قولى أيه بس اللى مزعلك
-
اسكت ياصاحبى أنا هاين عليا أعيط وألطم على
وشى.وأشق هدومى.. ايه اللى حصل ؟؟
-
عارف البنت اسماء زلاموكا... مالها دى كمان
!!
-
انطسيت فى نظرى وأتشكيت فى لسانى لما قولت
لها انا معجب ولهان وعايز أتقدم لأبوكى
-
يعنى مالقتش الا زلاموكا ماعلينا ومفيش حد
احسن من حد أنت براهوتا وهى زلاموكا وبعدين
-
تانى يوم ردت عليا وقالت لى فيه عريس متقدم لها
ياريتنى آجى بكره انا وأهلى نقابل بابى ومامى وأعمامها الساعة سابعة ..الوقت كان
ضيق قوى قمت أجرت بدله بـ 150 جنيه وأشتريت مناديل وشربات وغيار داخلى وبرفان من الموسكى بـ 200 جنيه وجزمه جديده قول
بـ 200 جنيه كمان وجيبت علبة حلويات شرقية (قد كديهوه) بـ 200 جنيه وأخدت أبويا
وأمى وأخواتى فى 3 تاكسيات كلفونى 150 جنيه العملية دخلت لها فى الف جنيه وبعد ما
أقعدنا وأتعرفنا وشربنا الحاجة الصاقعة أبوها قالى أنتظر مننا رد فى خلال أسبوع وأهى
فرصة تسأل علينا ونسأل عليك ..أسبوع فات ووراه أسبوع ولا حس ولا خبر الفار لعب فى
عبى لحد واحد من الزملاء قال لى أن خطوبة زلاموكا
كانت أمبارح ماتنساش تبارك لها حسيت أن الفار طلع من عبى وبيتف عليا
-
سيبنا من حكاية الفار بتاع أهلك وخلى عندك
روح رياضيه وبارك لها وأحمد ربنا أنك ماوقعتش فيها
-
أنا مش هاممنى من شماتت الفار.. تتجوز ولا
تتقندل ..ولا صعبت عليا البدله أللى اتأجرت على الفاضى ولا الغيارات الداخلية ولا
المناديل ولا الشربات ولا الجزمه اللى أشتريتهم ألا شيئ واحد بس لما بأفتكره
بأتقطع من جوايه ....أيه هو بقى ؟؟
-
علبة الحلويات اللى (قد كديهوه) وشاريها بـ 200 جنيه ولهفوها منى وأتخيل البنت
وأمها وأبوها وأعمامها عمالين يلغوا فيها
ويضحكوا عليا.. بالسم الهارى يابوعده ياولاد الكلب حار ونار فى جتتكم فى كل حتة بسبوسه ولا كنافه
ولا بقلاوه .
ليست هناك تعليقات:
إرسال تعليق