الحلقة رقم (26)
تفيده ومتولى فى الدويقه
تفيده : أحنا لسه ما ماطلعناش الزكاة يامتولى
متولى : أنا أللى ربنا بيقدرنى عليه بطلعه طوال الشهر.. وناوى أضع الباقى فى صندوق الزكاة فى الجامع
تفيده : هات أللى باقى من الزكاة على أللى معايا ونشترى بيهم أكل لأهل الدويقه ونروح نوزعهم بنفسينا
متولى: والله كل يوم بأكتشف فيكى حاجه كويسه يا تفيده بارك الله فيكى ويكون فى ميزان حسناتك..
تفيده : أنا فكرت وخططت للفكره دى كويس قوى
متولى : حتعملى أيه
نفيده : شوف يا سيدى فيه شنط بتتباع فى المحلات فيها أرز ومكرونه وسكر وشاى وزيت وعصائر ولفة قمر الدين وصلصه وعلب محفوظه ..الشنطه تكفى عيله من خمس أفراد وفيه شنط على سبعه وشنط على عشره
متولى : رسيتى على أيه
تفيده : نشترى شنطة الخمسه علشان نقدر نوزع لأكبر عدد من الناس
******
يشترى متولى شنط الخير ويشحنها فى عربيته فى الشنطه والصالون
تفيده : رجلى على رجلك يا متولى أنا جايه معاك ..ولبست أهه لبس مخصوص علشان أعرف أوزع ..عبايتى السوده والسابوه والطرحه أم ترتر
متولى : ماتخليكى هنا يا تفيده وأنا حتصرف
تفيده : عايز تأخد الثواب لوحدك ..أنا معاك رجلى على رجلك
*******
يصل متولى بعربيته المحمله بالشنط إلى مدخل الدويقه فيجدها قد تحولت إلى سكنه عسكريه يحيط بها الأمن المركزى من كل جانب.. ويقوم ضابط بأيقافه
الضابط : على فين يا سيد ؟؟
متولى : أنا جايب شنط فيها أكل للناس الغلابه أللى وقعت مساكنهم
الضابط : معاك تصريح
تفيده : حتى عمل الخير يلزمه تصريح ؟؟؟ فين الضابط الكبير بتاعكم وأنا أكلمه
الضابط : يا أمى مفيش داعى للمشاكل ..وعلى كل حال أهو عندك قاعد فى البوكس أللى هناك
*******
تتجه تفيده للبوكس وتتحدث مع الضابط الكبير
الضابط : ممنوع ياست أحنا مش ناقصين مشاكل كفايه القرف أللى أحنا شايفينه من الأهالى شتيمه وقذف طوب وخناقات ما صدقنا أن أحنا سيطرنا عليهم تيجى أنتى تهيجى الدنيا تانى
تفيده : والعمل أرجع بيهم أنا نادرهم للغلابه دول مش حرام سيادتك تمنع الخير أللى جايلهم ..وأنا ما أقدرش أرجع بيهم تانى
الضابط : سيبيهم هنا وأحنا نوزعهم بمعرفتنا وثوابك عند ربنا
تفيده : أيش ضمنى أنكم وزعتوهم على الناس
الضابط بعد أن أتخنق من منا قشات تفيده : أنا عندى حل أبعت معاكى كام عسكرى علشان يسيطروا على عملية التوزيع ومنعا للمشاكل
تفيده : ربنا يخليك ويعلى مراتبك
********
تدخل عربية متولى لمعسكر الأيواء يحوطها عدد من الجنود للسيطره على الموقف ...وتبدأ فى توزيع الشنط وهى سعيده وهى تتلقى الدعوات ولم تمضى خمسة دقائق وتفاجأ بهجوم كاسح من الأهالى يطرحها هى والجنود ومتولى
أرضا وتخاطفوا الشنط بينهم وقد غطتهم جميعا سحابه كبيره من التراب
وينادى متولى على تفيده ...تفييييده ...متولللللللللى ...أنتى فين ياتفيده
أنا تحت رجليهم يا متولى ....أنت فين يامتولييييييييييي...مش عارف يا تفيده
قربى على العربيه ..مش عارفه يامتولى ..يامنجى من المهالك يارب
وتنقشع سحابة التراب لتكشف عن جسدين ممدين على الأرض فاقدين النطق ويتنفسوا بصعوبه وهما غائبين عن الوعى بعد أن دهستهم الأقدام
