كراماتك يا أبو القرون

عفريته وهى تتأبط ذراع عفرتو وهما يسيران فى ظلام احدى الحدائق العامة بالقاهرة أتأخرت ياعفريت عن ميعادك 15 دقيقة ولطعنى هنا خليت عفاريت المنطقة رايحيين جايين يتنططوا عليا

-معلش يا حبيبتى كان فى أيديا شغلانة طلاق على أنتحار خلصتها وجيت على طول

-  ربنا يقدرك على  فعل المتلوف ..فاكر يا عفرتو أيام زمان كنا بنتمشى هنا براحتنا من ساعة ما الحكومة فتحت الجناين بالليل وخليتها بفلوس وخفضت أضائتها والبنى آدمين لم يتركوا شجره أو نقره الا ماتلاقى واحد وواحده قاعدين فيها لحد الفجر لدرجة ان احنا بنتكعبل فيهم ياعفريت يا خويا

-هيه كانت أيام.. ده حتى الصحراء يابنتى لبدوا فيها والخرابات والمغارات وغيطان الذره .. شوفتى يا عفريته الحته بتاعتنا استولوا عليها قاعد فيها ولدين وبنتين ..عيال مسخرة ده احنا يا عفاريت وأسمنا عفاريت ماكناش بنعمل كده

-ده امى وانا بنت لو اتأخرت عن الساعة اتناشر بالليل كانت بتحبسنى فى فرن البوتجاز وتشغله لحد الصبح.. ده أحنا ماكناش عفاريت ده أحنا كنا ملايكة ..عيال الزمن ده مش متربيه من ساعة ماعرفوا الأنترنت ومواقع السفاله وقلة الأدب والأنحطاط زاد قوى.. بس عليا النعمه ما أنا سيباهم ..شوف أنا حعمل فيهم أيه اظهر أنت فى شكل عسكرى وأقف فوق راسهم واعمل نفسك بتحاول تمسكهم وسيبهم يجروا لما اشاورلك.. ياله ادينا بنتسلى- وانت حتعملى ايه .. انا حخفى شنط وجزم البنات والولاد علشان يجروا حافيين وتبقى فضيحتهم بجلاجل

-جاهزه ياعفريته اظهر ياعفريت .. يجرى ورائهم العفريت ولكن اثنين منهم لم يتحركا وظل مكانهما وهما يضحكان

العفريت : انت بتضحك على ايه ياجدع انت وهي قوموا فزوا قدامى على القسم

الولد والبنت : مش قايمين اعمل أللى أنت عايزه احنا دفعنا المعلوم لزميلك وآدى الوصل ..يأخذ منه الوصل ويختفى

-شايفه وسامعه اللى حصل ياعفريته.. عفريته : الحركة دى حركة عفاريت تعالى ندور على العسكرى اللى بيقولوا عليه ده (يتحولا لصورة ولد وبنت ويمثلان دور العشاق ويجلسان تحت شجرة فيظهر لهما العسكرى وهو مندهش) -مين عفريته وعفرتوا ايه اللى انتو عاملينه ده ..  - مين أبو القرون انت أيه اللى جابك هنا

وشغال الله ينور وبتأجر الشجر والنقر حتى اماكن العفاريت بتعاتنا

ماكفكش توكيل الشوارع الضلمه والمدن الجديده دخلت على الجناين

-اعمل ايه الشغل هنا سهل وبيجيلك لحد عندك ولا محتاج توسوس لهم ولا تزينلهم هم جايين جاهزين البنى آدمين أصبحوا الأن ألعن مننا بكثير أنا بأدعى ليل ونهار  أن أبقى بنى آدم وأعيش فى مصر ...عن أذنكم أصل النهارده الخميس والشغل على  ودنه .. سلام يا أبو القرون.. لو محتاجين حاجه ساقعة حاجة سخنه نادى وقول : كراماتك يا أبو القرون هههههههههههه