد العساكر : شوفوا أى ست تييجى تفتشها
يغيب العسكرى ويحضر يعد قليل : مفيش ستات فى القسم دلوقتى ياباشا
فهيمه : خلى الست دى تفتشنى بنفسها علشان تتأكد
تدخل تفيده ومعها فهيمه فى غرفة مجاوره وتغيب مده طويله ثم يعود الأثنان
تفيده : مالقتش معاها حاجه ياحضرة الضابط
المعاون : طب أفتح لك محضر ونأخذ أقوالك.. وتعالى شوفى صور المشبوهين يمكن تتعرفى على أللى سرقك
تفبده : خلاص يا حضرة الضابط عوضى على الله ..ده مبلغ صغير ..أعتبره من زكاة رمضان
متولى ينظر إلى تفيده وهو فاتح فمه بأستغراب
تفيده : ياله يامتولى علشان نلحق نروح نجهز الفطار ..متشكرين ياحضرة الضابط نقدر نمشى
المعاون ينظر إلى تفيده وهو يبتسم : ماشى ياست تفيده رمضان كريم أتفضلى
أنتى أما أنتى يافهيمه حتقعدى معانا شويه تفطرى هنا وممكن كمان تعيدى
فهيمه : أنا بريئه ياباشا والحرامى بشيلته
المعاون : خدها يا عسكرى الحجز
يقود متولى السيارة وهو فى الطربق لايفتح فمه ولا يريد النظر إلى تفيده
تفيده : مالك يامتولى ؟؟
متولى : مالى راح وأتسوحنا بقية الشهر علشان تشبعى من العيش الملدن ياختى ..ما قولت لك بلاش ..عامله شملوله قوى أدى الخمسمائه جنيه طاروا
شوفى لنا حد يسلفناعلشان نكمل بقية الشهر
تفيده تضحك ..بتضحكى بعد ما ضيعتينا
تفيده : فلوسنا حلال يامتولى وأهيه مش ناقصه مليم
متولى : أمال أتهمتى الست بالباطل والفلوس معاكى..حرام عليكى
تفيده : لأ ..الست حراميه فعلا يامتولى وهى أللى سرقتنى ولما دخلت معاها الأوضه علشان أفتشها قعدت تعيط لما قطعت قلبى وحكيت لى عن ظروفها المنيله وانها بتسرق علشان تأكل ولادها الصغيرين وفضلت تبوس فى أيدى ورجلى أن أسامحها وطلعت ليا الفلوس من مخبأ فى جسمها ماكنتش أقدر أوصل له لو كنت عملت أيه وقالت لى أحنا ولايه زى بعض أسترى عليا بحق شهر الصوم
متولى : أخدتى فلوسك
تفيده : سبت ليها عشرين جنيه علشان تجيب أكل لعيالها ..كده أبقى غلطانه
متولى : غلطانه ومش غلطانه يا تفيده..غلطانه أنك تركتى الست دى علشان حتسرق تانى وتالت ورابع ..ومش غلطانه علشان الشهر الكريم
تفيده : كل سنه وأنت طيب يامتولى أهى فى الأخر غلبانه
متولى : وأنتى طيبه يا أم الغلابه والحراميه
ليست هناك تعليقات:
إرسال تعليق