ألو آلوه ..هل تسمعنى ..أرسل أشارتك ..الراجل والست بتوع الندر فى حاله سيئه يا فندم ..مطلوب أسعاف على وجه السرعة..حول
أتصرف يا( طلعت) وحاول تداريهم لحد ما يعدى المحافظ ومدير الأمن.. حول
طلعت : سيادتك مدير الأمن والمحافظ داخلين عليا دلوقتى ولسه الأسعاف ماجتش أعمل أيه..حول
أوعى تجيب سيرة أنهم كانوا بيوزعوا أكل ..مش ناقصين مشاكل مع مدير الأمن..حول
طلعت :طب أعمل أيه يا فندم أقول لهم أيه..حول ..قول أى حاجه ياطلعت أتصرف حول
طلعت : أتصرف أزاى يعنى ...ألو ألوه ..سيادة اللواء هل تسمعنى..حول
قفلت الجهاز هى عادتك ولا حتشتريها ..ماشى ياباشا ..اليوم باين من أوله
طلعت : أهلا وسهلا سعادة الباشا ..أهلا معالى الوزير
المحافظ : أيه دول ياسيادة العقيد ..أنتم طلعتم جثث تانى من تحت الصخرة
طلعت : أيوه معاليك ..لسه مطلعنهم طازه دلوقتى حالا
المحافظ : منظرهم غريب... باين عليه راجل والست بتاعته... طلعت: مظبوط هما راجل والست بتاعته
( فى هذه الحظه يتألم متولى ..آه أه )
المحافظ : غريبه دول صاحيين ياشهدى..ماشاء الله
طلعت : الله أكبر الله أكبر وش سعادتك حلو ..الأسعاف بسرعة يا ولاد ..هاتوا دكتور هنا.. الله أكبر ..صاحيين ياباشا ..معجزه ..لا إله إلا الله
المحافظ : أنقلوهم براحه على مستشفى الحسين الجامعى وأنا ححصلكم بعد المؤتمر الصحفى أللى حيتعمل دلوقتى ..أبعت هات بتوع التليفزيون من بره ياشهدى ..هات الموبيل الأحمر ..مبروك معالى الباشا قدرنا النهارده بعد مجهود جبار من أنقاذ راجل ومراته ..أيوه عايشين يا فندم بالرغم من مرور عشر أيام على الحادثه ...حاضر يا فندم أنا مش حبدأ المؤتمر الصحفى ألا لما تشرف حضرتك ...أيوه يا فندم أنا بلغت معالى وزير الصحة ومعالى وزير الأعلام
حاضر ..حاضر أحنا فى أنتظار معاليك بعد المؤتمر حنروح المستشفى
يركب طلعت عربة الأسعاف مع تفيده ومتولى وهم متجهين للمستشفى
طلعت : فووق ياعم متولى ..فووقى ياست تفيده وأسمعوا الكلام ده ..أنتم دلوقتى الحكومه أعتبرتكم من الضحايا الذين تم أنقاذهم وحسك عينك أنت وهى تجيبوا سيرة عن موضوع الندر وأللى حصل لحد ماتعدى الأمور بسلام وكل حى يروح لحاله ..مفهوم ..أحنا دلوقتى حنخش المستشفى ..معالى رئيس الوزراء والوزراء المختصين وأعضاء من مجلس الشعب والشورى وجميع وسائل الأعلام مفيش نص ساعة حيكونوا فوق راسكم ..مش عايز تهبيل قبل ماتردوا على أى سؤال بصوا لى وأللى ما تعرفوش تردوا عليه أعملوا نفسيكم تعبانين ومش فاهمين..فى عرضكم أوعوا تانى تجيبوا سيرة الندر مستقبلى ومستقبل عيالى بين أيديكم ..خلاص ياعم متولى ..خلاص ياست تفيده
تفيده : ده يابنى كدب ..وحرام وأحنا ناس كبار كده نكدب ويشوفونا ولادنا وقرايبنا فى التليفزيون وأحنا بنكدب
طلعت يصرخ : أنا عارف أن اليوم ده مش حيعدى على خير ..علشان خاطرى أكدبى المرة دى ..مستقبلى ومستقبل الشرطه كلها بين أيديكى
متولى : سيبهالى ياسيادة العقيد أنا حفهمها ما تشلش هم
