الحلقة رقم (21)
شدى الحزام يا تفيده
تفيده : شد حيلك يامتولى عايزين نلحق ميعاد الزيارة وأرجع أعملكم حاجه على الفطار..أنت علتنى بسواقتك ..ماشى على قشر بيض ياراجل..أف صيام وحر وكمان لكاعة
متولى ينظر إليها حانقا : جرى أيه ياتفيده يعنى أطير فوق العربيات ما أنت شايفه الزحمه ..وبعدين أربطى ياختى الحزام وحياة أبوكى أحنا داخلين على ميدان العباسيه ومش ناقصين ناخد لنا مخالفه من تحت راسك
تفيده : خلاص حاربطه ..حاجه تقرف حكومه حلت مشاكلنا كلها ومفيش قدامها
غير حزام الأمان ..نصيبه تقطعه وتقطع اللى فكر فيه أنا مش عارفه أقفله يا متولى..طيب بالذمه واحده فى وزنى يعملها أيه البتاع ده فيها ..بيخنقنى ياسيدىزى ماأنت خانقنى
متولى يقف بعد أن شاور له عسكرى المرور
تفيده : وقفت ليه يامتولى
متولى : لجنه ياتفيده وهم أخذوا الرخص عاجبك كده
تفيده : أخدوا الرخص ليه يامتولى
متولى : مش عارفه ياتفيده ..الضابط شافك وأنت مش رابطه الحزام
تفيده : هو أنا لحقت يا ولاد ..دى عالم بتلكك يا متولى ..أنا نازله أشوف الضابط ده أللى معطلنا ومعطل الدنيا علشان الكلام الفارغ ده
متولى ينادى على تفيده التى أندفعت خارج العربيه وفى عينها الشر فى أتجاه ضابط المرور: أرجعى يا تفيده ..تفيده ..ده عقيد ياتفيده
تفيده وقد أرتفعت درجة حرارة الحماس : عقيد عقيد أنشا الله يكون صول حتى
أم أشوف أيه حكايتهم العالم أللى واقفه بتأذى الناس دى..وده وقته
*********
تفيده : أيه يابنى أخدتم الرخص ليه فهمونى
العقيد : علشان مش رابطه الحزام ياحاجه
تفيده : وفيها أيه يابنى رابطه الحزام أو مش رابطاه الدنيا ما خربتش
العقيد : الحزام ده معمول علشان يحافظ عليكى لو قدر الله وحصلت لك حادثه
تفيده : يعنى الحكومه خايفه علينا أكتر من نفسنا !!
العقيد :هو ده القانون.. عايزه الرخص أدفعى 50 جنيه غرامه لو معكيش دلوقتى تيجى بكره تأخذيهم من الكشك ب75 جنيه بعد 3أيام تدفعى 100 جنيه مادفعتيش حتدفعى عند التجديد 500 جنيه معاكى 50 وتاخدى الرخص
تفيده : دى يابنى مش غرامات دى فرده وبلطجه المقصود بيها الرزاله على الخلق علشان الناس ما تمشيش فى الشارع
ياحبيبى أنت زى أبنى ينفع بوزنى ده أربط حزام على صدرى وبطنى ..يابنى الحزام بتاع عمك متولى ما بيقفلش عليا..أجيب حبل ولا سلبه علشان أربط نفسى فى الكرسى علشان الحكومه ترتاح
يابنى ده ظلم وأللى عمل القانون ده ظالم وأللى وافق عليه ظالم وأنت زى أبنى بقول لك ماتشترك فى تنفيذ هذا الظلم ..مين يابنى معاه 50 جنيه ماشى بيهم
الناس تعبانه أللى عمل القانون ده بيضر الشرطه ويعرضكم للخطر علشان يصطدم الشعب معاكم وهم يقعدوا يتفرجوا
العقيد : دى أوامر ومهمتنا تطبيق القانون
تفيده : قانون ..قانون ..ماقلت لك يابنى ده قانون معيوب زى أللى طلعه..وبعدين حضرتك قصدى سيادتك ماكينه بتطبق القانون وخلاص..من غير أى مراعاة للظروف والخنقه والزحمه والمطبات والنرفزة بتاعة الحر والصيام والله يابنى يبقى حرام وأحنا فى رمضان
