عفاريت الزقاق

عفاريت الزقاق

زقاق مظلم بعزبة الصيادين توجد بنهايته غرزه للحشاشين أعتادت العفاريت الجلوس فيها بعد منتصف الليل للتسلية وأخافة المساطيل  وأصبح الزقاق معروف للجميع بأنه مسكون ولا يمر به أحد من بعد المغرب الا اصحاب المزاج العالى وتصادف فى أحد الأيام أن دخله رجل غريب عن المنطقة طويل عريض المنكبين يلبس ملابس الصيادين وكانت فرصة لا تعوض لتلعب به عفاريت الزقاق فتمثل له عفريت فى صورة قط  اسود ضخم  قفز على قدمه وهو يموء فركله ركله قويه جعلته يطير فى الهواء ويسقط على الأرض  وهو يعوى عواءاً مخيفا ومضى دون ان يتأثر  فتمثل له عفريت آخر فى شكل شعلة نار زرقاء تمر من أمام وجهه ومن خلفه ومن تحت قدميه فلم يبالى ومضى قدما فى طريقه وبدأت العفاريت تمارس معه مختلف الحيل لعله تخيفه بالأصوات المرعبه أو خطف عمامته أو ضربه على وجهه ومؤخرته وهو شامخ شموخ الجبال بل كان يبادلهم الضربات  حتى وصل لباب الغرزة فوجد شابة رائعة الجمال ترحب به : سسسس انت ايوه انت ..ممكن تولعلى

-ماعييش ولاعة .. تقذف السيجارةبعيدا وهى تقول مش مهم انت رايح فين .. انا بأدور على المعلم (ابو النصايب) ويظهر أنى تُهت.. تأخذ منه ورقة العنوان وتقول له تعالى ورايا انا حوصلك بنفسى .. كتر خيرك تدخل به احد البيوت المهدمه خلف الغرزه وتصعد السلم وهى تمسك يده حتى لا يتعسر بدرك السلم المتهالك فيشعر بسخونه شديدة ودخان الحشيش يهب مع أنفاسها.. وخدانى ورايحه على فين.. وخداك على اوضتى تبيت فيها للصبح ..بس انا مش عايز أبيت انا عايز ااقضى المصلحة وأمشى.. ماتشلش هم ..أنا وأبو النصايب واحد حجيب لك طلبك وعندى شيشه حلوه برفاس  اشرب عليها  حجرين تضبط دماغك ..مش انت عايز ابو النصايب أنا نصيبه بنته الكبيره..يااه دى انت اجمل نصيبه انتى ايدك سخنه قوى يانصيبه ..انا كده جسمى كله مولع..  بس أنا مستعجل واصحابى مستنيين فى المركب .. طرقع الحجرين ونقوم سوا نجيب أصحابك تقضوا سهرتكم عندى.. بعد ان شرب الحجرين شعر بدماغة أصبحت ثقيلة وغير قادر على ان يصلب طوله .. الحشيش ده ماشربتش زيه قبل كده ده صنف نضيف قوى يانصيبه.. ده ماركة (ودع أهلك). اتبسطت وبما أنك بقيت فى الحلاوه لو قولت لك أنى جنيِه مش أنسيه حتخاف .. وحخاف ليه وأنا لو قولت لك بأنى عفريت محشش ومش بنى آدم حيحصل حاجه -انت مين ياض أنا بشبه عليك من ساعة ماشوفتك  ..انا شهبور يانصيبه لحقتى تنسينى .. يخيبك وعملى مسطول وماشى ولا همك  وشغال ضرب فى عفاريت الحته وايه اللى جابك يامنيل .. يخونك العيش ومية النار وحشتينى قولت آجى أطل عليكى.. يا أبن العفريته ..يا بنت الجنيه بتشتغل ايه دلوقتى .. عندى مركب بأنقل عليه المهاجرين لأيطاليا وراسى به أمام العزبة حشيل فيه نقلة صعايده الفجر ..وبتوصلهم أيطاليا على كده .. ههههه كل الناس اللى بتغرق دى تبعى يابنتى وأنتى بتعملى أيه فى الغرزه.. أنا بقى أللى بأسطلهم قبل مايسافروا هئ هئ هئ هئ اهو كده يحيا التعاون المشترك بين عفاريت البحر وشياطين الغرز