يستقبل مدير مستشف الحسين كل من تفيده ومتولى وتجرى لهم الأسعافات اللازمه والتحاليل واصبحت المستفى على أهبة الأستعداد لأستقبال رئيس الوزراء والوزراء وكان أول الواصلين هو وزير الصحة الذى أجتمع فورا بمدير المستشف والأطباء وطاقم التمريض وقام بزيارة غرفة العنايه المركزة الموجود فيها كل من تفيده ومتولى
الوزير : حمدالله على السلامه يا عم متولى حمدالله على السلامه ياست تفيده
فيه أى حاجه نقصاكم ..أيه ده.. أيه أللى ملبسهولهم ده..يغيروا الهدوم أللى لابسنها دى بسرعه عايز يكون هنا حالا بيجامه وجلابيه جديده ومكويه ..أنتم مش درايانين كمان نص ساعة الدنيا كلهاتكون هنا وقليل لما ييجى الريس بنفسه ..يا دكتور كمال لوسمحت أشرف بفسك على النظافة ومظهر العاملين
العيانين أللى مش قد كده خرجوهم من المستشفى المنطقه بتاعة الأنعاش تتقفل من دلوقتى مش عايز الصحفيين ينتشروا جوه المستشفى ..بسرعه ياجماعه
أنا مش عارف لما هما حالتهم كويسه مين أللى بعتهم على مستشفى الحسين
ربنا يستر....
المؤتمر الصحفى لرئيس الوزراء
ووزير الصحة
تسلط الأضواء وكاميرات التليفزيون على السيد رئيس الوزراء الذى لم يظهر فى التليفزيون من مده طويله
بسم الله الرحمن الرحيم
بفضل جهود القوات المسلحةوالدفاع المدنى وحدات وزارة الداخليه وشركات المقاولات أستطاعوا اليوم أنقاذ مواطن وزوجته ومن تحت الأنقاض والصخور الضخمه وأستطاعوا الأبقاء على حياتهما طوال هذه الفترة ولمدة عشرة أيام وخرجوا إلى النور والحياة بفضل الله ومجهود هؤلاء الرجال أنها معجزة بجميع المقاييس
تفيده ومتولى فى الدويقه
تفيده : أحنا لسه ما ماطلعناش الزكاة يامتولى
متولى : أنا أللى ربنا بيقدرنى عليه بطلعه طوال الشهر.. وناوى أضع الباقى فى صندوق الزكاة فى الجامع
تفيده : هات أللى باقى من الزكاة على أللى معايا ونشترى بيهم أكل لأهل الدويقه ونروح نوزعهم بنفسينا
متولى: والله كل يوم بأكتشف فيكى حاجه كويسه يا تفيده بارك الله فيكى ويكون فى ميزان حسناتك..
تفيده : أنا فكرت وخططت للفكره دى كويس قوى
متولى : حتعملى أيه
نفيده : شوف يا سيدى فيه شنط بتتباع فى المحلات فيها أرز ومكرونه وسكر وشاى وزيت وعصائر ولفة قمر الدين وصلصه وعلب محفوظه ..الشنطه تكفى عيله من خمس أفراد وفيه شنط على سبعه وشنط على عشره
متولى : رسيتى على أيه
تفيده : نشترى شنطة الخمسه علشان نقدر نوزع لأكبر عدد من الناس
******
يشترى متولى شنط الخير ويشحنها فى عربيته فى الشنطه والصالون
تفيده : رجلى على رجلك يا متولى أنا جايه معاك ..ولبست أهه لبس مخصوص علشان أعرف أوزع ..عبايتى السوده والسابوه والطرحه أم ترتر
متولى : ماتخليكى هنا يا تفيده وأنا حتصرف
تفيده : عايز تأخد الثواب لوحدك ..أنا معاك رجلى على رجلك
*******
يصل متولى بعربيته المحمله بالشنط إلى مدخل الدويقه فيجدها قد تحولت إلى سكنه عسكريه يحيط بها الأمن المركزى من كل جانب.. ويقوم ضابط بأيقافه
الضابط : على فين يا سيد ؟؟
متولى : أنا جايب شنط فيها أكل للناس الغلابه أللى وقعت مساكنهم
الضابط : معاك تصريح
تفيده : حتى عمل الخير يلزمه تصريح ؟؟؟ فين الضابط الكبير بتاعكم وأنا أكلمه