العقيد : كل سنه وأنت طيبه ..يا شاويش أعطى الحاجه الرخص ...وأقفل كل الأشارات وياله بينا علشان نلحق نفطر فى بيوتنا
***********
تعود تفيده منتصره وهى ترفع رخص عم متولى لأعلى وتشير بأصبعيها على شكل حرف Vعلامة النصر
تنفرج أسارير عم متولى بعد أن شاهد تفيده تخطو أمامه فى ثقه
متولى : برافو ياتفيده ..الشهر الجاى تيجى معايا التجديد فى المرور
تفيده : يا متولى طول ما أنت على حق ما يهمكش حد ..ولف ورجعنى على البيت علشان ألحق أجهزلكم الفطار
متولى : وقريبتك العيانه ..برائه
تفيده : أمرى للله أكلمها فى التليفون أطمئن عليها
متولى :ماكان من الأول ياتفيده من غير ما نتبهدل البهدله دى
تفيده : أسكت يا متولى وألا حفك الحزام وحنادى بتوع المرور يأخذوا رخصك
متولى يتوقف مره واحده على جانب الطريق لوجود أمين شرطه يشاور بالوقوف
تفيده : أيه أللى وقفك يامتولى
متولى : لجنه جديدة يا تفيده وأخدو الرخص( مأنت نقيتى فيها) علشان فانوس الأشارات مشروخ
تفيده : ده جنان ..عايزين يجننوا الناس ..مره الحزام ومره فانوس رمضان
متولى : أنتى بتخرفى.. بقولك فانوس الأشارات ..قال فانوس رمضان قال
حالو يا حلو
شدى الحزام يا تفيده
تفيده : شد حيلك يامتولى عايزين نلحق ميعاد الزيارة وأرجع أعملكم حاجه على الفطار..أنت علتنى بسواقتك ..ماشى على قشر بيض ياراجل..أف صيام وحر وكمان لكاعة
متولى ينظر إليها حانقا : جرى أيه ياتفيده يعنى أطير فوق العربيات ما أنت شايفه الزحمه ..وبعدين أربطى ياختى الحزام وحياة أبوكى أحنا داخلين على ميدان العباسيه ومش ناقصين ناخد لنا مخالفه من تحت راسك
تفيده : خلاص حاربطه ..حاجه تقرف حكومه حلت مشاكلنا كلها ومفيش قدامها
غير حزام الأمان ..نصيبه تقطعه وتقطع اللى فكر فيه أنا مش عارفه أقفله يا متولى..طيب بالذمه واحده فى وزنى يعملها أيه البتاع ده فيها ..بيخنقنى ياسيدىزى ماأنت خانقنى
متولى يقف بعد أن شاور له عسكرى المرور
تفيده : وقفت ليه يامتولى
متولى : لجنه ياتفيده وهم أخذوا الرخص عاجبك كده
تفيده : أخدوا الرخص ليه يامتولى
متولى : مش عارفه ياتفيده ..الضابط شافك وأنت مش رابطه الحزام
تفيده : هو أنا لحقت يا ولاد ..دى عالم بتلكك يا متولى ..أنا نازله أشوف الضابط ده أللى معطلنا ومعطل الدنيا علشان الكلام الفارغ ده
متولى ينادى على تفيده التى أندفعت خارج العربيه وفى عينها الشر فى أتجاه ضابط المرور: أرجعى يا تفيده ..تفيده ..ده عقيد ياتفيده
تفيده وقد أرتفعت درجة حرارة الحماس : عقيد عقيد أنشا الله يكون صول حتى
أم أشوف أيه حكايتهم العالم أللى واقفه بتأذى الناس دى..وده وقته
*********
تفيده : أيه يابنى أخدتم الرخص ليه فهمونى
العقيد : علشان مش رابطه الحزام ياحاجه
تفيده : وفيها أيه يابنى رابطه الحزام أو مش رابطاه الدنيا ما خربتش
العقيد : الحزام ده معمول علشان يحافظ عليكى لو قدر الله وحصلت لك حادثه
تفيده : يعنى الحكومه خايفه علينا أكتر من نفسنا !!
