سأله :
انت صحيح عفريت
- اه وربنا عفريت حتى
شوف البطاقة مكتوب فيها ايه فى خانة النوع عفريت ذكر وحيد والديه ومعافى من الخدمه
العسكرية ولم يصبه الدور وخانة العمل خريج كلية آداب قسم الأدب العفاريتى ويعمل
بمجلس الشعب.. متزوج واعول وعندى فضلة خيرك 3 عفاريت توائم صغننين ( شفو – وحفو -وهفو
) والمدام ماسكه المشرحة فى التأمين الصحى
- وأنت بتشتغل أيه فى
مجلس الشعب
- أنا بأشتغل دوبلير
لرئيس المجلس ..بأحضر الجلسات المسائية بدلا منه اصل الشبه بينا قريب قوى.. ابن
عمى بقى ربنا فتحها عليه علشان هادى ونادى بيشتغل دوبلير لرئيس الوزراء
- انت ساكن فين.. ساكن
فى مدينة بدر والمدام ساكنه فى 6 أكتوبر والعيال حضانتهم فى العاصمة الجديده
- ده أنتم متشحططين قوى
- عادى ..أحنا مش
عفاريت الحكاية دى ماتفرقش معانا والأماكن دى فاضية وماحدش ساكن فيها غير العفاريت
اللى زينا
- اعمل أى حركة تثبت لى
انك عفريت
- أنا عفريت يا أخ مش
حاوى أطلع لك الأرنب من ودانك
- ورينى كراماتك لأنى
مش مصدقك
- شايف الرجل والست
أللى ماشيين قدامك دول حخليهم ييجوا يعدموك العافية أسرع شويه علشان نحصلهم ..يضرب
العفريت الرجل بالشلوت ويلزق الست على قفاها
ويستديرا فلم يجدوا غيره خلفهم ويقبضا على رقبته وهو يصرخ مش أنا
واللهى ده العفريت ..مش حنسيبك ألا فى قسم الشرطة
يقف أمام
الضابط فى النقطه : انت برضه.. ده خامس واحد تضربه وتجرى وتقولى العفريت خده
ياعسكرى حطه فى الحجز على ماتوصل عربية المجانين واوعى يهرب منكم تانى
ليست هناك تعليقات:
إرسال تعليق