الضابط : يا أمى مفيش داعى للمشاكل ..وعلى كل حال أهو عندك قاعد فى البوكس أللى هناك
*******
تتجه تفيده للبوكس وتتحدث مع الضابط الكبير
الضابط : ممنوع ياست أحنا مش ناقصين مشاكل كفايه القرف أللى أحنا شايفينه من الأهالى شتيمه وقذف طوب وخناقات ما صدقنا أن أحنا سيطرنا عليهم تيجى أنتى تهيجى الدنيا تانى
تفيده : والعمل أرجع بيهم أنا نادرهم للغلابه دول مش حرام سيادتك تمنع الخير أللى جايلهم ..وأنا ما أقدرش أرجع بيهم تانى
الضابط : سيبيهم هنا وأحنا نوزعهم بمعرفتنا وثوابك عند ربنا
تفيده : أيش ضمنى أنكم وزعتوهم على الناس
الضابط بعد أن أتخنق من منا قشات تفيده : أنا عندى حل أبعت معاكى كام عسكرى علشان يسيطروا على عملية التوزيع ومنعا للمشاكل
تفيده : ربنا يخليك ويعلى مراتبك
********
تدخل عربية متولى لمعسكر الأيواء يحوطها عدد من الجنود للسيطره على الموقف ...وتبدأ فى توزيع الشنط وهى سعيده وهى تتلقى الدعوات ولم تمضى خمسة دقائق وتفاجأ بهجوم كاسح من الأهالى يطرحها هى والجنود ومتولى
أرضا وتخاطفوا الشنط بينهم وقد غطتهم جميعا سحابه كبيره من التراب
وينادى متولى على تفيده ...تفييييده ...متولللللللللى ...أنتى فين ياتفيده
أنا تحت رجليهم يا متولى ....أنت فين يامتولييييييييييي...مش عارف يا تفيده
قربى على العربيه ..مش عارفه يامتولى ..يامنجى من المهالك يارب
وتنقشع سحابة التراب لتكشف عن جسدين ممدين على الأرض فاقدين النطق ويتنفسوا بصعوبه وهما غائبين عن الوعى بعد أن دهستهم الأقدام
ألو آلوه ..هل تسمعنى ..أرسل أشارتك ..الراجل والست بتوع الندر فى حاله سيئه يا فندم ..مطلوب أسعاف على وجه السرعة..حول
أتصرف يا( طلعت) وحاول تداريهم لحد ما يعدى المحافظ ومدير الأمن.. حول
طلعت : سيادتك مدير الأمن والمحافظ داخلين عليا دلوقتى ولسه الأسعاف ماجتش أعمل أيه..حول
أوعى تجيب سيرة أنهم كانوا بيوزعوا أكل ..مش ناقصين مشاكل مع مدير الأمن..حول
طلعت :طب أعمل أيه يا فندم أقول لهم أيه..حول ..قول أى حاجه ياطلعت أتصرف حول
طلعت : أتصرف أزاى يعنى ...ألو ألوه ..سيادة اللواء هل تسمعنى..حول
قفلت الجهاز هى عادتك ولا حتشتريها ..ماشى ياباشا ..اليوم باين من أوله
طلعت : أهلا وسهلا سعادة الباشا ..أهلا معالى الوزير
المحافظ : أيه دول ياسيادة العقيد ..أنتم طلعتم جثث تانى من تحت الصخرة
طلعت : أيوه معاليك ..لسه مطلعنهم طازه دلوقتى حالا
المحافظ : منظرهم غريب... باين عليه راجل والست بتاعته... طلعت: مظبوط هما راجل والست بتاعته
( فى هذه الحظه يتألم متولى ..آه أه )
المحافظ : غريبه دول صاحيين ياشهدى..ماشاء الله
طلعت : الله أكبر الله أكبر وش سعادتك حلو ..الأسعاف بسرعة يا ولاد ..هاتوا دكتور هنا.. الله أكبر ..صاحيين ياباشا ..معجزه ..لا إله إلا الله