العقيد :هو ده القانون.. عايزه الرخص أدفعى 50 جنيه غرامه لو معكيش دلوقتى تيجى بكره تأخذيهم من الكشك ب75 جنيه بعد 3أيام تدفعى 100 جنيه مادفعتيش حتدفعى عند التجديد 500 جنيه معاكى 50 وتاخدى الرخص
تفيده : دى يابنى مش غرامات دى فرده وبلطجه المقصود بيها الرزاله على الخلق علشان الناس ما تمشيش فى الشارع
ياحبيبى أنت زى أبنى ينفع بوزنى ده أربط حزام على صدرى وبطنى ..يابنى الحزام بتاع عمك متولى ما بيقفلش عليا..أجيب حبل ولا سلبه علشان أربط نفسى فى الكرسى علشان الحكومه ترتاح
يابنى ده ظلم وأللى عمل القانون ده ظالم وأللى وافق عليه ظالم وأنت زى أبنى بقول لك ماتشترك فى تنفيذ هذا الظلم ..مين يابنى معاه 50 جنيه ماشى بيهم
الناس تعبانه أللى عمل القانون ده بيضر الشرطه ويعرضكم للخطر علشان يصطدم الشعب معاكم وهم يقعدوا يتفرجوا
العقيد : دى أوامر ومهمتنا تطبيق القانون
تفيده : قانون ..قانون ..ماقلت لك يابنى ده قانون معيوب زى أللى طلعه..وبعدين حضرتك قصدى سيادتك ماكينه بتطبق القانون وخلاص..من غير أى مراعاة للظروف والخنقه والزحمه والمطبات والنرفزة بتاعة الحر والصيام والله يابنى يبقى حرام وأحنا فى رمضان
العقيد : كل سنه وأنت طيبه ..يا شاويش أعطى الحاجه الرخص ...وأقفل كل الأشارات وياله بينا علشان نلحق نفطر فى بيوتنا
***********
تعود تفيده منتصره وهى ترفع رخص عم متولى لأعلى وتشير بأصبعيها على شكل حرف Vعلامة النصر
تنفرج أسارير عم متولى بعد أن شاهد تفيده تخطو أمامه فى ثقه
متولى : برافو ياتفيده ..الشهر الجاى تيجى معايا التجديد فى المرور
تفيده : يا متولى طول ما أنت على حق ما يهمكش حد ..ولف ورجعنى على البيت علشان ألحق أجهزلكم الفطار
متولى : وقريبتك العيانه ..برائه
تفيده : أمرى للله أكلمها فى التليفون أطمئن عليها
متولى :ماكان من الأول ياتفيده من غير ما نتبهدل البهدله دى
تفيده : أسكت يا متولى وألا حفك الحزام وحنادى بتوع المرور يأخذوا رخصك
متولى يتوقف مره واحده على جانب الطريق لوجود أمين شرطه يشاور بالوقوف
تفيده : أيه أللى وقفك يامتولى
متولى : لجنه جديدة يا تفيده وأخدو الرخص( مأنت نقيتى فيها) علشان فانوس الأشارات مشروخ
تفيده : ده جنان ..عايزين يجننوا الناس ..مره الحزام ومره فانوس رمضان
متولى : أنتى بتخرفى.. بقولك فانوس الأشارات ..قال فانوس رمضان قال
حالو يا حلو
ليست هناك تعليقات:
إرسال تعليق