12- رحله مع بانجو وهبو الريح

لى صديق مريض يسكن فى منطقة الرشاح وأردت أن أزوره فسألته عن كيفية الوصول إليه فنصحنى أن اترك سيارتى وأركب ميكروباص من موقف عين شمس سألت عن الميكروباص المتجه للرشاح فدلونى على ميكروباص شكله غريب كل شيئ فيه مدمر بدون نمر بدون كراسى سليمه وبدون كاوتش فكل فرده بمقاس مختلف غير جسم الميكروباص المعرج  ويحمل اللوان عشرات السيارات التى يحتك بها  أما السائق لا يختلف كثيرا عن سيارته المدغدغه فشعره أكرت ضارب من كل حته وعلى وجهه عشرات الندبات والكدمات وكأن وجهه يستخدمه كصداده  لضربات المطاوى والبونيات  فى كل الخناقات التى خاضها مع السائقين والركاب.. وبدأ الكابتن يلقى بتعليماته ويرحب بالزبائن

-       احنا بالصلاة ع النبى رايحيين الرشاح والدكه اللى وراء بتاخد سته والست التخينه لا مؤاخذه تيجى هنا جنبى والأجرة مره ونص والكل عايزه يمسك نفسه ودفع الأجره مقدم واللى حيقع مش حرجع أجيبه انا نبهت أهه وقد اغرز من أجزر مش عارف بيقولوا أيه

شاب لبط من الركاب يسأل: الكاسيت شغال يا أسطى .. شغاال ..خد يا أسطى السديهاية دى حتعجبك قوى وخد منى السيجاره دى تحية من شباب عين شمس الخلاصة وأدعيلى

-       شكرا ياشقيق أسم الكريم أيه .. محسوبك كريم بانجو والناس عارفانى بأسم بانجو أسأل عليا فى الموقف زمايلك السواقين يدلوك ..وأنا أخوك حسن هبو الريح

يشعل هبو الريح السيجارة ويسحب أول نفسين فتظهر على وجهه المشلفط أبتسامة يكشف معها أسنانه المفقوده .. أشطه بقولك ايه يابنجو تعالى أقعد جنبى علشان تباصيلى وأباصيلك.. أنزاحى ياست كده خلى الرجل المجدع ده ييجى جنبنا ..حييجى فين يا أسطى حتقعده على حجرى ولا حتقعده على حجرى .. على الطلاق حييجى هنا يعنى حييجى يقعد على حجرك يقعد على كتفك أنا ماليش دعوه لو مش عاجبك أنزلى خديلك توكتوك وانا عارف مفيش توكتوك حياخدك .. ترضى بالأمر الواقع تعالى ياسى يانجو اقعد هنا جنب الشباك ومعلش حبقى فى النص وماله يامودام ..هبو الريح : ياض يابريزه لميت الأجرة من العيال أللى على السقف واللى متشعلقين ورا لميتها ..سكتك خضراء ياأسطى

يتبادل بنجو وهبو الريح سجائر البنجو والعملية تشعشع  و أغنية الحشيش شغاله تقول أنا شارب سيجارة بوني حاسس دماغي بتاكلني.. قاعد في الحارة باسقط والغسيل عمال بينقط والشارع اللي ورايا قدامى.. والكلام على طرف لساني.. باجي اتكلم باتلخبط.. يا عم ولع.. يا سيدي ولع "وينضم أتنين من الركاب فى الخلف لبنجو وهبو فى تدخين البانجو وتفاعل الجميع مع الأغنية ولم يشعروا بالمطبات التى يدخلها هبو على آخر سرعة وتظل رؤوس الجميع تناطح السقف والكل يغنى مع هبو ياسيدى ولع ياروحى ولع  وتبدأ السيده التخينه تتسطل وتطبل على التابلوه الأمامى وهى تزغرط..

عاجبك كده يابنجو العربية كلها اتسطلت .. أشطه يامدام ..آنسه ياهبو.. أنت نازله فين

انا نازله انا نازله أنا نازله مش فاكره  خلى بالك أحنا نازلين جوه الرشاح حاسب يااسطى حاسب يا أسطى أحنا حنقع فى الرشاح .. الميه دخلت الميكروباص .. احنا بنغرق يا جودعان وصوت الأغنية يغطى على صوت أستغاثة الركاب يا لموني وأنا أحب البيرة 

… يا لموني وشرب البيرة يا لموني دا حبيبي الحيلة يا لموني والعدا ظلموني اتسطلت من أول كوبايه خلتنى قلعت هدومى دش دش بللام بللام ونستكمل باكر باقى المذكرات.. هذا لو كتبت لناالسلامه و طلعنا من قاع الرشاح