المحافظ : أنقلوهم براحه على مستشفى الحسين الجامعى وأنا ححصلكم بعد المؤتمر الصحفى أللى حيتعمل دلوقتى ..أبعت هات بتوع التليفزيون من بره ياشهدى ..هات الموبيل الأحمر ..مبروك معالى الباشا قدرنا النهارده بعد مجهود جبار من أنقاذ راجل ومراته ..أيوه عايشين يا فندم بالرغم من مرور عشر أيام على الحادثه ...حاضر يا فندم أنا مش حبدأ المؤتمر الصحفى ألا لما تشرف حضرتك ...أيوه يا فندم أنا بلغت معالى وزير الصحة ومعالى وزير الأعلام
حاضر ..حاضر أحنا فى أنتظار معاليك بعد المؤتمر حنروح المستشفى
يركب طلعت عربة الأسعاف مع تفيده ومتولى وهم متجهين للمستشفى
طلعت : فووق ياعم متولى ..فووقى ياست تفيده وأسمعوا الكلام ده ..أنتم دلوقتى الحكومه أعتبرتكم من الضحايا الذين تم أنقاذهم وحسك عينك أنت وهى تجيبوا سيرة عن موضوع الندر وأللى حصل لحد ماتعدى الأمور بسلام وكل حى يروح لحاله ..مفهوم ..أحنا دلوقتى حنخش المستشفى ..معالى رئيس الوزراء والوزراء المختصين وأعضاء من مجلس الشعب والشورى وجميع وسائل الأعلام مفيش نص ساعة حيكونوا فوق راسكم ..مش عايز تهبيل قبل ماتردوا على أى سؤال بصوا لى وأللى ما تعرفوش تردوا عليه أعملوا نفسيكم تعبانين ومش فاهمين..فى عرضكم أوعوا تانى تجيبوا سيرة الندر مستقبلى ومستقبل عيالى بين أيديكم ..خلاص ياعم متولى ..خلاص ياست تفيده
تفيده : ده يابنى كدب ..وحرام وأحنا ناس كبار كده نكدب ويشوفونا ولادنا وقرايبنا فى التليفزيون وأحنا بنكدب
طلعت يصرخ : أنا عارف أن اليوم ده مش حيعدى على خير ..علشان خاطرى أكدبى المرة دى ..مستقبلى ومستقبل الشرطه كلها بين أيديكى
متولى : سيبهالى ياسيادة العقيد أنا حفهمها ما تشلش هم
يستقبل مدير مستشف الحسين كل من تفيده ومتولى وتجرى لهم الأسعافات اللازمه والتحاليل واصبحت المستفى على أهبة الأستعداد لأستقبال رئيس الوزراء والوزراء وكان أول الواصلين هو وزير الصحة الذى أجتمع فورا بمدير المستشف والأطباء وطاقم التمريض وقام بزيارة غرفة العنايه المركزة الموجود فيها كل من تفيده ومتولى
الوزير : حمدالله على السلامه يا عم متولى حمدالله على السلامه ياست تفيده
فيه أى حاجه نقصاكم ..أيه ده.. أيه أللى ملبسهولهم ده..يغيروا الهدوم أللى لابسنها دى بسرعه عايز يكون هنا حالا بيجامه وجلابيه جديده ومكويه ..أنتم مش درايانين كمان نص ساعة الدنيا كلهاتكون هنا وقليل لما ييجى الريس بنفسه ..يا دكتور كمال لوسمحت أشرف بفسك على النظافة ومظهر العاملين
العيانين أللى مش قد كده خرجوهم من المستشفى المنطقه بتاعة الأنعاش تتقفل من دلوقتى مش عايز الصحفيين ينتشروا جوه المستشفى ..بسرعه ياجماعه
أنا مش عارف لما هما حالتهم كويسه مين أللى بعتهم على مستشفى الحسين
ربنا يستر....
المؤتمر الصحفى لرئيس الوزراء
ووزير الصحة
تسلط الأضواء وكاميرات التليفزيون على السيد رئيس الوزراء الذى لم يظهر فى التليفزيون من مده طويله
بسم الله الرحمن الرحيم
بفضل جهود القوات المسلحةوالدفاع المدنى وحدات وزارة الداخليه وشركات المقاولات أستطاعوا اليوم أنقاذ مواطن وزوجته ومن تحت الأنقاض والصخور الضخمه وأستطاعوا الأبقاء على حياتهما طوال هذه الفترة ولمدة عشرة أيام وخرجوا إلى النور والحياة بفضل الله ومجهود هؤلاء الرجال أنها معجزة بجميع المقاييس
ليست هناك تعليقات:
إرسال تعليق